0:00
/
1ܘܐܝܼܬ ܗ݇ܘܵܐ ܚܲܕَ ܐ݇ܢܵܫܵܐ ܕܡܸܪܥܝܵܐ ܗ݇ܘܵܐ: ܠܲܥܵܙܲܪ ܡ̣ܢ ܒܹܝܬ ܥܲܢܝܵܐ: ܡ̣ܢ ܡܵܬܵܐ ܕܡܲܪܝܲܡ ܘܕܚܵܬܘܼܗ̇ ܡܵܪܬܵܐ. 2ܘܡܲܪܝܲܡ ܝܼܗ݇ܘܵܐ ܗ̇ܝ ܕܡܫܸܚܠܵܗ̇ ܒܒܸܣܡܵܐ ܠܡܵܪܲܢ: ܘܡܫܹܠܵܗ̇ ܠܐܲܩܠܹ̈ܗ ܒܟܵܘܣܘܼܗ̇ ܐܵܚܘܿܢܵܗ̇ ܕܐܵܗܵܐ ܗ݇ܘܵܐ ܠܲܥܵܙܲܪ ܕܝܼܗ݇ܘܵܐ ܡܸܪܥܝܵܐ. 3ܘܫܘܼܕܸܪܗܘܿܢ ܚܵܬܘܵܬܹ̈ܗ ܠܟܸܣܠܹܗ ܘܐܵܡܪܝܼ: ܡܵܪܲܢ: ܗܵܐ: ܗ̇ܘ ܕܟܹܐ ܡܲܚܸܒܸܬ ܠܹܗ ܡܸܪܥܝܵܐ ܝܠܹܗ. 4ܐܝܼܢܵܐ ܝܼܫܘܿܥ ܟܲܕ ܫܡܸܥܠܹܗ ܐَܡܝܼܪܹܗ: ܐܵܗܵܐ ܡܲܪܥܵܐ ܠܹܐ ܝܠܹܗ ܕܡܵܘܬܵܐ: ܐܸܠܵܐ ܒܘܼܬ ܬܸܫܒܘܿܚܬܵܐ ܕܐܲܠܵܗܵܐ: ܕܦܵܐܹܫ ܚܩܝܼܪܵܐ ܒܪܘܿܢܹܗ ܕܐܲܠܵܗܵܐ ܒܣܵܒܵܒܹܗ. 5ܐܵܕܝܼܵܐ ܟܹܐ ܡܲܚܸܒ ܗ݇ܘܵܐ ܝܼܫܘܿܥ ܠܡܵܪܬܵܐ ܘܠܚܵܬܘܼܗ̇ ܘܠܠܲܥܵܙܲܪ. 6ܘܟܲܕ ܫܡܸܥܠܹܗ ܕܡܸܪܥܝܵܐ ܗ݇ܘܵܐ: ܗ̇ܝܓܵܗ ܥܘܼܪܩܸܠܹܗ ܒܗ̇ܝ ܕܘܼܟܬܵܐ ܕܝܼܗ݇ܘܵܐ: ܬܪܹܝ ܝܵܘܡܵܢܹ̈ܐ. 7ܘܒܵܬَܪ ܗܵܕܵܐ ܐَܡܝܼܪܹܗ ܠܬܲܠܡܝܼܕܘܼ̈ܗܝ: ܐܵܙܵܠَܚ ܡܸܢَܕܪܸܫَ ܠܝܼܗܘܼܕ. 8ܐܵܡܪܝܼ ܐܸܠܹܗ ܬܲܠܡܝܼܕܘܼ̈ܗܝ: ܪܵܒܝܼ: ܐܵܕܝܼܵܐ ܝܗَܘܼܕܵܝܹ̈ܐ ܛܥܸܠܗܘܿܢ ܠܸܪܓ̰ܵܡܘܼܟ: ܘܡܸܢَܕܪܸܫَ ܒܹܐܙܵܠܵܐ ܝܘܸܬ ܠܬܵܡܵܐ. 9ܓ̰ܘܼܘܸܒܠܹܗ ܝܼܫܘܿܥ: ܬܪܸܥܣܲܪ ܣܵܥܲܬܹ̈ܐ ܠܲܝܬ ܒܝܵܘܡܵܐ: ܘܐܸܢ ܐ݇ܢܵܫܵܐ ܚܵܕܸܪ ܒܐܝܼܡܵܡܵܐ ܠܹܐ ܬܲܪܩܸܠ: ܣܵܒܵܒ ܕܟܹܐ ܚܵܙܹܐ ܒܲܗܪܵܐ ܕܐܵܗܵܐ ܕܘܼܢܝܹܐ. 10ܐܝܼܢܵܐ ܐܸܢ ܐ݇ܢܵܫܵܐ ܚܵܕܸܪ ܒܠܲܝܠܹܐ: ܟܹܐ ܬܲܪܩܸܠ: ܣܵܒܵܒ ܕܒܲܗܪܵܐ ܠܲܝܬ ܒܝܹܗ. 11ܐܲܢܹܐ ܐَܡܝܼܪܹܗ: ܘܒܵܬَܪ ܗܵܕܵܐ ܐَܡܝܼܪܹܗ ܐܸܠܵܝܗܝ: ܠܲܥܵܙܲܪ ܕܵܘܣܬܲܢ ܕܡܝܼܟ̣ܵܐ ܝܠܹܗ: ܐܸܠܵܐ ܒܹܐܙܵܠܵܐ ܝܘܸܢ ܕܡܲܪܥܸܫܸܢܹܗ. 12ܐَܡܸܪܗܘܿܢ ܐܸܠܹܗ ܗܲܕܟ̣ܵܐ ܬܲܠܡܝܼܕܘܼ̈ܗܝ: ܡܵܪܲܢ: ܐܸܢ ܕܡܝܼܟ̣ܵܐ ܝܠܹܗ: ܒܸܬ ܒܵܣܸܡ. 13ܐܝܼܢܵܐ ܝܼܫܘܿܥ ܐَܡܝܼܪܹܗ ܒܘܼܬ ܡܵܘܬܹܗ: ܘܐܲܢܹܐ ܚܫܸܒ̣ܠܗܘܿܢ ܕܒܘܼܬ ܕܡܵܟ̣ܵܐ ܕܫܸܢܬܵܐ ܐَܡܝܼܪܹܗ. 14ܗ̇ܝܓܵܗ ܐَܡܝܼܪܹܗ ܐܸܠܵܝܗܝ ܝܼܫܘܿܥ ܐܲܫܟܵܪܵܐ: ܠܲܥܵܙܲܪ ܡܝܼܬܵܐ ܝܠܹܗ. 15ܘܒܸܚܕܵܝܵܐ ܝܘܸܢ ܕܠܵܐ ܗَܘܹܐܠܝܼ ܬܵܡܵܐ: ܣܵܒܵܒ ܕܝܼܵܘܟ̣ܘܿܢ: ܕܗܲܡܸܢܝܼܬܘܿܢ. 16ܐܸܠܵܐ ܐܵܙܵܠَܚ ܠܟܸܣܠܹܗ. ܐَܡܝܼܪܹܗ ܬܐܘܿܡܵܐ: ܕܦܝܵܫܵܐ ܝܠܹܗ ܩܸܪܝܵܐ ܓ̰ܲܡܵܐ: ܠܬܲܠܡܝܼܕܹ̈ܐ ܚܲܒ̣ܪ̈ܵܘܵܬܘܼܗܝ: ܐܵܙܵܠَܚ ܐܘܼܦ ܐܲܚܢܲܢ ܡܵܝܬܵܚ ܥܲܡܹܗ. 17ܘܟܲܕ ܐَܬܹܐܠܹܗ ܝܼܫܘܿܥ: ܘܡܘܼܫَܟ̰ܸܚܠܹܗ ܕܐܲܪܒ̇ܥܵܐ ܝܵܘܡܵܢܹ̈ܐ ܗ݇ܘܵܘ ܐܸܠܹܗ ܕܝܼܗ݇ܘܵܐ ܓܵܘ ܒܹܝܬ ܩܒ̣ܘܼܪܵܐ. 18ܘܒܹܝܬ ܥܲܢܝܵܐ ܩܘܼܪܒܵܐ ܠܐܘܿܪܸܫܠܸܡ ܝܼܗ݇ܘܵܐ: ܪܸܚܩܵܐ ܡܸܢܘܼܗ̇ ܐܲܝܟܼ ܚܲܡܫܲܥܣܲܪ ܐܸܣܛ̈ܕܵܘܵܬܵܐ. 19ܘܪܵܒܵܐ ܡ̣ܢ ܝܗَܘܼܕܵܝܹ̈ܐ ܐَܬܝܹܐ ܗ݇ܘܵܘ ܠܟܸܣ ܡܵܪܬܵܐ ܘܡܲܪܝܲܡ: ܕܝܵܗَܒ̣ܝܼ ܠܗ݇ܘܿܢ ܠܸܒܵܐ ܣܵܒܵܒ ܕܐܵܚܘܿܢܵܝܗܝ. 20ܐܝܼܢܵܐ ܡܵܪܬܵܐ ܟܲܕ ܫܡܸܥܠܵܗ̇ ܕܝܼܫܘܿܥ ܐَܬܹܐܠܹܗ: ܦܠܸܛܠܵܗ̇ ܠܐܘܼܪܚܹܗ: ܐܝܼܢܵܐ ܡܲܪܝܲܡ ܓܵܘ ܒܲܝܬܵܐ ܝܬܝܼܒ̣ܬܵܐ ܗ݇ܘܵܐ. 21ܘܐَܡܝܼܪܵܗ̇ ܡܵܪܬܵܐ ܠܝܼܫܘܿܥ: ܡܵܪܝܼ: ܗܵܘܸܬ ܗ݇ܘܵܐ ܠܲܐܟ̣ܵܐ: ܠܹܐ ܡܵܝܸܬ ܗ݇ܘܵܐ ܐܵܚܘܿܢܝܼ. 22ܘܐܘܼܦ ܐܵܕܝܼܵܐ ܒܝܼܕܵܥܝܵܐ ܝܘܵܢ: ܕܟܡܵܐ ܕܛܲܠܒܸܬ ܡ̣ܢ ܐܲܠܵܗܵܐ: ܐܲܠܵܗܵܐ ܒܸܬ ܝܵܗَܒܸܠܘܼܟܼ. 23ܐَܡܝܼܪܹܗ ܐܸܠܵܗ̇ ܝܼܫܘܿܥ: ܒܸܬ ܩܵܝܸܡ ܐܵܚܘܿܢܵܟ̣ܝ. 24ܐ݇ܡܸܪܵܗ̇ ܐܸܠܹܗ ܡܵܪܬܵܐ: ܒܝܼܕܵܥܝܵܐ ܝܘܵܢ ܕܒܸܬ ܩܵܝܸܡ ܒܢܘܼܚܵܡܵܐ: ܒܝܵܘܡܵܐ ܐَܚܵܪܵܝܵܐ. 25ܐَܡܝܼܪܹܗ ܐܸܠܵܗ̇ ܝܼܫܘܿܥ: ܐܵܢܵܐ ܝܘܸܢ ܢܘܼܚܵܡܵܐ ܘܚܲܝܹ̈ܐ: ܘܡ̇ܢ ܕܗܲܡܸܢ ܒܝܼܝܼ: ܐܵܦܸܢ ܡܵܝܸܬ ܒܸܬ ܚܲܝܹܐ. 26ܘܟܠ ܕܚܲܝܹܐ ܘܗܲܡܸܢ ܒܝܼܝܼ: ܠܥܵܠܲܡ ܠܹܐ ܡܵܝܸܬ ܗܲܡܘܼܢܹܐ ܝܘܲܬܝ ܠܐܵܗܵܐ. 27ܐ݇ܡܸܪܵܗ̇ ܐܸܠܹܗ: ܗܹܐ: ܡܵܪܝܼ: ܐܵܢܵܐ ܗܲܡܘܼܢܹܐ ܝܘܵܢ ܕܐܲܢَܬ ܝܼܘܸܬ ܡܫܝܼܚܵܐ ܒܪܘܿܢܹܗ ܕܐܲܠܵܗܵܐ ܕܐܵܬܹܐ ܠܥܵܠܡܵܐ. 28ܘܟܲܕ ܐ݇ܡܸܪܵܗ̇ ܐܲܢܹܐ: ܐَܙܸܠܵܗ̇ ܩܪܹܠܵܗ̇ ܠܡܲܪܝܲܡ ܚܵܬܵܗ̇ ܒܛܸܫܘܵܐ: ܘܐܵܡܪܵܗ̇ ܐܸܠܵܗ̇: ܪܵܒܝܲܢ ܐَܬܹܐܠܹܗ: ܘܒܸܩܪܵܝܵܟ̣ܝ ܝܼܠܹܗ. 29ܘܗ̇ܝ: ܟܲܕ ܫܡܸܥܠܵܗ̇: ܩܸܡܠܵܗ̇ ܓ̰ܲܠܕܹܐ ܘܐَܬܹܐܠܹܗ ܠܟܸܣܠܹܗ. 30ܐܝܼܢܵܐ ܝܼܫܘܿܥ ܗܵܠܵܐ ܠܹܐ ܗ݇ܘܵܐ ܐܬܝܼܵܐ ܠܡܵܬܵܐ: ܐܸܠܵܐ ܗܲܪ ܒܗ̇ܝ ܕܘܼܟܵܐ ܗ݇ܘܵܐ ܕܬܦܸܩܠܵܗ̇ ܒܝܹܗ ܡܵܪܬܵܐ. 31ܗ̇ܝܓܵܗ ܐܵܢܝܼ ܝܗَܘܼܕܵܝܹ̈ܐ ܕܝܼܗ݇ܘܵܘ ܥܲܡܵܗ̇ ܒܒܲܝܬܵܐ ܒܝܼܵܗَܒ̣ܘܼܗ̇ ܠܸܒܵܐ: ܟܲܕ ܚܙܹܐܠܗܘܿܢ ܠܡܲܪܝܲܡ ܕܩܸܡܠܵܗ̇ ܓ̰ܲܠܕܹܐ ܦܠܸܛܠܵܗ̇: ܐَܙܸܠܗܘܿܢ ܒܵܬَܪܵܗ̇: ܣܵܒܵܒ ܚܫܸܒ̣ܠܗܘܿܢ ܕܠܩܲܒ̣ܪܵܐ ܒܹܐܙܵܠܵܐ ܗ݇ܘܵܐ ܠܸܒܟ̣ܵܝܵܐ ܬܵܡܵܐ. 32ܐܝܼܢܵܐ ܡܲܪܝܲܡ ܟܲܕ ܐَܬܹܐܠܵܗ̇ ܐܲܝܟܵܐ ܕܝܼܗ݇ܘܵܐ ܝܼܫܘܿܥ ܘܚܙܹܠܵܗ̇ ܐܸܠܹܗ: ܢܦܸܠܵܗ̇ ܥܲܠ ܐܲܩܠܘܼܗ̇: ܘܐَܡܝܼܪܵܗ̇ ܐܸܠܹܗ: ܐܸܢ ܗܵܘܸܬ ܗ݇ܘܵܐ ܠܲܐܟ̣ܵܐ: ܡܵܪܝܼ: ܠܹܐ ܡܵܝܸܬ ܗ݇ܘܵܐ ܐܵܚܘܿܢܝܼ. 33ܐܝܼܢܵܐ ܝܼܫܘܿܥ ܟܲܕ ܚܸܙܝܵܠܹܗ ܒܸܒܟ̣ܵܝܵܐ: ܘܠܝܗَܘܼܕܵܝܹ̈ܐ ܕܐ݇ܬܹܐܠܗܘܿܢ ܥܲܡܵܗ̇ ܒܸܒܟ̣ܵܝܵܐ: ܪܵܒܵܐ ܦܸܫܠܹܗ ܫܓ̣ܝܼܫܵܐ ܒܪܘܼܚܹܗ ܘܡܘܼܫܥܸܫܵܠܹܗ ܓܵܢܹܗ. 34ܘܐَܡܝܼܪܹܗ: ܐܲܝܟܵܐ ܡܘܼܬܸܒ̣ܠܵܘܟ̣ܘܿܢ ܐܸܠܹܗ: ܘܐَܡܸܪܗܘܿܢ ܐܸܠܹܗ: ܡܵܪܲܢ: ܬܵܐ ܚܙܝܼ. 35ܘܐ݇ܬܹܐܠܗܘܿܢ ܕܸܡܥܹ̈ܐ ܕܝܼܫܘܿܥ. 36ܘܐَܡܸܪܗܘܿܢ ܝܗَܘܼܕܵܝܹ̈ܐ: ܚܙܹܝܡܘܿܢ ܟܡܵܐ ܟܹܐ ܡܲܚܸܒ ܗ݇ܘܵܐ ܠܹܗ. 37ܐܝܼܢܵܐ ܐ݇ܢܵܫܹ̈ܐ ܡܸܢܵܝܗܝ ܐَܡܸܪܗܘܿܢ: ܠܹܐ ܡܵܨܹܐ ܗ݇ܘܵܐ ܐܵܗܵܐ ܕܦܬܸܚܠܹܗ ܥܲܝܢܹ̈ܐ ܕܗ̇ܘ ܣܸܡܝܵܐ: ܥܵܒܸܕ ܕܐܘܼܦ ܐܵܗܵܐ ܠܵܐ ܡܵܝܸܬ. 38ܐܝܼܢܵܐ ܝܼܫܘܿܥ ܟܲܕ ܦܝܵܫܵܐ ܫܥܝܼܫܵܐ ܡܸܢَܕܪܸܫَ ܒܓܵܢܹܗ: ܐَܬܹܐܠܹܗ ܠܒܹܝܬ ܩܒ̣ܘܼܪܵܐ. ܗ̇ܘ ܓܸܦܵܐ ܗ݇ܘܵܐ: ܘܟܹܐܦܵܐ ܡܘܼܬܒ̣ܵܐ ܗ݇ܘܵܐ ܥܲܠܘܼܗܝ. 39ܘܐَܡܝܼܪܹܗ ܝܼܫܘܿܥ: ܫܩܘܿܠܘܿܢ ܐܵܗܵܐ ܟܹܐܦܵܐ. ܐܵܡܪܵܗ̇ ܐܸܠܹܗ ܡܵܪܬܵܐ: ܚܵܬܹܗ ܕܗ̇ܘ ܡܝܼܬܵܐ: ܡܵܪܝܼ: ܐܵܕܝܼܵܐ ܚܡܝܼܩܵܐ ܝܠܹܗ: ܣܵܒܵܒ ܕܐܲܪܒܥܵܐ ܝܵܘܡܵܢܹ̈ܐ ܝܢܵܐ ܐܸܠܹܗ. 40ܐَܡܝܼܪܹܗ ܐܸܠܵܗ̇ ܝܼܫܘܿܥ: ܠܵܐ ܐَܡܸܪܝܼ ܐܸܠܵܟ̣ܝ: ܕܐܸܢ ܗܲܡܸܢܲܬܝ: ܒܸܬ ܚܵܙܝܲܬܝ ܚܸܩܪܹܗ ܕܐܲܠܵܗܵܐ. 41ܘܫܩܸܠܗܘܿܢ ܠܟܹܐܦܵܐ. ܘܝܼܫܘܿܥ ܡܘܼܪܸܡܠܹܗ ܥܲܝܢܘܼ̈ܗܝ ܠܥܸܠܸܠ ܘܐَܡܝܼܪܹܗ: ܒܵܒܵܐ: ܫܵܟܘܿܪܹܐ ܝܘܸܢ ܐܸܠܘܼܟܼ ܕܩܲܡ ܫܲܡܥܸܬ ܠܝܼ. 42ܘܐܵܢܵܐ ܝܕܸܥܠܝܼ ܕܒܟܠ ܙܲܒ̣ܢܵܐ ܟܹܐ ܫܲܡܥܸܬ ܠܝܼ: ܐܸܠܵܐ ܣܵܒܵܒ ܕܐܵܗܵܐ ܟܸܢܫܵܐ ܕܟܸܠܝܵܐ ܝܠܹܗ ܐَܡܸܪܝܼ ܐܲܢܹܐ: ܕܗܲܡܸܢܝܼ ܕܐܲܢَܬ ܫܘܼܕܪܸܢܘܼܟ. 43ܘܟܲܕ ܐَܡܝܼܪܹܗ ܐܲܢܹܐ: ܡܘܼܩܘܸܚܠܹܗ ܒܩܵܠܵܐ ܪܵܡܵܐ: ܠܲܥܵܙܲܪ: ܬܵܐ ܠܒܲܕܲܪ. 44ܘܦܠܸܛܠܹܗ ܗ̇ܘ ܕܡܝܼܬܵܐ ܗ݇ܘܵܐ: ܐܣܝܼܪܹܐ ܐܝܼܕܘܼ̈ܗܝ ܘܐܲܩܠܘܼ̈ܗܝ ܒܩܸܛܥܵܛܹ̈ܐ ܕܓ̰ܘܼܠܹ̈ܐ: ܘܦܵܬܹܗ ܐܣܝܼܪܬܵܐ ܒܝܵܠܸܚܬܵܐ: ܘܐَܡܝܼܪܹܗ ܐܸܠܵܝܗܝ ܝܼܫܘܿܥ: ܫܪܹܝܡܘܿܢ ܠܹܗ ܘܫܒ̣ܘܿܩܘܿܢ ܐܵܙܸܠ. 45ܗܲܕܟ̣ܵܐ ܪܵܒܵܐ ܡ̣ܢ ܝܗَܘܼܕܵܝܹ̈ܐ ܕܐ݇ܬܹܐܠܗܘܿܢ ܠܟܸܣ ܡܲܪܝܲܡ: ܟܲܕ ܚܙܹܐܠܗܘܿܢ ܡܸܢܕܝܼ ܕܥܒܸܕܠܹܗ ܝܼܫܘܿܥ: ܗܘܼܡܸܢܘܿܢ ܒܝܹܗ. 46ܐܝܼܢܵܐ ܐ݇ܢܵܫܹ̈ܐ ܡܸܢܵܝܗܝ ܐَܙܸܠܗܘܿܢ ܠܟܸܣ ܦܪ̈ܝܼܫܹܐ: ܘܐَܡܸܪܗܘܿܢ ܐܸܠܵܝܗܝ ܟܠ ܡܸܢܕܝܼ ܕܥܒܸܕܠܹܗ ܝܼܫܘܿܥ. 47ܗ̇ܝܓܵܗ ܓ̰ܘܼܡܸܥܠܗܘܿܢ ܓܘܼܪ̈ܵܢܹܐ ܕܟܵܗܢܹ̈ܐ ܘܦܪ̈ܝܼܫܹܐ ܠܟܸܢܫܵܐ ܕܪܵܐܝܝܼ: ܘܐَܡܸܪܗܘܿܢ: ܡܘܼܕܝܼ ܥܵܒ̣ܕܵܚ: ܣܵܒܵܒ ܐܵܗܵܐ ܐ݇ܢܵܫܵܐ ܢܝܼܫܲܢܩܹ̈ܐ ܪܵܒܵܐ ܒܸܥܒ̣ܵܕܵܐ ܝܠܹܗ. 48ܘܐܸܢ ܫܵܒ̣ܩܵܚ ܠܹܗ ܗܲܕܟ̣ܵܐ: ܟܠܵܝܗܝ ܒܸܬ ܗܲܡܸܢܝܼ ܒܝܹܗ: ܘܒܸܬ ܐܵܬܝܼ ܪ̈ܗَܘܼܡܵܝܹܐ ܫܵܩܠܝܼ ܐܵܬܪܲܢ ܘܛܵܝܸܦܲܢ. 49ܐܝܼܢܵܐ ܚܲܕَ ܡܸܢܵܝܗܝ: ܩܲܝܵܦܵܐ: ܕܓܘܼܪܵܐ ܕܟܵܗܢܹ̈ܐ ܗ݇ܘܵܐ ܕܗ̇ܝ ܫܹܢَܬܵܐ: ܐَܡܝܼܪܹܗ ܐܸܠܵܝܗܝ: ܐܲܚܬܘܿܢ ܠܹܐ ܝܬܘܿܢ ܒܝܼܕܵܥܝܵܐ ܡܸܢܕܝܼ. 50ܘܠܹܐ ܝܬܘܿܢ ܒܸܚܫܵܒ̣ܵܐ ܕܨܦܵܝܝܼ ܝ݇ܠܵܗ̇ ܐܸܠܵܘܟ̣ܘܿܢ ܕܚܲܕَ ܐ݇ܢܵܫܵܐ ܡܵܝܸܬ ܡܒܵܕܵܠ ܕܛܵܝܸܦܵܐ: ܘܟܠܹܗ ܛܵܝܸܦܵܐ ܠܵܐ ܬܵܠܸܩ. 51ܐܝܼܢܵܐ ܐܵܗܵܐ ܡ̣ܢ ܓܵܢܹܗ ܠܵܐ ܐَܡܝܼܪܹܗ: ܐܸܠܵܐ ܣܵܒܵܒ ܕܓܘܼܪܵܐ ܕܟܵܗܢܹ̈ܐ ܗ݇ܘܵܐ ܕܗ̇ܝ ܫܹܢَܬܵܐ: ܢܘܼܒܸܠܹܐ ܕܗܕܝܼܪܵܐ ܗ݇ܘܵܐ ܝܼܫܘܿܥ ܕܡܵܝܸܬ ܡܒܵܕܵܠ ܕܛܵܝܸܦܵܐ. 52ܘܠܵܐ ܡܒܵܕܵܠ ܕܛܵܝܸܦܵܐ ܗܲܪ: ܐܸܠܵܐ ܕܐܘܼܦ ܒܢܘܿܢܹ̈ܐ ܕܐܲܠܵܗܵܐ ܕܝܼܢܵܐ ܒܘܼܪܒܸܙܹܐ ܓ̰ܲܡܸܥ ܡܸܚܕܵܕܹ̈ܐ. 53 ܗܲܕܟ̣ܵܐ ܗ̇ܘ ܝܵܘܡܵܐ ܥܒܸܕܠܗܘܿܢ ܪܵܐܝܝܼ ܕܩܵܛܠܝܼ ܠܹܗ. 54ܣܵܒܵܒ ܕܐܵܗܵܐ ܝܼܫܘܿܥ ܠܵܐ ܚܕܸܪܹܗ ܒܐܲܫܟܵܪܵܐ ܓܵܘ ܝܗَܘܼܕܵܝܹ̈ܐ: ܐܸܠܵܐ ܐَܙܸܠܹܗ ܡ̣ܢ ܬܵܡܵܐ ܠܕܘܼܟܵܐ ܕܩܘܼܪܒܵܐ ܠܒܲܪܝܼܵܐ: ܠܡܕܝܼܢَܬܵܐ ܕܦܝܵܫܵܐ ܩܪܝܼܬܵܐ: ܐܲܦܪܹܝܡ: ܘܬܵܡܵܐ ܦܸܫܠܹܗ ܥܲܡ ܬܲܠܡܝܼܕܘܼ̈ܗܝ. 55ܘܩܘܼܪܒܵܐ ܗ݇ܘܵܐ ܦܸܨܚܵܐ ܕܝܗَܘܼܕܵܝܹ̈ܐ. ܘܐܣܸܩܠܗܘܿܢ ܪܵܒܵܐ ܡ̣ܢ ܡܵܬܘܵܬܹ̈ܐ ܠܐܘܿܪܸܫܠܸܡ ܩܵܕَܡ ܥܹܐܕܵܐ: ܕܕܵܟ̣ܝܼ ܗ݇ܘܵܘ ܓܵܢܵܝܗܝ. 56ܘܛܵܥܝܼ ܗ݇ܘܵܘ ܠܝܼܫܘܿܥ: ܘܐܵܡܪܝܼ ܚܲܕَ ܠܗ̇ܘ ܐ݇ܚܹܪ݇ܢܵܐ ܟܲܕ ܟܸܠܝܹܐ ܓܵܘ ܗܲܝܟܠܵܐ: ܡܘܼܕܝܼ ܒܸܚܫܵܒ̣ܵܐ ܝܬܘܿܢ: ܕܠܹܐ ܐܵܬܹܐ ܠܥܹܐܕܵܐ. 57ܐܝܼܢܵܐ ܓܘܼܪ̈ܵܢܹܐ ܕܟܵܗܢܹ̈ܐ ܘܦܪ̈ܝܼܫܹܐ ܦܩܝܼܕܹܐ ܗ݇ܘܵܘ: ܕܐܸܢ ܐ݇ܢܵܫܵܐ ܝܵܕܸܥ ܐܲܝܟܵܐ ܝܠܹܗ: ܡܲܕܸܥ ܗ݇ܘܵܐ ܠܗ݇ܘܿܢ: ܕܕܵܒ̣ܩܝܼ ܠܹܗ.