1ܐܝܼܢܵܐ ܫܵܐܘܿܠ؛ ܗܵܠܵܐ ܡܸܠܝܵܐ ܓܸܙܡܹ̈ܐ ܘܟܲܪܒܵܐ ܕܩܸܛܠܵܐ ܥܲܠ ܬܲܠܡܝܼܕܹ̈ܐ ܕܡܵܪܲܢ. 2ܘܛܠܸܒܠܹܗ ܟܬܵܒܹ̈ܐ ܡ̣ܢ ܓܘܼܪܵܐ ܕܟܵܗܢܹ̈ܐ؛ ܕܝܲܗܒܸܠܹܗ ܩܵܐ ܟܢܘܼܫܝܵܬܹ̈ܐ ܓܵܘ ܕܲܪܡܣܘܿܩ؛ ܕܐܸܢ ܡܵܫَܟ̰ܸܚ ܐَܢܵܫܹ̈ܐ ܝܲܢ ܒܲܟ̣ܬܵܬܹ̈ܐ ܕܝܼܗَܘܵܘ ܕܐܵܗܵܐ ܐܘܼܪܚܵܐ؛ ܡܲܝܬܹܐ ܗَܘܵܐ ܠܗَܘܿܢ ܐَܣܝܼܪܹܐ ܠܐܘܿܪܸܫܠܸܡ. 3ܟܲܕ ܒܹܐܙܵܠܵܐ ܗَܘܵܐ؛ ܘܫܘܼܪܹܐܠܹܗ ܠܸܡܛܵܝܵܐ ܠܕܲܪܡܣܘܿܩ؛ ܡܸܢܫܸܠܬܵܢܹ̈ܐ ܙܪܝܼܩܠܹܗ ܥܲܠܘܼܗܝ ܒܲܗܪܵܐ ܡ̣ܢ ܫܡܲܝܵܐ. 4ܘܢܦܸܠܹܗ ܥܲܠ ܐܲܪܥܵܐ؛ ܘܫܡܸܥܠܹܗ ܩܵܠܵܐ ܒܹܐܡܵܪܵܐ ܐܸܠܹܗ؛ ܫܵܐܘܿܠ؛ ܫܵܐܘܿܠ؛ ܩܵܡܘܿܕܝܼ ܒܸܛܪܵܕܝܼ ܝܘܸܬ. 5ܥܲܣܩܵܐ ܝܼܠܵܗ̇ ܐܸܠܘܼܟܼ ܠܸܡܚܵܝܵܐ ܒܥܘܼܩܣܹ̈ܐ(ܟܸܬܘܹ̈ܐ)؛ ܓ̰ܘܼܘܸܒܠܹܗ ܗ̇ܘ ܘܐَܡܸܪܹܗ؛ ܡܵܢܝܼ ܝܘܸܬ ܡܵܪܝܼ؛ ܘܡܵܪܲܢ ܐَܡܸܪܹܗ؛ ܐܵܢܵܐ ܝܘܸܢ ܝܼܫܘܿܥ ܢܵܨܪܵܝܵܐ؛ ܗ̇ܘ ܕܐܲܢَܬ ܒܸܛܪܵܕܵܐ ܝܘܸܬ. 6ܐܸܠܵܐ ܩܘܼܡَ؛ ܥܒܼܘܿܪ ܠܡܕܝܼܢَܬܵܐ؛ ܘܬܵܡܵܐ؛ ܒܸܬ ܦܵܝܸܫ ܗܘܼܡܙܸܡܵܐ ܥܲܡܘܼܟ ܒܘܼܬܿ ܡܸܢܕܝܼ ܕܝܼܠܹܗ ܘܵܓ̰ܸܒ ܐܸܠܘܼܟܼ ܠܸܥܒ̣ܵܕܵܐ. 7ܘܓܲܒܼܪܹ̈ܐ ܕܒܹܐܙܵܠܵܐ ܗَܘܵܘ ܥܲܡܹܗ ܒܐܘܼܪܚܵܐ ܟܸܠܝܹܐ ܗَܘܵܘ ܡܥܘܼܓ̰ܒܹܐ؛ ܣܲܒܵܒ ܩܵܠܵܐ ܒܸܫܡܲܥܝܵܐ ܗَܘܵܘ؛ ܐܝܼܢܵܐ ܐَܢܵܫܵܐ ܠܵܐ ܒܸܚܙܵܝܵܐ ܐܸܠܵܝܗܝ. 8ܘܩܸܡܠܹܗ ܫܵܐܘܿܠ ܡ̣ܢ ܐܲܪܥܵܐ؛ ܘܠܹܐ ܚܵܙܹܐ ܗَܘܵܐ ܡܸܢܕܝܼ ܟܲܕ ܥܲܝܢܘܼ̈ܗܝ ܦܬܝܼܚܹܐ ܗَܘܵܐ؛ ܘܟܲܕ ܘܕܒ̣ܝܼܩܹܐ ܒܐܝܼܕܵܬܘܼ̈ܗܝ ܡܘܼܥܒܼܸܪܘܿܢ ܐܸܠܹܗ ܠܕܲܪܡܣܘܿܩ. 9ܠܹܐ ܚܵܙܹܐ ܗَܘܵܐ ܬܠܵܬܼܵܐ ܝܵܘܡܵܢܹ̈ܐ ؛ ܘܠܵܐ ܐَܟܼܸܠܹܗ ܘܠܵܐ ܫܬܹܐܠܹܗ. 10ܐܝܼܢܵܐ ܐܝܼܬ ܗَܘܵܐ ܓܵܘ ܕܲܪܡܣܘܿܩ ܚܲܕَ ܬܲܠܡܝܼܕܵܐ ܕܫܸܡܹܗ ܗَܘܵܐ ܚܲܢܲܢܝܵܐ؛ ܘܡܵܪܝܵܐ ܐَܡܸܪܹܗ ܐܸܠܹܗ ܒܚܸܙܘܵܐ؛ ܚܲܢܲܢܝܵܐ. ܘܐَܡܸܪܹܗ؛ ܒܹܢܵܐ؛ ܡܵܪܝܼ. 11ܘܡܵܪܲܢ ܐَܡܸܪܹܗ ܐܸܠܹܗ؛ ܩܘܼܡَ ܙܹܠَ ܠܥܵܠܘܿܠܵܐ ܕܦܝܵܫܵܐ ܝܠܹܗ ܩܸܪܝܵܐ ܬܪܘܼܨܵܐ؛ ܘܒܵܩܸܪ ܓܵܘ ܒܲܝܬܵܐ ܕܝܼܗܘܼܕܵܐ ܠܫܵܐܘܿܠ ܕܝܼܗَܘܵܐ ܡ̣ܢ ܛܲܪܣܘܿܣ ܡܕܝܼܢَܬܵܐ؛ ܣܵܒܵܒ ܗܵܐ ܨܵܠܘܿܝܹܐ ܝܠܹܗ ܨܠܘܿܬܵܐ. 12ܘܚܙܹܐ ܠܹܗ ܒܚܸܙܘܵܐ ܠܓܲܒܼܪܵܐ ܕܫܸܡܹܗ ܚܲܢܲܢܝܵܐ؛ ܕܥܒܸܪܹܗ ܡܘܼܬܸܒܼܠܹܗ ܥܲܠܘܼܗܝ ܐܝܼܕܵܐ ܕܚܵܙܹܐ. 13ܐَܡܸܪܹܗ ܚܲܢܲܢܝܵܐ؛ ܡܵܪܝܼ؛ ܫܡܸܥܠܝܼ ܡ̣ܢ ܪܵܒܵܐ ܒܘܼܬܿ ܕܐܵܗܵܐ ܓܲܒܼܪܵܐ؛ ܕܟܡܵܐ ܒܝܼܫܵܬܹ̈ܐ ܥܒܼܝܼܕܵܐ ܠܹܗ ܠܩܲܕܝܼܫܘܼ̈ܟ ܓܵܘ ܐܘܿܪܸܫܠܸܡ. 14ܘܗܵܐ ܐܘܼܦ ܠܲܐܟ̣ܵܐ ܐܝܼܬ ܠܹܗ ܫܘܼܠܛܵܢܵܐ ܡ̣ܢ ܓܘܼܪ̈ܵܢܹܐ ܕܟܵܗܢܹܐ ܕܐܵܣܸܪ ܠܟܠܵܝܗܝ ܐܵܢܝܼ ܕܩܵܪܝܼ ܠܫܸܡܘܼܟ. 15ܐَܡܸܪܹܗ ܐܸܠܹܗ ܡܵܪܝܵܐ؛ ܩܘܼܡَ ܙܹܠَ؛ ܣܵܒܵܒ ܡܵܐܢܵܐ ܓܘܼܒ̇ܝܵܐ ܝܠܹܗ ܐܸܠܝܼ؛ ܕܠܵܒܸܠ ܫܸܡܝܼ ܩܵܕَܡ ܛܵܝܸܦܹ̈ܐ ܘܡܲܠܟܹ̈ܐ ܘܒܢܲܝ̈ ܝܼܣܪܵܝܹܠ. 16ܣܵܒܵܒ ܐܵܢܵܐ ܒܸܬ ܡܲܚܙܸܢܹܗ ܟܡܵܐ ܗܕܝܼܪܵܐ ܝܼܠܹܗ ܠܩܵܒ̇ܘܿܠܹܐ ܚܲܫܵܐ ܣܲܒܵܒ ܕܫܸܡܝܼ. 17ܘܗܲܝܓܵܐ ܚܲܢܲܢܝܵܐ ܦܠܸܛܠܹܗ ܘܥܒܼܸܪܹܗ ܠܒܲܝܬܵܐ ܠܟܸܣܠܹܗ؛ ܘܡܘܼܬܸܒ̣ܠܹܗ ܥܲܠܘܼܗܝ ܐܝܼܕܵܐ ܘܐَܡܸܪܹܗ ܐܸܠܹܗ؛ ܫܵܐܘܿܠ؛ ܐܲܚܘܿܢܝܼ؛ ܡܵܪܲܢ ܝܼܫܘܿܥ ܫܘܼܕܸܪܹܗ ܐܸܠܝܼ ܗ̇ܘ ܦܸܫܠܹܗ ܚܸܙܝܵܐ ܐܸܠܘܼܟܼ ܒܐܘܼܪܚܵܐ ܟܲܕ ܒܹܐܬܵܝܵܐ ܝܘܸܬ ܗَܘܵܐ؛ ܕܦܲܬܚܝܼ ܥܲܝ̈ܢܘܼܟܼ ܘܦܵܝܫܸܬ ܡܸܠܝܵܐ ܪܘܼܚܵܐ ܕܩܘܼܕܫܵܐ. 18ܗܲܪ ܒܗ̇ܝ ܥܕܵܢܵܐ ܢܦܸܠܹܗ ܡ̣ܢ ܥܲܝܢܘܼ̈ܗܝ ܡܸܢܕܝܼ ܕܕܵܡܹܐ ܠܩܲܠܦܹ̈ܐ؛ ܘܦܝܼܫܠܗَܘܿܢ ܦܬܝܼܚܹ̈ܐ ܥܲܝܢ̈ܘܼܗܝ؛ ܘܩܸܡܠܹܗ ܥܡܸܕܠܹܗ. 19ܘܩܘܼܒܸܠܹܗ ܡܹܐܟ̣ܘܼܠܬܵܐ ܘܦܸܫܠܹܗ ܚܘܼܠܸܢܵܐ. ܘܦܸܫܠܹܗ ܚܲܕَܟܡܵܐ ܝܵܘܡܵܢܹ̈ܐ ܠܟܸܣ ܬܲܠܡܝܼܕܹ̈ܐ؛ ܐܵܢܝܼ ܕܝܼܗَܘܵܘ ܓܵܘ ܕܲܪܡܣܘܿܩ. 20ܘܒܗ̇ܝ ܣܵܥܲܬ ܡܲܟܪܸܙ ܗَܘܵܐ ܓܵܘ ܟܢܘܼܫܝܵܬܹ̈ܐ ܒܘܼܬܿ ܝܼܫܘܿܥ؛ ܕܗ̇ܘ ܝܼܠܹܗ ܒܪܘܼܢܵܐ ܕܐܲܠܵܗܵܐ. 21ܘܥܵܓ̰ܒܝܼ ܗَܘܵܘ ܟܠܵܝܗܝ ܐܵܢܝܼ ܕܫܲܡܥܝܼ ܗَܘܵܘ ܠܹܗ؛ ܘܐܵܡܪܝܼ؛ ܠܹܐ ܝܠܹܗ ܐܵܗܵܐ ܗ̇ܘ ܕܟܹܐ ܛܵܪܸܕ ܗَܘܵܐ ܠܐܵܢܝܼ ܕܩܵܪܝܼ ܠܐܵܗܵܐ ܫܸܡܵܐ ܓܵܘ ܐܘܿܪܸܫܠܸܡ؛ ܘܗܵܐ ܐܘܼܦ ܠܲܐܟ̣ܵܐ ܗܲܪ ܣܵܒܵܒ ܕܐܵܗܵܐ ܐَܬܹܐܠܹܗ؛ ܕܐܵܣܸܪ ܠܵܒܸܠ ܠܗَܘܿܢ ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ. 22ܐܝܼܢܵܐ ܫܵܐܘܿܠ ܒܘܼܫ ܙܵܘܕܵܐ ܦܵܝܸܫ ܗَܘܵܐ ܚܘܼܠܸܢܵܐ؛ ܘܡܲܫܥܸܫ ܗَܘܵܐ ܠܝܗَܘܼܕܵܝܹ̈ܐ ܕܥܡܝܼܪܹܐ ܗَܘܵܘ ܓܵܘ ܕܲܪܡܣܘܿܩ؛ ܟܲܕ ܡܲܕܥܘܼܝܹܐ ܗَܘܵܐ ܕܐܵܗܵܐ ܝܠܹܗ ܡܫܝܼܚܵܐ. 23ܘܟܲܕ ܙܝܼܕܠܗَܘܿܢ ܝܵܘܡܵܢܹ̈ܐ ܕܦܝܲܫܬܹܗ ܬܵܡܵܐ؛ ܥܒܼܸܕܠܗَܘܿܢ ܒܘܼܨܵܐ ܥܲܠܘܼܗܝ ܝܗَܘܼܕܵܝܹ̈ܐ ܕܩܵܛܠܝܼ ܠܹܗ. 24ܐܝܼܢܵܐ ܦܸܫܠܹܗ ܝܕܸܥܝܵܐ ܠܫܵܐܘܿܠ ܒܘܼܨܵܝ ܘܢܵܛܪܝܼ ܗَܘܵܘ ܬܲܪ̈ܥܵܢܹܐ ܐܝܼܡܵܡܵܐ ܘܠܲܝܠܹܐ؛ ܕܩܵܛܠܝܼ ܠܹܗ. 25ܗ̇ܝܓܵܗ ܘܡܘܼܬܸܒ̣ܠܗَܘܿܢ ܐܸܠܹܗ ܬܲܠܡܝܼܕܹ̈ܐ ܓܵܘ ܩܸܪܛܵܠܵܐ؛ ܘܟ̰ܘܼܢܒܸܠܗَܘܿܢ ܐܸܠܹܗ ܡ̣ܢ ܓܘܼܕܵܐ ܒܠܲܝܠܹܐ. 26ܘܟܲܕ ܐَܬܹܐܠܹܗ ܠܐܘܿܪܸܫܠܸܡ؛ ܓ̰ܘܼܪܸܒܠܹܗ ܠܸܬܒܲܥܝܵܐ ܠܬܲܠܡܝܼܕܹ̈ܐ؛ ܘܟܠܵܝܗܝ ܙܵܕܥܝܼ ܗَܘܵܘ ܡܸܢܹܗ؛ ܘܠܹܐ ܗَܘܵܘ ܗܲܡܘܼܢܹܐ ܕܬܲܠܡܝܼܕܵܐ ܗَܘܵܐ. 27ܐܝܼܢܵܐ ܒܲܪܢܒ̣ܵܐ ܕܒܸܩܠܹܗ ܘܡܘܼܝܬܹܐܠܹܗ ܠܟܸܣ ܫܠܝܼܚܹ̈ܐ؛ ܘܗܘܼܩܹܐܠܹܗ ܐܸܠܵܝܗܝ ܕܵܐܟ̣ܝܼ ܒܐܘܼܪܚܵܐ ܚܙܹܐ ܠܹܗ ܠܡܵܪܝܵܐ؛ ܘܕܵܐܟ̣ܝܼ ܗܘܼܡܙܸܡܠܹܗ ܥܲܡܹܗ؛ ܘܕܵܐܟ̣ܝܼ ܓܵܘ ܕܲܪܡܣܘܿܩ ܒܓܸܠܝܵܐ ܗܘܼܡܙܸܡܠܹܗ ܒܫܸܡܹܗ ܕܝܼܫܘܿܥ. 28ܘܥܲܡܵܝܗܝ ܗَܘܵܐ ܒܸܥܒܼܵܪܵܐ ܘܒܸܦܠܵܛܵܐ ܓܵܘ ܐܘܿܪܸܫܠܸܡ؛ ܗܲܡܙܘܼܡܹܐ ܒܫܸܡܹܗ ܕܡܵܪܲܢ ܝܼܫܘܿܥ ܒܓܸܠܝܵܐ. 29ܘܕܵܪܸܫ ܗَܘܵܐ ܥܲܡ ܝܗܘܼܕܵܝܹ̈ܐ ܐܵܢܝܼ ܕܝܲܕܥܝܼ ܗَܘܵܘ ܠܸܫܵܢܵܐ ܝܘܿܢܵܝܹ̈ܐ؛ ܐܝܼܢܵܐ ܐܵܢܝܼ ܒܲܥܝܼ ܗَܘܵܘ ܠܸܩܛܵܠܹܗ. 30ܘܟܲܕ ܝܕܸܥܠܗَܘܿܢ ܐܲܚܘܿܢܘܵܬܹ̈ܐ؛ ܡܘܼܝܬܹܐܠܗَܘܿܢ ܐܸܠܹܗ ܠܩܹܣܲܪܝܵܐ؛ ܘܡ̣ܢ ܬܵܡܵܐ ܫܘܼܕܸܪܗَܘܿܢ ܐܸܠܹܗ ܠܛܵܪܣܘܿܣ. 31ܐܝܼܢܵܐ ܥܹܕܬܵܐ ܕܒܟܠܵܗ̇ ܝܼܗܘܼܕ ܘܒܓܠܝܼܠܵܐ ܘܒܫܵܡܪܹܝܢ ܐܝܼܬ ܗَܘܵܐ ܓܵܘܵܗ̇ ܫܠܵܡܵܐ؛ ܟܲܕ ܦܵܝܫܵܐ ܗَܘܵܐ ܒܢܝܼܬܵܐ؛ ܚܲܕܪܵܐ ܗَܘܵܐ ܒܙܕܘܼܥܬܵܐ ܐܲܠܵܗܵܐ؛ ܘܒܝܵܗَܒܲܠܬܵܐ ܕܠܸܒܵܐ ܕܪܘܼܚܵܐ ܕܩܘܼܕܫܵܐ ܙܵܝܕܵܐ ܗَܘܵܐ. 32ܘܗَܘܹܐܠܵܗ̇؛ ܟܲܕ ܒܸܚܕܵܪܵܐ ܗَܘܵܐ ܫܸܡܥܘܿܢ ܒܡܕܝܼ̈ܢܵܬܼܵܐ؛ ܨܠܹܐܠܹܗ ܐܘܼܦ ܠܟܸܣ ܩܲܕܝܼܫܹ̈ܐ ܕܒܸܥܡܵܪܵܐ ܗَܘܵܘ ܓܵܘ ܠܘܿܕ ܡܕܝܼܢَܬܵܐ. 33ܘܡܘܼܫَܟ̰ܸܚܠܹܗ ܬܵܡܵܐ ܓܲܒܼܪܵܐ ܕܫܸܡܹܗ ܐܵܢܝܼܵܣ؛ ܕܢܦܝܼܠܵܐ ܗَܘܵܐ ܒܫܘܝܼܬܵܐ ܬܡܵܢܝܵܐ ܫܸܢܹ̈ܐ ܘܫܦܝܼܠܵܐ ܗَܘܵܐ. 34ܘܐَܡܸܪܹܗ ܐܸܠܹܗ ܫܸܡܥܘܿܢ؛ ܐܲܢܝܼܵܐ؛ ܒܵܣܘܿܡܘܼܟ ܝܼܠܹܗ ܝܼܫܘܿܥ ܡܫܝܼܚܵܐ؛ ܩܘܼܡَ ܘܫܵܘܝܼ ܫܘܝܼܬܘܼܟ. ܒܗ̇ܝ ܥܕܵܢܵܐ ܩܸܡܠܹܗ. 35ܘܚܙܹܐܠܗَܘܿܢ ܐܸܠܹܗ ܟܠܵܝܗܝ ܕܒܸܥܡܵܪܵܐ ܗَܘܵܘ ܓܵܘ ܠܘܿܕ ܘܓܵܘ ܣܵܪܘܿܢܵܐ؛ ܘܕܸܪܗَܘܿܢ ܠܟܸܣ ܐܲܠܵܗܵܐ. 36ܐܝܼܢܵܐ ܐܝܼܬ ܗَܘܵܐ ܚܕܵܐ ܬܲܠܡܝܼܕܬܵܐ ܓܵܘ ܝܘܿܦܹܐ ܕܫܸܡܘܼܗ̇ ܛܒ̣ܝܼܬܵܐ؛ ܗ̇ܝ ܥܲܬܝܼܪܬܵܐ ܗَܘܵܐ ܡ̣ܢ ܦܘܼܠܚܵܢܹ̈ܐ ܛܵܒܹ̈ܐ ܘܐܸܪ̈ܘܵܢܹܐ ܕܥܵܒ̣ܕܵܐ ܗَܘܵܐ. 37ܐܝܼܢܵܐ ܡܪܝܼܥܠܵܗ̇ ܒܐܵܢܝܼ ܝܵܘܡܵܢܹ̈ܐ ܘܡܝܼܬܠܵܗ̇؛ ܘܡܘܼܣܚܝܼܵܐܠܗَܘܿܢ ܘܡܘܼܬܒ̣ܵܐܠܗَܘܿܢ ܓܵܘ ܥܸܠܝܼܬܼܵܐ. 38ܘܫܡܸܥ ܗَܘܵܘ ܠܗَܘܿܢ ܬܲܠܡܝܼܕܹ̈ܐ ܕܫܸܡܥܘܿܢ ܓܵܘ ܠܘܿܕ ܝܼܗَܘܵܐ؛ ܗ̇ܝ ܡܕܝܼܢَܬܵܐ ܕܝܼܠܵܗ̇ ܕܸܦܢܵܐ ܕܝܘܿܦܹܐ؛ ܘܫܘܼܕܸܪܗَܘܿܢ ܠܟܸܣܠܹܗ ܬܪܹܝ ܓܲܒܼܪܹ̈ܐ ܒܸܛܠܵܒܵܐ ܡܸܢܹܗ؛ ܠܵܐ ܥܲܪܩܸܠ ܠܹܐܬܵܝܵܐ ܠܟܸܣܠܵܝܗܝ. 39ܘܩܸܡܠܹܗ ܫܸܡܥܘܿܢ ܘܐَܙܹܠܹܗ ܥܲܡܵܝܗܝ. ܘܟܲܕ ܐَܬܹܐܠܹܗ؛ ܡܘܼܣܸܩܠܗَܘܿܢ ܐܸܠܹܗ ܠܥܸܠܝܼܬܼܵܐ؛ ܘܟܠܹܐܠܗَܘܿܢ ܚܵܕܸܪ̈ܘܵܢܘܼܗܝ ܟܠܵܝܗܝ ܐܲܪ̈ܡܸܠܝܵܬܹܐ ܟܲܕ ܒܸܒܟܼܵܝܵܐ ܘܡܲܚܙܘܼܝܹܐ ܨܘܼܕܪ̈ܵܬܹܐ ܘܓ̰ܘܼ̈ܠܹܐ؛ ܐܵܢܝܼ ܕܝܘܼܗَܒܸܠܬܵܐ ܗَܘܵܐ ܐܸܠܵܝܗܝ ܛܒܼܝܼܬܵܐ ܟܲܕ ܚܵܝܬܵܐ. 40ܐܝܼܢܵܐ ܫܸܡܥܘܿܢ ܦܘܼܠܸܛܠܹܗ ܠܟܠܵܝܗܝ ܐَܢܵܫܹ̈ܐ ܠܒܲܕܲܪ؛ ܘܒܪܸܟܠܹܗ ܥܲܠ ܒܘܼܪ̈ܟܵܟܘܼܗܝ ܘܨܘܼܠܹܐܠܹܗ؛ ܘܕܸܪܹܗ ܠܟܸܣ ܫܠܲܕܵܐ؛ ܘܐَܡܸܪܹܗ؛ ܛܒ̣ܝܼܬܵܐ ܩܘܼܡَܝ. ܐܝܼܢܵܐ ܗ̇ܝ ܦܬܸܚܠܵܗ̇ ܥܲܝܢܘܼ̈ܗܝ؛ ܘܟܲܕ ܚܙܹܐܠܵܗ̇ ܠܫܸܡܥܘܿܢ؛ ܝܬܸܒ̣ܠܵܗ̇. 41ܘܦܘܼܫܛܵܐܠܹܗ ܐܸܠܵܗ̇ ܐܝܼܕܹܗ ܘܡܘܼܩܸܡܵܐܠܹܗ؛ ܘܩܪܹܐܠܹܗ ܠܩܲܕܝܼܫܹ̈ܐ ܘܠܲܐܪ̈ܡܸܠܝܵܬܹܐ؛ ܘܝܘܼܗَܒ̣ܵܐܠܹܗ ܐܸܠܵܝܗܝ ܚܵܝܬܵܐ. 42ܘܦܸܫܠܵܗ̇ ܝܕܥܝܼܬܵܐ ܐܵܗܵܐ ܓܵܘ ܟܠܵܗ̇ ܡܕܝܼܢَܬܵܐ؛ ܘܪܵܒܵܐ ܗܘܼܡܸܢܗَܘܿܢ ܒܡܵܪܲܢ. 43ܐܝܼܢܵܐ ܗَܘܹܐܠܹܗ ܓܵܘ ܝܘܿܦܹܐ ܪܵܒܵܐ ܝܵܘܡܵܢܹ̈ܐ ܠܟܸܣ ܫܸܡܥܘܿܢ ܕܵܒܵܓ̣.