1ܘܡܸܢَܕܪܸܫَ ܡ̣ܢ ܒܵܬَܪ ܐܲܪܒܲܥܣܲܪ ܫܸܢܹ̈ܐ ܐَܣܸܩܠܝܼ ܠܐܘܿܪܸܫܠܸܡ ܥܲܡ ܒܲܪܢܒܼܵܐ؛ ܘܠܘܼܒܸܠܝܼ ܥܲܡܝܼ ܠܛܸܛܘܿܣ. 2ܘܐَܣܸܩܠܝܼ ܒܓܸܠܝܵܢܵܐ؛ ܘܡܘܼܕܥܹܐ ܠܝܼ ܐܸܠܵܝܗܝ ܐܹܘܲܢܓܵܠܝܘܿܢ ܕܡܲܟܪܘܼܙܹܐ ܝܘܸܢ ܓܵܘܵܐ ܕܛܵܝܦܹ̈ܐ؛ ܐܝܼܢܵܐ ܠܐܵܢܝܼ ܒܢܲܦ̮ܫܵܝܗܝ ܕܦܝܵܫܵܐ ܗَܘܵܘ ܚܫܝܼܒܼܹܐ ܕܡܸܢܕܝܼ ܝܢܵܐ؛ ܠܵܐ ܗَܘܹܐ ܕܗܵܒܵܣ ܪܚܸܛܠܝܼ؛ ܝܲܢ ܗَܘܵܐ ܒܸܪܚܵܛܵܐ ܝَܘܸܢ ܗَܘܵܐ. 3ܐܸܠܵܐ ܐܘܼܦ ܛܸܛܘܿܣ ܕܥܲܡܝܼ؛ ܕܝܵܘܢܵܝܵܐ ܗَܘܵܐ ܠܵܐ ܦܸܫܠܹܗ ܡܘܼܠܝܸܨܵܐ ܕܗܵܘܹܐ ܗَܘܵܐ ܓܙܝܼܪܵܐ. 4ܐܝܼܢܵܐ ܣܵܒܵܒ ܕܐܵܚܘܿܢܘܵܬܹ̈ܐ ܕܓܵܠܹ̈ܐ ܕܝܼܗَܘܵܘ ܡܘܼܥܒܼܸܪܹܗ؛ ܐܵܢܝܼ ܕܥܒܼܸܪܘܿܢ ܒܛܸܫܘܵܐ ܠܓ̰ܲܣܘܼܣܹܐ ܐܵܙܵܕܘܼܬܲܢ ܕܐܝܼܬܼ ܠܲܢ ܒܝܼܫܘܿܥ ܡܫܝܼܚܵܐ؛ ܕܙܲܒܛܸܢܝܼ ܗَܘܵܘ ܠܲܢ؛ 5ܠܐܵܢܝܼ ܠܵܐ ܚܕܼܵܐ ܣܵܥܲܬ ܡܘܼܨܝܸܬܠܲܢ ܠܙܲܒܛܘܼܬܼܵܐ؛ ܕܣܲܪܲܣܬܘܼܬܵܐ ܕܐܹܘܵܢܓܵܠܝܼܘܿܢ ܥܲܪܩܸܠܵܐ ܗَܘܵܐ ܠܟܸܣܠܵܘܟܼܘܿܢ. 6ܐܝܼܢܵܐ ܐܵܢܝܼ ܕܦܝܵܫܵܐ ܝܢܵܐ ܚܫܝܼܒܼܹܐ ܕܡܸܢܕܝܼ ܝܢܵܐ؛ ܐܵܢܵܐ ܠܲܝܬ ܠܝܼ ܚܲܡ ܡܘܼܕܝܼ ܝܢܵܐ؛ ܣܵܒܵܒ ܐܲܠܵܗܵܐ ܦܵܬܵܐ ܡ̣ܢ ܐَܢܵܫܵܐ ܠܹܐ ܚܵܙܹܐ؛ ܣܵܒܵܒ ܐܵܢܝܼ؛ ܕܟܹܐ ܦܵܝܫܝܼ ܚܫܝܼܒܼܹܐ ܡܸܢܕܝܼ؛ ܠܵܐ ܡܘܼܙܝܸܕܠܘܿܢ ܐܸܠܝܼ ܡܸܢܕܝܼ؛ 7ܐܸܠܵܐ ܡܒܵܕܵܠ ܕܗܵܕܵܐ؛ ܣܵܒܵܒ ܕܚܙܹܐܠܗَܘܿܢ ܕܦܸܫܠܵܗ̇ ܣܘܼܦܝܼܬܼܵܐ ܐܸܠܝܼ ܡܲܫܚܲܕܬܵܐ ܕܥܘܼܪܠܘܼܬܵܐ؛ ܐܲܝܟܼ ܕܠܟܹܐܦܵܐ ܕܓܙܘܼܪܬܵܐ؛ 8ܣܵܒܵܒ ܗ̇ܘ ܕܚܘܼܒܸܛܠܹܗ ܒܟܹܐܦܵܐ ܠܫܠܝܼܚܘܘܼܬܵ ܕܓܙܘܪܬܵܐ؛ ܚܘܼܒܸܛܠܹܗ ܐܘܼܦ ܒܝܼܝܼ ܠܛܵܝܸܦܹ̈ܐ؛ 9ܘܟܲܕܼ ܝܕܹܥܠܘܿܢ ܫܵܦܵܩܲܬ ܕܦܸܫܠܵܗ̇ ܝܘܼܗَܒܼܸܠܬܵܐ ܐܸܠܝܼ؛ ܝܲܥܩܘܿܒܼ ܘܟܹܐܦܵܐ ܘܝܘܿܚܲܢܵܢ؛ ܐܵܢܝܼ ܕܦܝܵܫܵܐ ܗَܘܵܘ ܚܫܝܼܒܼܹܐ ܕܣܛܘܼܢܹ̈ܐ ܗَܘܵܘ؛ ܝܲܡܝܼܢܵܐ ܕܫܵܪܝܼܟܼܘܼܬܵܐ ܝܘܼܗَܒܼܸܠܘܿܢ ܐܸܠܝܼ ܘܠܒܲܪܢܒܼܵܐ؛ ܕܐܲܚܢܲܢ ܓܵܘ ܛܲܝܸܦܹ̈ܐ ܘܐܵܢܝܼ ܓܵܘ ܓܙܘܼܪܬܵܐ؛ 10ܐܲܚܟ̰ܝܼ (ܒܹܥܠܘܿܢ) ܕܠܡܸܣܟܹܢܹ̈ܐ ܗܵܘܲܚ ܗَܘܵܘ ܒܕܟܼܵܪܵܐ؛ ܗܲܪ ܗ̇ܝ ܕܐܘܼܦ ܐܵܢܵܐ ܒܚܲܡ ܝܼܘܸܢ ܗَܘܵܐ ܠܸܥܒܼܵܕܘܼܗ̇. 11ܐܝܼܢܵܐ ܟܲܕܼ ܐَܬܹܐܠܹܗ ܟܹܐܦܵܐ ܠܐܲܢܛܝܘܿܟܼܝ؛ ܒܦܵܬܹܗ ܩܸܡܠܝܼ ܠܕܲܪܩܘܼܒܼܠܹܗ؛ ܣܵܒܵܒ ܕܗَܘܝܼܵܐ ܗَܘܵܐ ܓܘܼܢܵܗܟܵܪ؛ 12ܣܵܒܵܒ ܕܗܸܫ ܠܵܐ ܐَܬܵܝܵܐ ܐَܢܵܫܹ̈ܐ ܡ̣ܢ ܠܟܸܣ ܝܲܥܩܘܿܒܼ؛ ܥܲܡ ܛܵܝܦܹ̈ܐ ܟܹܐ ܐܵܟܼܸܠ ܗَܘܵܐ؛ ܟܹܐ ܐܵܟܼܸܠ ܗَܘܵܐ؛ ܐܝܼܢܵܐ ܟܲܕܼ ܐَܬܹܐܠܘܿܢ؛ ܓܪܝܼܫܵܠܹܗ ܓܵܢܹܗ ܘܦܪܸܫܠܹܗ؛ ܣܵܒܵܒ ܕܟܹܐ ܙܵܕܸܥ ܗَܘܵܐ ܡܐܵܢܝܼ ܕܡ̣ܢ ܓܙܘܼܪܬܵܐ. 13ܘܫܘܼܪܸܟܠܘܿܢ ܥܲܡܹܗ ܒܐܵܗܵܐ ܐܘܼܦ ܝܗَܘܼܕܵܝܹ̈ܐ ܐَܚܪَ̈ܢܹܐ؛ ܕܵܐܟܼܝܼ ܕܐܘܼܦ ܒܲܪܢܒܼܵܐ ܦܸܫܠܹܗ ܠܘܼܒܠܵܐ ܠܡܲܣܲܒܼ ܒܲܐܦܘܼܬܵܐ ܕܐܵܢܝܼ. 14ܐܸܠܵܐ ܟܲܕܼ ܚܙܹܐܠܝܼ ܕܠܹܐ ܗَܘܵܘ ܒܹܐܙܵܠܵܐ ܬܪܘܼܨܵܐ ܒܣܲܪܲܣܬܘܼܬܵܐ ܕܐܹܘܵܢܓܵܠܝܼܘܿܢ؛ ܐَܡܸܪܝܼ ܠܟܹܐܦܵܐ ܩܵܕَܡ ܟܠܵܝܗܝ؛ ܐܸܢ ܐܲܢَܬ؛ ܕܝܗَܘܼܕܵܝܵܐ ܝܘܸܬ؛ ܐܲܝܟܼ ܐܲܪ̈ܡܵܝܹܐ ܒܸܚܵܝܵܐ ܝܘܸܬ؛ ܘܠܵܐ ܐܲܝܟܼ ܝܼܗَܘܼܕܵܝܹ̈ܐ؛ ܩܵܡܘܿܕܝܼ ܡܲܠܝܘܼܨܹܐ ܝܘܸܬ ܠܛܵܝܸܦܹ̈ܐ ܕܚܲܝܝܼ ܐܲܝܟܼ ܝܗَܘܼܕܵܝܹ̈ܐ؛ 15ܐܲܚܢܲܢ ܕܡ̣ܢ ܐܲܨܠܲܢ ܝܗَܘܼܕܵܝܹ̈ܐ ܝܘܵܚ؛ ܘܠܹܐ ܝܘܵܚ ܡ̣ܢ ܛܵܝܸܦܹ̈ܐ ܚܲܛܵܝܹ̈ܐ؛ 16ܐܝܼܢܵܐ ܟܲܕܼ ܒܝܼܕܲܥܝܵܐ ܕܠܹܐ ܦܵܝܸܫ ܡܘܼܟܫܸܛܵܐ ܒܲܪܢܵܫܵܐ ܡ̣ܢ ܦܘܼܠܚܵܢܹ̈ܐ ܕܢܵܡܘܿܣܵܐ؛ ܐܸܠܵܐ ܒܗܲܝܡܵܢܘܼܬܼܵܐ ܕܝܼܫܘܿܥ ܡܫܝܼܚܵܐ؛ ܐܘܼܦ ܐܲܚܢܲܢ ܗܲܪ ܒܝܼܫܘܿܥ ܡܫܝܼܚܵܐ ܗܘܼܡܸܢܲܢ؛ ܕܡ̣ܢ ܗܲܝܡܵܢܘܼܬܹܗ ܕܡܫܝܼܚܵܐ ܦܵܝܫܵܚ ܡܘܼܟܫܸܛܹܐ؛ ܘܠܵܐ ܡ̣ܢ ܦܘܼܠܚܵܢܹ̈ܐ ܕܢܵܡܘܿܣܵܐ. ܣܵܒܵܒ ܕܡ̣ܢ ܦܘܼܠܚܵܢܹ̈ܐ ܕܢܵܡܘܿܣܵܐ ܠܹܐ ܦܵܝܸܫ ܡܘܼܟܫܸܛܵܐ ܟܠ ܒܸܣܪܵܐ. 17ܐܝܼܢܵܐ ܐܸܢ ܟܲܕ ܒܸܒܲܥܝܵܐ ܝܘܵܚ ܕܦܵܝܫܵܚ ܡܘܼܟܫܸܛܹܐ ܒܡܫܝܼܚܵܐ؛ ܦܵܝܫܵܚ ܡܫَܟ̰ܝܼܚܹܐ ܐܘܼܦ ܐܲܚܢܲܢ ܚܲܛܵܝܹ̈ܐ؛ ܒܲܣ ܡܫܝܼܚܵܐ ܚܸܠܡܲܬܟܵܪ ܕܚܛܝܼܬܼܵܐ ܝܠܹܗ؛ ܚܵܣ ܠܝܼ. 18ܣܵܒܵܒ ܐܸܢ ܠܐܵܢܝܼ ܕܣܬܸܪܝܼ؛ ܡܸܢَܕܪܸܫَ ܒܵܢܸܢܘܿܢ؛ ܒܸܥܒܼܵܕܼܵܐ ܝܘܸܢ ܠܓܵܢܝܼ ܕܥܲܒܼܪܵܢܵܐ ܥܲܠ ܦܘܼܩܕܵܢܵܐ ܝܘܸܢ؛ 19ܣܵܒܵܒ ܐܵܢܵܐ ܒܝܲܕ ܢܵܡܘܿܣܵܐ ܠܢܵܡܘܿܣܵܐ ܡܸܬܠܝܼ؛ ܕܠܐܲܠܵܗܵܐ ܚܲܝܸܢ ܗَܘܵܐ. 20ܘܥܲܡ ܡܫܝܼܚܵܐ ܦܝܼܫܵܐ ܝܘܸܢ ܙܩܝܼܦܵܐ؛ ܐܝܼܢܵܐ ܒܸܚܵܝܵܐ ܝܘܸܢ؛ ܐَܚܹܪَܢܵܐ ܠܵܐ ܐܵܢܵܐ؛ ܐܸܠܵܐ ܡܫܝܼܚܵܐ ܒܸܚܵܝܵܐ ܝܠܹܗ ܒܝܼܝܼ. ܘܐܵܗܵܐ ܕܐܵܕܝܵܐ ܒܸܚܵܝܵܐ ܝܘܸܢ ܒܒܸܣܪܵܐ؛ ܒܗܲܝܡܵܢܘܼܬܼܵܐ ܕܒܪܘܼܢܹܗ ܕܐܲܠܵܗܵܐ ܒܸܚܵܝܵܐ ܝܘܸܢ؛ ܗ̇ܘ ܕܡܘܿܚܸܒܸܢܹܗ؛ ܘܝܘܼܗَܒܼܵܠܹܗ ܓܵܢܹܗ ܡܒܵܕܵܠܝܼ. 21ܠܹܐ ܝܘܸܢ ܡܲܣܠܘܼܝܹܐ ܫܵܦܲܩܲܬܹܗ ܕܐܲܠܵܗܵܐ؛ ܣܵܒܵܒ ܐܸܢ ܒܝܲܕܼ ܢܵܡܘܿܣܵܐ ܝَܠܵܗ̇ ܙܲܕܝܼܩܘܼܬܼܵܐ؛ ܒܲܣ ܡܫܝܼܚܵܐ ܚܘܼܪܵܝܝܼ ܡܝܼܬܠܹܗ.