0:00
/
1ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܡ̇ܢ ܕܠܵܐ ܥܵܒܼܸܪ ܡ̣ܢ ܬܲܪܥܵܐ ܠܓܘܼܡܵܐ ܕܥܸܪ̈ܒܹܐ: ܐܸܠܵܐ ܐܵܣܸܩ ܡ̣ܢ ܕܘܼܟܵܐ ܐܚܹܪَܬܵܐ: ܗ̇ܘ ܓܹܢܵܒ̣ܵܐ ܝܠܹܗ ܘܓ̰ܵܠܵܠܝܼ. 2ܐܝܼܢܵܐ ܗ̇ܘ ܕܥܵܒܼܸܪ ܡ̣ܢ ܬܲܪܥܵܐ: ܪܵܥܝܵܐ ܕܥܸܪ̈ܒܹܐ ܝܠܹܗ. 3ܐܸܠܹܗ ܢܵܛܪܵܢܵܐ ܕܬܲܪܥܵܐ ܟܹܐ ܦܵܬܸܚ: ܘܥܸܪ̈ܒܹܐ ܟܹܐ ܫܵܡܥܝܼ ܩܵܠܹܗ: ܘܥܸܪ̈ܒܹܐ ܕܓܵܢܹܗ ܟܹܐ ܩܵܪܹܐ ܒܫܸܡܵܐ: ܘܟܹܐ ܦܵܠܸܛ ܠܗ݇ܘܿܢ. 4ܘܐܝܼܡܲܢ ܕܦܵܠܸܛ ܟܠܵܝܗܝ ܕܓܵܢܹܗ: ܩܵܕَܡܵܝܗܝ ܟܹܐ ܐܵܙܸܠ: ܘܥܸܪ̈ܒܹܐ ܟܹܐ ܐܵܙܠَܝܼ ܒܵܬَܪܹܗ: ܣܵܒܵܒ ܕܟܹܐ ܝܵܕܥܝܼ ܩܵܠܹܗ. 5ܐܝܼܢܵܐ ܒܵܬَܪ ܢܘܼܟ̣ܪܵܝܵܐ ܠܹܐ ܐܵܙܠَܝܼ: ܐܸܠܵܐ ܟܹܐ ܥܵܪܩܝܼ ܡܸܢܹܗ: ܣܵܒܵܒ ܠܹܐ ܝܵܕܥܝܼ ܩܵܠܵܐ ܕܢܘܼܟ̣ܪ̈ܵܝܹܐ. 6ܐܵܗܵܐ ܡܵܣܵܠܵܐ ܐَܡܝܼܪܹܗ ܐܸܠܵܝܗܝ ܝܼܫܘܿܥ: ܐܝܼܢܵܐ ܐܵܢܝܼ ܠܵܐ ܝܕܸܥܠܗܘܿܢ ܡܘܼܕܝܼ ܗ݇ܘܵܘ ܕܗܘܼܡܙܸܡܠܹܗ ܥܲܡܵܝܗܝ. 7ܐܝܼܢܵܐ ܐܵܡܸܪ ܐܸܠܵܝܗܝ ܡܸܢَܕܪܸܫَ ܝܼܫܘܿܥ: ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܐܵܢܵܐ ܝܘܸܢ ܬܲܪܥܵܐ ܕܥܸܪ̈ܒܹܐ. 8ܟܠܵܝܗܝ ܐܵܢܝܼ ܕܐ݇ܬܹܐܠܗܘܿܢ ܡܩܵܕَܡ ܕܝܼܝܼ: ܓܹܢܵܒܹ̈ܐ ܝܢܵܐ ܘܓ̰ܵܠܵܠ̈ܝܹܐ: ܐܸܠܵܐ ܠܵܐ ܫܡܸܥܠܗَܘܿܢ ܐܸܠܵܝܗܝ ܥܸܪ̈ܒܹܐ. 9ܐܵܢܵܐ ܝܘܸܢ ܬܲܪܥܵܐ: ܒܝܼܝ ܐܸܢ ܐ݇ܢܵܫܵܐ ܥܵܒܼܸܪ ܒܸܬ ܚܲܝܹܐ: ܘܒܸܬ ܥܵܒܼܸܪ ܘܒܸܬ ܦܵܠܸܛ: ܘܡܲܪܸܥܝܵܐ ܒܸܬ ܡܵܫَܟ̰ܸܚ. 10ܓܹܢܵܒ̣ܵܐ ܠܹܐ ܐܵܬܹܐ: ܐܸܠܵܐ ܕܓܵܢܹܒ̣ ܘܩܵܛܸܠ ܘܬܵܠܸܩ ܐܵܢܵܐ ܐَܬܹܐܠܝܼ ܕܚܲܝܹ̈ܐ ܗܵܘܝܼ ܠܗ݇ܘܿܢ: ܘܙܵܘܕܵܐ ܗܵܘܝܼ ܠܗ݇ܘܿܢ. 11ܐܵܢܵܐ ܝܘܸܢ ܪܵܥܝܵܐ ܛܵܒ̣ܵܐ: ܪܵܥܝܵܐ ܛܵܒ̣ܵܐ ܓܵܢܹܗ ܟܹܐ ܡܲܬܸܒ̣ ܡܒܵܕܵܠ ܕܥܸܪ̈ܒܹܐ. 12ܕܒ̣ܝܼܩܵܐ ܒܗܵܩܵܐ ܕܠܹܐ ܝܠܹܗ ܪܵܥܝܵܐ: ܘܠܹܐ ܝܢܵܐ ܕܓܵܢܹܗ ܥܸܪ̈ܒܹܐ: ܐܝܼܡܲܢ ܕܚܵܙܹܐ ܕܹܐܸܒ̣ܵܐ ܒܹܐܬܵܝܵܐ: ܟܹܐ ܫܵܒܸܩ ܥܸܪ̈ܒܹܐ ܘܟܹܐ ܥܵܪܸܩ: ܘܟܹܐ ܓܵܢܸܒܼ ܕܹܐܒ̣ܵܐ: ܘܟܹܐ ܒܲܪܒܸܙ ܠܥܸܪ̈ܒܹܐ. 13ܟܹܐ ܥܵܪܸܩ: ܣܵܒܵܒ ܕܕܒ̣ܝܼܩܵܐ ܝܠܹܗ ܒܗܵܩܵܐ: ܘܠܲܝܬ ܠܹܗ ܚܲܡ ܥܲܠ ܥܸܪ̈ܒܹܐ. 14ܐܵܢܵܐ ܝܘܸܢ ܪܵܥܝܵܐ ܛܵܒ̣ܵܐ: ܘܟܹܐ ܝܵܕܥܸܢ ܠܕܝܼܝܼ: ܘܟܹܐ ܦܵܝܫܸܢ ܝܕܸܥܝܵܐ ܡ̣ܢ ܕܝܼܝܼ. 15ܕܵܐܟ̣ܝܼ ܕܟܹܐ ܝܵܕܸܥ ܠܝܼ ܒܵܒܵܐ: ܐܘܼܦ ܐܵܢܵܐ ܟܹܐ ܝܵܕܥܸܢ ܠܒܵܒܵܐ: ܘܓܵܢܝܼ ܡܲܬܘܼܒܹܐ ܝܘܸܢ ܡܒܵܕܵܠ ܕܥܸܪ̈ܒܹܐ. 16ܘܐܝܼܬ ܠܝܼ ܥܸܪ̈ܒܹܐ ܐ݇ܚܹܪ̈݇ܢܹܐ: ܐܵܢܝܼ ܕܠܹܐ ܝܢܵܐ ܡܐܵܗܵܐ ܓܘܼܡܵܐ. ܐܘܼܦ ܠܐܵܢܝܼ ܠܵܙܸܡ ܝ݇ܠܵܗ̇ ܐܸܠܝܼ: ܠܡܲܝܬܘܼܝܵܗܝ؛ ܘܒܸܬ ܫܵܡܥܝܼ ܩܵܠܝܼ: ܘܒܸܬ ܗܵܘܹܐ ܚܲܕَ ܦܸܣܩܵܐ: ܘܚܲܕَ ܪܵܥܝܵܐ. 17ܣܵܒܵܒ ܕܐܵܗܵܐ ܒܵܒܵܐ ܟܹܐ ܡܲܚܸܒ ܠܝܼ: ܕܐܵܢܵܐ ܡܲܬܘܼܒܹܐ ܝܘܸܢ ܓܵܢܝܼ: ܕܡܸܢَܕܪܸܫَ ܫܵܩܠܸܢܵܗ̇. 18ܐ݇ܢܵܫܵܐ ܠܹܐ ܝܠܹܗ ܒܸܫܩܵܠܘܼܗ̇ ܡܸܢܝܼ: ܐܸܠܵܐ ܐܵܢܵܐ ܡܲܬܘܼܒ̣ܘܼܗ̇ ܝܘܸܢ ܡ̣ܢ ܓܵܢܝܼ: ܐܝܼܬ ܠܝܼ ܗܘܼܟܡܵܐ ܕܡܲܬܒܸܢܵܗ̇: ܘܐܝܼܬ ܠܝܼ ܗܘܼܟܡܵܐ ܕܡܸܢَܕܪܸܫَ ܫܵܩܠܸܢܵܗ̇. ܐܵܗܵܐ ܦܘܼܩܕܵܢܵܐ ܩܘܼܒܸܠܝܼ ܡ̣ܢ ܒܵܒܝܼ. 19ܘܗَܘܹܐ ܠܵܗ̇ ܡܸܢَܕܪܸܫَ ܕܘܼܒܵܪܘܼܬܵܐ ܓܵܘܵܐ ܕܝܗَܘܼܕܵܝܹ̈ܐ ܣܵܒܵܒ ܕܐܲܢܹܐ ܗܹܡܸܙܡܵܢܹ̈ܐ. 20ܘܐܵܡܪܝܼ ܗ݇ܘܵܘ ܪܵܒܵܐ ܡܸܢܵܝܗܝ: ܕܲܝܘܵܐ ܐܝܼܬ ܠܹܗ: ܘܫܘܼܕܸܢܹܐ. 21ܩܵܡܘܿܕܝܼ ܒܸܫܡܲܥܝܹܗ ܝܬܘܿܢ. ܐܝܼܢܵܐ ܐ݇ܚܹܪ̈݇ܢܹܐ ܐܵܡܪܝܼ ܗ݇ܘܵܘ: ܐܲܢܹܐ ܗܹܡܸܙܡܵܢܹ̈ܐ ܠܹܐ ܝܢܵܐ ܕܕܲܝܘܵܢܵܐ. ܕܲܝܘܵܐ ܡܵܨܹܐ ܥܲܝܢܹ̈ܐ ܕܣܸܡܝܵܐ ܠܸܦܬܵܚܵܐ. 22ܐܝܼܢܵܐ ܗَܘܹܐܠܹܗ ܥܹܐܕܵܐ ܕܚܘܼܕܵܬܵܐ ܓܵܘ ܐܘܿܪܸܫܠܸܡ: ܘܣܸܬܘܵܐ ܗ݇ܘܵܐ. 23ܘܒܸܚܕܵܪܵܐ ܗ݇ܘܵܐ ܝܼܫܘܿܥ ܓܵܘ ܗܲܝܟܠܵܐ ܒܨܘܼܦܵܐ ܕܫܠܹܝܡܘܿܢ. 24ܘܐ݇ܬܹܐܠܗܘܿܢ ܚܵܕܸܪ̈ܘܵܢܘܼܗܝ ܝܗَܘܼܕܵܝܹ̈ܐ ܘܐܵܡܪܝܼ ܐܸܠܹܗ: ܗܲܠ ܐܝܼܡܲܢ ܕܘܼܒܵܪ ܒܸܫܒ̣ܵܩܲܢ ܝܼܘܸܬ: ܐܸܢ ܐܲܢَܬ ܝܼܘܸܬ ܡܫܝܼܚܵܐ: ܐَܡܘܿܪ ܐܸܠܲܢ ܐܲܫܟܵܪܵܐ. 25ܓ̰ܘܼܘܸܒܠܹܗ ܝܼܫܘܿܥ ܐܸܠܵܝܗܝ: ܐَܡܸܪܝܼ ܐܸܠܵܘܟ̣ܘܿܢ ܘܠܹܐ ܝܬܘܿܢ ܗܲܡܘܼܢܹܐ. ܦܘܼܠܚܵܢܹ̈ܐ ܕܐܵܢܵܐ ܒܸܥܒ̣ܵܕܵܐ ܝܘܸܢ ܒܫܸܡܹܗ ܕܒܵܒܝܼ: ܐܲܢܹܐ ܒܝܼܵܗَܒ̣ܵܐ ܝܢܵܐ ܣܵܗܕܘܼܬܵܐ ܥܲܠܝܼ. 26ܐܸܠܵܐ ܐܲܚܬܘܿܢ ܠܹܐ ܝܬܘܿܢ ܗܲܡܘܼܢܹܐ: ܣܵܒܵܒ ܕܠܹܐ ܝܬܘܿܢ ܡ̣ܢ ܥܸܪ̈ܒܝܼ. 27ܥܸܪ̈ܒܹܐ ܕܝܼܝܼ ܩܵܠܝܼ ܟܹܐ ܫܵܡܥܝܼ: ܘܐܵܢܵܐ ܟܹܐ ܝܵܕܥܸܢܗܘܿܢ: ܘܐܵܢܝܼ ܟܹܐ ܐܵܬܝܼ ܒܵܬَܪܝܼ. 28ܘܐܵܢܵܐ ܒܝܼܵܗَܒ̣ܵܐ ܝܘܸܢ ܐܸܠܵܝܗܝ ܚܲܝܹ̈ܐ ܕܠܐܵܒܲܕ: ܘܠܹܐ ܬܵܠܩܝܼ ܠܥܵܠܲܡ: ܘܠܵܐ ܐ݇ܢܵܫܵܐ ܒܸܬ ܓܵܢܸܒܼ ܠܗ݇ܘܿܢ ܡ̣ܢ ܐܝܼܕܝܼ. 29 ܒܵܒܝܼ ܕܩܲܡ ܝܵܗَܒܸܠ ܠܗ݇ܘܿܢ ܐܸܠܝܼ: ܡ̣ܢ ܟܠ ܓܘܼܪܵܐ ܝܠܹܗ: ܘܠܵܐ ܐ݇ܢܵܫܵܐ ܡܵܨܹܐ ܡ̣ܢ ܐܝܼܕܹܗ ܕܒܵܒܵܐ ܓܵܢܸܒܼ (ܠܗ݇ܘܿܢ). 30ܐܵܢܵܐ ܘܒܵܒܝܼ ܚܲܕَ ܝܼܘܵܚ. 31ܘܫܩܸܠܗܘܿܢ ܡܸܢَܕܪܸܫَ ܝܗَܘܼܕܵܝܹ̈ܐ ܟܹܐܦܵܐ ܠܸܪܓ̰ܵܡܹܗ. 32ܓ̰ܘܼܘܸܒܠܹܗ ܐܸܠܵܝܗܝ ܝܼܫܘܿܥ: ܪܵܒܵܐ ܦܘܼܠܚܵܢܹ̈ܐ ܫܲܦܝܼܪܹ̈ܐ ܡ̣ܢ ܠܟܸܣ ܒܵܒܵܐ ܩܲܡ ܡܲܚܙܸܢܵܘܟ̣ܘܿܢ: ܣܵܒܵܒ ܕܐܲܝܢܝܼ ܦܘܼܠܚܵܢܵܐ ܡܸܢܵܝܗܝ ܒܸܪܓ̰ܵܡܝܼ ܝܬܘܿܢ. 33ܓ̰ܘܼܘܸܒܠܘܿܢ ܐܸܠܹܗ ܝܗَܘܼܕܵܝܹ̈ܐ: ܠܵܐ ܣܵܒܵܒ ܕܦܘܼܠܚܵܢܹ̈ܐ ܫܲܦܝܼܪܹ̈ܐ ܒܸܪܓ̰ܵܡܘܼܟ ܝܼܘܵܚ: ܐܸܠܵܐ ܣܵܒܵܒ ܕܓܘܼܕܵܦܵܐ: ܘܕܟܲܕ ܒܲܪܢܵܫܵܐ ܝܘܸܬ: ܒܸܥܒ̣ܵܕܵܐ ܝܘܸܬ ܓܵܢܘܼܟ ܐܲܠܵܗܵܐ. 34ܓ̰ܘܼܘܸܒܠܹܗ ܐܸܠܵܝܗܝ ܝܼܫܘܿܥ: ܠܹܐ ܝܠܹܗ ܟܬܝܼܒ̣ܵܐ ܒܢܵܡܘܿܣܵܘܟ̣ܘܿܢ: ܐܵܢܵܐ ܐَܡܸܪܝܼ: ܐܲܠܵܗܹ̈ܐ ܝܬܘܿܢ. 35ܐܸܢ ܠܐܵܢܝܼ ܐَܡܝܼܪܹܗ: ܐܲܠܵܗܹ̈ܐ: ܕܠܟܸܣܠܵܝܗܝ ܗَܘܹܐ ܠܵܗ̇ ܗܹܡܸܙܡܵܢ ܕܐܲܠܵܗܵܐ: ܘܠܹܐ ܡܵܨܹܐ ܟܬܵܒ̣ܵܐ ܕܦܵܐܹܫ ܒܘܼܛܠܵܐ. 36ܠܗ̇ܘ ܕܒܵܒܵܐ ܩܘܼܕܸܫܠܹܗ ܘܫܘܼܕܸܪܹܗ ܠܥܵܠܡܵܐ: ܐܲܚܬܘܿܢ ܒܹܐܡܵܪܵܐ ܝܬܘܿܢ: ܒܸܓܕܵܦܵܐ ܝܘܸܬ: ܣܵܒܵܒ ܕܐَܡܸܪܝܼ ܐܸܠܵܘܟ̣ܘܿܢ: ܒܪܘܿܢܹܗ ܕܐܲܠܵܗܵܐ ܝܘܸܢ. 37ܐܸܢ ܠܵܐ ܥܵܒ̣ܕܸܢ ܦܘܼܠܚܵܢܹ̈ܐ ܕܒܵܒܝܼ: ܠܵܐ ܗܲܡܸܢܝܼܬܘܿܢ ܐܸܠܝܼ. 38ܐܝܼܢܵܐ ܐܸܢ ܥܵܒ̣ܕܸܢ: ܐܵܦܸܢ ܐܸܠܝܼ ܠܹܐ ܝܬܘܿܢ ܗܲܡܘܼܢܹܐ: ܠܐܲܢܹܐ ܦܘܼܠܚܵܢܹ̈ܐ ܗܲܡܸܢܘܿܢ: ܕܝܵܕܥܝܼܬܘܿܢ ܘܗܲܡܸܢܝܼܬܘܿܢ ܕܒܵܒܵܐ ܒܝܼܝܼ ܝܠܹܗ: ܘܐܵܢܵܐ ܒܝܹܗ. 39 ܘܛܸܥܠܗܘܿܢ ܡܸܢَܕܪܸܫَ ܕܕܵܒ̣ܩܝܼ ܠܹܗ: ܘܦܠܸܛܠܹܗ ܡ̣ܢ ܐܝܼܕܵܝܗܝ. 40ܘܐَܙܸܠܹܗ ܡܸܢَܕܪܸܫَ ܠܡܲܪܙܵܐ ܐ݇ܚܹܪ݇ܢܵܐ ܕܝܘܿܪܕܢܵܢ: ܠܕܘܼܟܬܵܐ ܐܲܝܟܵܐ ܕܝܼܗ݇ܘܵܐ ܝܘܿܚܲܢܵܢ ܒܩܵܕَܡܵܝܬܵܐ ܡܲܥܡܘܿܕܹܐ: ܘܦܸܫܠܗَܘܿܢ ܬܵܡܵܐ. 41ܘܐ݇ܬܹܐܠܗܘܿܢ ܪܵܒܵܐ ܐ݇ܢܵܫܹ̈ܐ ܠܟܸܣܠܹܗ: ܘܐܵܡܪܝܼ: ܝܘܿܚܲܢܵܢ ܐܘܼܦ ܚܲܕَ ܢܝܼܫܲܢܩܵܐ ܠܵܐ ܥܒܸܕܠܹܗ: ܐܝܼܢܵܐ ܟܠ ܡܸܢܕܝܼ ܕܐَܡܝܼܪܹܗ ܝܘܿܚܲܢܵܢ ܒܘܼܬ ܕܐܵܗܵܐ ܐ݇ܢܵܫܵܐ ܫܲܪܝܼܪܵܐ ܝܠܹܗ. 42ܘܪܵܒܵܐ ܬܵܡܵܐ ܗܘܼܡܸܢܗܘܿܢ ܒܝܹܗ.