0:00
/
1ܐܝܼܢܵܐ ܡܩܵܕَܡ ܥܹܐܕܵܐ ܕܦܸܨܚܵܐ: ܟܲܕ ܒܝܼܕܵܥܝܵܐ ܗ݇ܘܵܐ ܝܼܫܘܿܥ ܕܡܛܹܠܵܐ ܣܵܥܲܬ ܕܫܵܢܹܐ ܗ݇ܘܵܐ ܡ̣ܢ ܕܐܵܗܵܐ ܥܵܠܡܵܐ ܠܟܸܣ ܒܵܒܹܗ: ܘܟܲܕ ܡܘܼܚܸܒܠܹܗ ܠܕܝܹܗ ܕܓܵܘ ܕܐܵܗܵܐ ܥܵܠܡܵܐ: ܗܲܠ ܐَܚܲܪܬܵܐ ܡܘܼܚܸܒܵܝܠܹܗ. 2ܘܟܲܕ ܐَܟܼܵܠَܪܲܡܫܵܐ ܗ݇ܘܵܐ: ܕܸܪܝܵܐ ܗ݇ܘܵܐ ܣܵܛܵܢܵܐ ܓܵܘ ܠܸܒܹܗ ܕܝܼܗܘܼܕܵܐ ܣܟܲܪܝܘܿܛܵܐ: ܒܪܘܿܢܵܐ ܕܫܸܡܥܘܿܢ: ܕܣܵܦܹܐ ܠܹܗ. 3ܐܝܼܢܵܐ ܝܼܫܘܿܥ: ܣܵܒܵܒ ܕܟܹܐ ܝܵܕܸܥ ܗ݇ܘܵܐ ܕܟܠ ܡܸܢܕܝܼ ܝܘܼܗَܒܼܸܠܹܗ ܒܵܒܵܐ ܒܐܝܼܕܘܼ̈ܗܝ: ܘܕܡ̣ܢ ܐܲܠܵܗܵܐ ܦܠܸܛܠܹܗ: ܘܠܟܸܣ ܐܲܠܵܗܵܐ ܒܹܐܙܵܠܵܐ ܗ݇ܘܵܐ. 4ܩܸܡܠܹܗ ܡ̣ܢ ܐَܟܼܵܠَܪܲܡܫܵܐ: ܘܡܘܼܬܸܒ̣ܠܹܗ ܓ̰ܘܼܠܘܼ̈ܗܝ: ܘܫܩܸܠܹܗ ܝܵܠܸܚܬܵܐ ܐܣܸܪܹܐ ܒܚܵܨܹܗ. 5ܘܕܪܹܠܹܗ ܡ̈ܝܼܵܐ ܓܵܘ ܡܵܐܢܵܐ ܕܚܲܠܲܠܬܵܐ: ܘܫܘܼܪܹܐܠܹܗ ܠܚܲܠܘܼܠܹܐ ܐܲܩܠܹ̈ܐ ܕܬܲܠܡܝܼܕܘܼ̈ܗܝ: ܘܠܸܡܫܵܝܵܝܗܝ ܒܝܵܠܸܚܬܵܐ ܕܐَܣܝܼܪܵܐ ܗ݇ܘܵܐ ܒܚܵܨܹܗ. 6ܘܐَܬܹܐܠܹܗ ܠܟܸܣ ܫܸܡܥܘܿܢ ܟܹܐܦܵܐ. ܐܵܡܸܪ ܐܸܠܹܗ ܗ̇ܘ: ܐܲܢَܬ: ܡܵܪܝܼ: ܚܲܠܸܠܸܬ ܐܲܩܠܝܼ̈. 7ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܹܗ: ܡܸܢܕܝܼ ܕܒܸܥܒ̣ܵܕܵܐ ܝܘܸܢ ܐܲܢَܬ ܠܹܐ ܝܘܸܬ ܒܝܼܕܵܥܝܵܐ ܐܵܕܝܼܵܐ: ܐܝܼܢܵܐ ܒܵܬَܪ ܗܵܕܵܐ ܒܸܬ ܝܵܕܥܸܬ. 8ܐܵܡܸܪ ܐܸܠܹܗ ܟܹܐܦܵܐ: ܗܲܠ ܐܵܒܵܕ ܠܹܐ ܚܲܠܸܠܸܬ ܐܲܩܠܝܼ̈ ܐܵܡܸܪ ܐܸܠܹܗ ܝܼܫܘܿܥ: ܐܸܢ ܠܵܐ ܚܲܠܸܠܸܢܘܼܟ: ܠܲܝܬ ܠܘܼܟܼ ܣܵܡܵܐ ܥܲܡܝܼ. 9ܐܵܡܸܪ ܐܸܠܹܗ ܫܸܡܥܘܿܢ ܟܹܐܦܵܐ: ܡܵܪܝܼ: ܠܵܐ ܗܲܪ ܐܲܩܠܝܼ̈ ܚܲܠܸܠܸܬ: ܐܸܠܵܐ ܐܘܼܦ ܐܝܼܕܝܼ̈ ܐܘܼܦ ܪܹܫܝܼ. 10ܐܵܡܸܪ ܐܸܠܹܗ ܝܼܫܘܿܥ: ܗ̇ܘ ܕܣܸܚܝܵܐ ܝܠܹܗ: ܠܹܐ ܝܠܹܗ ܣܢܝܼܩܵܐ ܕܚܲܠܸܠ ܫܒ̣ܘܿܩ ܡ̣ܢ ܐܲܩܠܘܼ̈ܗܝ: ܐܸܠܵܐ ܟܠܹܗ ܕܸܟ̣ܝܵܐ ܝܠܹܗ. ܐܘܼܦ ܐܲܚܬܘܿܢ ܕܸܟ̣ܝܹ̈ܐ ܝܬܘܿܢ: ܐܸܠܵܐ ܠܵܐ ܟܠܵܘܟ̣ܘܿܢ. 11ܣܵܒܵܒ ܝܕܸܥܠܹܗ ܠܗ̇ܘ ܕܣܵܦܹܐ ܗ݇ܘܵܐ ܠܹܗ: ܒܘܼܬ ܕܐܵܗܵܐ ܐَܡܝܼܪܹܗ: ܠܵܐ ܟܠܵܘܟ̣ܘܿܢ ܕܸܟ̣ܝܹ̈ܐ ܝܬܘܿܢ. 12ܐܝܼܢܵܐ ܟܲܕ ܚܘܼܠܸܠܹܗ ܐܲܩܠܵܝ̈ܗܝ: ܫܩܸܠܹܗ ܓ̰ܘܼܠܘܼ̈ܗܝ ܘܝܬܸܒ̣ܠܹܗ ܡܸܢَܕܪܸܫَ: ܘܐَܡܝܼܪܹܗ ܐܸܠܵܝܗܝ: ܒܝܼܕܵܥܝܵܐ ܝܬܘܿܢ ܡܘܼܕܝܼ ܥܒܸܕܠܝܼ ܐܸܠܵܘܟ̣ܘܿܢ. 13ܐܲܚܬܘܿܢ ܟܹܐ ܩܵܪܹܝܬܘܿܢ ܠܝܼ: ܪܵܒܝܼ: ܘܡܵܪܵܐ: ܘܨܦܵܝܝܼ ܟܹܐ ܐܵܡܪܝܼܬܘܿܢ: ܣܵܒܵܒ ܕܝܼܘܸܢ. 14ܐܸܢ ܐܵܢܵܐ ܗܲܕܟ̣ܵܐ: ܡܵܪܵܐ ܘܪܵܒܝܼ: ܚܘܼܠܸܠܝܼ ܐܲܩܠܵܘ̈ܟ̣ܘܿܢ: ܘܵܓ̰ܸܒ ܝ݇ܠܵܗ̇ ܕܐܲܚܬܘܿܢ ܚܲܠܸܠܝܼܬܘܿܢ ܐܲܩܠܹ̈ܐ ܕܚܲܕَ ܕܗ̇ܘ ܐ݇ܚܹܪ݇ܢܵܐ. 15ܣܵܒܵܒ ܛܘܼܦ̮ܣܵܐ ܝܸܗܒܸܠܝܼ ܐܸܠܵܘܟ̣ܘܿܢ: ܕܕܵܐܟ̣ܝܼ ܕܐܵܢܵܐ ܥܒܸܕܠܝܼ ܐܸܠܵܘܟ̣ܘܿܢ: ܐܘܼܦ ܐܲܚܬܘܿܢ ܥܵܒ̣ܕܝܼܬܘܿܢ. 16ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܲܝܬ ܪܹܓܵܐ ܒܘܼܫ ܓܘܼܪܵܐ ܡ̣ܢ ܐܵܓ̣ܵܝܹܗ: ܘܠܵܐ ܫܠܝܼܚܵܐ ܒܘܼܫ ܓܘܼܪܵܐ ܡ̣ܢ ܕܗ̇ܘ ܕܫܘܼܕܸܪܹܗ. 17ܐܸܢ ܐܲܢܹܐ ܝܵܕܥܝܼܬܘܿܢ: ܛܘܼܒ̣ܵܢܹ̈ܐ ܝܬܘܿܢ ܐܸܢ ܥܵܒ̣ܕܝܼܬܘܿܢ ܠܗ݇ܘܿܢ. 18ܠܵܐ ܒܘܼܬ ܟܠܵܘܟ̣ܘܿܢ ܒܹܐܡܵܪܵܐ ܝܘܸܢ: ܣܵܒܵܒ ܒܝܼܕܵܥܝܵܐ ܝܘܸܢ ܠܐܵܢܝܼ ܕܓܘܼܒܹܐܠܝܼ: ܐܸܠܵܐ ܕܟܬܵܒ̣ܵܐ ܬܲܡܸܡ: ܗ̇ܘ ܕܒܹܐܟ̣ܵܠܵܐ ܝܠܹܗ ܥܲܡܝܼ ܠܲܚܡܵܐ: ܡܘܼܪܸܡܠܹܗ ܥܲܠܝܼ ܥܸܩܒܹܗ. 19ܡܐܵܕܝܼܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܡ̣ܢ ܩܵܕَܡ ܕܗܵܘܹܐ: ܕܐܝܼܡܲܢ ܕܗَܘܹܐܠܹܗ: ܗܲܡܸܢܝܼܬܘܿܢ ܕܐܵܢܵܐ ܝܘܸܢ. 20ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܡ̇ܢ ܕܩܵܒܸ̇ܠ ܠܗ̇ܘ ܕܫܵܕܪܸܢ: ܐܸܠܝܼ ܩܵܒ̇ܘܿܠܹܐ ܝܠܹܗ: ܘܡ̇ܢ ܕܐܸܠܝܼ ܩܵܒܸ̇ܠ: ܩܵܒ̇ܘܿܠܹܐ ܝܠܹܗ ܠܗ̇ܘ ܕܫܘܼܕܪܢܹܗ. 21ܐܲܢܹܐ ܐَܡܝܼܪܹܗ ܝܼܫܘܿܥ: ܘܦܸܫܠܹܗ ܫܓ̣ܝܼܫܵܐ ܒܪܘܼܚܹܗ: ܘܣܗܸܕܠܹܗ ܘܐَܡܝܼܪܹܗ: ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܚܲܕَ ܡܸܢܵܘܟ̣ܘܿܢ ܒܸܬ ܣܵܦܹܐܠܝܼ. 22ܘܚܸܪܗܘܿܢ ܬܲܠܡܝܼܕܹ̈ܐ ܚܲܕَ ܒܗ̇ܘ ܐ݇ܚܹܪ݇ܢܵܐ: ܣܵܒܵܒ ܠܹܐ ܗ݇ܘܵܘ ܒܝܼܕܵܥܝܵܐ ܒܘܼܬ ܕܡܵܢܝܼ ܐَܡܝܼܪܹܗ. 23ܐܝܼܢܵܐ ܐܝܼܬ ܗ݇ܘܵܐ ܚܲܕَ ܡ̣ܢ ܬܲܠܡܝܼܕܘܼ̈ܗܝ ܣܢܝܼܕܵܐ ܒܥܘܼܒܹܗ ܕܝܼܫܘܿܥ: ܗ̇ܘ ܕܟܹܐ ܡܲܚܸܒ ܗ݇ܘܵܐ ܠܹܗ ܝܼܫܘܿܥ. 24ܠܐܵܗܵܐ ܪܡܸܙܠܹܗ ܫܸܡܥܘܿܢ ܟܹܐܦܵܐ: ܕܒܵܩܸܪܹܗ: ܡܵܢܝܼ ܝܠܹܗ ܗ̇ܘ ܕܐَܡܝܼܪܹܗ ܒܵܗَܣܹܗ. 25ܘܓܢܹܠܹܗ ܗ̇ܘ ܥܲܠ ܨܲܕܪܹܗ ܕܝܼܫܘܿܥ: ܘܐَܡܝܼܪܹܗ ܐܸܠܹܗ: ܡܵܪܝܼ: ܡܵܢܝܼ ܝܠܹܗ ܐܵܗܵܐ. ܓ26̰ܘܼܘܸܒܠܹܗ ܝܼܫܘܿܥ: ܗ̇ܘ ܝܼܠܹܗ ܕܛܵܡܫܸܢ ܠܲܚܡܵܐ ܘܝܵܗَܒܸܢ ܐܸܠܹܗ. ܘܟܲܕ ܛܡܸܫܠܹܐ ܝܼܫܘܿܥ ܠܲܚܡܵܐ: ܝܘܼܗَܒܼܸܠܹܗ ܠܝܼܗܘܼܕܵܐ: ܒܪܘܿܢܵܐ ܕܫܸܡܥܘܿܢ ܣܟܲܪܝܘܿܛܵܐ. 27ܘܒܵܬَܪ ܠܲܚܡܵܐ: ܗ̇ܝܓܵܗ ܥܒܼܸܪܹܗ ܒܝܹܗ ܣܵܛܵܢܵܐ. ܐَܡܝܼܪܹܗ ܗܲܕܟ̣ܵܐ ܐܸܠܹܗ ܝܼܫܘܿܥ: ܡܸܢܕܝܼ ܕܥܵܒ̣ܕܸܬ ܥܒ̣ܘܿܕ ܓ̰ܲܠܕܹܐ. 28ܐܝܼܢܵܐ ܐ݇ܢܵܫܵܐ ܡ̣ܢ ܕܐܵܢܝܼ ܝܬܝܼܒܹ̈ܐ ܠܵܐ ܝܕܸܥܠܹܗ ܠܐܵܗܵܐ: ܕܥܲܠ ܡܘܼܕܝܼ ܐَܡܝܼܪܹܗ ܐܸܠܹܗ. 29ܣܵܒܵܒ ܐ݇ܢܵܫܹ̈ܐ ܡܸܢܵܝܗܝ ܚܫܸܒ̣ܠܗܘܿܢ: ܣܵܒܵܒ ܕܨܸܢܕܘܼܩܵܐ ܠܟܸܣ ܝܼܗܘܼܕܵܐ ܗ݇ܘܵܐ: ܕܐَܡܝܼܪܹܗ ܐܸܠܹܗ ܝܼܫܘܿܥ: ܙܒ̣ܘܿܢ ܡܸܢܕܝܼ ܕܝܼܠܹܗ ܠܵܙܝܼܡܲܢ ܠܥܹܐܕܵܐ: ܝܲܢ ܕܝܵܗَܒܸܠ ܡܸܢܕܝܼ ܠܡܸܣܟܹܢܹ̈ܐ. 30ܐܝܼܢܵܐ ܟܲܕ ܫܩܸܠܹܗ ܠܲܚܡܵܐ ܒܗ̇ܝ ܣܵܥܲܬ ܦܠܸܛܠܹܗ ܠܒܲܕܲܪ. ܐܝܼܢܵܐ ܠܲܝܠܹܐ ܗ݇ܘܵܐ. 31ܘܟܲܕ ܦܠܸܛܠܹܗ: ܐܵܡܸܪ ܝܼܫܘܿܥ: ܐܵܕܝܼܵܐ ܦܸܫܠܹܗ ܚܩܝܼܪܵܐ ܒܪܘܿܢܹܗ ܕܐ݇ܢܵܫܵܐ: ܘܐܲܠܵܗܵܐ ܦܸܫܠܹܗ ܚܩܝܼܪܵܐ ܒܝܹܗ. 32ܘܐܲܠܵܗܵܐ ܒܸܬ ܚܵܩܸܪܹܗ ܒܓܵܢܹܗ: ܘܕܲܪܣܵܥܲܬ ܒܸܬ ܚܵܩܸܪܹܗ. 33ܒܢܘܿܢܝܼ̈: ܚܲܕَܟ̰ܵܐ ܐ݇ܚܹܪ݇ܢܵܐ ܥܲܡܵܘܟ̣ܘܿܢ ܝܼܘܸܢ ܒܸܬ ܛܵܥܝܼܬܘܢ ܐܸܠܝܼ: ܘܕܵܐܟ̣ܝܼ ܕܐَܡܸܪܝܼ ܠܝܗَܘܼܕܵܝܹ̈ܐ: ܠܐܲܝܟܵܐ ܕܐܵܢܵܐ ܒܹܐܙܵܠܵܐ ܝܘܸܢ ܐܲܚܬܘܿܢ ܠܹܐ ܡܵܨܹܝܬܘܿܢ ܠܹܐܬܵܝܵܐ: ܐܘܼܦ ܐܸܠܵܘܟ̣ܘܿܢ ܐܵܕܝܼܵܐ ܒܹܐܡܵܪܵܐ ܝܘܸܢ. 34ܦܘܼܩܕܵܢܵܐ ܚܲܕَܬܵܐ ܒܝܼܵܗَܒ̣ܵܘܟ̣ܘܿܢ ܝܘܸܢ: ܕܡܲܚܸܒܝܼܬܘܿܢ ܚܲܕَ ܠܗ̇ܘ ܐ݇ܚܹܪ݇ܢܵܐ: ܕܵܐܟ̣ܝܼ ܕܐܵܢܵܐ ܩܲܡ ܡܲܚܸܒܸܢܵܘܟ̣ܘܿܢ: ܕܐܘܼܦ ܐܲܚܬܘܿܢ ܡܲܚܸܒܝܼܬܘܿܢ ܚܲܕَ ܠܗ̇ܘ ܐ݇ܚܹܪ݇ܢܵܐ. 35ܒܐܵܗܵܐ ܒܸܬ ܝܵܕܸܥ ܟܠ ܐ݇ܢܵܫܵܐ ܕܬܲܠܡܝܼܕܝܼ̈ ܝܬܘܿܢ: ܐܸܢ ܚܘܼܒܵܐ ܗܵܘܹܐ ܒܝܼܵܘܟ̣ܘܿܢ ܚܲܕَ ܠܗ̇ܘ ܐ݇ܚܹܪ݇ܢܵܐ. 36ܐܵܡܸܪ ܐܸܠܹܗ ܫܸܡܥܘܿܢ ܟܹܐܦܵܐ: ܡܵܪܲܢ: ܠܐܲܝܟܵܐ ܒܹܐܙܵܠܵܐ ܝܘܸܬ: ܓ̰ܘܼܘܸܒܠܹܗ ܐܸܠܹܗ ܝܼܫܘܿܥ: ܠܐܲܝܟܵܐ ܕܒܹܐܙܵܠܵܐ ܝܘܸܢ ܠܹܐ ܡܵܨܸܬ ܐܵܕܝܼܵܐ ܐܵܬܸܬ ܒܵܬَܪܝܼ: ܐܝܼܢܵܐ ܒܐَܚܲܪܬܵܐ ܒܸܬ ܐܵܬܸܬ. 37ܐܵܡܸܪ ܐܸܠܹܗ ܟܹܐܦܵܐ: ܡܵܪܝܼ: ܩܵܡܘܿܕܝܼ ܠܹܐ ܡܵܨܸܢ ܕܐܵܬܸܢ ܒܵܬَܪܘܼܟ ܐܵܕܝܼܵܐ: ܓܵܢܝܼ ܡܒܵܕܵܠܘܼܟܼ ܒܸܬ ܡܲܬܒܸܢ. 38ܓ̰ܘܼܘܸܒܠܹܗ ܐܸܠܹܗ ܝܼܫܘܿܥ: ܓܵܢܘܼܟ ܡܒܵܕܵܠܝܼ: ܒܸܬ ܡܲܬܒܸܬ: ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܘܼܟܼ: ܕܠܹܐ ܩܵܪܹܐ ܩܵܪܘܿܝܵܐ ܗܲܠ ܕܣܵܪܒܸܬ ܠܝܼ ܬܠܵܬَ ܓܵܗܹ̈ܐ.