1ܐܝܼܢܵܐ ܒܹܐܡܵܪܵܐ ܝܘܸܢ ܕܟܡܵܐ ܙܲܒܼܢܵܐ ܕܝܵܪ̈ܘܿܬܵܐ ܝܵܠܵܕَܐ ܝܠܹܗ؛ ܠܹܐ ܝܠܹܗ ܦܪܝܼܫܵܐ ܡ̣ܢ ܪܹܓܵܐ؛ ܐܵܦܸܢ ܡܵܪܵܐ ܕܟܠܵܝܗܝ ܝܠܹܗ؛ 2ܐܸܠܵܐ ܬܚܘܿܬ ܘܲܟܝܼ̈ܠܹܐ ܝܠܹܗ ܘܢܵܙܝܼܪܹ̈ܐ؛ ܗܲܠ ܙܲܒܼܢܵܐ ܕܡܘܼܬܸܒܼܠܹܗ ܒܵܒܹܗ. 3ܗܲܕܟܼܵܐ ܐܘܼܦ ܐܲܚܢܲܢ؛ ܟܲܕܼ ܝܵܠܹ̈ܕَܐ ܝܘܵܚ ܗَܘܵܘ؛ ܬܚܘܿܬ ܐܸܣܛܘܼܟܼܣܹ̈ܐ ܕܥܵܠܡܵܐ ܙܘܼܒܛܸܢܹܐ ܝܘܵܚ ܗَܘܵܘ. 4ܐܝܼܢܵܐ ܟܲܕܼ ܡܛܹܐܠܵܗ ܬܲܡܵܡܵܬܘܼܬܵܐ ܕܙܲܒܼܢܵܐ؛ ܫܘܼܕܸܪܹܗ ܐܲܠܵܗܵܐ ܠܒܪܘܼܢܹܗ؛ ܗَܘܝܼܝܵܐ ܡ̣ܢ ܒܲܟܼܝܵܐ؛ ܘܗَܘܹܐܠܹܗ ܬܚܘܿܬ ܢܵܡܘܿܣܵܐ؛ 5ܕܠܐܵܢܝܼ ܕܝܼܢܵܐ ܬܚܘܿܬܼ ܢܵܡܘܿܣܵܐ ܙܵܒܼܸܢ ܗَܘܵܐ؛ ܕܩܵܒܠܵܚ ܗَܘܵܘ ܡܲܬܲܒܼܬܵܐ ܕܒܢܘܼܢܹ̈ܐ. 6ܘܣܵܒܵܒ ܕܝܼܬܘܿܢ ܒܢܘܼܢܹ̈ܐ؛ ܫܘܼܕܸܪܹܗ ܐܲܠܵܗܵܐ ܪܘܼܚܵܐ ܕܒܪܘܼܢܹܗ ܓܵܘ ܠܸܒܵܘܵܬܵܘ̈ܟܼܘܿܢ؛ ܗ̇ܝ ܕܒܸܩܪܵܝܵܐ ܝَܠܵܗ̇؛ ܐܲܒܼܵܐ؛ ܒܵܒܵܐ. 7ܒܲܣ ܠܹܐ ܝܘܸܬ ܐَܚܪَܹܢܵܐ ܪܹܓܵܐ؛ ܐܸܠܵܐ ܒܪܘܼܢܵܐ؛ ܘܐܸܢ ܒܪܘܼܢܵܐ؛ ܐܘܼܦ ܝܵܪܘܿܬܵܐ ܕܐܲܠܵܗܵܐ ܒܝܲܕ ܡܫܝܼܚܵܐ. 8ܐܸܠܵܐ ܗ̇ܝܓܵܗ؛ ܟܲܕܼ ܠܹܐ ܝܲܕܥܝܼܬܘܿܢ ܗَܘ̣ܵܘ ܠܐܲܠܵܗܵܐ؛ ܥܒܼܸܕܠܵܘܟܼܘܿܢ ܪܹܓܘܼܬܼܵܐ ܠܐܵܢܝܼ ܕܡ̣ܢ ܐܲܨܠܵܝܗܝ ܠܹܐ ܗَܘܵܘ ܐܲܠܵܗܹ̈ܐ. 9ܐܝܼܢܵܐ ܐܵܕܝܵܐ ܕܝܕܸܥܠܵܘܟܼܘܿܢ ܠܐܲܠܵܗܵܐ؛ ܘܙܵܘܕܵܐ ܕܦܸܫܠܵܘܟܼܘܿܢ ܝܕܸܥܝܹܐ ܡ̣ܢ ܐܲܠܵܗܵܐ ܕܵܐܟܼܝܼ ܡܸܢَܕܪܸܫَ ܕܸܪܵܘܟܼܘܿܢ ܥܲܠ ܕܐܵܢܝܼ ܐܸܣܛܘܼܟܼܣܹ̈ܐ ܙܲܒܘܼܢܹ̈ܐ ܘܡܸܣܟܹܢܹ̈ܐ؛ ܘܡܸܢَܕܪܸܫَ ܡ̣ܢ ܪܹܫܵܐ ܒܸܒܲܥܝܵܐ ܝܬܘܿܢ ܠܸܗَܘܵܝܵܐ ܙܒܲܛ ܐܸܠܵܝܗܝ؛ 10ܝܵܘܡܵܢܹ̈ܐ ܘܝܲܪ̈ܚܹܐ ܘܙܲܒܼܢܹ̈ܐ؛ ܘܫܸܢܹ̈ܐ ܒܸܢܛܵܪܵܐ ܝܬܘܿܢ. 11ܒܸܙܕܲܥܝܵܐ ܝܘܸܢ ܡܸܢܵܘܟܼܘܿܢ ܕܩܵܘܡܵܐ ܗܵܒܵܣ ܓ̰ܹܗَܠܝܼ ܒܝܼܵܘܟܼܘܿܢ 12ܗَܘܹܐܡܘܿܢ ܐܲܝܟܼ ܕܝܼܝܼ؛ ܣܵܒܵܒ ܐܘܼܦ ܐܵܢܵܐ ܐܲܝܟܼ ܕܝܼܵܘܟܼܘܿܢ ܝܼܘܸܢ؛ ܐܵܚܘܿܢܘܵܬܝܼ̈؛ ܦܲܪܦܘܼܠܹܐ ܝܘܸܢ ܒܝܼܵܘܟܼܘܿܢ. ܡܸܢܕܝܼ ܠܵܐ ܥܒܼܸܕܠܵܘܟܼܘܿܢ ܓܢܵܗܵܐ ܒܝܼܝܼ. 13ܣܵܒܵܒ ܒܝܼܕܲܥܝܵܐ ܝܬܘܿܢ ܕܒܝܲܕ ܙܲܒܘܼܢܘܼܬܵܐ ܕܒܸܣܪܝܼ ܡܘܼܫܚܸܕܠܝܼ ܐܸܠܵܘܟܼܘܿܢ ܒܩܵܕَܡܵܝܬܵܐ. 14ܘܓ̰ܘܼܪܵܒܵܐ ܕܒܒܸܣܪܝܼ ܠܵܐ ܡܘܼܣܠܹܠܵܘܟܼܘܿܢ؛ ܘܠܵܐ ܓܘܼܢܓܸܨܠܵܘܟܼܘܼܢ؛ ܐܸܠܵܐ ܐܲܝܟܼ ܕܠܲܡܲܠܲܐܟܼܵܐ ܕܐܲܠܵܗܵܐ ܩܘܼܒܸܠܵܘܟܼܘܿܢ؛ ܐܲܝܟܼ ܕܠܝܼܫܘܿܥ ܡܫܝܼܚܵܐ. 15ܒܲܣ ܐܲܝܟܵܐ ܝܠܹܗ ܛܘܼܒܼܵܘܟܼܘܿܢ؛ ܣܵܒܵܒ ܒܸܣܗܵܕܵܐ ܝܘܸܢ ܒܵܗَܣܵܘܟܼܘܿܢ؛ ܕܐܸܢ ܡܵܨܝܵܐ ܗَܘܵܐ؛ ܥܲܝܢܵܘ̈ܟܼܘܿܢ ܒܸܬ ܚܵܪܛܝܼܬܘܿܢ ܗَܘܵܘ ܘܝܵܗَܒܼܝܼܬܘܿܢ ܗَܘܵܘ ܠܝܼ. 16ܒܲܣ ܗܲܕܟܼܵܐ ܗَܘܹܐܠܝܼ ܕܸܫܡܸܢܵܘܟܼܘܿܢ؛ ܕܒܹܐܡܵܪܵܐ ܝܸܢ ܐܸܠܵܘܟܼܘܿܢ ܣܲܪܲܣܬܘܼܬܼܵܐ؛ 17ܒܲܚܘܼܠܹܐ ܝܢܵܐ ܒܝܼܵܘܟܼܘܿܢ؛ ܠܵܐ ܠܨܦܵܝܘܼܬܼܵܐ؛ ܐܸܠܵܐ ܠܸܛܪܵܕܵܘܟܼܘܿܢ ܒܸܒܲܥܝܵܐ ܝܢܵܐ؛ ܕܐܲܚܬܘܼܢ ܗܵܘܝܼܬܘܿܢ ܒܲܚܘܼܠܹܐ ܒܝܼܵܝܗܝ. 18ܐܝܼܢܵܐ ܨܦܵܝܝܼ ܝَܠܵܗ̇ ܕܒܲܚܸܠܝܼܬܘܿܢ ܒܫܘܼ̈ܠܹܐ ܫܵܦܝܼܪܹ̈ܐ ܒܟܠ ܙܲܒܼܢܵܐ؛ ܘܠܵܐ ܐܝܼܡܲܢ ܕܗܵܘܸܢ ܠܟܸܣܠܵܘܟܼܘܿܢ ܗܲܪ. 19ܒܢܘܼܢܝܼ̈ ܙܥܘܿܪܹ̈ܐ؛ ܐܵܢܝܼ ܕܒܝܼܵܝܗܝ ܡܸܢَܕܪܸܫَ ܒܸܓܪܵܫܵܐ ܝܘܸܢ ܚܸܒܼܠܹ̈ܐ؛ ܗܲܠ ܕܦܵܝܸܫ ܥܒܼܝܼܕܵܐ ܨܘܼܪܬܵܐ ܓܵܘܵܘܟܼܘܿܢ ܡܫܝܼܚܵܐ؛ 20ܒܸܒܲܥܝܵܐ ܝܘܸܢ ܕܗܵܘܸܢ ܠܟܸܣܠܵܘܟܼܘܿܢ ܐܵܕܝܵܐ؛ ܘܕܫܲܚܠܸܦܸܢ ܩܵܠܝܼ؛ ܣܵܒܵܒ ܕܚܒܼܝܼܛܵܐ ܝܘܸܢ ܒܘܼܬ ܕܝܼܵܘܟܼܘܿܢ. 21ܐَܡܘܿܪܘܼܢ ܠܝܼ؛ ܐܲܚܬܘܿܢ ܐܵܢܝܼ ܕܒܸܒܲܥܝܵܐ ܝܢܵܐ ܕܗܵܘܝܼ ܬܚܘܿܬܢܵܡܘܿܣܵܐ؛ ܗܲܪ ܠܢܵܡܘܿܣܵܐ ܠܹܐ ܒܸܫܡܲܥܝܵܐ؛ 22ܣܵܒܵܒ ܕܟܬܝܼܒܼܵܐ ܝܠܹܗ؛ ܠܐܲܒܼܪܵܗܵܡ ܗَܘܹܐܠܘܿܢ ܬܪܹܝ ܒܢܘܼܢܹ̈ܐ؛ ܚܲܕَ ܡ̣ܢ ܚܹܕܲܡܬܵܐ؛ ܘܚܲܕَ ܡ̣ܢ ܐܵܙܵܕ. 23ܐܸܠܵܐ ܗ̇ܘ ܕܡ̣ܢ ܚܹܕܲܡܬܵܐ؛ ܒܒܸܣܪܵܐ ܦܸܫܠܹܗ ܗَܘܝܼܝܵܐ؛ ܐܝܼܢܵܐ ܗ̇ܘ ܕܡ̣ܢ ܐܵܙܵܕ؛ ܒܝܲܕ ܩܵܘܠܵܐ. 24ܐܝܼܢܵܐ ܐܲܢܹܐ ܝܢܵܐ ܡܵܣܵܠܹ̈ܐ؛ ܣܵܒܵܒ ܐܲܢܹܐ (ܒܲܟܼܬܵܬܹ̈ܐ) ܬܪܹܝ ܩܵܘܠܹ̈ܐ ܝܢܵܐ ܚܕܵܐ ܕܡ̣ܢ ܛܘܼܪܵܐ ܕܣܝܼܢܲܝ ܒܸܠܝܵܕܵܐ ܠܪܹܓܘܼܬܵܐ؛ ܕܝܼܠܵܗ̇ ܗܵܓܲܪ. 25ܣܵܒܵܒ ܗܵܓܲܪ ܕܣܝܼܢܲܝ ܝܼܠܹܗ؛ ܕܓܵܘ ܥܵܪܵܒܵܝܼܵܐ؛ ܘܒܸܫܠܵܡܵܐ ܝَܠܵܗ̇ ܠܐܘܿܪܸܫܠܸܡ ܕܐܵܕܝܵܐ؛ ܘܟܹܐ ܦܵܠܚܵܐ ܪܹܓܘܼܬܵܐ ܗ̇ܝ ܘܒܢܘܼܢܘܼ̈ܗ̇. 26ܐܝܼܢܵܐ ܗ̇ܝ ܐܘܿܪܸܫܠܸܡ ܕܠܥܸܠܸܠ ܐܵܙܵܕ ܝܼܠܵܗ̇؛ ܕܝܼܠܵܗ̇ ܝܸܡܲܢ. 27ܣܵܒܵܒ ܕܟܬܝܼܒܼܵܐ ܝܠܹܗ؛ ܥܒܼܘܿܕܝ ܒܘܼܣܵܡܵܐ؛ ܝܵܐ ܥܩܲܪܬܵܐ؛ ܗ̇ܝ ܕܠܹܐ ܝܵܠܕܵܐ؛ ܘܡܵܪܸܡܝ ܩܵܠܵܟܼܝ ܘܡܲܩܘܸܚܝ؛ ܗ̇ܝ ܕܠܹܐ ܓܵܪܫܵܐ ܚܸܒܼܠܹ̈ܐ؛ ܣܵܒܵܒ ܕܙܸܕܠܘܿܢ ܒܢܘܼܢܹ̈ܐ ܕܡܘܼܫܲܡܸܪ ܙܵܘܕܵܐ ܡ̣ܢ ܕܡܵܪܹܐ ܓܲܒܼܪܵܐ. 28ܐܝܼܢܵܐ ܐܲܚܢܲܢ ܐܵܚܘܿܢܘܵܬܝܼ̈؛ ܐܲܝܟܼ ܐܝܼܣܚܵܩ ܒܢܘܼܢܹ̈ܐ ܕܩܵܘܠܵܐ ܝܘܵܚ. 29ܐܸܠܵܐ ܐܲܝܟܼ ܕܗܿܝܵܓܗ؛ ܗ̇ܘ ܕܦܸܫܠܹܗ ܝܠܝܼܕܵܐ ܒܒܸܣܪܵܐ ܛܪܸܕܠܹܗ ܠܗ̇ܘ ܕܒܪܘܼܚܵܐ؛ ܗܲܕܟܼܵܐ ܐܘܼܦ ܐܵܕܝܼܵܐ. 30ܐܸܠܵܐ ܡܘܼܕܝܼ ܐَܡܝܼܪܹܗ ܟܬܵܒܼܵܐ؛ ܦܵܠܸܛ ܠܚܹܕܲܡܬܵܐ ܘܠܒܪܘܼܢܘܼܗܿ؛ ܣܵܒܵܒ ܠܹܐ ܝܵܪܸܬ ܒܪܘܼܢܵܐ ܕܚܹܕܲܡܬܵܐ ܥܲܡ ܒܪܘܼܢܵܐ ܕܐܵܙܵܕ. 31ܒܲܣ ܐܲܚܢܲܢ؛ ܐܵܚܘܿܢܘܵܬܝܼ̈؛ ܠܹܐ ܝܘܵܚ ܒܢܘܼܢܹ̈ܐ ܕܚܹܕܲܡܬܵܐ؛ ܐܸܠܵܐ ܕܐܵܙܵܕ.