1ܒܐܵܙܵܕܘܼܬܵܐ ܡܫܝܼܚܵܐ ܥܒܼܝܼܕܲܚ ܠܹܗ ܐܵܙܵܕ. ܒܲܣ ܟܠܹܐܡܘܿܢ؛ ܘܠܵܐ ܦܵܝܫܝܼܬܘܿܢ ܐَܣܝܼܪܹܐ ܡܸܢَܕܪܸܫَ ܒܢܝܼܪܵܐ ܕܪܹܓܘܼܬܵܐ. 2ܗܵܐ؛ ܐܵܢܵܐ ܦܵܘܠܘܿܣ ܒܹܐܡܵܪܵܐ ܝܘܸܢ ܐܸܠܵܘܟܼܘܿܢ؛ ܐܸܢ ܦܵܝܫܝܼܬܘܿܢ ܓܙܝܼܪܹܐ؛ ܡܫܝܼܚܵܐ ܡܸܢܕܝܼ ܠܹܐ ܥܵܒܼܸܕ ܐܸܠܵܘܟܼܘܿܢ ܦܲܝܼܕܵܐ. 3ܐܝܼܢܵܐ ܒܸܣܗܵܕܵܐ ܝܘܸܢ ܡܸܢَܕܪܸܫَ ܠܟܠ ܒܲܪܢܵܫܵܐ ܕܦܵܝܸܫ ܓܙܝܼܪܵܐ؛ ܕܕܵܝܢܵܐ ܝܠܹܗ ܕܟܠܹܗ ܢܵܡܘܿܣܵܐ ܥܵܒܸܕ ܠܹܗ. 4ܦܸܫܠܵܘܟܼܘܿܢ ܒܛܝܼܠܹܐ ܡ̣ܢ ܡܫܝܼܚܵܐ؛ ܐܵܢܝܼ ܕܒܢܵܡܘܿܣܵܐ ܦܝܵܫܵܐ ܝܬܘܿܢ ܡܘܼܟܫܸܛܹܐ؛ ܡ̣ܢ ܫܵܦܵܩܲܬ ܢܦܸܠܵܘܟܼܘܿܢ. 5ܣܵܒܵܒ ܐܲܚܢܲܢ ܒܝܲܕ ܪܘܼܚܵܐ ܒܗܲܝܡܵܢܘܼܬܼܵܐ ܠܗܹܒܼܝܼ ܕܙܲܕܝܼܩܘܼܬܼܵܐ ܒܸܣܦܵܪܵܐ ܝܘܵܚ. 6ܣܵܒܵܒ ܒܡܫܝܼܚܵܐ ܝܼܫܘܿܥ؛ ܠܵܐ ܓܙܘܼܪܬܵܐ ܡܵܨܝܵܐ ܥܵܒܼܕܵܐ ܡܸܢܕܝܼ ܘܠܵܐ ܥܘܼܪܠܘܼܬܵܐ؛ ܐܸܠܵܐ ܗܲܝܡܵܢܘܼܬܼܵܐ ܕܒܸܦܠܵܚܵܐ ܝَܠܵܗ̇ ܒܚܘܼܒܵܐ. 7ܨܦܵܝܝܼ ܒܸܪܚܵܛܵܐ ܝܬܘܿܢ ܗَܘܵܘ؛ ܡܵܢܝܼ ܩܲܡ ܡܲܟܠܹܐ ܠܵܘܟܼܘܿܢ ܕܠܵܐ ܡܲܨܝܸܬܝܼܬܘܿܢ ܗَܘܵܘ ܠܣܲܪܲܣܬܘܼܬܵܐ؛ 8ܐܵܗܵܐ ܗܲܡܲܢܬܵܐ ܠܹܐ ܝَܠܵܗ̇ ܡ̣ܢ ܕܗ̇ܘ ܕܩܲܡ ܩܵܪܹܐ ܠܵܘܟܼܘܿܢ. 9ܚܲܕَܟ̰ܵܐ ܚܡܝܼܪܵܐ ܟܠܵܗ̇ ܓܒܼܝܼܠܬܵܐ ܟܹܐ ܡܲܚܡܸܥ ܠܵܗ̇. 10ܐܵܢܵܐ ܚܵܬܸܪܓ̰ܲܡܲܥ ܝܼܘܸܢ ܒܝܵܘܟܼܘܿܢ ܒܡܵܪܲܢ؛ ܕܡܸܢܕܝܼ ܐَܚܹܪَܢܵܐ ܠܹܐ ܚܵܫܒܼܝܼܬܘܿܢ؛ ܐܝܼܢܵܐ ܗ̇ܘ ܕܚܵܒܼܸܛ ܠܵܘܟܼܘܿܢ؛ ܗ̇ܘ ܒܸܬ ܩܵܒܸܠ ܕܝܼܘܵܢ؛ ܟܠ ܡ̇ܢ ܕܝܼܠܹܗ. 11ܐܝܼܢܵܐ ܐܵܢܵܐ؛ ܐܵܚܘܿܢܘܵܬܝܼ̈؛ ܐܸܢ ܗܹܫ ܓܙܘܼܪܬܵܐ ܡܲܟܪܘܼܙܹܐ ܝܘܸܢ؛ ܩܵܡܘܿܕܝܼ ܦܝܵܫܵܐ ܝܘܸܢ ܛܪܝܼܕܵܐ؛ ܒܲܣ ܒܛܸܠܹܗ ܟܦܘܼܪܝܹܗ ܕܙܩܝܼܦܵܐ. 12ܐܝܼܢܵܐ ܛܘܼܒܼܵܐ ܕܐܘܼܦ ܦܪܵܡܵܐ ܦܵܝܫܝܼ ܗ݇ܘܵܘ ܦܪܝܼܡܹܐ ܐܵܢܝܼ ܕܒܸܚܒܼܵܛܵܘܟܼܘܿܢ ܝܼܢܵܐ. 13ܣܵܒܵܒ ܐܲܚܬܘܿܢ ܠܐܵܙܵܕܘܼܬܵܐ ܦܸܫܠܵܘܟܼܘܿܢ ܩܸܪܝܵܐ؛ ܐܵܚܘܿܢܘܵܬܝܼ̈؛ ܐܲܚܟ̰ܝܼ ܠܵܐ ܗܵܘܝܵܐ ܐܵܙܵܕܘܼܬܵܘܟܼܘܿܢ ܠܗܲܓ̰ܲܬ ܕܒܸܣܪܵܐ؛ ܐܸܠܵܐ ܠܚܘܼܒܵܐ ܗܵܘܝܼܬܘܿܢ ܪܹ̈ܓܵܘܵܬܹܐ ܚܲܕَ ܠܗ̇ܘ ܐَܚܹܪ݇ܢܵܐ. 14ܣܵܒܵܒ ܟܠܹܗ ܢܵܡܘܿܣܵܐ ܒܚܕܵܐ ܗܹܡܸܙܡܵܢ ܟܹܐ ܦܵܝܸܫ ܬܘܼܡܸܡܵܐ؛ ܒܗ̇ܝ؛ ܕܡܲܚܸܒܸܬ ܠܫܒܼܵܒܼܘܼܟܼ ܐܲܝܟܼ ܓܵܢܘܼܟܼ. 15ܐܝܼܢܵܐ ܐܸܢ ܚܲܕَ ܠܗ̇ܘ ܐَܚܹܪَܢܵܐ ܢܵܝܨܝܼܬܘܿܢ ܘܐܵܟܼܠܝܼܬܘܿܢ؛ ܚܙܹܐܡܘܿܢ ܠܵܐ ܗ݇ܘܹܐ ܕܚܲܕَ ܡܗ̇ܘ ܐَܚܹܪَܢܵܐ ܦܵܝܫܝܼܬܘܿܢ ܬܝܼܡܹܐ. 16ܐܝܼܢܵܐ ܒܹܐܡܵܪܵܐ ܝܘܸܢ؛ ܚܕܘܿܪܘܿܢ ܒܪܘܼܚܵܐ؛ ܘܫܲܗَܘܲܬܬܵܐ ܕܒܸܣܪܵܐ ܠܹܗ ܬܲܡܸܡܝܼܬܘܿܢ. 17ܣܵܒܵܒ ܒܸܣܪܵܐ ܟܹܐ ܫܲܗَܘܸܬ ܕܲܪܩܘܼܒܼܠ ܕܪܘܼܚܵܐ؛ ܘܪܘܼܚܵܐ ܟܹܐ ܫܲܗَܘܸܬܵܐ ܕܲܪܩܘܼܒܼܠ ܕܒܸܣܪܵܐ؛ ܘܐܲܢܹܐ ܕܲܪܩܘܼܒܼܠ ܝܼܢܵܐ ܚܲܕَ ܠܗ̇ܘ ܐَܚܹܪَܢܵܐ؛ ܕܠܹܐ ܥܵܒܼܕܝܼܬܘܿܢ ܡܸܢܕܝܼ ܕܒܵܣܡܵܐ ܠܵܘܟܼܘܿܢ. 18ܐܝܼܢܵܐ ܐܸܢ ܒܪܘܼܚܵܐ ܦܝܵܫܵܐ ܝܬܘܿܢ ܬܘܼܓܒܸܪܹܐ؛ ܠܹܐ ܝܬܘܿܢ ܬܚܘܿܬ ܢܵܡܘܿܣܵܐ. 19ܣܵܒܵܒ ܕܝܕܸܥܝܹܐ ܝܢܵܐ ܦܘܼܠܚܵܢܹ̈ܐ ܕܒܸܣܪܵܐ؛ ܕܝܼܢܵܐ؛ ܙܵܢܝܘܼܬܵܐ؛ ܛܲܢܦܘܼܬܼܵܐ؛ ܦܲܚܙܘܼܬܵܐ؛ 20ܣܵܓܼܵܕܬܵܐ ܕܨܵܢܲܡܹ̈ܐ؛ ܚܲܪܵܫܘܼܬܵܐ؛ ܕܸܫܡܸܢܵܝܘܼܬܵܐ؛ ܡܲܩܲܪܵܨܘܼܬܵܐ؛ ܩܲܝܪܲܬ؛ ܚܸܡܬܵܐ؛ ܥܵܨܵܝ̈ܬܵܐ؛ ܦܲܠܵܝܵܬܹ̈ܐ؛ ܕܘܼܒܵܪ̈ܘܼܝܵܬܹܐ؛ 21ܒܲܚܸܠܵܢܘܼܬܵܐ؛ ܪܵܘܵܝܘܼܬܵܐ؛ ܙܡܵܪܵܐ؛ ܘܐܵܢܝܼ ܕܠܐܲܢܹܐ ܕܵܡܝܼ. ܘܐܵܢܝܼ ܕܐܲܢܹܐ ܦܵܠܚܝܼ؛ ܐܲܝܟܼ ܕܡ̣ܢ ܩܵܕ݇ܡܵܝܬܵܐ ܐَܡܸܪܝܼ ܐܸܠܵܘܟܼܘܿܢ؛ ܐܘܼܦ ܒܩܵܕ݇ܡܵܝܬܵܐ ܒܹܐܡܵܪܵܐ ܝܘܸܢ؛ ܕܡܲܠܟܘܼܬܹܗ ܕܐܲܠܵܗܵܐ ܠܹܐ ܝܵܪܬܝܼ. 22ܐܝܼܢܵܐ ܛܥܘܼܢܝܵܬܹ̈ܐ ܕܪܘܼܚܵܐ ܝܼܢܵܐ؛ ܚܘܼܒܵܐ؛ ܚܲܕܘܼܬܵܐ؛ ܫܠܵܡܵܐ؛ ܡܲܪܝܲܟܼܬܵܐ ܕܒܹܢܵܐ؛ ܒܵܣܝܼܡܘܼܬܵܐ؛ ܛܵܒܼܘܼܬܵܐ؛ ܗܲܝܡܵܢܘܼܬܵܐ؛ 23ܡܵܟܝܼܟܼܘܼܬܵܐ؛ ܕܒܼܵܩܬܵܐ ܕܓܵܢܵܐ. ܥܲܠ ܕܐܲܢܹܐ ܢܵܡܘܿܣܵܐ ܠܲܝܬ. 24ܐܝܼܢܵܐ ܐܵܢܝܼ ܕܝܼܢܵܐ ܕܡܫܝܼܚܵܐ ܙܩܸܦܠܘܿܢ ܒܸܣܪܵܐ ܥܲܡ ܙܵܘܥܘܼ̈ܗܝ ܘܫܲܗَܘܲܬܝܵܬܘܼ̈ܗܝ. 25ܐܸܢ ܚܲܝܵܚ ܒܪܘܼܚܵܐ؛ ܒܪܘܼܚܵܐ ܐܘܼܦ ܚܵܕܪܵܚ. 26ܠܵܐ ܗܵܘܵܚ ܡܵܪܹ̈ܐ ܚܸܩܪܵܐ ܒܵܛܝܼܠܵܐ؛ ܡܲܟܪܘܼܒܹܐ ܚܲܕَ ܠܗ̇ܘ ܐَܚܹܪَܢܵܐ؛ ܘܒܲܚܘܼܠܹܐ ܚܲܕَ ܒܗ̇ܘ ܐَܚܹܪَܢܵܐ.