0:00
/
1ܒܵܬَܪ ܐܲܢܹܐ ܦܪܸܫܠܹܗ ܡܵܪܲܢ ܐܘܼܦ ܫܲܒ̣ܥܝܼ ܐ݇ܚܹܪ̈݇ܢܹܐ: ܘܫܘܼܕܪܵܝܠܹܗ ܬܪܹܝ ܬܪܹܝ ܩܵܕَܡ ܦܵܬܹܗ: ܠܟܠ ܕܘܼܟܵܐ ܘܡܕܝܼܢَܬܵܐ ܕܗܕܝܼܪܵܐ ܗ݇ܘܵܐ ܠܹܐܙܵܠܵܐ. 2ܘܐَܡܝܼܪܹܗ ܐܸܠܵܝܗܝ: ܚܸܨܕܵܐ ܪܵܒܵܐ ܝܠܹܗ: ܘܦܵܥ̈ܠܹܐ ܚܲܕَܟ̰ܵܐ: ܒܥܹܝܡܘܿܢ ܗܲܕܟ̣ܵܐ ܡ̣ܢ ܡܵܪܵܐ ܕܚܸܨܕܵܐ: ܕܦܵܠܸܛ ܦܵܥ̈ܠܹܐ ܠܚܸܨܕܹܗ. 3ܙܹܠَܡܘܿܢ: ܗܵܐ: ܐܵܢܵܐ ܫܵܕܘܿܪܵܘܟ̣ܘܿܢ ܝܼܘܸܢ ܐܲܝܟܼ ܦܹܪܹ̈ܐ ܒܓܵܘܵܐ ܕܕܹܐܒܹ̈ܐ. 4ܠܵܐ ܫܵܩܠܝܼܬܘܿܢ ܠܵܘܟ̣ܘܿܢ ܟܝܼܣܬܵܐ ܘܠܵܐ ܓ̰ܲܢܬܵܐ: ܘܠܵܐ ܨܵܘܠܹ̈ܐ: ܘܫܠܵܡܵܐ ܠܐ݇ܢܵܫܵܐ ܒܐܘܼܪܚܵܐ ܠܵܐ ܕܵܪܝܼܬܘܿܢ. 5ܘܠܟܠ ܒܲܝܬܵܐ ܕܥܵܒܼܪܝܼܬܘܿܢ؛ ܩܵܕَܡܵܝܬܵܐ ܐَܡܘܿܪܘܼܢ: ܫܠܵܡܵܐ ܠܐܵܗܵܐ ܒܲܝܬܵܐ. 6ܘܐܸܢ ܐܝܼܬ ܬܵܡܵܐ ܒܪܘܿܢܵܐ ܕܸܫܠܵܡܵܐ: ܒܸܬ ܥܲܪܩܸܠ ܥܲܠܘܼܗܝ ܫܠܵܡܵܘܟ̣ܘܿܢ: ܘܐܸܢ ܠܵܐ: ܥܲܠܵܘܟ̣ܘܿܢ ܒܸܬ ܕܵܝܸܪ. 7ܐܝܼܢܵܐ ܗ̇ܘ ܒܲܝܬܵܐ ܗَܘܹܝܡܘܿܢ: ܟܲܕ ܒܹܐܟ̣ܵܠܵܐ ܘܒܸܫܬܵܝܵܐ ܡ̣ܢ ܕܝܼܵܝܗܝ: ܣܵܒܵܒ ܕܟܹܐ ܚܵܫܸܚ ܦܵܥܠܵܐ ܠܗܵܩܹܗ. ܘܠܵܐ ܫܵܢܝܼܬܘܿܢ ܡ̣ܢ ܒܲܝܬܵܐ ܠܒܲܝܬܵܐ. 8ܘܠܲܐܝܢܝܼ ܡܕܝܼܢَܬܵܐ ܕܥܵܒܼܪܝܼܬܘܿܢ ܘܩܵܒ̇ܠܝܼ ܠܵܘܟ̣ܘܿܢ: ܐَܟ̣ܘܿܠܘܿܢ ܡܸܢܕܝܼ ܕܦܵܐܹܫ ܡܘܼܬܒ̣ܵܐ ܩܵܕَܡܵܘܟ̣ܘܿܢ. 9ܘܒܵܣܡܘܿܢ ܠܐܵܢܝܼ ܕܝܼܢܵܐ ܡܸܪܥܝܹܐ ܓܵܘܵܗ̇: ܘܐَܡܘܿܪܘܼܢ ܐܸܠܵܝܗܝ: ܩܘܼܪܒܸܢܵܐ ܥܲܠܵܘܟ̣ܘܿܢ ܡܲܠܟܘܼܬܹܗ ܕܐܲܠܵܗܵܐ. 10ܐܝܼܢܵܐ ܠܐܲܝܢܝܼ ܡܕܝܼܢَܬܵܐ ܕܥܵܒܼܪܝܼܬܘܿܢ: ܘܠܵܐ ܩܵܒ̇ܠܝܼ ܠܵܘܟ̣ܘܿܢ: ܦܠܘܿܛܘܿܢ ܐܲܚܬܘܿܢ ܒܥܵܠܘܿܠܵܢܘܼ̈ܗ̇: ܘܐَܡܘܿܪܘܼܢ. 11ܘܐܘܼܦ ܬܵܘܙ ܕܝܼܠܵܗ̇ ܛܦܝܼܬܵܐ ܒܐܲܩ̈ܠܲܢ ܡ̣ܢ ܡܕܝܼܢَܬܵܘܟ̣ܘܿܢ: ܒܸܢܦܵܨܵܐ ܝܘܵܚ ܐܸܠܵܘܟ̣ܘܿܢ ܐܝܼܢܵܐ ܐܵܗܵܐ ܝܕܸܥܡܘܿܢ: ܕܩܘܼܪܒܸܢܵܐ ܥܲܠܵܘܟ̣ܘܿܢ ܡܲܠܟܘܼܬܹܗ ܕܐܲܠܵܗܵܐ. 12ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܣܕܘܿܡ ܒܸܬ ܗܵܘܹܐ ܢܝܵܚܵܐ ܒܗ̇ܘ ܝܵܘܡܵܐ: ܙܵܘܕܵܐ ܡ̣ܢ ܠܗ̇ܝ ܡܕܝܼܢَܬܵܐ. 13ܘܵܝ ܐܸܠܵܟ̣ܝ: ܟܘܼܪܙܝܼܢ: ܘܵܝ ܐܸܠܵܟ̣ܝ: ܒܹܝܬ ܨܲܝܵܕܵܐ: ܣܵܒܵܒ ܐܸܢ ܒܨܘܼܪ ܘܒܨܲܝܕܘܿܢ ܗܵܘܝܼ ܗ݇ܘܵܘ ܚܲܝܠܹܗ ܕܗَܘܹܐܠܗَܘܿܢ ܒܝܼܵܘܟ̣ܘܿܢ: ܡ̣ܢ ܓ̰ܲܠܕܹܐ ܟܲܕ ܝܬܝܼܒܹܐ ܒܣܲܩܹ̈ܐ ܘܒܩܸܛܡܵܐ ܒܸܬ ܬܲܘܸܒܝܼ ܗ݇ܘܵܘ. 14ܐܝܼܢܵܐ ܠܨܘܿܪ ܘܠܨܲܝܕܘܿܢ ܒܸܬ ܗܵܘܹܐ ܢܝܵܚܵܐ ܒܕܝܼܘܵܢ: ܙܵܘܕܵܐ ܡ̣ܢ ܕܐܸܠܵܘܟ̣ܘܿܢ. 15ܘܐܲܢَܬܝ: ܟܦܲܪܢܵܚܘܿܡ: ܗܲܠ ܫܡܲܝܵܐ ܒܸܬ ܦܵܝܫܲܬܝ ܡܘܼܪܸܡܬܵܐ: ܗܲܠ ܫܝܘܿܠ ܒܸܬ ܦܵܝܫܲܬܝ ܡܘܼܨܠܝܼܬܵܐ. 16ܡ̇ܢ ܕܐܸܠܵܘܟ̣ܘܿܢ ܫܵܡܹܥ ܐܸܠܝܼ ܒܸܫܡܲܥܝܵܐ ܝܠܹܗ: ܘܡ̇ܢ ܕܐܸܠܵܘܟ̣ܘܿܢ ܡܲܣܠܹܐ ܐܸܠܝܼ ܡܲܣܠܘܼܝܹܐ ܝܠܹܗ: ܘܡ̇ܢ ܕܐܸܠܝܼ ܡܲܣܠܹܐ ܡܲܣܠܘܼܝܹܐ ܝܠܹܗ ܠܡ̇ܢ ܕܫܘܼܕܪܸܢܹܗ. 17ܘܕܸܪܗܘܿܢ ܐܵܢܝܼ ܫܲܒ̣ܥܝܼ ܒܚܲܕܘܼܬܵܐ: ܘܐܵܡܪܝܼ ܐܸܠܹܗ: ܡܵܪܲܢ: ܐܘܼܦ ܕܲܝܘܹ̈ܐ ܦܝܵܫܵܐ ܝܢܵܐ ܙܲܒܛ ܐܸܠܲܢ ܒܫܸܡܘܼܟ. 18ܘܐَܡܝܼܪܹܗ ܐܸܠܵܝܗܝ: ܐܵܢܵܐ ܚܙܹܠܝܼ ܠܣܵܛܵܢܵܐ ܕܢܦܸܠܹܗ ܐܲܝܟܼ ܒܸܪܩܵܐ ܡ̣ܢ ܫܡܲܝܵܐ. 19ܗܵܐ: ܝܸܗَܒܸܠܝܼ ܐܸܠܵܘܟ̣ܘܿܢ ܗܘܼܟܡܵܐ ܕܗܵܘܹܝܬܘܿܢ ܒܸܕܝܵܫܵܐ ܚܘܼܘܵܘܵܬܹ̈ܐ ܘܥܵܩܸܪ̈ܒܹܐ: ܘܟܠܹܗ ܚܲܝܠܹܗ ܕܕܸܫܡܸܢ: ܘܡܸܢܕܝܼ ܠܹܐ ܚܲܙܕܓ ܠܵܘܟ̣ܘܿܢ. 20ܐܝܼܢܵܐ ܒܐܵܗܵܐ ܠܵܐ ܚܵܕܝܼܬܘܿܢ ܕܪ̈ܘܼܚܹܐ ܦܝܵܫܵܐ ܝܢܵܐ ܙܲܒܛ ܐܸܠܵܘܟ̣ܘܿܢ: ܐܸܠܵܐ ܚܕܹܐܡܘܿܢ ܕܫܸܡܵܢܵܘ̈ܟ̣ܘܿܢ ܦܸܫܠܗَܘܿܢ ܟܬܝܼܒܹܐ ܒܫܡܲܝܵܐ. 21ܒܗ̇ܝ ܣܵܥܲܬ ܦܨܸܚܠܹܗ ܝܼܫܘܿܥ ܒܪܘܼܚܵܐ ܕܩܘܼܕܫܵܐ ܘܐَܡܝܼܪܹܗ: ܫܵܟܘܿܪܹܐ ܝܘܸܢ ܐܸܠܘܼܟܼ: ܒܵܒܝܼ: ܡܵܪܵܐ ܕܫܡܲܝܵܐ ܘܐܲܪܥܵܐ: ܕܟܘܼܣܹܐܠܘܼܟܼ ܐܲܢܹܐ ܡ̣ܢ ܥܵܩܸܠܕܵܪܹ̈ܐ ܘܦܲܪ̈ܡܝܼܵܢܹܐ: ܘܓܸܠܝܵܝܠܘܼܟܼ ܠܝܲܠܘܼܕܹ̈ܐ: ܗܹܐ: ܒܵܒܝܼ: ܕܗܲܕܟ̣ܵܐ ܗَܘܹܐܠܹܗ ܪܸܙܵܝܵܐ ܩܵܕَܡܘܼܟ. 22ܟܠ ܡܸܢܕܝܼ ܦܸܫܠܹܗ ܣܘܼܦܝܵܐ ܒܝܼܝܼ ܡ̣ܢ ܒܵܒܝܼ: ܘܠܵܐ ܐ݇ܢܵܫܵܐ ܒܝܼܕܵܥܝܵܐ ܝܠܹܗ ܡܵܢܝܼ ܝܠܹܗ ܒܪܘܿܢܵܐ: ܐܸܠܵܐ ܒܵܒܵܐ: ܘܡܵܢܝܼ ܝܠܹܗ ܒܵܒܵܐ: ܐܸܠܵܐ ܒܪܘܿܢܵܐ: ܘܠܡ̇ܢ ܕܒܵܣܡܵܐ ܠܹܗ ܒܪܘܿܢܵܐ ܕܓܵܠܹܐ (ܠܹܗ). 23ܘܕܸܪܹܗ ܠܟܸܣ ܬܲܠܡܝܼܕܘܼ̈ܗܝ ܒܢܲܦ̮ܫܵܝܗܝ ܘܐَܡܝܼܪܹܗ: ܛܘܼܒ̣ܵܐ ܠܥܲܝܢܹ̈ܐ ܕܚܵܙܝܼ ܡܸܢܕܝܼ ܕܐܲܚܬܘܿܢ ܒܸܚܙܵܝܵܐ ܝܬܘܿܢ. 24ܣܵܒܵܒ ܕܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܪܵܒܵܐ ܢܒ̣̈ܝܹܐ ܘܡܲܠܟܹ̈ܐ ܒܣܸܡܠܵܐ ܠܗ݇ܘܿܢ ܕܚܵܙܝܼ ܡܸܢܕܝܼ ܕܒܸܚܙܵܝܵܐ ܝܬܘܿܢ: ܘܠܵܐ ܚܙܹܐܠܗܘܿܢ: ܘܠܸܫܡܲܥܝܵܐ ܡܸܢܕܝܼ ܕܐܲܚܬܘܿܢ ܒܸܫܡܲܥܝܵܐ ܝܬܘܿܢ: ܘܠܵܐ ܫܡܸܥܠܗَܘܿܢ. 25ܘܗܵܐ: ܚܲܕَ ܫܲܪܥܲܬܟܵܪ ܩܸܡܠܹܗ ܕܓ̰ܵܪܸܒ ܠܹܗ ܘܐَܡܝܼܪܹܗ: ܡܲܠܦܵܢܵܐ: ܡܘܼܕܝܼ ܥܵܒ̣ܕܸܢ ܕܝܵܪܬܸܢ ܚܲܝܹ̈ܐ ܕܠܐܵܒܲܕ. 26ܘܐَܡܝܼܪܹܗ ܐܸܠܹܗ: ܒܢܵܡܘܿܣܵܐ ܡܘܼܕܝܼ ܟܬܝܼܒ̣ܵܐ ܝܠܹܗ: ܕܵܐܟ̣ܝܼ ܟܹܐ ܩܵܪܸܬ. 27ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܹܗ: ܕܡܲܚܒܸܬ ܠܡܵܪܝܵܐ ܐܲܠܵܗܘܼܟ ܡ̣ܢ ܟܠܹܗ ܠܸܒܘܼܟ: ܘܡ̣ܢ ܟܠܵܗ̇ ܓܵܢܘܼܟ: ܘܡ̣ܢ ܟܠܹܗ ܚܲܝܠܘܼܟܼ: ܘܡ̣ܢ ܟܠܹܗ ܚܝܼܵܠܘܼܟܼ: ܘܠܫܒ̣ܵܒ̣ܘܼܟ ܐܲܝܟܼ ܓܵܢܘܼܟ. 28ܐܵܡܸܪ ܐܸܠܹܗ: ܒܬܪܘܼܨܬܵܐ ܓ̰ܘܼܘܸܒܠܘܼܟܼ. ܐܵܗܵܐ ܥܒ̣ܘܿܕ: ܘܒܸܬ ܚܲܝܸܬ. 29ܐܝܼܢܵܐ ܗ̇ܘ: ܟܲܕ ܒܸܥܠܹܗ ܠܡܲܟܫܘܼܛܹܐ ܓܵܢܹܗ: ܐَܡܝܼܪܹܗ ܠܝܼܫܘܿܥ: ܘܡܵܢܝܼ ܝܠܹܗ ܫܒ̣ܵܒ̣ܝܼ. 30ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ: ܚܲܕَ ܐ݇ܢܵܫܵܐ ܒܸܨܠܵܝܵܐ ܗ݇ܘܵܐ ܡ̣ܢ ܐܘܿܪܸܫܠܸܡ ܠܐܝܼܪܝܼܚܘܿ: ܘܢܦܸܠܗ݇ܘܿܢ ܥܲܠܘܼܗܝ ܓ̰ܵܠܵܠܝܼܹ̈ܐ ܘܫܘܼܠܚܸܠܗܘܿܢ ܐܸܠܹܗ: ܘܡܚܹܐܠܗܘܿܢ ܐܸܠܹܗ: ܘܐَܙܸܠܗܘܿܢ: ܒܸܫܒ̣ܵܩܘܼܗܝ ܦܲܠܓܘܼ ܡܝܵܬܵܐ. 31ܘܩܘܼܘܸܡܠܵܗ̇ ܕܚܲܕَ ܟܵܗܢܵܐ ܒܸܨܠܵܝܵܐ ܗ݇ܘܵܐ ܒܗ̇ܝ ܐܘܼܪܚܵܐ: ܚܙܹܐܠܹܗ: ܥܒܸܪܹܗ. 32ܘܗܲܕܟ̣ܵܐ ܐܘܼܦ ܠܹܘܵܝܵܐ: ܘܟܲܕ ܡܛܹܠܹܗ ܠܗ̇ܝ ܕܘܼܟܬܵܐ ܘܚܙܹܐܠܹܗ: ܥܒܸܪܹܗ. 33ܐܝܼܢܵܐ ܐ݇ܢܵܫܵܐ ܫܵܡܪܵܝܵܐ: ܟܲܕ ܒܸܥܒ̣ܵܕܵܐ ܗ݇ܘܵܐ ܣܵܦܵܪ: ܐَܬܹܐܠܹܗ ܠܐܲܝܟܵܐ ܕܝܼܗ݇ܘܵܐ: ܘܚܙܹܐܠܹܗ: ܘܪܘܼܚܸܡܠܹܗ ܥܲܠܘܼܗܝ. 34 ܘܩܘܼܪܒܸܢܹܗ: ܘܐܣܸܪܹܗ ܒܪ̈ܝܼܢܵܬܹܗ؛ ܨܲܢܨܘܼܠܹܗ ܥܲܠܵܝܗܝ ܚܲܡܪܵܐ ܘܡܸܫܚܵܐ: ܘܡܘܼܬܸܒ̣ܠܹܗ ܥܲܠ ܐܘܼܠܵܓܹܗ: ܘܡܘܼܬَܝܹܠܹܗ ܠܟܲܪܘܵܢܣܵܪܵܐ: ܘܐܟܸܠܹܗ ܚܲܡ ܒܘܼܬ ܕܝܹܗ. 35ܘܒܩܵܝܕܲܡܬܵܐ ܦܘܼܠܸܛܠܹܗ ܬܪܹܝ ܕܝܼܢܵܪܹ̈ܐ ܘܝܘܼܗَܒܼܸܠܹܗ ܠܟܲܪܘܵܢܣܵܪܵܟ̰ܝܼ: ܘܐَܡܝܼܪܹܗ: ܐَܟ̣ܘܿܠ ܚܲܡ ܒܘܼܬ ܕܝܹܗ: ܘܟܠ ܡܸܢܕܝܼ ܕܙܵܘܕܵܐ ܚܵܪܓ̰ܸܬ: ܐܝܼܡܲܢ ܕܕܵܝܪܸܢ ܒܸܬ ܝܵܗܒܸܢܘܼܟ. 36ܡܵܢܝܼ ܗܲܕܟ̣ܵܐ ܡܐܲܢܹܐ ܬܠܵܬَܐ ܒܸܚܫܵܒ̣ܵܐ ܝܘܸܬ ܗَܘܹܐܠܹܗ ܫܒ̣ܵܒ̣ܵܐ ܠܗ̇ܘ ܕܢܦܸܠܹܗ ܓܵܘܵܐ ܕܓ̰ܵܠܵܠ̈ܝܹܐ. 37ܘܗ̇ܘ ܐَܡܝܼܪܹܗ: ܗ̇ܘ ܕܪܘܼܚܸܡܠܹܗ ܥܲܠܘܼܗܝ. ܐܵܡܸܪ ܐܸܠܹܗ ܝܼܫܘܿܥ: ܙܹܠَܐ: ܐܘܼܦ ܐܲܢَܬ ܗܲܕܟ̣ܵܐ ܥܵܒ̣ܕܸܬ. 38ܘܗَܘܹܐ ܠܵܗ̇ ܟܲܕ ܒܹܐܙܵܠܵܐ ܗ݇ܘܵܘ: ܥܒܼܸܪܹܗ ܠܚܕܵܐ ܡܵܬܵܐ: ܘܚܕܵܐ ܒܲܟ̣ܬܵܐ ܕܫܸܡܘܼܗ̇ ܡܵܪܬܵܐ ܩܘܼܒܸܠܵܗ̇ ܐܸܠܹܗ ܒܒܲܝܬܘܼܗ̇. 39ܘܐܝܼܬ ܗ݇ܘܵܐ ܠܵܗ̇ ܚܵܬܵܐ ܫܸܡܘܼܗ̇ ܡܲܪܝܲܡ: ܝܬܸܒ̣ܠܵܗ̇ ܠܟܸܣ ܐܲܩܠܹ̈ܗ ܕܝܼܫܘܿܥ: ܘܫܲܡܥܵܐ ܗ݇ܘܵܐ ܗܹܡܸܙܡܵܢܘܼ̈ܗܝ. 40ܐܝܼܢܵܐ ܡܵܪܬܵܐ ܡܘܼܠܝܸܨܬܵܐ ܗ݇ܘܵܐ ܒܚܸܠܡܲܬ ܪܵܒܵܐ: ܘܐَܬܹܐܠܵܗ̇ ܐ݇ܡܸܪܵܗ̇ ܐܸܠܹܗ: ܡܵܪܝܼ: ܠܹܐ ܝܘܸܬ ܒܚܲܡ ܕܚܵܬܝܼ ܫܒ̣ܝܼܩܲܢܵܗ̇ ܒܢܲܦ̮ܫܝܼ ܠܸܥܒ̣ܵܕܵܐ ܚܸܠܡܲܬ: ܒܲܣ ܐَܡܘܿܪ ܐܸܠܵܗ̇ ܕܗܲܝܸܪܵܗ̇ ܠܝܼ. 41ܐܝܼܢܵܐ ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܵܗ̇: ܡܵܪܬܵܐ: ܡܵܪܬܵܐ: ܒܹܐܟ̣ܵܠܵܐ ܝܘܲܬܝ ܚܲܡ ܘܫܓ̣ܝܼܫܬܵܐ ܝܘܲܬܝ ܥܲܠ ܪܵܒܵܐ ܡܸܢܕܝܵܢܹ̈ܐ. 42ܐܝܼܢܵܐ ܚܕܵܐ ܠܵܙܸܡ ܝ݇ܠܵܗ̇: ܘܡܲܪܝܲܡ ܣܵܡܵܐ ܨܦܵܝܝܼ ܓܘܼܒܹܠܵܗ̇: ܗ̇ܘ ܕܠܹܐ ܦܵܐܹܫ ܫܩܝܼܠܵܐ ܡܸܢܵܗ̇.