0:00
/
1ܐܝܼܡܲܢ ܗܲܕܟ̣ܵܐ ܝܕܸܥܠܹܗ ܡܵܪܲܢ ܕܫܡܸܥܠܗَܘܿܢ ܦܪ̈ܝܼܫܹܐ ܕܬܲܠܡܝܼܕܹ̈ܐ ܪܵܒܵܐ ܒܸܥܒ̣ܵܕܵܐ ܗ݇ܘܵܐ ܘܡܲܥܡܘܿܕܹܐ ܙܵܘܕܵܐ ܡ̣ܢ ܝܘܿܚܲܢܵܢ. 2ܟܲܕ ܝܼܫܘܿܥ ܒܓܵܢܹܗ ܠܹܐ ܡܲܥܡܸܕ ܗ݇ܘܵܐ: ܐܸܠܵܐ ܬܲܠܡܝܼܕܘܼ̈ܗܝ. 3ܫܒ̣ܝܼܩܵܠܹܗ ܠܝܼܗܘܼܕ: ܘܐَܙܸܠܹܗ ܡܸܢَܕܪܸܫَ ܠܓܠܝܼܠܵܐ. 4ܘܠܵܙܸܡ ܝܼܗ݇ܘܵܐ ܕܥܵܒܸܪ ܡ̣ܢ ܓܵܘ ܫܵܡܪܹܝܢ. 5ܘܐَܬܹܐܠܹܗ ܠܡܕܝܼܢَܬܵܐ ܕܫܵܡܪܹܝܢ ܕܩܪܝܼܬܵܐ ܝ݇ܠܵܗ̇: ܫܟܲܪ: ܒܕܸܦܢܵܐ ܕܚܲܩܠܵܐ ܕܝܸܗَܒܸܠܹܗ ܝܲܥܩܘܿܒ̣ ܠܝܵܘܣܸܦ ܒܪܘܿܢܹܗ. 6ܘܐܝܼܬ ܗ݇ܘܵܐ ܬܵܡܵܐ ܥܲܝܢܵܐ ܕܡ̈ܝܼܵܐ ܕܝܲܥܩܘܿܒ̣: ܘܝܼܫܘܿܥ ܓ̰ܗَܝܼܵܐ ܗ݇ܘܵܐ ܡ̣ܢ ܓ̰ܵܦܵܐ ܕܐܘܼܪܚܵܐ: ܘܝܬܝܼܒ̣ܵܐ ܗ݇ܘܵܐ ܗܲܕܟ̣ܵܐ ܥܲܠ ܥܲܝܢܵܐ: ܘܐܲܝܟܼ ܣܵܥܲܬ ܕܐܸܫܸܬ ܝܼܗ݇ܘܵܐ. 7ܘܐَܬܹܐܠܵܗ̇ ܚܕܵܐ ܒܲܟ̣ܬܵܐ ܡ̣ܢ ܫܵܡܪܹܝܢ ܠܸܓܪܵܫܵܐ ܡ̈ܝܼܵܐ: ܘܐَܡܝܼܪܹܗ ܐܸܠܵܗ̇ ܝܼܫܘܿܥ: ܗܲܒَܠ ܠܝܼ ܫܵܬܸܢ. 8ܣܵܒܵܒ ܬܲܠܡܝܼܕܘܼ̈ܗܝ ܥܒܼܝܼܪܹܐ ܗ݇ܘܵܘ ܠܡܕܝܼܢَܬܵܐ ܕܙܵܒ̣ܢܝܼ ܗ݇ܘܵܘ ܠܗ݇ܘܿܢ ܡܹܐܟ̣ܘܼܠܬܵܐ. 9ܗܲܕܟ̣ܵܐ ܐ݇ܡܸܪܵܗ̇ ܐܸܠܹܗ ܒܲܟ̣ܬܵܐ ܫܵܡܪܵܝܬܵܐ: ܕܵܐܟ̣ܝܼ ܐܲܢَܬ ܝܗَܘܼܕܵܝܵܐ ܝܘܸܬ: ܘܡܸܢܝܼ ܒܸܛܠܵܒܵܐ ܝܘܸܬ ܠܸܫܬܵܝܵܐ: ܕܝܼܘܵܢ ܒܲܟ̣ܬܵܐ ܫܵܡܪܵܝܬܵܐ: ܣܵܒܵܒ ܕܠܲܝܬ ܠܗ݇ܘܿܢ ܥܵܪܵܐ ܝܗَܘܼܕܵܝܹ̈ܐ ܥܲܡ ܫܵܡܪ̈ܵܝܹܐ. 10ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܝ݇ܠܵܗ̇: ܐܸܢ ܗܵܘܝܵܬܝ ܗ݇ܘܵܐ ܒܝܼܕܵܥܝܵܐ ܚܲܠܥܲܬ ܕܐܲܠܵܗܵܐ: ܘܡܵܢܝܼ ܝܠܹܗ ܐܵܗܵܐ ܕܐَܡܝܼܪܹܗ ܐܸܠܵܟ̣ܝ: ܗܲܒَܠ ܠܝܼ ܫܵܬܸܢ: ܐܲܢَܬܝ ܒܸܬ ܛܵܠܒܲܬܝ ܗ݇ܘܵܐ ܡܸܢܹܗ: ܘܒܸܬ ܝܵܗَܒܸܠ ܗ݇ܘܵܐ ܠܵܟ̣ܝ ܡ̈ܝܼܵܐ ܚܵܝܹ̈ܐ. 11ܐܵܡܪܵܗ̇ ܐܸܠܹܗ ܗ̇ܝ ܒܲܟ̣ܬܵܐ: ܐܵܓ̣ܵܝܝܼ: ܕܵܘܠܟ̰ܵܐ ܠܲܝܬ ܠܘܼܟܼ: ܘܒܹܪܵܐ ܥܵܡܘܿܩܵܐ ܝܠܹܗ: ܒܲܣ ܡܐܲܝܟܵܐ ܠܘܼܟܼ ܡ̈ܝܼܵܐ ܚܵܝܹ̈ܐ. 12ܐܲܢَܬ ܓܘܼܪܵܐ ܝܘܸܬ ܡ̣ܢ ܒܵܒܲܢ ܝܲܥܩܘܿܒ̣: ܗ̇ܘ ܕܝܘܼܗَܒ̣ܵܚܠܹܗ ܐܵܗܵܐ ܒܹܪܵܐ: ܘܗ̇ܘ ܡܸܢܹܗ ܫܬܹܠܹܗ: ܘܒܢܘܿܢܘܼ̈ܗܝ ܘܩܸܢܝܵܢܘܼ̈ܗܝ. 13ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܵܗ̇: ܟܠ ܕܫܵܬܹܐ ܡܐܲܢܹܐ ܡ̈ܝܼܵܐ: ܡܸܢَܕܪܸܫَ ܒܸܬ ܨܵܗَܝܹܐ. 14ܐܝܼܢܵܐ ܟܠ ܕܫܵܬܹܐ ܡ̣ܢ ܡ̈ܝܼܵܐ ܕܐܵܢܵܐ ܝܵܗَܒܸܢܹܗ: ܠܹܐ ܨܵܗَܝܹܐ ܠܥܵܠܲܡ: ܐܸܠܵܐ ܡ̈ܝܼܵܐ ܐܵܢܝܼ ܕܐܵܢܵܐ ܝܵܗَܒܸܢܹܗ: ܒܸܬ ܗܵܘܝܼ ܓܵܘܹܗ ܥܲܝܢܵܐ ܕܡ̈ܝܼܵܐ ܕܢܲܒ̣ܥܝܼ ܠܚܲܝܹ̈ܐ ܕܠܐܵܒܲܕ. 15ܐܵܡܪܵܗ̇ ܐܸܠܹܗ ܗ̇ܝ ܒܲܟ̣ܬܵܐ: ܐܵܓ̣ܵܝܝܼ: ܗܲܒَܠ ܠܝܼ ܡܐܲܢܹܐ ܡ̈ܝܼܵܐ: ܕܠܵܐ ܨܵܗَܝܵܢ: ܘܠܵܐ ܗܵܘܝܵܢ ܒܹܐܬܵܝܵܐ ܠܲܐܟ̣ܵܐ ܠܸܓܪܵܫܵܐ. 16ܐܵܡܸܪ ܐܸܠܵܗ̇ ܝܼܫܘܿܥ: ܙܹܠَܐܝ ܩܪܝܼ ܠܓܲܒ̣ܪܵܟ̣ܝ: ܘܬܵܐܝ ܠܲܐܟ̣ܵܐ. 17ܓ̰ܘܼܘܸܒܠܵܗ̇ ܒܲܟ̣ܬܵܐ ܘܐܵܡܪܵܗ̇: ܠܲܝܬ ܠܝܼ ܓܲܒ̣ܪܵܐ. ܐܵܡܸܪ ܐܸܠܵܗ̇ ܝܼܫܘܿܥ: ܨܦܵܝܝܼ ܐَܡܸܪܵܟ̣ܝ: ܕܠܲܝܬ ܠܝܼ ܓܲܒ̣ܪܵܐ. 18ܣܵܒܵܒ ܚܡܫܵܐ ܓܲܒ̣ܪܹ̈ܐ ܗَܘܹܐܠܗَܘܿܢ ܐܸܠܵܟ̣ܝ: ܘܐܵܗܵܐ ܕܐܵܕܝܼܵܐ ܐܝܼܬ ܠܵܟ̣ܝ ܠܹܐ ܝܠܹܗ ܓܲܒ̣ܪܵܟ̣ܝ. 19ܐܵܗܵܐ ܫܲܪܝܼܪܬܵܐ ܐܡܸܪܵܟ̣ܝ. ܐܵܡܪܵܗ̇ ܐܸܠܹܗ ܗ̇ܝ ܒܲܟ̣ܬܵܐ: ܐܵܓ̣ܵܝܝܼ: ܒܸܚܙܵܝܵܐ ܝܘܵܢ ܕܢܒ̣ܝܼܵܐ ܝܘܸܬ. 20ܐܲܒ̣ܵܗ̈ܵܬܲܢ ܒܐܵܗܵܐ ܛܘܼܪܵܐ ܣܓܸܕܠܗܘܿܢ: ܘܐܲܚܬܘܿܢ ܟܹܐ ܐܵܡܪܝܼܬܘܿܢ ܕܒܐܘܿܪܸܫܠܸܡ ܝ݇ܠܵܗ̇ ܕܘܼܟܵܐ ܕܘܵܓ̰ܸܒ ܝ݇ܠܵܗ̇ ܠܸܣܓ̣ܵܕܵܐ. 21ܐܵܡܸܪ ܐܸܠܵܗ̇ ܝܼܫܘܿܥ: ܒܲܟ̣ܬܵܐ: ܗܲܡܸܢܝ ܐܸܠܝܼ: ܕܒܹܐܬܵܝܵܐ ܝ݇ܠܵܗ̇ ܣܵܥܲܬ: ܕܠܵܐ ܒܐܵܗܵܐ ܛܘܼܪܵܐ ܐܘܼܦ ܠܵܐ ܒܐܘܿܪܸܫܠܸܡ ܒܸܬ ܣܵܓ̣ܕܝܼܬܘܿܢ ܠܒܵܒܵܐ. 22ܐܲܚܬܘܿܢ ܟܹܐ ܣܵܓ̣ܕܝܼܬܘܿܢ ܠܡܸܢܕܝܼ ܕܠܹܐ ܝܵܕܥܝܼܬܘܿܢ: ܐܲܚܢܲܢ ܟܹܐ ܣܵܓ̣ܕܵܚ ܠܡܸܢܕܝܼ ܕܟܹܐ ܝܲܕܥܵܚ: ܣܵܒܵܒ ܦܘܼܪܩܵܢܵܐ ܡ̣ܢ ܝܗَܘܼܕܵܝܹ̈ܐ ܝܠܹܗ. 23ܐܸܠܵܐ ܒܹܐܬܵܝܵܐ ܝ݇ܠܵܗ̇ ܣܵܥܲܬ ܘܐܵܕܝܼܵܐ ܝ݇ܠܵܗ̇: ܐܝܼܡܲܢ ܕܣܵܓ̣ܕܵܢܹ̈ܐ ܫܲܪܝܼܪܹ̈ܐ ܒܸܬ ܣܵܓ̣ܕܝܼ ܠܒܵܒܵܐ ܒܪܘܼܚܵܐ ܘܒܣܲܪܲܣܬܘܼܬܵܐ: ܣܵܒܵܒ ܐܘܼܦ ܒܵܒܵܐ ܠܗܲܕܟ̣ܵܐ ܣܵܓ̣ܕܵܢܹ̈ܐ ܟܹܐ ܒܵܥܝܹܐ. 24ܐܲܠܵܗܵܐ ܪܘܼܚܵܐ ܝܠܹܗ: ܘܐܵܢܝܼ ܕܣܵܓ̣ܕܝܼ ܠܹܗ: ܒܪܘܼܚܵܐ ܘܒܣܲܪܲܣܬܘܼܬܵܐ ܘܵܓ̰ܸܒ ܝ݇ܠܵܗ̇ ܕܣܵܓ̣ܕܝܼ. 25ܐܵܡܪܵܗ̇ ܐܸܠܹܗ ܗ̇ܝ ܒܲܟ̣ܬܵܐ: ܟܹܐ ܝܲܕܥܵܢ ܕܡܫܝܼܚܵܐ ܒܹܐܬܵܝܵܐ ܝܠܹܗ: ܗ̇ܘ ܕܦܵܐܹܫ ܩܸܪܝܵܐ ܟܪܝܼܣܛܘܿܣ: ܘܐܝܼܡܲܢ ܕܐَܬܹܐܠܹܗ: ܗ̇ܘ ܒܸܬ ܡܵܠܸܦ ܠܲܢ ܟܠ ܡܸܢܕܝܼ. 26ܐܵܡܸܪ ܝ݇ܠܵܗ̇ ܝܼܫܘܿܥ: ܐܵܢܵܐ ܝܘܸܢ ܕܗܲܡܙܘܼܡܹܐ ܝܘܸܢ ܥܲܡܵܟ̣ܝ. 27ܘܒܐܵܗܵܐ ܐ݇ܬܹܐܠܗܘܿܢ ܬܲܠܡܝܼܕܘܼ̈ܗܝ: ܘܥܘܼܓ̰ܸܒܠܗܘܿܢ ܕܥܲܡ ܒܲܟ̣ܬܵܐ ܗܲܡܙܘܼܡܹܐ ܗ݇ܘܵܐ: ܐܝܼܢܵܐ ܠܵܐ ܐ݇ܢܵܫܵܐ ܐَܡܝܼܪܹܗ: ܡܘܼܕܝܼ ܒܸܒܥܵܝܵܐ ܝܘܸܬ: ܝܲܢ: ܩܵܡܘܿܕܝܼ ܗܲܡܙܘܼܡܹܐ ܝܘܸܬ ܥܲܡܵܗ̇. 28ܘܫܒܸܩܠܵܗ̇ ܬܵܠܸܡܬܘܼܗ̇ ܒܲܟ̣ܬܵܐ: ܘܐَܙܸܠܵܗ̇ ܠܡܕܝܼܢَܬܵܐ: ܘܐܵܡܪܵܗ̇ ܠܐ݇ܢܵܫܹ̈ܐ. 29ܬܹܐܡܘܿܢ: ܚܙܹܝܡܘܿܢ ܚܲܕَ ܐ݇ܢܵܫܵܐ ܕܐَܡܝܼܪܹܗ ܐܸܠܝܼ ܟܠ ܡܸܢܕܝܼ ܕܥܒ̣ܝܼܕܬܵܐ ܝܘܵܢ. 30ܐܵܗܵܐ ܗܵܘܹܐ ܡܫܝܼܚܵܐ. ܘܦܠܸܛܠܗܘܿܢ ܡ̣ܢ ܡܕܝܼܢَܬܵܐ: ܘܐ݇ܬܹܐܠܗܘܿܢ ܠܟܸܣܠܹܗ. 31ܘܓܵܘ ܕܐܲܢܹܐ ܒܥܹܐܠܗܘܿܢ ܡܸܢܹܗ ܬܲܠܡܝܼܕܘܼ̈ܗܝ: ܒܹܐܡܵܪܵܐ: ܪܵܒܝܼ: ܐَܟ̣ܘܿܠ. 32ܐܝܼܢܵܐ ܗ̇ܘ ܐَܡܝܼܪܹܗ ܐܸܠܵܝܗܝ: ܐܝܼܬ ܠܝܼ ܡܹܐܟ̣ܘܼܠܬܵܐ ܕܐܵܟ̣ܠܸܢ: ܐܲܝܢܝܼ ܕܐܲܚܬܘܿܢ ܠܹܐ ܝܬܘܿܢ ܒܝܼܕܵܥܝܵܐ. 33ܐܵܡܪܝܼ ܗܲܕܟ̣ܵܐ ܬܲܠܡܝܼܕܹ̈ܐ ܚܲܕَ ܠܟܸܣ ܗ̇ܘ ܐ݇ܚܹܪ݇ܢܵܐ: ܐ݇ܢܵܫܵܐ ܡܘܼܬَܝܹܗ ܝܠܹܗ ܡܸܢܕܝܼ ܠܹܐܟ̣ܵܠܵܐ. 34ܐَܡܝܼܪܹܗ ܐܸܠܵܝܗܝ ܝܼܫܘܿܥ: ܡܹܐܟ̣ܘܼܠܬܵܐ ܕܝܼܝܼ ܝ݇ܠܵܗ̇ ܕܥܵܒ̣ܕܸܢ ܪܸܙܵܝܹܗ ܕܗ̇ܘ ܕܫܘܼܕܸܪܸܢܹܗ: ܘܕܬܲܡܸܡܸܢ ܠܦܘܼܠܚܵܢܹܗ. 35ܐܲܚܬܘܿܢ ܠܹܐ ܐܵܡܪܝܼܬܘܿܢ ܕܒܵܬَܪ ܐܲܪܒܥܵܐ ܝܼܪ̈ܚܹܐ ܒܹܐܬܵܝܵܐ ܝܠܹܗ ܚܸܨܕܵܐ: ܗܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܡܵܪܡܘܿܢ ܥܲܝܢܵܘ̈ܟ̣ܘܿܢ: ܘܚܙܹܝܡܘܿܢ ܐܲܪ̈ܥܵܬܹܐ: ܕܚܘܸܪܗܘܿܢ ܠܚܸܨܕܵܐ ܡ̣ܢ ܓ̰ܲܠܕܹܐ. 36ܗ̇ܘ ܕܚܵܨܸܕ: ܗܵܩܵܐ ܟܹܐ ܫܵܩܸܠ: ܘܟܹܐ ܓ̰ܲܡܸܥ ܗܵܨܝܼܠܹ̈ܐ ܠܚܲܝܹ̈ܐ ܕܠܐܵܒܲܕ: ܕܐܘܼܦ ܙܲܪܥܵܢܵܐ ܘܚܵܨܵܕܵܐ ܡܸܚܕܵܕܹ̈ܐ ܚܵܕܝܼ. 37 ܣܵܒܵܒ ܒܐܵܗܵܐ ܟܹܐ ܗܵܘܝܵܐ ܗܹܡܸܙܡܵܢ ܣܲܪܲܣܬ: ܕܚܲܕَ ܟܹܐ ܙܲܪܸܥ: ܘܐ݇ܚܹܪ݇ܢܵܐ ܟܹܐ ܚܵܨܸܕ. 38ܐܵܢܵܐ ܩܲܡ ܫܵܕܪܸܢܵܘܟ̣ܘܿܢ ܠܸܚܨܵܕܵܐ ܡܸܢܕܝܼ ܕܐܲܚܬܘܿܢ ܠܵܐ ܓ̰ܸܗَܠܵܘܟ̣ܘܿܢ ܒܝܹܗ: ܐ݇ܚܹܪ̈݇ܢܹܐ ܓ̰ܸܗَܠܗܘܿܢ: ܘܐܲܚܬܘܿܢ ܥܒܼܸܪܵܘܟܼܘܿܢ ܠܓ̰ܵܦܵܐ ܕܐܵܢܝܼ. 39ܘܡ̣ܢ ܕܗ̇ܝ ܡܕܝܼܢَܬܵܐ ܪܵܒܵܐ ܫܵܡܪ̈ܵܝܹܐ ܗܘܼܡܸܢܗܘܿܢ ܒܝܹܗ: ܣܵܒܵܒ ܕܗܹܡܸܙܡܵܢ ܕܒܲܟ̣ܬܵܐ ܕܣܗܸܕܠܵܗ̇: ܐَܡܝܼܪܹܗ ܐܸܠܝܼ ܟܠ ܡܸܢܕܝܼ ܕܥܒ̣ܝܼܕܬܵܐ ܝܘܵܢ. 40ܘܟܲܕ ܐ݇ܬܹܐܠܗܘܿܢ ܠܟܸܣܠܹܗ ܐܵܢܝܼ ܫܵܡܪ̈ܵܝܹܐ: ܒܥܹܐܠܗܘܿܢ ܡܸܢܹܗ ܕܦܵܐܹܫ ܠܟܸܣܠܵܝܗܝ. ܘܦܸܫܠܹܗ ܬܵܡܵܐ ܬܪܹܝ ܝܵܘܡܵܢܹ̈ܐ. 41ܘܒܘܼܫ ܪܵܒܵܐ ܗܘܼܡܸܢܗܘܿܢ ܒܝܹܗ ܣܵܒܵܒ ܕܗܹܡܸܙܡܵܢܹܗ. 42ܘܐَܡܸܪܗܘܿܢ ܠܒܲܟ̣ܬܵܐ: ܡܐܵܕܝܼܵܐ ܐ݇ܚܹܪ݇ܢܵܐ ܠܵܐ ܣܵܒܵܒ ܕܗܹܡܸܙܡܵܢܵܟ̣ܝ ܗܲܡܘܼܢܹܐ ܝܘܵܚ ܒܝܹܗ: ܣܵܒܵܒ ܒܓܵܢܲܢ ܫܡܸܥܠܲܢ ܘܝܕܸܥܠܲܢ ܕܐܵܗܵܐ ܝܠܹܗ ܒܫܲܪܝܼܪܘܼܬܵܐ ܡܫܝܼܚܵܐ ܦܵܪܘܿܩܹܗ ܕܥܵܠܡܵܐ. 43ܒܵܬَܪ ܬܪܹܝ ܝܵܘܡܵܢܹ̈ܐ ܦܠܸܛܠܹܗ ܡ̣ܢ ܬܵܡܵܐ ܠܓܠܝܼܠܵܐ. 44ܣܵܒܵܒ ܝܫܘܿܥ ܒܓܵܢܹܗ ܣܗܸܕܠܹܗ: ܕܢܒ̣ܝܼܵܐ ܓܵܘ ܡܕܝܼܢَܬܹܗ ܠܲܝܬ ܠܹܗ ܐܝܼܩܵܪܵܐ. 45ܐܝܼܢܵܐ ܟܲܕ ܐَܬܹܐܠܹܗ ܠܓܠܝܼܠܵܐ: ܩܘܼܒܸܠܗܘܿܢ ܐܸܠܹܗ ܓܠܝܼܠܵܝܹ̈ܐ: ܕܚܸܙܝܹܐ ܗ݇ܘܵܘ ܟܠ ܡܸܢܕܝܼ ܕܥܒܸܕܠܹܗ ܓܵܘ ܐܘܿܪܸܫܠܸܡ ܒܥܹܐܕܵܐ. ܣܵܒܵܒ ܕܐَܬܝܹܐ ܗ݇ܘܵܘ ܐܘܼܦ ܐܵܢܝܼ ܠܥܹܐܕܵܐ. 46ܐَܬܹܐܠܹܗ ܗܲܕܟ̣ܵܐ ܡܸܢَܕܪܸܫَ ܠܩܵܛܢܹܐ ܕܓܠܝܼܠܵܐ: ܐܲܝܟܵܐ ܕܥܒܸܕܠܹܗ ܡ̈ܝܼܵܐ ܚܲܡܪܵܐ. ܘܐܝܼܬ ܗ݇ܘܵܐ ܚܲܕَ ܪܹܓܵܐ ܕܡܲܠܟܵܐ: ܕܒܪܘܿܢܹܗ ܡܸܪܥܝܵܐ ܗ݇ܘܵܐ ܓܵܘ ܟܦܲܪܢܵܚܘܿܡ. 47ܐܵܗܵܐ: ܟܲܕ ܫܡܸܥܠܹܗ ܕܐܬܝܼܵܐ ܗ݇ܘܵܐ ܝܼܫܘܿܥ ܡ̣ܢ ܝܼܗܘܼܕ ܠܓܠܝܼܠܵܐ: ܐَܙܸܠܹܗ ܠܟܸܣܠܹܗ: ܘܦܘܼܪܦܸܠܹܗ ܒܝܹܗ ܕܨܵܠܹܐ ܗ݇ܘܵܐ ܘܒܵܣܸܡ ܠܒܪܘܿܢܹܗ: ܣܵܒܵܒ ܩܘܼܪܒܵܐ ܗ݇ܘܵܐ ܠܸܡܝܵܬܵܐ. 48ܐَܡܝܼܪܹܗ ܐܸܠܹܗ ܝܼܫܘܿܥ: ܐܸܢ ܢܝܼܫܲܢܩܹ̈ܐ ܘܥܵܓ̰ܸܒ̈ܘܵܬܵܐ ܠܵܐ ܚܵܙܹܝܬܘܿܢ: ܗܲܪ ܠܹܐ ܗܲܡܸܢܝܼܬܘܿܢ. 49ܐܵܡܸܪ ܐܸܠܹܗ ܪܹܓܵܐ ܕܡܲܠܟܵܐ: ܐܵܓ̣ܵܝܝܼ: ܨܠܝܼ ܡܩܵܕَܡ ܕܡܵܝܸܬ ܝܵܠܵܕَܐ. 50ܐܵܡܸܪ ܐܸܠܹܗ ܝܼܫܘܿܥ: ܒܪܘܼܢܘܼܟ ܚܵܝܵܐ ܝܠܹܗ. ܘܗܘܼܡܸܢܹܐ ܗ̇ܘ ܐ݇ܢܵܫܵܐ ܒܗܹܡܸܙܡܵܢ ܕܐَܡܝܼܪܹܗ ܐܸܠܹܗ ܝܼܫܘܿܥ: ܘܐَܙܸܠܹܗ. 51ܐܝܼܢܵܐ ܟܲܕ ܒܸܨܠܵܝܵܐ ܗ݇ܘܵܐ: ܬܦܸܩܠܗܘܿܢ ܒܝܹܗ ܪܹ̈ܓܵܘܵܬܘܼܗܝ: ܘܐܵܡܪܝܼ ܐܸܠܹܗ: ܒܪܘܿܢܘܼܟ ܚܹܝܠܹܗ. 52ܒܘܼܩܪܵܝܠܹܗ ܕܒܲܐܝܢܝܼ ܣܵܥܲܬ ܨܘܼܠܹܠܹܗ: ܐܵܡܪܝܼ ܐܸܠܹܗ: ܩܘܼܕܡܹܐ ܒܣܵܥܲܬ ܕܫܲܒܲܥ ܩܲܡ ܫܵܒ̣ܩܵܗ̇ ܠܹܗ ܐܫܵܬܵܐ. 53ܗܲܕܟ̣ܵܐ ܝܕܸܥܠܹܗ ܒܵܒܹܗ ܕܗܲܪ ܒܗ̇ܝ ܣܵܥܲܬ ܕܐَܡܝܼܪܹܗ ܐܸܠܹܗ ܝܼܫܘܿܥ: ܒܪܘܼܢܘܼܟ ܚܹܝܠܹܗ. ܘܗܘܼܡܸܢܹܗ ܗ̇ܘ ܘܟܠܹܗ ܒܲܝܬܹܗ. 54ܐܵܗܵܐ ܡܸܢَܕܪܸܫَ ܢܝܼܫܲܢܩܵܐ ܕܬܪܹܝ ܕܥܒܸܕܠܹܗ ܝܼܫܘܿܥ: ܟܲܕ ܐَܬܹܐܠܹܗ ܡ̣ܢ ܝܼܗܘܼܕ ܠܓܠܝܼܠܵܐ.