0:00
/
1ܘܗَܘܹܐ ܠܵܗ̇: ܟܲܕ ܥܒܼܸܪܹܗ ܠܒܲܝܬܵܐ ܕܚܲܕَ ܡ̣ܢ ܪܹ̈ܫܵܢܹܐ ܕܦܪ̈ܝܼܫܹܐ ܕܐܵܟܼܸܠ ܗ݇ܘܵܐ ܠܲܚܡܵܐ: ܒܝܵܘܡܵܢܹ̈ܐ ܕܫܲܒܬܵܐ: ܐܵܢܝܼ ܒܸܢܛܵܪܘܼܗܝ ܗ݇ܘܵܘ. 2ܘܗܵܐ: ܚܲܕَ ܐ݇ܢܵܫܵܐ ܙܝܼܪܵܐ ܡ̣ܢ ܡ̈ܝܼܵܐ ܐܝܼܬ ܗ݇ܘܵܐ ܩܵܕَܡܘܼܗܝ. 3ܘܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܠܫܲܪܥܲܬܟܵܪܹ̈ܐ ܘܠܦܪ̈ܝܼܫܹܐ: ܒܕܲܣܬܘܼܪ ܝ݇ܠܵܗ̇ ܒܫܲܒܬܵܐ ܠܒܵܣܘܿܡܹܐ: ܝܲܢ ܠܵܐ. 4ܐܝܼܢܵܐ ܐܵܢܝܼ ܫܬܸܩܠܗܘܿܢ ܘܕܒܸܩܠܹܗ ܗ̇ܘ ܘܒܘܼܣܸܡܠܹܗ: ܘܫܘܼܕܸܪܹܗ. 5ܘܐَܡܝܼܪܹܗ ܐܸܠܵܝܗܝ: ܡܵܢܝܼ ܡܸܢܵܘܟ̣ܘܿܢ ܕܢܵܦܸܠ ܚܡܵܪܹܗ ܝܲܢ ܬܵܘܪܹܗ ܓܵܘ ܒܹܪܵܐ ܒܝܵܘܡܵܢܹ̈ܐ ܕܫܲܒܬܵܐ: ܘܕܲܪܣܵܥܲܬ ܠܹܐ ܓܵܪܸܫܠܹܗ. 6ܘܠܵܐ ܡܨܹܐܠܗܘܿܢ ܠܓ̰ܲܘܘܼܒܘܼܗܝ ܥܲܠ ܕܐܵܗܵܐ. 7ܘܐَܡܝܼܪܹܗ ܡܵܣܵܠܵܐ ܠܟܸܣ ܕܐܵܢܝܼ ܕܝܼܗ݇ܘܵܘ ܟ̰ܝܼܕܹ̈ܐ: ܟܲܕ ܒܸܚܙܵܝܵܝܗܝ ܗ݇ܘܵܐ ܕܵܐܟ̣ܝܼ ܓܵܒ̇ܘܿܝܹܐ ܗ݇ܘܵܘ ܕܘܼܟܵܢܹ̈ܐ ܒܪܹܫ ܡܵܘܬܒܹ̈ܐ: ܒܹܐܡܵܪܵܐ ܐܸܠܵܝܗܝ. 8ܐܝܼܡܲܢ ܕܦܵܝܫܸܬ ܟ̰ܝܼܪܵܐ ܡ̣ܢ ܐ݇ܢܵܫܵܐ ܠܒܹܝܬ ܚܠܘܼܠܵܐ: ܠܵܐ ܝܵܬܒܸܬ ܒܪܹܫ ܡܵܘܬܒ̣ܵܐ: ܠܵܐ ܗَܘܹܐ ܕܗܵܘܹܐ ܟ̰ܝܼܕܵܐ ܬܵܡܵܐ ܐ݇ܢܵܫܵܐ ܒܘܼܫ ܡܝܘܼܩܪܵܐ ܡܸܢܘܼܟ. 9ܘܐܵܬܹܐ ܗ̇ܘ ܕܐܸܠܘܼܟܼ ܘܐܸܠܹܗ ܩܪܹܐܠܹܗ: ܘܐܵܡܸܪ ܐܸܠܘܼܟܼ: ܗܲܒَܠ ܕܘܼܟܬܵܐ ܠܐܵܗܵܐ: ܘܗ̇ܝܓܵܗ ܒܸܬ ܫܵܪܸܬ ܒܢܚܸܦܬܵܐ ܠܸܕܒ̣ܵܩܵܐ ܕܘܼܟܬܵܐ ܐܚܵܪܵܝܬܵܐ. 10ܐܸܠܵܐ ܐܝܼܡܲܢ ܕܦܸܫܠܘܼܟܼ ܟ̰ܝܼܕܵܐ: ܙܹܠَܐ ܝܬܘܿܒ̣ ܠܘܼܟܼ ܠܐܸܠܬܸܚ ܡ̣ܢ ܟܠܵܝܗܝ: ܕܐܝܼܡܲܢ ܐܵܬܹܐ ܗ̇ܘ ܕܩܲܡ ܩܵܪܹܐ ܠܘܼܟܼ: ܐܵܡܸܪ ܐܸܠܘܼܟܼ: ܕܵܘܣܬܝܼ: ܐܣܘܿܩ ܠܥܸܠܸܠ. ܘܒܸܬ ܗܵܘܹܐ ܠܘܼܟܼ ܚܸܩܪܵܐ ܩܵܕَܡ ܟܠܵܝܗܝ ܕܐܵܢܝܼ ܕܝܬܝܼܒܹܐ ܝܢܵܐ ܠܨܘܼܦܪܵܐ ܥܲܡܘܼܟ. 11ܣܵܒܵܒ ܟܠ ܕܡܵܪܸܡ ܠܵܗ̇ ܓܵܢܹܗ ܒܸܬ ܦܵܐܹܫ ܡܘܼܟܸܦܵܐ: ܘܟܠ ܕܡܲܟܸܦ ܓܵܢܹܗ ܒܸܬ ܦܵܐܹܫ ܡܘܼܪܡܵܐ. 12ܘܐَܡܝܼܪܹܗ ܐܘܼܦ ܠܗ̇ܘ ܕܩܪܹܐܠܹܗ: ܐܝܼܡܲܢ ܕܥܵܒ̣ܕܸܬ ܫܵܪܘܼܬܵܐ ܝܲܢ ܐَܟܼܵܠَܪܲܡܫܵܐ: ܠܵܐ ܗܵܘܸܬ ܒܸܩܪܵܝܵܐ ܠܕܵܘܣܬܘܼ̈ܟ: ܐܘܼܦ ܠܵܐ ܠܐܵܚܘܿܢܘܵܬܘܼ̈ܟ: ܝܲܢ ܠܚܸܙܡܘܼ̈ܟ: ܘܠܵܐ ܠܫܒ̣ܵܒ̣ܘܼ̈ܟ ܕܵܘܠܲܬܡܲܢܕܹ̈ܐ: ܠܵܐ ܗَܘܹܐ ܕܐܘܼܦ ܐܵܢܝܼ ܩܵܪܝܼ ܠܘܼܟܼ: ܘܗܵܘܹܐ ܠܘܼܟܼ ܦܘܼܪܥܵܢܵܐ. 13ܐܸܠܵܐ ܐܝܼܡܲܢ ܕܥܵܒ̣ܕܸܬ ܐܲܪܚܘܼܬܵܐ: ܩܪܝܼ ܠܡܸܣܟܹܢܹ̈ܐ: ܣܲܩܲܬܹ̈ܐ: ܫܸܠܹ̈ܐ: ܣܸܡܝܹ̈ܐ. 14ܘܛܘܼܒ̣ܵܐ ܐܸܠܘܼܟܼ: ܕܠܲܝܬ ܠܗ݇ܘܿܢ ܕܦܲܪܥܝܼ ܠܘܼܟܼ: ܣܵܒܵܒ ܕܒܸܬ ܦܵܝܫܸܬ ܦܸܪܥܝܵܐ ܒܩܝܵܡܬܵܐ ܕܙܲܕܝܼܩܹ̈ܐ. 15ܘܟܲܕ ܫܡܸܥܠܹܗ ܐܲܢܹܐ ܚܲܕَ ܡ̣ܢ ܕܐܵܢܝܼ ܕܝܼܗ݇ܘܵܘ ܝܬܝܼܒܹܐ ܠܨܘܼܦܪܵܐ ܥܲܡܹܗ: ܐَܡܝܼܪܹܗ ܐܸܠܹܗ: ܛܘܼܒ̣ܵܐ ܠܡ̇ܢ ܕܐܵܟܼܸܠ ܠܲܚܡܵܐ ܒܡܲܠܟܘܼܬܹܗ ܕܐܲܠܵܗܵܐ. 16ܐܵܡܸܪ ܐܸܠܹܗ: ܚܲܕَ ܐ݇ܢܵܫܵܐ ܥܒܸܕܠܹܗ ܐَܟܼܵܠَܪܲܡܫܵܐ ܓܘܼܪܬܵܐ: ܘܩܪܹܐܠܹܗ ܠܪܵܒܵܐ. 17ܘܫܘܼܕܸܪܹܗ ܪܹܓܹܗ ܒܥܕܵܢܵܐ ܕܐَܟܼܵܠَܪܲܡܫܵܐ: ܕܐܵܡܸܪ ܠܐܵܢܝܼ ܕܝܼܗ݇ܘܵܘ ܩܸܪܝܹܐ: ܐܵܕܝܼܵܐ ܟܠ ܡܸܢܕܝܼ ܗܵܙܸܪ ܝܼܠܹܗ: ܬܹܐܡܘܿܢ. 18ܘܫܘܼܪܹܠܗܘܿܢ ܚܲܕَ ܚܲܕَ ܟܠܵܝܗܝ ܠܸܒܥܝܵܐ ܡܲܚܠܵܥܝܬܵܐ. ܐَܡܝܼܪܹܗ ܐܸܠܹܗ ܩܵܕَܡܵܝܵܐ: ܚܲܩܠܵܐ ܙܒܸܢܝܼ: ܘܵܓ̰ܸܒ ܝ݇ܠܵܗ̇ ܕܦܵܠܛܸܢ ܚܵܙܸܢܵܗ̇: ܒܸܒܥܵܝܵܐ ܝܘܸܢ ܡܸܢܘܼܟ: ܫܒ̣ܘܿܩ ܠܝܼ ܕܦܵܝܫܸܢ ܦܘܼܚܠܵܐ. 19ܐ݇ܚܹܪ݇ܢܵܐ ܐَܡܝܼܪܹܗ: ܚܲܡܫܵܐ ܙܵܘ̈ܓܹܐ ܬܵܘܪܹ̈ܐ ܙܒܸܢܝܼ: ܘܒܹܐܙܵܠܵܐ ܝܘܸܢ ܕܓ̰ܵܪܒܸܢܗܘܿܢ: ܒܸܒܥܵܝܵܐ ܝܘܸܢ ܡܸܢܘܼܟ: ܫܒ̣ܘܿܩ ܠܝܼ ܕܦܵܝܫܸܢ ܦܘܼܚܠܵܐ. 20ܐ݇ܚܹܪ݇ܢܵܐ ܐَܡܝܼܪܹܗ: ܒܲܟ̣ܬܵܐ ܓܒ̣ܝܼܪܵܐ ܝܘܸܢ: ܘܣܵܒܵܒ ܕܐܵܗܵܐ ܠܹܐ ܡܵܨܸܢ ܕܐܵܬܸܢ. 21ܘܐَܬܹܐܠܹܗ ܗ̇ܘ ܪܹܓܵܐ ܘܡܘܼܕܸܥܠܹܗ ܐܲܢܹܐ ܠܐܵܓ̣ܵܝܹܗ. ܗ̇ܝܓܵܗ ܟܪܸܒ̇ܠܹܗ ܡܵܪܹܐ ܒܲܝܬܵܐ: ܘܐَܡܝܼܪܹܗ ܠܪܹܓܹܗ: ܦܠܘܿܛ ܓ̰ܲܠܕܹܐ ܠܫܘܼܩܹ̈ܐ ܘܠܥܵܠܘܿܠܹ̈ܐ ܕܡܕܝܼܢَܬܵܐ: ܘܡܲܥܒܼܸܪ ܠܲܐܟ̣ܵܐ ܠܡܸܣܟܹܢܹ̈ܐ ܘܠܕܲܪܕܵܢܹܐ ܘܠܫܸ̈ܠܹܐ ܘܠܣܸܡܝܹ̈ܐ. 22ܘܐَܡܝܼܪܹܗ ܪܹܓܵܐ: ܐܵܓ̣ܵܝܝܼ: ܗَܘܹܐ ܠܵܗ̇ ܐܲܝܟܼ ܕܦܘܼܩܸܕܠܘܼܟܼ: ܘܡܸܢَܕܪܸܫَ ܐܝܼܬ ܕܘܼܟܵܐ. 23ܘܐَܡܝܼܪܹܗ ܐܵܓ̣ܵܐ ܠܪܹܓܹܗ: ܦܠܘܿܛ ܠܐܘܼܪ̈ܚܵܬܹܐ ܘܠܥܵܠܘܿܠܹ̈ܐ: ܘܡܲܠܝܸܨ ܕܥܵܒܼܪܝܼ؛ ܕܦܵܐܹܫ ܡܸܠܝܵܐ ܒܲܝܬܝܼ. 24ܣܵܒܵܒ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܚܲܕَ ܡܐܵܢܝܼ ܐ݇ܢܵܫܹ̈ܐ ܕܩܸܪܝܹܐ ܗ݇ܘܵܘ ܠܹܐ ܛܵܥܡܝܼ ܡ̣ܢ ܚܵܪܲܡܫܝܼ. 25ܘܐَܙܸܠܗܘܿܢ ܥܲܡܹܗ ܟܸܢܫܹ̈ܐ ܪܵܒܵܐ: ܘܕܸܪܹܗ: ܘܐَܡܝܼܪܹܗ ܐܸܠܵܝܗܝ. 26ܡ̇ܢ ܕܐܵܬܹܐ ܠܟܸܣܠܝܼ: ܘܠܵܐ ܣܵܢܹܐ ܠܒܵܒܹܗ: ܘܠܝܸܡܹܗ: ܘܠܵܐܚܘܿܢܘܵܬܘܼ̈ܗܝ: ܘܠܚܵܬܘܵܬܹ̈ܗ: ܘܠܒܢܘܼܢܘܼ̈ܗܝ: ܘܐܘܼܦ ܠܓܢܵܐ ܕܓܵܢܹܗ: ܬܲܠܡܝܼܕܝܼ ܠܹܐ ܡܵܨܹܐ ܕܗܵܘܹܐ. 27ܡ̇ܢ ܕܠܵܐ ܫܵܩܸܠ ܙܩܝܼܦܹܗ ܘܐܵܬܹܐ ܒܵܬَܪܝܼ: ܬܲܠܡܝܼܕܝܼ ܠܹܐ ܡܵܨܹܐ ܕܗܵܘܹܐ. 28ܣܵܒܵܒ ܡܵܢܝܼ ܝܠܹܗ ܡܸܢܵܘܟ̣ܘܿܢ ܕܒܵܥܝܹܐ ܒܵܢܹܐ ܒܘܼܪܓ̰ܵܐ: ܘܩܵܕَܡܵܝܬܵܐ ܠܹܐ ܝܵܬܸܒ̣ ܚܲܫܒܸܢ ܡܲܨܪܵܦܹܗ؛ ܐܸܢ ܐܝܼܬ ܠܹܗ ܠܬܲܡܲܡܬܹܗ. 29ܠܵܐ ܗَܘܹܐ ܕܟܲܕ ܡܲܬܸܒ̣ ܒܸܢܝܲܬ: ܘܠܵܐ ܡܵܨܹܐ ܠܬܲܡܘܼܡܹܐ: ܟܠܵܝܗܝ ܕܚܵܙܝܼ ܫܵܪܝܼ ܠܡܲܣܚܘܼܪܹܐ ܒܝܹܗ. 30ܘܐܵܡܪܝܼ: ܐܵܗܵܐ ܐ݇ܢܵܫܵܐ ܫܘܼܪܹܐܠܹܗ ܠܸܒܢܵܝܵܐ: ܘܠܵܐ ܡܨܹܐܠܹܗ ܠܬܲܡܘܼܡܹܐ. 31ܝܲܢ ܡܵܢܝܼ ܝܠܹܗ ܡܲܠܟܵܐ ܕܐܵܙܸܠ ܠܦܠܵܫܵܐ ܠܸܥܒ̣ܵܕܵܐ ܕܲܥܘܝܼ ܥܲܡ ܡܲܠܟܵܐ ܐ݇ܚܹܪ݇ܢܵܐ: ܘܩܵܕَܡܵܝܬܵܐ ܠܹܐ ܝܵܬܸܒ̣ ܘܚܵܫܸܒ̣: ܕܐܸܢ ܡܵܨܹܐ ܒܥܸܣܪܵܐ ܐܲܠܦܹ̈ܐ ܠܸܬܦܵܩܵܐ ܒܗ̇ܘ ܕܐܵܬܹܐ ܥܲܠܘܼܗܝ ܒܥܸܣܪܝܼ ܐܲܠܦܹ̈ܐ. 32ܘܐܸܢ ܠܵܐ: ܗܵܠܵܐ ܗ̇ܘ ܡܸܢܹܗ: ܟܹܐ ܫܵܕܸܪ ܐܝܼܙܓܲܕܹ̈ܐ ܘܒܵܥܝܹܐ ܒܘܼܬ ܫܠܵܡܵܐ. 33ܒܲܣ ܗܲܕܟ̣ܵܐ ܟܠ ܐ݇ܢܵܫܵܐ ܡܸܢܵܘܟ̣ܘܿܢ ܕܠܵܐ ܫܵܒܸܩ ܟܠܹܗ ܡܸܢܕܝܹܗ: ܠܹܐ ܡܵܨܹܐ ܕܗܵܘܹܐ ܬܲܠܡܝܼܕܝܼ. 34ܨܦܵܝܝܼ ܝܠܹܗ ܗܲܕܟ̣ܵܐ ܡܸܠܚܵܐ: ܐܝܼܢܵܐ ܐܸܢ ܐܘܼܦ ܡܸܠܚܵܐ ܦܵܝܟܵܐ: ܒܡܘܼܕܝܼ ܒܸܬ ܦܵܝܫܵܐ ܡܘܼܡܠܸܚܬܵܐ. 35ܠܵܐ ܠܐܲܪܥܵܐ ܘܠܵܐ ܠܙܸܒܠܵܐ ܦܲܝܕܵܐ ܐܝܼܬ ܠܵܗ̇: ܠܒܲܕܲܪ ܟܹܐ ܪܲܦܝܼ ܠܵܗ̇. ܡ̇ܢ ܕܐܝܼܬ ܠܹܗ ܢܵܬܝܵܬܹ̈ܐ ܕܫܵܡܸܥ ܫܵܡܹܥ.