0:00
/
1ܐܝܼܢܵܐ ܩܲܪܒܘܼܢܹܐ ܗ݇ܘܵܘ ܠܟܸܣܠܹܗ ܟܠܵܝܗܝ ܕܲܡܓ̣ܵܟ̰ܝܹ̈ܐ ܘܚܲܛܵܝܹ̈ܐ ܕܫܵܡܥܝܼ ܠܹܗ. 2ܘܣܵܦܪܹ̈ܐ ܘܦܪ̈ܝܼܫܹܐ ܛܲܪܛܸܡܝܼ ܗ݇ܘܵܘ: ܘܐܵܡܪܝܼ: ܐܵܗܵܐ ܠܚܲܛܵܝܹ̈ܐ ܩܵܒܘܿܠܹܐ ܝܠܹܗ: ܘܒܹܐܟ̣ܵܠܵܐ ܝܠܹܗ ܥܲܡܵܝܗܝ. 3ܘܐَܡܝܼܪܹܗ ܐܸܠܵܝܗܝ ܐܵܗܵܐ ܡܵܣܵܠܵܐ. 4ܡܵܢܝܼ ܝܠܹܗ ܡܸܢܵܘܟ̣ܘܿܢ ܐ݇ܢܵܫܵܐ ܕܐܝܼܬ ܠܹܗ ܡܵܐܐ ܥܸܪ̈ܒܹܐ: ܘܐܸܢ ܬܵܠܸܩ ܚܲܕَ ܡܸܢܵܝܗܝ: ܠܹܐ ܫܵܒܸܩ ܐܸܬܫܥܝܼ ܘܐܸܬܫܥܵܐ ܓܵܘ ܒܲܪܝܼܵܐ: ܘܐܵܙܸܠ ܒܵܬَܪ ܕܗ̇ܘ ܕܬܠܸܩܠܹܗ: ܗܲܠ ܕܡܵܫَܟ̰ܸܚ ܠܹܗ. 5ܘܟܲܕ ܡܵܫَܟ̰ܸܚ ܠܹܗ: ܟܹܐ ܚܵܕܹܐ: ܘܟܹܐ ܫܵܩܸܠ ܠܹܗ ܥܲܠ ܪ̈ܘܼܦ̮ܫܵܢܘܼܗܝ. 6ܘܟܹܐ ܐܵܬܹܐ ܠܒܲܝܬܹܗ: ܘܟܹܐ ܩܵܪܹܐ ܠܕܵܘܣܬܘܼܗܝ ܘܠܫܒ̣ܵܒܘܼ̈ܗܝ: ܘܟܹܐ ܐܵܡܸܪ ܐܸܠܵܝܗܝ: ܚܕܹܐܡܘܿܢ ܥܲܡܝܼ: ܕܡܘܼܫَܟ̰ܸܚܠܝܼ ܥܸܪܒܝܼ ܕܝܼܗ݇ܘܵܐ ܬܠܝܼܩܵܐ. 7ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܗܲܕܟ̣ܵܐ ܒܸܬ ܗܵܘܝܵܐ ܚܲܕܘܼܬܵܐ ܒܫܡܲܝܵܐ ܥܲܠ ܚܲܕَ ܚܲܛܵܝܵܐ ܕܬܲܘܸܒ: ܙܵܘܕܵܐ ܡ̣ܢ ܥܲܠ ܐܸܬܫܥܝܼ ܘܐܸܬܫܥܵܐ ܙܲܕܝܼܩܹ̈ܐ ܕܠܹܐ ܝ݇ܠܵܗ̇ ܠܵܙܸܡ ܐܸܠܵܝܗܝ ܬܝܵܒ̣ܘܼܬܵܐ. 8ܝܲܢ ܐܲܝܢܝܼ ܝ݇ܠܵܗ̇ ܒܲܟ̣ܬܵܐ ܕܐܝܼܬ ܠܵܗ̇ ܥܸܣܪܵܐ ܙܘܼܙܹ̈ܐ: ܘܬܵܠܩܵܐ ܚܲܕَ ܡܸܢܵܝܗܝ: ܘܠܹܐ ܬܵܦܝܵܐ ܫܪܵܝܵܐ: ܘܟܵܢܫܵܐ ܒܲܝܬܵܐ: ܘܛܵܥܝܵܐ ܐܸܠܹܗ ܒܚܲܡܚܘܵܪܘܼܬܵܐ ܗܲܠ ܕܡܲܫَܟ̰ܚܵܐ ܠܹܗ. 9ܘܟܲܕ ܡܲܫَܟ̰ܚܵܐ ܠܹܗ: ܟܹܐ ܩܵܪܝܵܐ ܠܕܵܘܣܬܘܼ̈ܗ ܘܠܫܒ̣ܵܒ̣ܝܵܬܘܼ̈ܗ̇: ܘܟܹܐ ܐܵܡܪܵܐ ܐܸܠܵܝܗܝ: ܚܕܹܐܡܘܿܢ ܥܲܡܝܼ: ܕܡܘܼܫَܟ̰ܸܚܠܝܼ ܙܘܼܙܝܼ ܕܝܼܗ݇ܘܵܐ ܬܠܝܼܩܵܐ. 10ܗܲܕܟ̣ܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܚܲܕܘܼܬܵܐ ܐܝܼܬ ܩܵܕَܡ ܡܲܠܲܐܟܹ̈ܐ ܕܐܲܠܵܗܵܐ ܥܲܠ ܚܲܕَ ܚܲܛܵܝܵܐ ܕܬܲܘܸܒ. 11ܘܐَܡܝܼܪܹܗ: ܚܲܕَ ܐ݇ܢܵܫܵܐ ܐܝܼܬ ܗ݇ܘܵܘ ܠܹܗ ܬܪܹܝ ܒܢܘܿܢܹ̈ܐ. 12ܘܐَܡܝܼܪܹܗ ܠܒܵܒܵܐ ܒܪܘܿܢܹܗ ܙܥܘܿܪܵܐ: ܒܵܒܵܐ: ܗܲܒَܠ ܠܝܼ ܣܵܡܵܐ ܕܡܸܢܕܝܼ ܕܡܵܛܹܐ ܠܝܼ. 13ܘܦܘܼܠܹܠܹܐ ܐܸܠܵܝܗܝ ܡܸܢܕܝܹܗ. ܘܡ̣ܢ ܒܵܬَܪ ܚܲܕَܟ̰ܵܐ ܝܵܘܡܵܢܹ̈ܐ: ܓ̰ܘܼܡܸܥܠܹܗ ܒܪܘܿܢܹܗ ܙܥܘܿܪܵܐ ܟܠܹܗ ܡܸܢܕܝܹܗ: ܘܐَܙܸܠܹܗ ܠܐܲܬܪܵܐ ܪܸܚܩܵܐ: ܘܬܵܡܵܐ ܒܘܼܪܒܸܙܠܹܗ ܡܸܢܕܝܹܗ: ܟܲܕ ܒܸܚܵܝܵܐ ܒܐܵܣܘܿܛܘܼܬܵܐ. 14ܘܟܲܕ ܬܘܼܡܸܡܠܹܗ ܟܠ ܡܸܢܕܝܼ ܕܐܝܼܬ ܗ݇ܘܵܐ ܠܹܗ: ܗَܘܹܐܠܹܗ ܟܸܦܢܵܐ ܓܘܼܪܵܐ ܒܗ̇ܘ ܐܲܬܪܵܐ: ܘܫܘܼܪܹܐܠܹܗ ܠܸܚܣܵܪܵܐ. 15ܘܐَܙܸܠܹܗ ܬܒܸܥܠܹܗ ܠܚܲܕَ ܡ̣ܢ ܒܢܲܝ̈ ܡܕܝܼܢَܬܵܐ ܕܗ̇ܘ ܐܲܬܪܵܐ: ܘܗ̇ܘ ܫܘܼܕܸܪܹܗ ܠܚܲܩܠܵܐ ܠܡܲܪܥܘܼܝܹܐ ܚܙܘܼܪܹ̈ܐ. 16ܘܫܲܗَܘܸܬ ܗ݇ܘܵܐ ܠܸܡܠܵܝܵܐ ܟܹܪَܣܹܗ ܡܐܵܢܝܼ ܚܲܪ̈ܘܼܒܹܐ ܕܐܵܟ̣ܠܝܼ ܗ݇ܘܵܘ ܚܙܘܼܪܹ̈ܐ: ܘܠܵܐ ܐ݇ܢܵܫܵܐ ܝܵܗَܒܸܠ ܗ݇ܘܵܐ ܠܹܗ. 17ܘܟܲܕ ܐَܬܹܐܠܹܗ ܠܟܸܣ ܓܵܢܹܗ ܐَܡܝܼܪܹܗ: ܟܡܵܐ ܪܹ̈ܓܵܘܵܬܹܐ ܕܗܵܩܵܐ ܕܒܵܒܝܼ ܙܵܘܕܵܐ ܝܠܹܗ ܐܸܠܵܝܗܝ ܠܲܚܡܵܐ: ܘܐܵܢܵܐ ܠܲܐܟ̣ܵܐ ܡ̣ܢ ܟܸܦܢܝܼ ܒܸܬܠܵܩܵܐ ܝܘܸܢ. 18ܒܸܬ ܩܵܝܡܸܢ ܐܵܙܸܠَܢ ܠܟܸܣ ܒܵܒܝܼ: ܘܒܸܬ ܐܵܡܪܸܢ ܐܸܠܹܗ: ܒܵܒܝܼ: ܚܛܹܐܠܝܼ ܒܫܡܲܝܵܐ ܘܩܵܕَܡܘܼܟ: 19ܘܡܵܐܕܝܼܵܐ ܠܹܐ ܚܵܫܚܸܢ ܕܒܪܘܼܢܘܼܟ ܦܵܝܫܸܢ ܩܸܪܝܵܐ: ܥܒ̣ܘܿܕ ܠܝܼ ܐܲܝܟܼ ܚܲܕَ ܡ̣ܢ ܪܹ̈ܓܵܘܵܬܘܼܟ ܕܗܵܩܵܐ. 20ܘܩܸܡܠܹܗ ܐَܬܹܐܠܹܗ ܠܟܸܣ ܒܵܒܹܗ: ܘܗܵܠܵܐ ܗ̇ܘ ܪܸܚܩܵܐ ܗ݇ܘܵܐ: ܚܙܹܐܠܹܗ ܒܵܒܹܗ ܘܪܘܼܚܸܡܠܹܗ ܥܲܠܘܼܗܝ: ܘܪܚܸܛܠܹܗ ܢܦܸܠܹܗ ܥܲܠ ܩܕܵܠܹܗ ܘܢܫܸܩܠܹܗ. 21ܘܐَܡܝܼܪܹܗ ܐܸܠܹܗ ܒܪܘܿܢܹܗ: ܒܵܒܝܼ: ܚܛܹܐܠܝܼ ܒܫܡܲܝܵܐ ܘܩܵܕَܡܘܼܟ: ܘܡܵܐܕܝܼܵܐ ܠܹܐ ܚܵܫܚܸܢ ܕܒܪܘܼܢܘܼܟ ܦܵܝܫܸܢ ܩܸܪܝܵܐ. 22ܐܝܼܢܵܐ ܐَܡܝܼܪܹܗ ܒܵܒܹܗ ܠܪܹ̈ܓܵܘܵܬܘܼܗܝ: ܓ̰ܲܠܕܹܐ ܦܵܠܛܘܿܢ ܓ̰ܘܼܒܵܐ ܕܡ̣ܢ ܟܠܵܝܗܝ ܨܦܵܝܝܼ ܘܡܲܠܒܸܫܘܿܢ ܠܹܗ: ܘܡܚܹܡܘܿܢ ܥܹܙܲܩܬܵܐ ܒܐܝܼܕܹܗ: ܘܨܵܘܠܹ̈ܐ ܒܐܲܩܠܘܼ̈ܗܝ. 23ܘܡܲܝܬَܡܘܿܢ ܩܛܘܿܠܘܿܢ ܬܵܘܪܵܐ ܛܪܝܼܨܵܐ: ܘܐܵܟ̣ܠܵܚ: ܘܥܵܒ̣ܕܵܚ ܒܘܼܣܵܡܵܐ. 24ܣܵܒܵܒ ܐܵܗܵܐ ܒܪܘܿܢܝܼ ܡܝܼܬܵܐ ܗ݇ܘܵܐ: ܘܚܹܝܠܹܗ: ܘܬܠܝܼܩܵܐ ܗ݇ܘܵܐ ܘܡܫَܟ̰ܸܚܠܹܗ ܘܫܘܼܪܹܠܗܘܿܢ ܠܸܥܒ̣ܵܕܵܐ ܒܘܼܣܵܡܵܐ. 25ܐܝܼܢܵܐ ܒܪܘܿܢܹܗ ܓܘܼܪܵܐ ܒܚܲܩܠܵܐ ܗ݇ܘܵܐ: ܘܟܲܕ ܐَܬܹܐܠܹܗ ܘܩܘܼܪܒܸܢܹܗ ܠܟܸܣ ܒܲܝܬܵܐ: ܫܡܸܥܠܹܗ ܩܵܠܵܐ ܕܙܡܵܪܵܐ ܘܪܩܵܕܵܐ. 26ܘܩܪܹܐܠܹܗ ܠܚܲܕَ ܡ̣ܢ ܝܵܠܹܕ̈݇ܐ: ܘܒܘܼܩܸܪܹܗ: ܡܘܼܕܝܼ ܝ݇ܠܵܗ̇ ܐܵܗܵܐ. 27ܐَܡܝܼܪܹܗ ܐܸܠܹܗ: ܐܵܚܘܿܢܘܼܟ ܐَܬܹܐܠܹܗ: ܘܩܛܸܠܹܗ ܒܵܒܘܼܟ ܬܵܘܪܵܐ ܛܪܝܼܨܵܐ: ܣܵܒܵܒ ܕܨܵܚ ܩܘܼܒܸܠܹܗ. 28ܐܝܼܢܵܐ ܟܪܸܒܠܹܗ: ܘܠܹܐ ܒܵܥܝܹܐ ܗ݇ܘܵܐ ܠܸܥܒܼܵܪܵܐ. ܘܦܠܸܛܠܹܗ ܗܲܕܟ̣ܵܐ ܒܵܒܹܗ ܘܦܘܼܪܦܸܠܹܗ ܒܝܹܗ. 29ܐܝܼܢܵܐ ܓ̰ܘܼܘܸܒܠܹܗ ܘܐَܡܝܼܪܹܗ ܠܒܵܒܹܗ: ܗܵܐ: ܟܡܵܐ ܫܸܢܹ̈ܐ ܒܸܦܠܵܚܵܐ ܝܘܸܢ ܐܸܠܘܼܟܼ ܪܹܓܘܼܬܵܐ: ܘܗܸܟ̰ ܠܵܐ ܥܒܸܪܝܼ ܠܦܘܼܩܕܵܢܘܼܟ: ܘܠܵܐ ܚܲܕَ ܓܸܕܝܵܐ ܝܘܼܗَܒܼܸܠܘܼܟܼ ܐܸܠܝܼ ܕܥܵܒ̣ܕܸܢ ܗ݇ܘܵܐ ܒܘܼܣܵܡܵܐ ܥܲܡ ܕܵܘܣܬܝܼ̈. 30ܐܝܼܢܵܐ ܟܲܕ ܐܵܗܵܐ ܒܪܘܼܢܘܼܟ: ܕܒܘܼܪܒܸܙܠܹܗ ܡܸܢܕܝܼܘܼܟ ܥܲܡ ܙܵܢܝܵܬܹ̈ܐ: ܐَܬܹܐܠܹܗ: ܦܪܸܡܠܘܼܟܼ ܩܵܐ ܕܝܹܗ ܬܵܘܪܵܐ ܛܪܝܼܨܵܐ. 31ܘܐَܡܝܼܪܹܗ ܐܸܠܹܗ: ܒܪܘܿܢܝܼ: ܐܲܢَܬ ܒܟܠ ܙܲܒ̣ܢܵܐ ܥܲܡܝܼ ܝܘܸܬ: ܘܟܠ ܡܸܢܕܝܼ ܕܝܼܝܼ ܕܝܼܘܼܟ ܝܼܠܹܗ. 32ܐܝܼܢܵܐ ܘܵܓ̰ܸܒ ܝܼܗ݇ܘܵܐ ܐܸܠܲܢ ܠܸܥܒ̣ܵܕܵܐ ܒܘܼܣܵܡܵܐ ܘܠܸܚܕܵܝܵܐ: ܕܐܵܗܵܐ ܐܵܚܘܿܢܘܼܟ ܡܝܼܬܵܐ ܗ݇ܘܵܐ: ܘܚܹܝܠܹܗ: ܘܬܠܝܼܩܵܐ: ܘܡܫَܟ̰ܸܚܠܹܗ.