1ܝܵܐ ܟܝܼܡ ܚܝܼܵܠ ܓܵܠܵܛܵܝܹ̈ܐ؛ ܡܵܢܝܼ ܫܘܼܕܸܢܵܘܟܼܘܿܢ ܝܼܠܹܗ؛ . ܕܩܵܕَܡ ܥܲܝܢܵܘ̈ܟܼܘܿܢ ܥܒܼܝܼܕܵܐ ܗَܘܵܐ ܨܘܼܪܬܵܐ ܝܼܫܘܿܥ ܡܫܝܼܚܵܐ ܟܲܕܼ ܙܩܝܼܦܵܐ؛ 2ܐܵܗܵܐ ܗܲܪ ܒܸܒܲܥܝܵܐ ܝܘܸܢ ܕܝܵܠܦܸܢ ܡܸܢܵܘܟܼܘܿܢ؛ ܡ̣ܢ ܦܘܼܠܚܵܢܹ̈ܐ ܕܢܵܡܘܿܣܵܐ ܩܘܼܒܸܠܵܘܟܼܘܿܢ ܪܘܼܚܵܐ؛ ܝܲܢ ܡ̣ܢ ܫܡܲܥܝܵܐ ܕܗܲܝܡܵܢܘܼܬܼܵܐ؛ 3ܗܲܕܟܼܵܐ ܟܝܼܡ ܚܝܼܵܠ ܝܼܬܘܿܢ؛ ܟܲܕܼ ܫܘܼܪܹܐܠܵܘܟܼܘܿܢ ܒܪܘܼܚܵܐ؛ ܐܵܕܝܵܐ ܒܒܸܣܪܵܐ ܬܲܡܘܼܡܹܐ ܝܬܘܿܢ؛ 4ܐܲܢܹܐ ܟܠܵܝܗܝ ܒܒܵܛܝܼܠܘܼܬܼܵܐ ܩܘܼܒܸܠܵܘܟܼܘܿܢ؛ ܐܸܢ ܡܸܓ̰ܸܕܼ ܒܒܵܛܘܼܠܘܼܬܼܵܐ. 5ܒܲܣ ܗ̇ܘ ܕܒܝܼܵܗܒܼܵܐ ܝܠܹܗ ܒܝܼܵܘܟܼܘܼܢ ܪܘܼܚܵܐ؛ ܘܒܸܦܠܵܚܵܐ ܝܼܠܹܗ ܒܝܼܵܘܟܼܘܿܢ ܚܲܝܠܹ̈ܐ؛ ܡ̣ܢ ܦܘܼܠܚܵܢܹ̈ܐ ܕܢܵܡܘܿܣܵܐ؛ ܝܲܢ ܡ̣ܢ ܫܡܲܥܝܵܐ ܕܗܲܝܡܵܢܘܼܬܼܵܐ؛ 6ܕܵܐܟܼܝܼ ܕܗܘܼܡܸܢܸܐ ܐܲܒܼܪܵܗܵܡ ܒܐܲܠܵܗܵܐ؛ ܘܦܸܫܠܵܗ̇ ܚܘܼܫܒܸܢܬܵܐ ܐܸܠܹܗ ܠܙܲܕܝܼܩܘܼܬܼܵܐ. 7ܒܲܣ ܝܕܹܥܡܘܿܢ ܕܐܵܢܝܼ ܕܡ̣ܢ ܗܲܝܡܵܢܘܼܬܵܐ ܝܢܵܐ؛ ܐܵܢܝܼ ܒܢܘܼܢܹ̈ܐ ܕܐܲܒܼܪܵܗܵܡ. 8ܘܟܬܼܵܒܼܵܐ؛ ܟܲܕܼ ܩܵܕܘܼܡܹܐ ܚܙܹܐ ܠܹܗ ܕܐܲܠܵܗܵܐ ܒܸܬ ܡܲܟܫܸܛ ܗَܘܵܐ ܠܛܲܝܦܹ̈ܐ ܒܗܲܝܡܵܢܘܼܬܵܐ؛ ܩܵܕَܡܵܝܬܵܐ؛ ܡܘܼܫܚܸܕܠܹܗ ܠܐܲܒܼܪܵܗܵܡ؛ ܕܒܝܼܘܼܟܼ ܒܸܬ ܦܵܝܫܝܼ ܒܘܼܪܟܹܐ ܟܠܵܝܗܝ ܛܵܝܸܦܹ̈ܐ. 9ܒܲܣ ܐܵܢܝܼ ܕܡ̣ܢ ܗܲܝܡܵܢܘܼܬܼܵܐ ܟܹܐ ܦܵܝܫܝܼ ܒܘܼܪܟܹܐ ܥܲܡ ܐܲܒܼܪܵܗܵܡ ܡܗܘܼܡܢܵܐ. 10ܣܵܒܵܒ ܐܵܢܝܼ ܕܝܼܢܵܐ ܡ̣ܢ ܦܘܼܠܚܵܢܹ̈ܐ ܕܢܵܡܘܿܣܵܐ؛ ܬܚܘܿܬܼ ܠܵܘܛܬܵܐ ܝܢܵܐ. ܣܵܒܵܒ ܟܬܝܼܒܼܹܐ ܠܹܗ؛ ܠܝܼܛܹܐ ܠܹܗ ܟܠ ܡ̇ܢ ܕܠܵܐ ܥܲܪܩܸܠ ܒܟܠ ܡܸܢܕܝܼ ܕܝܼܠܹܗ ܟܬܝܼܒܼܵܐ ܒܟܬܵܒܼܵܐ ܕܢܵܡܘܿܣܵܐ؛ ܕܥܵܒܸܕ ܠܹܗ. 11ܐܝܼܢܵܐ ܕܐَܢܵܫܵܐ ܠܹܐ ܦܵܝܸܫ ܡܘܼܟܫܸܛܵܐ ܒܢܵܡܘܿܣܵܐ ܠܟܸܣ ܐܲܠܵܗܵܐ؛ ܐܵܗܵܐ ܡܲܥܠܘܼܡ ܝܼܠܵܗ̇؛ ܣܵܒܵܒ ܙܲܕܝܼܩܵܐ ܒܗܲܝܡܵܢܘܼܬܵܐ ܒܸܬ ܚܲܝܹ̈ܐ. 12ܐܝܼܢܵܐ ܢܵܡܘܿܣܵܐ ܠܹܐ ܝܠܹܗ ܡ̣ܢ ܗܲܝܡܵܢܘܼܬܼܵܐ؛ ܐܸܠܵܐ ܗ̇ܘ ܒܲܪܢܵܫܵܐ ܕܥܵܒܼܸܕ ܠܗَܘܿܢ ܒܸܬ ܚܲܝܹܐ ܒܝܼܵܝܗܝ. 13ܐܲܚܢܲܢ ܡܫܝܼܚܵܐ ܙܒܼܝܼܢܵܚܠܹܗ ܡ̣ܢ ܠܵܘܛܬܵܐ ܕܢܵܡܘܿܣܵܐ؛ ܘܒܓܵܢܹܗ ܗَܘܹܐܠܹܗ ܠܵܘܛܬܵܐ ܡܒܵܕܵܠܲܢ؛ ܣܵܒܵܒ ܟܬܝܼܒܼܵܐ ܝܠܹܗ؛ ܠܝܼܛܵܐ ܝܠܹܗ ܟܠ ܡ̇ܢ ܕܦܵܝܸܫ ܬܸܠܝܵܐ ܒܩܲܝܣܵܐ؛ 14ܕܓܵܘ ܛܵܝܸܦܹ̈ܐ ܗܵܘܝܵܐ ܗَܘܵܐ ܒܘܼܪܟܬܹܗ ܕܐܲܒܼܪܵܗܵܡ ܒܝܼܫܘܿܥ ܡܫܝܼܚܵܐ؛ ܕܐܲܚܢܲܢ ܩܵܒܠܵܚ ܗَܘܵܘ ܩܵܘܠܵܐ ܕܪܘܼܚܵܐ ܒܝܲܕ ܗܲܝܡܵܢܘܼܬܵܐ. 15ܐܵܚܘܿܢܘܵܬܝܼ̈؛ ܐܲܝܟܼ ܕܓܵܘ ܒܢܲܝ̈ܢܵܫܵܐ ܒܹܐܡܵܪܵܐ ܝܘܸܢ؛ ܐܘܼܦ ܕܝܵܬܹܩܹܐ ܕܒܲܪܢܫܵܐ ܟܲܕܼ ܦܸܫܠܵܗ̇ ܡܘܼܩܘܝܼܬܵܐ؛ ܐَܢܵܫܵܐ ܠܹܐ ܡܲܣܠܹܐ ܠܵܗ̇؛ ܝܲܢ ܡܲܙܝܸܕ ܐܸܠܵܗ̇ ܡܸܢܕܝܼ. 16ܐܝܼܢܵܐ ܠܐܲܒܼܪܵܗܵܡ ܦܸܫܠܘܿܢ ܐَܡܝܼܪܹܐ ܩܵܘܠܹ̈ܐ ܘܠܙܲܪܥܹܗ. ܘܠܵܐ ܐَܡܝܼܪܹܗ ܐܸܠܹܗ؛ ܘܠܙܲܪ̈ܥܹܗ؛ ܐܲܝܟܼ ܒܵܗَܣ ܕܪܵܒܵܐ؛ ܐܸܠܵܐ ܒܵܗَܣ ܕܚܲܕَ ؛ ܘܠܙܲܪܥܘܼܟܼ؛ ܗ̇ܘ ܕܝܼܠܹܗ ܡܫܝܼܚܵܐ. 17ܐܝܼܢܵܐ ܐܵܗܵܐ ܒܹܐܡܵܪܵܐ ܝܘܸܢ؛ ܕܕܝܵܬܹܩܹܐ ܕܡ̣ܢ ܩܵܕَܡܵܝܬܵܐ ܦܸܫܠܵܗ̇ ܡܘܼܩܘܝܼܬܼܵܐ ܡ̣ܢ ܐܲܠܵܗܵܐ؛ ܢܵܡܘܿܣܵܐ؛ ܗܵܘ ܕܗَܘܹܐ ܠܹܗ ܡ̣ܢ ܒܵܬَܪ ܐܲܪܒܲܥܡܵܐܐ ܘܬܠܵܬَܝܼ ܫܸܢܹ̈ܐ؛ ܠܹܐ ܡܵܨܹܐ ܕܡܲܣܠܹܐ ܠܵܗܿ ܕܒܵܛܸܠ ܠܩܵܘܠܵܐ. 18ܣܵܒܵܒ ܐܸܢ ܡ̣ܢ ܢܵܡܘܿܣܵܐ ܝَܠܵܗ̇ ܝܵܪܬܘܼܬܵܐ؛ ܒܲܣ ܠܵܐ ܗَܘܹܐܠܵܗ̇ ܡ̣ܢ ܩܵܘܠܵܐ. ܐܝܼܢܵܐ ܠܐܲܒܼܪܵܗܵܡ ܒܩܵܘܠܵܐ ܝܘܼܗَܒܼܸܠܹܗ ܐܲܠܵܗܵܐ. 19ܒܲܣ ܡܘܼܕܝܼ ܝܠܹܗ ܢܵܡܘܿܣܵܐ؛ ܣܵܒܵܒ ܕܩܠܵܒܬܵܐ ܦܸܫܠܹܗ ܡܘܼܙܝܸܕܵܐ؛ ܗܲܠ ܕܐܵܬܹܐ ܗَܘܵܐ ܙܲܪܥܵܐ ܗܵܘ ܕܐܸܠܹܗ ܗَܘܹܐ ܠܹܗ ܩܵܘܠܵܐ ܘܦܸܫܠܹܗ ܝܘܼܗَܒܼܵܐ (ܢܵܡܘܿܣܵܐ) ܒܝܲܕܼ ܡܲܠܲܐܟܹ̈ܐ ܒܐܝܼܕܼܵܐ ܕܢܵܘܸܢܓ̰ܝܼ. 20ܐܝܼܢܵܐ ܢܵܘܸܢܓ̰ܝܼ ܠܹܐ ܝܠܹܗ ܕܚܲܕَ؛ ܐܸܠܵܐ ܐܲܠܵܗܵܐ ܚܲܕَ ܝܼܠܹܗ. 21ܒܲܣ ܢܵܡܘܿܣܵܐ ܕܲܪܩܘܼܒܼܠ ܝܼܠܹܗ ܕܩܵܘ̈ܠܹܐ ܕܐܲܠܵܗܵܐ؛ ܚܵܣ ܠܝܼ. ܣܵܒܵܒ ܐܸܢ ܗܵܘܹܐ ܗَܘܵܐ ܝܘܼܗَܒܼܵܐ ܢܵܡܘܿܣܵܐ ܕܡܵܨܹܐ ܗَܘܵܐ ܠܡܲܚܘܼܝܹܐ؛ ܒܬܪܘܼܨܬܵܐ ܙܲܕܝܼܩܘܼܬܼܵܐ ܒܸܬ ܗܵܘܝܵܐ ܗَܘܵܐ ܡ̣ܢ ܢܵܡܘܿܣܵܐ. 22ܐܸܠܵܐ ܚܒܼܸܫܠܹܗ ܟܬܵܒܼܵܐ ܟܠ ܡܸܢܕܝܼ ܬܚܘܿܬ ܚܛܝܼܬܼܵܐ؛ ܕܩܵܘܠܵܐ ܒܗܲܝܡܵܢܘܼܬܼܵܐ ܕܝܼܫܘܿܥ ܡܫܝܼܚܵܐ ܦܵܝܸܫ ܝܘܼܗَܒܼܵܐ ܠܐܵܢܝܼ ܕܗܲܝܡܸܢܝܼ. 23ܐܝܼܢܵܐ ܗܹܫ ܠܵܐ ܐَܬܝܼܬܵܐ ܗܲܝܡܵܢܘܼܬܼܵܐ؛ ܢܵܡܘܿܣܵܐ ܟܹܐ ܢܵܛܸܪ ܗَܘܵܐ ܠܲܢ؛ ܟܲܕܼ ܚܒܼܝܼܫܹܐ ܝܘܵܚ ܗَܘܵܘ ܠܗܲܝܡܵܢܘܼܬܵܐ ܕܝܼܗَܘܵܐ ܗܕܝܼܪܬܵܐ ܠܸܦܝܵܫܵܐ ܓܠܝܼܬܼܵܐ. 24ܗܲܕܟܼܵܐ ܕܢܵܡܘܿܣܵܐ ܪܵܒܝܼ ܗَܘܹܐ ܠܹܗ ܐܸܠܲܢ (ܕܡܲܝܬَܝܹܐ ܠܲܢ) ܠܟܸܣ ܡܫܝܼܚܵܐ؛ ܕܡ̣ܢ ܗܲܝܡܵܢܘܼܬܵܐ ܦܵܝܫܵܚ ܗَܘܵܘ ܡܘܼܟܫܸܛܹܐ. 25ܐܝܼܢܵܐ ܟܲܕܼ ܐَܬܝܼܬܵܐ ܝَܠܵܗ̇ ܗܲܝܡܵܢܘܼܬܵܐ؛ ܠܹܐ ܝܘܵܚ ܐَܚܹܪَܢܵܐ ܬܚܘܿܬ ܪܵܒܝܼ. 26ܣܵܒܵܒ ܟܠܵܘܟܼܘܿܢ ܒܢܘܼ̈ܢܹ̈ܐ ܕܐܲܠܵܗܵܐ ܝܬܘܿܢ ܒܝܲܕ ܗܲܝܡܵܢܘܼܬܵܐ ܕܒܝܼܫܘܿܥ ܡܫܝܼܚܵܐ. 27ܣܵܒܵܒ ܟܡܵܐ ܡܸܢܵܘܟܼܘܿܢ ܕܒܡܫܝܼܚܵܐ ܥܡܸܕܠܵܘܟܼܘܿܢ؛ ܠܡܫܝܼܚܵܐ ܠܒܼܸܫܠܵܘܟܼܘܿܢ. 28ܠܲܝܬ ܝܗَܘܼܕܵܝܵܐ؛ ܘܠܵܐ ܝܵܘܢܵܝܵܐ؛ ܠܲܝܬ ܪܹܓܵܐ ܘܠܵܐ ܐܵܙܵܕ؛ ܠܲܝܬ ܐܘܼܪܙܵܐ ܘܠܵܐ ܢܸܩܒܼܵܐ؛ ܣܵܒܵܒ ܟܠܵܘܟܼܘܿܢ ܚܲܕَ ܝܼܬܘܿܢ ܒܝܼܫܘܿܥ ܡܫܝܼܚܵܐ. 29ܘܐܸܢ ܕܡܫܝܼܚܵܐ ܝܬܘܿܢ؛ ܒܲܣ ܙܲܪܥܹܗ ܕܐܲܒܼܪܵܗܵܡ ܝܼܬܘܿܢ؛ ܘܝܵܪ̈ܘܿܬܹܐ ܒܩܵܘܠܵܐ.