0:00
/
1ܒܵܬَܪ ܐܲܢܹܐ ܗَܘܹܐܠܹܗ ܥܹܐܕܵܐ ܕܝܗَܘܼܕܵܝܹ̈ܐ: ܘܐ݇ܣܸܩܠܹܗ ܝܼܫܘܿܥ ܠܐܘܿܪܸܫܠܸܡ. 2ܘܐܝܼܬ ܓܵܘ ܐܘܿܪܸܫܠܸܡ ܠܟܸܣ ܕܲܪܘܵܙܵܐ ܕܥܸܪ̈ܒܹܐ ܚܕܵܐ ܕܘܼܟܬܵܐ ܗܵܘܘܿܣ ܕܟܹܐ ܦܵܝܫܵܐ ܩܪܝܼܬܵܐ ܥܸܒ̣ܪܵܐܝܼܬ: ܒܹܝܬ ܚܸܣܕܵܐ: ܘܐܝܼܬ ܓܵܘܘܼܗ̇ ܚܲܡܫܵܐ ܨܘܼܦܹ̈ܐ [ܘܵܪ̈ܵܢܕܹܐ]. 3ܓܵܘܵܗ̇ ܕܐܲܢܹܐ ܕܸܪܝܹܐ ܗ݇ܘܵܘ ܒܘܼܫܵܝܝܼ ܕܡܸܪ̈ܥܝܹܐ: ܣܸܡܝܹ̈ܐ: ܣܲܩܲܬܹ̈ܐ: ܘܒܪ̈ܝܼܙܹܐ. 5ܘܐܝܼܬ ܗ݇ܘܵܐ ܬܵܡܵܐ ܚܲܕَ ܐ݇ܢܵܫܵܐ ܕܬܠܵܬَܝܼ ܘܬܡܵܢܝܵܐ ܫܸܢܹ̈ܐ ܒܡܲܪܥܵܐ ܗ݇ܘܵܐ. 6ܠܐܵܗܵܐ ܚܙܹܐܠܹܗ ܝܼܫܘܿܥ ܢܦܝ݇ܠܵܐ: ܘܝܕܸܥܠܹܗ ܕܙܲܒ̣ܢܵܐ ܪܵܒܵܐ ܦܝܼܫܵܐ ܗ݇ܘܵܐ: ܘܐَܡܝܼܪܹܗ ܐܸܠܹܗ: ܒܵܥܹܝܬ ܦܵܝܫܸܬ ܒܘܼܣܡܵܐ. 7ܓ̰ܘܼܘܸܒܠܹܗ ܗ̇ܘ ܡܸܪܥܝܵܐ: ܐܵܓ̣ܵܝܝܼ: ܠܲܝܬ ܠܝܼ ܐ݇ܢܵܫܵܐ ܕܐܝܼܡܲܢ ܦܸܫܠܗَܘܿܢ ܡܘܼܓ̰ܘܸܓ̰ܐ ܡ̈ܝܼܵܐ ܕܵܪܹܐ ܠܝܼ ܓܵܘ ܗܵܘܘܿܣ: ܐܸܠܵܐ ܗܲܠ ܕܐܵܢܵܐ ܒܹܐܬܵܝܵܐ ܝܘܸܢ: ܚܲܕَ ܐ݇ܚܹܪ݇ܢܵܐ ܡܩܵܕَܡ ܕܝܼܝܼ ܒܸܨܠܵܝܵܐ ܝܠܹܗ. 8ܐَܡܝܼܪܹܗ ܐܸܠܹܗ ܝܼܫܘܿܥ: ܩܘܼܡَ ܫܩܘܿܠ ܫܘܝܼܬܘܼܟ: ܘܚܕܘܼܪ. 9ܘܕܲܪܣܵܥܲܬ ܦܸܫܠܹܗ ܒܘܼܣܡܵܐ ܗ̇ܘ ܐ݇ܢܵܫܵܐ: ܘܫܩܸܠܹܗ ܫܘܝܼܬܹܗ ܘܚܕܸܪܹܗ ܘܗ̇ܘ ܝܵܘܡܵܐ ܫܲܒܬܵܐ ܗ݇ܘܵܐ. 10ܘܐܵܡܪܝܼ ܝܗَܘܼܕܵܝܹ̈ܐ ܠܗ̇ܘ ܕܦܸܫܠܹܗ ܒܘܼܣܡܵܐ: ܫܲܒܬܵܐ ܝ݇ܠܵܗ̇: ܘܠܹܐ ܝ݇ܠܵܗ̇ ܒܕܲܣܬܘܼܪ ܐܸܠܘܼܟܼ ܕܫܵܩܠܸܬ ܫܘܝܼܬܘܼܟ. 11ܐܝܼܢܵܐ ܗ̇ܘ ܓ̰ܘܼܘܸܒܠܹܗ ܐܸܠܵܝܗܝ: ܗ̇ܘ ܕܒܘܼܣܡܸܢܹܗ: ܗ̇ܘ ܐَܡܝܼܪܹܗ ܐܸܠܝܼ: ܫܩܘܿܠ ܫܘܝܼܬܘܼܟ ܘܚܕܘܿܪ. 12ܘܒܘܼܩܸܪܗܘܿܢ ܡܸܢܹܗ: ܡܵܢܝܼ ܝܠܹܗ ܐܵܗܵܐ ܐ݇ܢܵܫܵܐ ܕܐَܡܝܼܪܹܗ ܐܸܠܘܼܟܼ: ܫܩܘܿܠ ܫܘܝܼܬܘܼܟ ܘܚܕܘܿܪ. 13ܐܝܼܢܵܐ ܗ̇ܘ ܕܦܸܫܠܹܗ ܒܘܼܣܡܵܐ ܠܵܐ ܝܕܸܥܠܹܗ ܡܵܢܝܼ ܗ݇ܘܵܐ: ܣܵܒܵܒ ܝܼܫܘܿܥ ܓܸܢܝܵܐ ܗ݇ܘܵܐ ܓܵܘ ܟܸܢܫܵܐ ܪܵܒܵܐ ܕܐܝܼܬ ܗ݇ܘܵܐ ܒܗ̇ܝ ܕܘܼܟܬܵܐ. 14ܒܵܬَܪ ܐܲܢܹܐ ܡܘܼܫَܟ̰ܸܚܠܹܗ ܝܼܫܘܿܥ ܓܵܘ ܗܲܝܟܠܵܐ: ܘܐَܡܝܼܪܹܗ ܐܸܠܹܗ: ܗܵܐ: ܒܣܝܼܡܵܐ ܝܘܸܬ: ܡܸܢَܕܪܸܫَ ܠܵܐ ܚܵܛܸܬ: ܠܵܐ ܗَܘܹܐ ܕܗܵܘܹܐ ܠܘܼܟܼ ܡܸܢܕܝܼ ܒܘܼܫ ܚܸܪܒܵܐ ܡ̣ܢ ܩܵܕَܡܵܝܵܐ. 15ܘܐَܙܸܠܹܗ ܐ݇ܢܵܫܵܐ: ܘܐَܡܝܼܪܹܗ ܠܝܗَܘܼܕܵܝܹ̈ܐ: ܕܝܼܫܘܿܥ ܗ݇ܘܵܐ ܗ̇ܘ ܕܒܘܪܣܸܡܠܹܗ. 16ܘܣܵܒܵܒ ܕܐܵܗܵܐ ܛܵܪܕܝܼ ܗ݇ܘܵܘ ܝܗَܘܼܕܵܝܹ̈ܐ ܠܝܼܫܘܿܥ: ܣܵܒܵܒ ܕܐܲܢܹܐ ܥܵܒܸܕ ܗ݇ܘܵܐ ܒܫܲܒܬܵܐ. 17ܐܝܼܢܵܐ ܝܼܫܘܿܥ ܓ̰ܘܼܘܸܒܠܹܗ ܐܸܠܵܝܗܝ: ܒܵܒܝܼ ܗܲܠ ܐܵܕܝܼܵܐ ܒܸܦܠܵܚܵܐ ܝܠܹܗ: ܐܘܼܦ ܐܵܢܵܐ ܒܸܦܠܵܚܵܐ ܝܘܸܢ. 18ܣܵܒܵܒ ܕܐܵܗܵܐ ܒܘܼܫ ܙܵܘܕܵܐ ܒܵܥܝܼ ܗ݇ܘܵܘ ܝܗَܘܼܕܵܝܹ̈ܐ ܠܸܩܛܵܠܹܗ: ܠܵܐ ܐܲܚܟ̰ܝܼ ܕܫܪܹܠܹܗ ܫܲܒܬܵܐ: ܐܸܠܵܐ ܐܘܼܦ ܕܥܲܠ ܐܲܠܵܗܵܐ ܐَܡܝܼܪܹܗ ܕܒܵܒܹܗ ܗ݇ܘܵܐ: ܘܒܸܥܒ̣ܵܕܵܐ ܓܵܢܹܗ ܒܵܪܵܒܵܪ ܥܲܡ ܐܲܠܵܗܵܐ. 19ܒܲܣ ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܵܝܗܝ: ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܠܹܐ ܡܵܨܹܐ ܒܪܘܿܢܵܐ ܕܥܵܒܸܕ ܡܸܢܕܝܼ ܡ̣ܢ ܓܵܢܹܗ: ܐܸܠܵܐ ܡܸܢܕܝܼ ܕܚܵܙܹܐ ܠܒܵܒܵܐ ܒܸܥܒ̣ܵܕܵܐ: ܣܵܒܵܒ ܐܵܢܝܼ ܕܗ̇ܘ ܥܵܒܸܕ: ܐܲܢܹܐ ܐܘܼܦ ܒܪܘܿܢܵܐ ܐܲܝܟܼ ܕܝܹܗ ܟܹܐ ܥܵܒܸܕ. 20ܣܵܒܵܒ ܒܵܒܵܐ ܟܹܐ ܡܲܚܸܒ ܠܒܪܘܿܢܹܗ: ܘܟܠ ܡܸܢܕܝܼ ܕܥܵܒܸܕ ܟܹܐ ܡܲܚܙܹܐ ܠܹܗ: ܘܦܘܼܠܚܵܢܹ̈ܐ ܓܘܼܪܹ̈ܐ ܡܐܲܢܹܐ ܒܸܬ ܡܲܚܙܹܐ ܠܹܗ: ܕܐܲܚܬܘܿܢ ܥܵܓ̰ܒܝܼܬܘܿܢ. 21ܣܵܒܵܒ ܕܵܐܟ̣ܝܼ ܕܒܵܒܵܐ ܟܹܐ ܡܲܩܸܡ ܡܝܼܬܹ̈ܐ ܘܟܹܐ ܡܲܚܹܐ ܠܗ݇ܘܿܢ: ܗܲܕܟ̣ܵܐ ܐܘܼܦ ܒܪܘܿܢܵܐ ܠܐܵܢܝܼ ܕܒܵܣܡܵܐ ܠܹܗ ܟܹܐ ܡܲܚܹܐ. 22ܣܵܒܵܒ ܒܵܒܵܐ ܠܹܐ ܕܵܝܸܢ ܠܐ݇ܢܵܫܵܐ: ܐܸܠܵܐ ܟܠܵܗ̇ ܕܝܼܘܵܢ ܝܸܗَܒ̣ܵܠܹܗ ܠܒܪܘܿܢܵܐ. 23ܕܟܠ ܐ݇ܢܵܫܵܐ ܡܝܵܩܸܪ ܠܒܪܘܿܢܵܐ: ܐܲܝܟܼ ܕܟܹܐ ܡܝܵܩܸܪ ܠܒܵܒܵܐ. ܗ̇ܘ ܕܠܵܐ ܡܝܵܩܸܪ ܠܒܪܘܿܢܵܐ: ܠܹܐ ܝܠܹܗ ܡܝܵܩܘܿܪܹܐ ܠܒܵܒܵܐ ܕܫܘܼܕܸܪܹܗ. 24ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܗ̇ܘ ܕܫܵܡܸܥ ܗܹܡܸܙܡܵܢܝܼ̈: ܘܗܲܡܸܢ ܠܗ̇ܘ ܕܫܘܼܕܪܸܢܹܗ: ܐܝܼܬ ܠܹܗ ܚܲܝܹ̈ܐ ܕܠܐܵܒܲܕ: ܘܠܕܝܼܘܵܢ ܠܹܐ ܐܵܬܹܐ: ܐܸܠܵܐ ܫܘܼܢܝܵܐ ܝܠܹܗ ܡ̣ܢ ܡܵܘܬܵܐ ܠܚܲܝܹ̈ܐ. 25ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܒܹܐܬܵܝܵܐ ܝ݇ܠܵܗ̇ ܣܵܥܲܬ: ܐܘܼܦ ܐܵܕܝܼܵܐ ܝ݇ܠܵܗ̇: ܐܝܼܡܲܢ ܕܡܝܼܬܹ̈ܐ ܒܸܬ ܫܵܡܥܝܼ ܩܵܠܹܗ ܕܒܪܘܿܢܹܗ ܕܐܲܠܵܗܵܐ: ܘܐܵܢܝܼ ܕܫܵܡܥܝܼ ܒܸܬ ܚܲܝܝܼ. 26ܣܵܒܵܒ ܕܵܐܟ̣ܝܼ ܕܒܵܒܵܐ ܐܝܼܬ ܠܹܗ ܚܲܝܹ̈ܐ ܒܓܵܢܹܗ: ܗܲܕܟ̣ܵܐ ܝܘܼܗَܒܼܸܠܹܗ ܐܘܼܦ ܠܒܪܘܿܢܵܐ ܕܗܵܘܝܼ ܚܲܝܹ̈ܐ ܒܓܵܢܹܗ. 27ܘܝܘܼܗَܒܼܸܠܹܗ ܐܸܠܹܗ ܗܘܼܟܡܵܐ ܕܗܵܘܹܐ ܒܸܥܒ̣ܵܕܵܐ ܐܘܼܦ ܕܝܼܘܵܢ: ܣܵܒܵܒ ܕܒܪܘܿܢܹܗ ܕܐ݇ܢܵܫܵܐ ܝܠܹܗ. 28ܠܵܐ ܥܵܓ̰ܒܝܼܬܘܿܢ ܒܐܵܗܵܐ: ܣܵܒܵܒ ܕܒܹܐܬܵܝܵܐ ܝ݇ܠܵܗ̇ ܣܵܥܲܬ: ܕܒܝܼܵܗ̇ ܟܠܵܝܗܝ ܐܵܢܝܼ ܕܓܵܘ ܩܲܒ̣ܪ̈ܵܘܵܬܹܐ ܒܸܬ ܫܵܡܥܝܼ ܩܵܠܹܗ. 29ܘܒܸܬ ܦܵܠܛܝܼ: ܐܵܢܝܼ ܕܥܒܸܕܠܗܘܿܢ ܛܵܒ̣ܵܬܹ̈ܐ ܠܩܝܵܡܬܵܐ ܕܚܲܝܹ̈ܐ: ܘܐܵܢܝܼ ܕܥܒܸܕܠܗܘܿܢ ܒܝܼܫܵܬܹ̈ܐ ܠܩܝܵܡܬܵܐ ܕܕܝܼܘܵܢ. 30ܠܹܐ ܡܵܨܹܐ ܐܢܵܐ ܡ̣ܢ ܓܵܢܝܼ ܡܸܢܕܝܼ ܠܸܥܒ̣ܵܕܵܐ: ܕܵܐܟ̣ܝܼ ܕܫܲܡܥܸܢ ܟܹܐ ܕܵܝܢܸܢ: ܘܕܝܼܘܵܢܝܼ ܗܲܩ ܝ݇ܠܵܗ̇: ܣܵܒܵܒ ܠܹܐ ܒܵܥܹܝܢ ܪܸܙܵܝܵܐ ܕܓܵܢܝܼ: ܐܸܠܵܐ ܪܸܙܵܝܹܗ ܕܗ̇ܘ ܕܫܘܼܕܪܸܢܹܗ. 31ܐܸܢ ܐܵܢܵܐ ܒܝܼܵܗَܒ̣ܵܐ ܝܘܸܢ ܣܵܗܕܘܼܬܵܐ ܥܲܠ ܓܵܢܝܼ: ܣܵܗܕܘܼܬܝܼ ܠܹܐ ܝ݇ܠܵܗ̇ ܫܲܪܝܼܪܬܵܐ. 32ܚܲܕَ ܐ݇ܚܹܪ݇ܢܵܐ ܝܠܹܗ ܗ̇ܘ ܕܒܝܼܵܗَܒ̣ܵܐ ܝܠܹܗ ܣܵܗܕܘܼܬܵܐ ܥܲܠܝܼ: ܘܒܝܼܕܵܥܝܵܐ ܝܘܸܢ ܕܫܲܪܝܼܪܬܵܐ ܝ݇ܠܵܗ̇ ܣܵܗܕܘܼܬܹܗ ܕܒܝܼܵܗَܒ̣ܵܐ ܝܠܹܗ ܥܲܠܝܼ. 33ܐܲܚܬܘܿܢ ܫܘܼܕܸܪܵܘܟ̣ܘܿܢ ܠܟܸܣ ܝܘܿܚܲܢܵܢ: ܘܝܘܼܗَܒܼܸܠܹܗ ܣܵܗܕܘܼܬܵܐ ܥܲܠ ܣܲܪܲܣܬܘܼܬܵܐ. 34ܐܝܼܢܵܐ ܐܵܢܵܐ ܡܢ ܒܲܪܢܵܫܵܐ ܠܹܐ ܝܘܸܢ ܒܸܫܩܵܠܵܐ ܣܵܗܕܘܼܬܵܐ: ܐܸܠܵܐ ܐܲܢܹܐ ܒܹܐܡܵܪܵܐ ܝܘܸܢ ܕܐܲܚܬܘܿܢ ܚܲܝܝܼܬܘܿܢ. 35ܗ̇ܘ ܝܼܗ݇ܘܵܐ ܫܪܵܝܵܐ ܕܒܸܠܗܵܝܵܐ ܘܒܲܗَܪܘܼܢܹܐ: ܘܐܲܚܬܘܿܢ ܒܣܸܡܠܵܐ ܠܵܘܟ̣ܘܿܢ ܕܚܕܵܐ ܣܵܥܲܬ ܥܵܒ̣ܕܝܼܬܘܿܢ ܫܘܼܒ̣ܗܵܪܵܐ ܒܒܲܗܪܹܗ. 36ܐܝܼܢܵܐ ܐܵܢܵܐ ܐܝܼܬ ܠܝܼ ܣܵܗܕܘܼܬܵܐ ܒܘܼܫ ܓܘܼܪܬܵܐ ܡ̣ܢ ܕܝܘܿܚܲܢܵܢ: ܣܵܒܵܒ ܕܦܘܼܠܚܵܢܹ̈ܐ ܕܝܘܼܗَܒܼܸܠܹܗ ܐܸܠܝܼ ܒܵܒܝܼ ܕܬܲܡܸܡܸܢܘܿܢ: ܐܲܢܹܐ ܦܘܼܠܚܵܢܹ̈ܐ ܕܒܸܥܒ̣ܵܕܵܐ ܝܘܸܢ ܒܝܼܵܗَܒ̣ܵܐ ܝܢܵܐ ܣܵܗܕܘܼܬܵܐ ܥܲܠܝܼ: ܕܒܵܒܵܐ ܫܘܼܕܪܸܢܹܗ. 37ܘܒܵܒܵܐ ܕܫܘܼܕܪܸܢܹܗ: ܗ̇ܘ ܝܘܼܗَܒܼܸܠܹܗ ܣܵܗܕܘܼܬܵܐ ܥܲܠܝܼ ܩܵܠܹܗ ܗܲܪ ܠܵܐ ܫܡܸܥܠܵܘܟ̣ܘܿܢ: ܘܚܸܙܘܹܗ ܠܵܐ ܚܙܹܠܵܘܟ̣ܘܿܢ. 38ܘܗܹܡܸܙܡܵܢܹܗ ܠܹܐ ܝ݇ܠܵܗ̇ ܥܲܪܩܘܼܠܹܐ ܓܵܘܵܘܟ̣ܘܿܢ: ܣܵܒܵܒ ܕܒܗ̇ܘ ܫܘܼܕܸܪܹܗ ܐܲܚܬܘܿܢ ܠܹܐ ܝܬܘܿܢ ܗܲܡܘܼܢܹܐ. 39ܬܲܦ̮ܬܸܫܘܿܢ ܟܬܵܒܹ̈ܐ: ܣܵܒܵܒ ܕܒܝܼܵܝܗܝ ܒܸܚܫܵܒ̣ܵܐ ܝܬܘܿܢ ܕܚܲܝܹ̈ܐ ܕܠܐܵܒܲܕ ܐܝܼܬ ܠܵܘܟ̣ܘܿܢ: ܘܐܵܢܝܼ ܒܝܼܵܗَܒ̣ܵܐ ܝܢܵܐ ܣܵܗܕܘܼܬܵܐ ܥܲܠܝܼ. 40ܘܠܹܐ ܝܬܘܿܢ ܒܸܒܥܵܝܵܐ ܕܐܵܬܝܼܬܘܿܢ ܠܟܸܣܠܝܼ: ܕܚܲܝܹ̈ܐ ܗܵܘܝܼ ܠܵܘܟ̣ܘܿܢ. 41ܚܸܩܪܵܐ ܡ̣ܢ ܒܢܲܝ̈ܢܵܫܵܐ ܠܹܐ ܝܘܸܢ ܩܵܒ̇ܘܿܠܹܐ. 42ܐܸܠܵܐ ܩܲܡ ܝܵܕܥܸܢܵܘܟ̣ܘܿܢ ܕܚܘܼܒܹܗ ܕܐܲܠܵܗܵܐ ܠܲܝܬ ܒܝܼܵܘܟ̣ܘܿܢ. 43ܐܵܢܵܐ ܐَܬܹܐܠܝܼ ܒܫܸܡܹܗ ܕܒܵܒܝܼ: ܘܠܹܐ ܝܬܘܿܢ ܩܵܒ̇ܘܿܠܝܼ: ܐܸܢ ܚܲܕَ ܐ݇ܚܹܪ݇ܢܵܐ ܐܵܬܹܐ ܒܫܸܡܵܐ ܕܓܵܢܹܗ: ܠܗ̇ܘ ܒܸܬ ܩܵܒ̇ܠܝܼܬܘܿܢ. 44ܕܵܐܟ̣ܝܼ ܡܵܨܹܝܬܘܿܢ ܠܗܲܡܘܼܢܹܐ: ܕܚܸܩܪܵܐ ܚܲܕَ ܡܗ̇ܘ ܐ݇ܚܹܪ݇ܢܵܐ ܟܹܐ ܩܵܒ̇ܠܝܼܬܘܿܢ: ܘܠܚܸܩܪܵܐ ܕܡ̣ܢ ܚܲܕَ ܐܲܠܵܗܵܐ ܒܢܲܦ̮ܫܹܗ ܠܹܐ ܝܬܘܿܢ ܒܸܛܲܥܝܵܐ. 45ܠܵܐ ܚܵܫܒ̣ܝܼܬܘܿܢ ܕܐܵܢܵܐ ܡܵܚܸܢܵܗ̇ ܕܲܪܗܲܩܵܘܟ̣ܘܿܢ ܩܵܕَܡ ܒܵܒܵܐ: ܐܝܼܬ ܚܲܕَ ܕܡܵܚܹܐ ܠܵܗ̇ ܕܲܪܗܲܩܵܘܟ̣ܘܿܢ: ܡܘܼܫܹܐ: ܗ̇ܘ ܕܒܝܹܗ ܣܒܝܼܪܹܐ ܝܬܘܿܢ. 46ܣܵܒܵܒ ܐܸܢ ܒܡܘܼܫܹܐ ܗܵܘܹܝܬܘܿܢ ܗ݇ܘܵܘ ܗܘܼܡܸܢܹܐ: ܐܘܼܦ ܒܝܼܝܼ ܒܸܬ ܗܲܡܸܢܝܼܬܘܿܢ ܗ݇ܘܵܘ: ܣܵܒܵܒ ܕܗ̇ܘ ܒܘܼܬ ܕܝܼܝܼ ܟܬܸܒ̣ܠܹܗ. 47ܘܐܸܢ ܠܟܬܵܒܹ̈ܐ ܕܗ̇ܘ ܠܹܐ ܝܬܘܿܢ ܗܲܡܘܼܢܹܐ: ܕܵܐܟ̣ܝܼ ܠܗܹܡܸܙܡܵܢܹ̈ܐ ܕܝܼܝܼ ܒܸܬ ܗܲܡܸܢܝܼܬܘܿܢ.