0:00
/
1ܐܲܢܹܐ ܗܘܼܡܙܸܡܠܹܗ ܝܼܫܘܿܥ: ܘܡܘܼܪܸܡܠܹܗ ܥܲܝܢܘܼ̈ܗܝ ܠܫܡܲܝܵܐ ܘܐَܡܝܼܪܹܗ: ܒܵܒܵܐ: ܐَܬܹܐܠܵܗ̇ ܣܵܥܲܬ: ܚܩܘܿܪ ܒܪܘܼܢܘܼܟ: ܕܐܘܼܦ ܒܪܘܼܢܘܼܟ ܚܵܩܸܪ ܐܸܠܘܼܟܼ. 2ܕܵܐܟ̣ܝܼ ܕܝܘܼܗَܒܼܸܠܘܼܟܼ ܐܸܠܹܗ ܗܘܼܟܡܵܐ ܥܲܠ ܟܠ ܒܸܣܪܵܐ: ܕܟܠ ܕܝܘܼܗَܒܼܸܠܘܼܟܼ ܐܸܠܹܗ: ܝܵܗَܒܸܠ ܐܸܠܹܗ ܚܲܝܹ̈ܐ ܕܠܐܵܒܲܕ. 3ܘܐܲܢܹܐ ܝܢܵܐ ܚܲܝܹ̈ܐ ܕܠܐܵܒܲܕ: ܕܝܵܕܥܝܼ ܠܘܼܟܼ ܐܲܠܵܗܵܐ ܣܲܪܲܣܬ ܒܢܲܦ̮ܫܘܼܟ: ܘܗ̇ܘ ܕܫܘܼܕܸܪܘܼܟ: ܝܼܫܘܿܥ ܡܫܝܼܚܵܐ. 4ܐܵܢܵܐ ܩܲܡ ܚܵܩܪܸܢܘܿܟ ܒܐܲܪܥܵܐ: ܦܘܼܠܚܵܢܵܐ ܗ̇ܘ ܕܝܘܼܗَܒܼܸܠܘܼܟܼ ܐܸܠܝܼ ܕܥܵܒ̣ܕܸܢ: ܬܘܼܡܸܡܹܗ ܝܘܸܢ. 5ܘܐܵܕܝܼܵܐ ܚܩܘܿܪܝܼ ܐܲܢَܬ: ܝܵܐ ܒܵܒܵܐ: ܠܟܸܣ ܓܵܢܘܼܟ: ܒܗ̇ܘ ܚܸܩܪܵܐ ܕܐܝܼܬ ܗ݇ܘܵܐ ܠܝܼ ܠܟܸܣܠܘܼܟܼ ܡܩܵܕَܡ ܕܥܵܠܡܵܐ ܗܵܘܹܐ ܗ݇ܘܵܐ. 6ܡܘܼܕܸܥܠܝܼ ܫܸܡܘܼܟ ܠܒܢܲܝ̈ܢܵܫܵܐ: ܐܵܢܝܼ ܕܝܘܼܗَܒܼܸܠܘܼܟܼ ܐܸܠܝܼ ܡ̣ܢ ܥܵܠܡܵܐ. ܕܝܼܘܼܟ ܝܼܗ݇ܘܵܘ: ܘܐܸܠܝܼ ܝܸܗܒ̣ܵܝܠܘܼܟܼ: ܘܢܛܸܪܘܿܢ ܗܹܡܸܙܡܵܢܘܼܟ. 7ܐܵܕܝܼܵܐ ܝܕܸܥܠܗܘܿܢ ܕܟܠ ܡܸܢܕܝܼ ܕܝܘܼܗَܒܼܸܠܘܼܟܼ ܐܸܠܝܼ ܡ̣ܢ ܠܟܸܣܠܘܼܟܼ ܝܼܠܹܗ. 8ܣܵܒܵܒ ܕܗܹܡܸܙܡܵܢܹ̈ܐ ܕܝܘܼܗَܒܼܸܠܘܼܟܼ ܐܸܠܝܼ: ܝܘܼܗَܒ̣ܵܐ ܝܘܸܢ ܐܸܠܵܝܗܝ: ܘܐܲܢܹܐ ܩܘܼܒܸܠܗܘܿܢ: ܘܝܕܸܥܠܗܘܿܢ ܒܫܲܪܝܼܪܘܼܬܵܐ ܕܡ̣ܢ ܠܟܸܣܠܘܼܟܼ ܦܠܸܛܠܝܼ: ܘܗܘܼܡܸܢܘܿܢ ܕܐܲܢَܬ ܫܘܼܕܪܸܢܘܼܟ. 9ܐܵܢܵܐ ܒܘܼܬ ܕܝܼܵܝܗܝ ܦܲܪܦܘܼܠܹܐ ܝܘܸܢ: ܠܵܐ ܒܘܼܬ ܥܵܠܡܵܐ ܦܲܪܦܘܼܠܹܐ ܝܘܸܢ: ܐܸܠܵܐ ܒܘܼܬ ܕܐܵܢܝܼ ܕܝܘܼܗَܒܼܸܠܘܼܟܼ ܐܸܠܝܼ: ܣܵܒܵܒ ܕܝܼܘܼܟ ܝܼܢܵܐ. 10ܘܟܠ ܡܸܢܕܝܼ ܕܝܼܝܼ ܝܠܹܗ: ܕܝܼܘܼܟ ܝܼܠܹܗ: ܘܕܝܼܘܼܟ ܕܝܼܝܼ ܝܠܹܗ: ܘܦܝܵܫܵܐ ܝܘܸܢ ܚܩܝܼܪܵܐ ܒܝܼܵܝܗܝ. 11ܘܡܵܐܕܝܼܵܐ ܠܹܐ ܝܘܸܢ ܓܵܘ ܥܵܠܡܵܐ: ܘܐܲܢܹܐ ܓܵܘ ܥܵܠܡܵܐ ܝܢܵܐ: ܘܐܵܢܵܐ ܠܟܸܣܠܘܼܟܼ ܒܹܐܬܵܝܵܐ ܝܘܸܢ: ܒܵܒܵܐ ܩܲܕܝܼܫܵܐ: ܢܛܘܿܪܘܿܢ ܒܫܸܡܘܼܟ ܗ̇ܘ ܕܝܘܼܗَܒܼܸܠܘܼܟܼ ܐܸܠܝܼ: ܕܗܵܘܝܼ ܚܲܕَ: ܕܵܐܟ̣ܝܼ ܕܐܲܚܢܲܢ. 12ܟܲܕ ܥܲܡܵܝܗܝ ܝܘܸܢ ܗ݇ܘܵܐ: ܐܵܢܵܐ ܒܸܢܛܵܪܵܝܗܝ ܝܘܸܢ ܗ݇ܘܵܐ ܒܫܸܡܘܼܟ ܗ̇ܘ ܕܝܘܼܗَܒܼܸܠܘܼܟܼ ܐܸܠܝܼ: ܘܢܛܝܼܪܵܝܠܝܼ: ܘܐ݇ܢܵܫܵܐ ܡܸܢܵܝܗܝ ܠܵܐ ܬܠܸܩܠܹܗ: ܐܸܠܵܐ ܒܪܘܿܢܵܐ ܕܐܲܒ̣ܕܵܢܵܐ: ܕܦܵܐܹܫ ܬܘܼܡܸܡܵܐ ܟܬܵܒ̣ܵܐ. 13ܐܝܼܢܵܐ ܠܟܸܣܠܘܼܟܼ ܒܹܐܬܵܝܵܐ ܝܘܸܢ: ܘܐܲܢܹܐ ܗܲܡܙܘܼܡܹܐ ܝܘܸܢ ܓܵܘ ܥܵܠܡܵܐ: ܕܗܵܘܝܵܐ ܠܗ݇ܘܿܢ ܚܲܕܘܼܬܝܼ ܬܘܼܡܸܡܬܵܐ ܒܝܼܵܝܗܝ. 14ܐܵܢܵܐ ܝܸܗܒܸܠܝܼ ܐܸܠܵܝܗܝ ܗܹܡܸܙܡܵܢܘܼܟ: ܘܥܵܠܡܵܐ ܣܸܢܝܵܝܠܹܗ: ܕܠܹܐ ܗ݇ܘܵܘ ܡ̣ܢ ܥܵܠܡܵܐ: ܕܵܐܟ̣ܝܼ ܕܐܵܢܵܐ ܠܹܐ ܝܘܸܢ ܡ̣ܢ ܥܵܠܡܵܐ. 15ܠܹܐ ܝ݇ܠܵܗ̇ ܕܫܵܩܠܸܬ ܠܗ݇ܘܿܢ ܡ̣ܢ ܥܵܠܡܵܐ: ܦܲܪܦܘܼܠܹܐ ܝܘܸܢ: ܐܸܠܵܐ ܕܢܵܛܪܸܬ ܠܗ݇ܘܿܢ ܡ̣ܢ ܒܝܼܫܵܐ. 16ܠܹܐ ܝܢܵܐ ܡ̣ܢ ܥܵܠܡܵܐ: ܕܵܐܟ̣ܝܼ ܕܐܵܢܵܐ ܠܹܐ ܝܘܸܢ ܡ̣ܢ ܥܵܠܡܵܐ. 17ܩܵܕܸܫ ܠܗ݇ܘܿܢ ܒܣܲܪܲܣܬܘܼܬܘܼܟ: ܗܹܡܸܙܡܵܢ ܕܝܼܘܼܟ ܣܲܪܲܣܬܘܼܬܵܐ ܝ݇ܠܵܗ̇. 18ܕܵܐܟ̣ܝܼ ܕܐܸܠܝܼ ܫܘܼܕܸܪܘܼܟ ܠܥܵܠܡܵܐ: ܐܘܼܦ ܐܵܢܵܐ ܫܘܼܕܪܵܝܠܝܼ ܠܥܵܠܡܵܐ. 19ܘܒܚܵܬܸܪ ܕܐܵܢܝܼ ܐܵܢܵܐ ܩܵܕܘܿܫܹܐ ܝܘܸܢ ܓܵܢܝܼ: ܕܗܵܘܝܼ ܐܘܼܦ ܐܵܢܝܼ ܩܘܼܕܫܹܐ ܒܣܲܪܲܣܬܘܼܬܵܐ. 20ܘܠܵܐ ܗܲܪ ܒܘܼܬ ܕܐܲܢܹܐ ܦܲܪܦܘܼܠܹܐ ܝܘܸܢ: ܐܸܠܵܐ ܐܘܼܦ ܒܘܼܬ ܕܐܵܢܝܼ ܕܗܲܡܸܢܝܼ ܒܝܼܝܼ ܒܝܲܕ ܗܹܡܸܙܡܵܢܵܝ. 21ܕܟܠܵܝܗܝ ܗܵܘܝܼ ܚܲܕَ: ܕܵܐܟ̣ܝܼ ܕܐܲܢَܬ: ܒܵܒܵܐ: ܒܝܼܝܼ ܝܘܸܬ: ܘܐܵܢܵܐ ܒܝܼܘܼܟ ܝܼܘܸܢ: ܕܐܘܼܦ ܐܲܢܹܐ ܒܝܲܢ ܗܵܘܝܼ ܚܲܕَ: ܕܗܲܡܸܢ ܥܵܠܡܵܐ ܕܐܲܢَܬ ܫܘܼܕܪܸܢܘܼܟ. 22ܘܐܵܢܵܐ: ܚܸܩܪܵܐ ܕܝܘܼܗَܒܼܸܠܘܼܟܼ ܐܸܠܝܼ: ܝܘܼܗَܒ̣ܵܐ ܝܘܸܢ ܐܸܠܵܝܗܝ: ܕܗܵܘܝܼ ܚܲܕَ: ܕܵܐܟ̣ܝܼ ܕܐܲܚܢܲܢ ܚܲܕَ ܝܼܘܵܚ. 23ܐܵܢܵܐ ܒܝܼܵܝܗܝ: ܘܐܲܢَܬ ܒܝܼܝܼ: ܕܗܵܘܝܼ ܬܘܼܡܸܡܹܐ ܠܚܲܕَ: ܕܝܵܕܸܥ ܥܵܠܡܵܐ ܕܐܲܢَܬ ܫܘܼܕܪܸܢܘܼܟ: ܘܕܡܘܼܚܸܒܵܝܠܝܼ: ܕܵܐܟ̣ܝܼ ܕܐܘܼܦ ܐܸܠܝܼ ܡܘܼܚܸܒܠܘܼܟܼ. 24ܒܵܒܵܐ: ܐܵܢܝܼ ܕܝܘܼܗَܒܼܸܠܘܼܟܼ ܐܸܠܝܼ: ܪܸܙܵܝܝܼ ܝܠܹܗ ܕܒܗ̇ܝ ܕܘܼܟܬܵܐ ܕܐܵܢܵܐ ܝܘܸܢ: ܐܘܼܦ ܐܲܢܹܐ ܗܵܘܝܼ ܥܲܡܝܼ: ܕܚܵܙܝܼ ܚܸܩܪܵܐ ܕܝܼܝܼ: ܗ̇ܘ ܕܝܘܼܗَܒܼܸܠܘܼܟܼ ܐܸܠܝܼ: ܣܵܒܵܒ ܕܡܘܼܚܸܒܸܢܘܼܟ ܡ̣ܢ ܩܵܕَܡ ܒܸܢܝܲܬܹ̈ܗ ܕܥܵܠܡܵܐ. 25ܒܵܒܵܐ ܟܹܐܢܵܐ: ܥܵܠܡܵܐ ܩܲܡ ܠܵܐ ܝܵܕܸܥ ܠܘܼܟܼ: ܐܝܼܢܵܐ ܐܵܢܵܐ ܩܲܡ ܝܵܕܥܸܢܘܼܟ: ܘܐܲܢܹܐ ܝܕܸܥܠܗܘܿܢ ܕܐܲܢَܬ ܫܘܼܕܪܸܢܘܼܟ. 26ܘܡܘܼܕܸܥܠܝܼ ܐܸܠܵܝܗܝ ܫܸܡܘܼܟ: ܘܒܸܬ ܡܲܕܥܸܢ: ܕܗ̇ܘ ܚܘܼܒܵܐ ܕܩܲܡ ܡܲܚܸܒܸܬ ܠܝܼ: ܗܵܘܹܐ ܒܝܼܵܝܗܝ: ܘܐܵܢܵܐ ܗܵܘܸܢ ܒܝܼܵܝܗܝ..