0:00
/
1ܘܐَܡܝܼܪܹܗ ܠܬܲܠܡܝܼܕܘܼ̈ܗܝ: ܠܹܐ ܡܵܨܝܵܐ ܕܠܵܐ ܐܵܬܝܼ ܟܦܘܼܪ̈ܝܹܐ: ܐܝܼܢܵܐ ܘܵܝ ܠܗ̇ܘ ܕܒܐܝܼܕܹܗ ܐܵܬܝܼ. 2ܒܘܼܫ ܨܦܵܝܝܼ ܗ݇ܘܵܐ ܐܸܠܹܗ: ܐܸܢ ܐܸܪܚܹܐ ܕܚܡܵܪܵܐ ܗܵܘܝܵܐ ܗ݇ܘܵܐ ܬܠܝܼܬܵܐ ܒܩܕܵܠܹܗ: ܘܪܘܼܦܝܵܐ ܒܝܵܡܵܐ: ܡ̣ܢ ܕܡܲܟܦܸܪ ܠܚܲܕَ ܡܐܲܢܹܐ ܙܥܘܿܪܹ̈ܐ. 3ܗَܘܹܝܡܘܿܢ ܗܸܫܝܵܪ ܒܓܵܢܵܘܟ̣ܘܿܢ: ܐܸܢ ܚܵܛܹܐ ܐܵܚܘܿܢܘܼܟ: ܢܓ̰ܘܿ ܒܝܹܗ: ܘܐܸܢ ܬܲܘܸܒ: ܫܒ̣ܘܿܩ ܠܹܗ. 4ܘܐܸܢ ܫܲܒܲܥ ܓܵܗܹ̈ܐ ܒܝܵܘܡܵܐ ܥܵܒܸܕ ܓܢܵܗܵܐ ܒܝܼܘܼܟ: ܘܫܲܒܲܥ ܓܵܗܹ̈ܐ ܕܵܝܸܪ ܠܟܸܣܠܘܼܟܼ: ܘܐܵܡܸܪ: ܬܲܘܘܼܒܹܐ ܝܘܸܢ: ܫܒ̣ܘܿܩ ܠܹܗ. 5ܘܐَܡܸܪܗܘܿܢ ܫܠܝܼܚܹ̈ܐ ܠܡܵܪܲܢ: ܡܲܙܝܸܕ ܐܸܠܲܢ ܗܲܝܡܵܢܘܼܬܵܐ. 6ܡܵܪܲܢ ܐَܡܝܼܪܹܗ ܐܸܢ ܐܝܼܬ ܠܵܘܟ̣ܘܿܢ ܗܲܝܡܵܢܘܼܬܵܐ ܐܲܝܟܼ ܕܲܢܕܸܟܬܵܐ ܕܚܲܪܕܵܠ: ܒܸܬ ܐܵܡܪܝܼܬܘܿܢ ܗ݇ܘܵܘ ܠܐܵܗܵܐ ܬܘܼܬܵܐ: ܦܘܼܫܝ ܥܩܝܼܪܬܵܐ: ܘܦܘܼܫܝ ܢܨܝܼܒ̣ܬܵܐ ܒܝܵܡܵܐ: ܘܒܸܬ ܡܲܨܝܸܬ ܗ݇ܘܵܐ ܐܸܠܵܘܟ̣ܘܿܢ. 7ܐܝܼܢܵܐ ܡܵܢܝܼ ܝܠܹܗ ܡܸܢܵܘܟ̣ܘܿܢ ܕܐܝܼܬ ܠܹܗ ܪܹܓܵܐ: ܕܛܵܪܹܐ ܦܕܵܢܵܐ: ܝܲܢ ܕܡܲܪܥܹܐ ܥܸܪ̈ܒܹܐ: ܘܐܸܢ ܐܵܬܹܐ ܡ̣ܢ ܚܲܩܠܵܐ: ܒܸܬ ܐܵܡܸܪ ܐܸܠܹܗ: ܕܲܪܣܵܥܲܬ ܥܒ̣ܘܿܪ ܝܬܘܿܒ̣ ܠܹܐܟ̣ܵܠܵܐ. 8ܐܸܠܵܐ ܠܹܐ ܐܵܡܸܪ ܐܸܠܹܗ: ܗܵܕܸܪ ܐܸܠܝܼ ܡܸܢܕܝܼ ܕܐܵܟ̣ܠܸܢ ܐَܟܼܵܠَܪܲܡܫܵܐ: ܘܐܣܘܿܪ ܚܵܨܘܼܟ ܥܒ̣ܘܿܕ ܠܝܼ ܚܸܠܡܲܬ: ܗܲܠ ܕܐܵܟ̣ܠܸܢ ܘܫܵܬܸܢ: ܘܒܵܬَܪ ܗܵܕܵܐ ܐܘܼܦ ܐܲܢَܬ ܒܸܬ ܐܵܟ̣ܠܸܬ ܘܫܵܬܸܬ. 9ܡܸܢܬܵܐ ܟܹܐ ܛܵܥܸܢ ܡ̣ܢ ܪܹܓܵܐ ܕܥܒܸܕܠܹܗ ܐܵܢܝܼ ܕܝܼܗ݇ܘܵܘ ܦܩܝܼܕܹܐ. 10ܗܲܕܟ̣ܵܐ ܐܘܼܦ ܐܲܚܬܘܿܢ: ܐܝܼܡܲܢ ܕܥܒܸܕܠܵܘܟ̣ܘܿܢ ܐܲܢܹܐ ܟܠܵܝܗܝ ܕܝܼܢܵܐ ܦܩܝܼܕܹܐ ܐܸܠܵܘܟ̣ܘܿܢ: ܐَܡܘܿܪܘܼܢ: ܪܹ̈ܓܵܘܵܬܹܐ ܒܹܐ ܦܲܝܕܵܐ ܝܘܵܚ: ܡܸܢܕܝܼ ܕܘܵܓ̰ܸܒ ܝܼܗ݇ܘܵܐ ܐܸܠܲܢ ܠܸܥܒ̣ܵܕܵܐ ܥܒܸܕܠܲܢ. 11ܘܗَܘܹܐ ܠܵܗ̇ ܒܐܙܵܠܬܵܐ ܠܐܘܿܪܸܫܠܸܡ: ܒܸܥܒ̣ܵܪܵܐ ܗ݇ܘܵܐ ܡ̣ܢ ܓܵܘ ܫܵܡܪܹܝܢ ܘܓܠܝܼܠܵܐ. 12ܘܟܲܕ ܒܥܒܼܵܪܵܐ ܗ݇ܘܵܐ ܠܚܕܵܐ ܡܵܬܵܐ: ܬܦܸܩܠܗܘܿܢ ܒܝܹܗ ܥܸܣܪܵܐ ܐ݇ܢܵܫܹ̈ܐ ܓܸܪ̈ܒ̣ܵܢܹܐ: ܘܟܠܹܐܠܗܘܿܢ ܡ̣ܢ ܪܸܚܩܵܐ. 13ܘܡܘܼܪܸܡܠܗܘܿܢ ܩܵܠܵܝܗܝ: ܘܐܵܡܪܝܼ: ܝܼܫܘܿܥ ܪܵܒܝܼ: ܪܵܚܸܡ ܥܲܠܲܢ. 14ܘܟܲܕ ܚܸܙܝܵܝܠܹܗ: ܐَܡܝܼܪܹܗ ܐܸܠܵܝܗܝ: ܙܹܠَܡܘܿܢ ܡܲܚܙܹܝܡܘܿܢ ܓܵܢܵܘܟ̣ܘܿܢ ܠܟܵܗܢܹ̈ܐ. ܘܗَܘܹܐ ܠܵܗ̇ ܕܟܲܕ ܒܹܐܙܵܠܵܐ ܗ݇ܘܵܘ: ܦܸܫܠܗَܘܿܢ ܕܘܼܟ̣ܝܹܐ. 15ܘܚܲܕَ ܡܸܢܵܝܗܝ: ܟܲܕ ܚܙܹܐܠܹܗ ܕܦܸܫܠܹܗ ܕܘܼܟ̣ܝܵܐ: ܕܸܪܹܗ: ܘܒܩܵܠܵܐ ܪܵܡܵܐ ܫܘܼܒܸܚܠܹܗ ܠܐܲܠܵܗܵܐ. 16ܘܢܦܸܠܹܗ ܥܲܠ ܦܵܬܹܗ ܩܵܕَܡ ܐܲܩܠܹ̈ܗ: ܟܲܕ ܫܵܟܘܿܪܹܐ ܐܸܠܹܗ. ܘܗ̇ܘ ܫܵܡܪܵܝܵܐ ܗ݇ܘܵܐ. 17ܘܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ: ܠܹܐ ܗ݇ܘܵܘ ܥܸܣܪܵܐ ܐܵܢܝܼ ܕܦܸܫܠܗَܘܿܢ ܕܘܼܟ̣ܝܹܐ: ܐܲܝܟܵܐ ܝܢܵܐ ܐܸܬܫܥܵܐ. 18ܠܵܐ ܡܫَܟ̰ܸܚܠܗܘܿܢ ܕܕܵܝܪܝܼ ܠܝܼܵܗَܒ̣ܵܐ ܬܸܫܒ̇ܘܿܚܬܵܐ ܠܐܲܠܵܗܵܐ: ܫܒ̣ܘܿܩ ܡ̣ܢ ܐܵܗܵܐ ܢܘܼܟ̣ܪܵܝܵܐ. 19ܘܐَܡܝܼܪܹܗ ܐܸܠܹܗ: ܩܘܼܡَ: ܙܹܠَܐ: ܗܲܝܡܵܢܘܼܬܘܼܟ ܩܲܡ ܡܲܚܝܼܵܐ ܠܘܼܟܼ. 20ܘܟܲܕ ܦܸܫܠܹܗ ܒܘܼܩܪܵܐ ܡ̣ܢ ܦܪ̈ܝܼܫܹܐ: ܐܝܼܡܲܢ ܐܵܬܝܵܐ ܡܲܠܟܘܼܬܹܗ ܕܐܲܠܵܗܵܐ: ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܵܝܗܝ: ܠܹܐ ܐܵܬܝܵܐ ܡܲܠܟܘܼܬܹܗ ܕܐܲܠܵܗܵܐ ܒܢܛܵܪ̈ܝܵܬܹܐ. 21ܘܠܹܐ ܐܵܡܪܝܼ: ܗܵܐ: ܠܲܐܟ̣ܵܐ: ܘܗܵܐ: ܬܵܡܵܐ. ܣܵܒܵܒ ܗܵܐ: ܡܲܠܟܘܼܬܹܗ ܕܐܲܠܵܗܵܐ ܓܵܘܵܘܟ̣ܘܿܢ ܝ݇ܠܵܗ̇. 22ܘܐَܡܝܼܪܹܗ ܠܬܲܠܡܝܼܕܘܼ̈ܗܝ: ܒܸܬ ܐܵܬܝܼ ܝܵܘܡܵܢܹ̈ܐ ܕܒܸܬ ܫܲܗَܘܸܬܝܼܬܘܿܢ ܠܸܚܙܵܝܵܐ ܚܲܕَ ܡ̣ܢ ܝܵܘܡܵܢܹ̈ܐ ܕܒܪܘܿܢܹܗ ܕܐ݇ܢܵܫܵܐ: ܘܠܹܐ ܚܵܙܹܝܬܘܿܢ. 23ܘܒܸܬ ܐܵܡܪܝܼ ܠܵܘܟ̣ܘܿܢ: ܗܵܐ: ܠܲܐܟ̣ܵܐ ܝܠܹܗ: ܗܵܐ: ܬܵܡܵܐ ܝܠܹܗ: ܠܵܐ ܐܵܙܠَܝܼܬܘܿܢ ܘܠܵܐ ܬܲܒܥܝܼܬܘܿܢ ܐܸܠܵܝܗܝ. 24ܣܵܒܵܒ ܕܵܐܟ̣ܝܼ ܕܒܸܪܩܵܐ ܒܵܪܸܩ ܡ̣ܢ ܫܡܲܝܵܐ ܘܟܠܹܗ ܬܚܘܿܬ ܫܡܲܝܵܐ ܟܹܐ ܒܲܗَܪܸܢ: ܗܲܕܟ̣ܵܐ ܒܸܬ ܗܵܘܹܐ ܒܪܘܿܢܹܗ ܕܐ݇ܢܵܫܵܐ ܒܝܵܘܡܵܗ. 25ܐܝܼܢܵܐ ܩܵܕَܡܵܝܬܵܐ ܘܵܓ̰ܸܒ ܝ݇ܠܵܗ̇ ܕܩܵܒܸ̇ܠ ܚܲܫܵܐ ܪܵܒܵܐ: ܘܦܵܐܹܫ ܡܘܼܣܠܝܼܵܐ ܡܐܵܗܵܐ ܐܘܼܓ̰ܵܓ̣. 26ܘܕܵܐܟ̣ܝܼ ܕܗَܘܹܐ ܠܵܗ̇ ܒܝܵܘܡܵܢܹ̈ܐ ܕܢܘܿܚ: ܗܲܕܟ̣ܵܐ ܒܸܬ ܗܵܘܝܵܐ ܒܝܵܘܡܵܢܹ̈ܐ ܕܒܪܘܿܢܹܗ ܕܐ݇ܢܵܫܵܐ. 27ܐَܟܼܸܠܗܘܿܢ: ܫܬܹܠܗܘܿܢ: ܓܒܸܪܗܘܿܢ: ܘܦܸܫܠܗَܘܿܢ ܝܘܼܗَܒܹܐ ܠܓܲܒ̣ܪܹ̈ܐ: ܗܲܠ ܝܵܘܡܵܐ ܕܥܒܼܸܪܹܗ ܢܘܿܚ ܠܩܹܒ̣ܘܼܬܵܐ: ܘܐَܬܹܐܠܹܗ ܛܵܘܦܵܢܵܐ ܘܬܘܼܠܸܩܠܹܗ ܠܟܠܵܝܗܝ. 28ܘܕܵܐܟ̣ܝܼ ܡܸܢَܕܪܸܫَ ܕܗَܘܹܐ ܠܵܗ̇ ܒܝܵܘܡܵܢܹ̈ܐ ܕܠܘܿܛ: ܐَܟܼܸܠܗܘܿܢ: ܫܬܹܠܗܘܿܢ: ܙܒܸܢܗܘܿܢ: ܙܘܼܒܸܢܗܘܿܢ: ܢܸܨܒ̣ܠܗܘܿܢ: ܒܢܹܠܗܘܿܢ. 29ܐܝܼܢܵܐ ܒܝܵܘܡܵܢܹ̈ܐ ܕܦܠܸܛܠܹܗ ܠܘܿܛ ܡ̣ܢ ܣܕܘܿܡ: ܡܘܼܥܪܹܠܹܗ ܡܵܪܝܵܐ ܢܘܼܪܵܐ ܘܟܸܒܪܝܼܬ ܡ̣ܢ ܫܡܲܝܵܐ: ܘܬܘܼܠܸܩܠܹܗ ܠܟܠܵܝܗܝ. 30ܗܲܪ ܗܲܕܟ̣ܵܐ ܒܸܬ ܗܵܘܹܐ ܒܝܵܘܡܵܢܹ̈ܐ ܕܦܵܐܹܫ ܓܸܠܝܵܐ ܒܪܘܿܢܹܗ ܕܐ݇ܢܵܫܵܐ. 31ܒܗ̇ܘ ܝܵܘܡܵܐ ܡ̇ܢ ܕܝܼܠܹܗ ܥܲܠ ܐَܓܵܪܹܐ: ܘܡܸܢܕܝܼܘܼ̈ܗܝ ܓܵܘ ܒܲܝܬܵܐ: ܠܵܐ ܨܵܠܹܐ ܕܫܵܩܸܠ ܠܗ݇ܘܿܢ. ܘܡ̇ܢ ܕܝܼܠܹܗ ܓܵܘ ܚܲܩܠܵܐ: ܐܘܼܦ ܗܲܕܟ̣ܵܐ ܠܵܐ ܕܵܝܸܪ ܠܒܵܬَܪܹܗ. 32ܕܟ̣ܘܿܪܘܿܢ ܠܒܲܟ̣ܬܹܗ ܕܠܘܿܛ. 33ܡ̇ܢ ܕܒܵܣܡܵܐ ܠܹܗ ܕܡܲܚܹܐ ܓܵܢܹܗ: ܒܸܬ ܬܵܠܸܩ ܠܵܗ̇: ܡ̇ܢ ܕܬܵܠܸܩ ܠܵܗ̇: ܒܸܬ ܡܲܚܹܐ ܠܵܗ̇. 34ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܒܗ̇ܘ ܠܲܝܠܹܐ ܬܪܹܝ ܒܸܬ ܗܵܘܝܼ ܒܚܕܵܐ ܫܘܝܼܬܵܐ: ܚܲܕَ ܒܸܬ ܦܵܐܹܫ ܠܘܼܒܠܵܐ: ܘܗ̇ܘ ܐ݇ܚܹܪ݇ܢܵܐ ܒܸܬ ܦܵܐܹܫ ܫܒ̣ܝܼܩܵܐ. 35ܘܬܲܪ̈ܬܹܝ ܒܸܬ ܗܵܘܝܼ ܒܸܓܪܵܣܵܐ ܡܸܚܕܵܕܹ̈ܐ: ܚܕܵܐ ܒܸܬ ܦܵܝܫܵܐ ܠܘܼܒܸܠܬܵܐ: ܘܗ̇ܝ ܐܚܹܪَܬܵܐ ܒܸܬ ܦܵܝܫܵܐ ܫܒ̣ܝܼܩܬܵܐ. 36ܬܪܹܝ ܒܸܬ ܗܵܘܝܼ ܓܵܘ ܚܲܩܠܵܐ: ܚܲܕَ ܒܸܬ ܦܵܐܹܫ ܠܘܼܒܠܵܐ: ܘܗ̇ܘ ܐ݇ܚܹܪ݇ܢܵܐ ܒܸܬ ܦܵܐܹܫ ܫܒ̣ܝܼܩܵܐ. 37ܓ̰ܘܼܘܸܒܠܗܘܿܢ ܘܐَܡܸܪܗܘܿܢ ܐܸܠܹܗ: ܠܐܲܝܟܵܐ: ܡܵܪܲܢ: ܐܵܡܸܪ ܐܸܠܵܝܗܝ: ܐܲܝܟܵܐ ܕܝܼܠܹܗ ܦܲܓ̣ܪܵܐ: ܬܵܡܵܐ ܒܸܬ ܓ̰ܵܡܥܝܼ ܢܸܫܪܹ̈ܐ.