0:00
/
1ܘܐَܡܝܼܪܹܗ ܐܘܼܦ ܠܬܲܠܡܝܼܕܘܼ̈ܗܝ: ܐܝܼܬ ܗ݇ܘܵܐ ܚܲܕَ ܐ݇ܢܵܫܵܐ ܕܵܘܠܲܬܡܲܢܕ: ܘܐܝܼܬ ܗ݇ܘܵܐ ܠܹܗ ܢܵܙܝܼܪ. ܘܡܚܹܐܠܗܘܿܢ ܕܲܪܗܲܩܹܗ ܕܡܸܢܕܝܹܗ ܒܲܪܒܘܼܙܹܐ ܗ݇ܘܵܐ. 2ܘܩܪܹܐܠܹܗ: ܘܐَܡܝܼܪܹܗ ܐܸܠܹܗ: ܡܘܼܕܝܼ ܝܠܹܗ ܐܵܗܵܐ ܕܒܸܫܡܲܥܝܵܐ ܝܘܸܢ ܒܵܗ݇ܣܘܼܟܼ : ܗܲܒَܠ ܠܝܼ ܚܸܫܒܘܼܢܵܐ ܕܢܵܙܝܼܪܘܼܬܘܼܟ: ܣܵܒܵܒ ܠܹܐ ܡܵܨܸܬ ܡܐܵܕܝܼܵܐ ܗܵܘܸܬ ܢܵܙܝܼܪ. 3ܐܵܡܸܪ ܗ̇ܘ ܢܵܙܝܼܪ ܒܓܵܢܹܗ: ܡܘܼܕܝܼ ܥܵܒ̣ܕܸܢ: ܣܵܒܵܒ ܐܵܓ̣ܵܝܝܼ ܒܸܫܩܵܠܘܼܗ̇ ܝܠܹܗ ܢܵܙܝܼܪܘܼܬܵܐ ܡܸܢܝܼ: ܕܚܵܦܪܸܢ ܠܹܐ ܡܵܨܸܢ: ܘܠܹܓܒ̣ܵܝܵܐ ܒܸܢܚܵܦܵܐ ܝܘܸܢ. 4ܝܕܸܥܠܝܼ ܡܘܼܕܝܼ ܒܸܬ ܥܵܒ̣ܕܸܢ: ܕܐܝܼܡܲܢ ܦܵܝܫܸܢ ܦܘܼܠܛܵܐ ܡ̣ܢ ܢܵܙܝܼܪܘܼܬܵܐ ܩܵܒ̇ܠܝܼ ܠܝܼ ܓܵܘ ܒܵܬܵܝ̈ܗܝ. 5ܘܩܪܹܐܠܹܗ ܚܲܕَ ܒܚܲܕَ ܡ̣ܢ ܕܵܝܢܵܢܹ̈ܐ ܕܐܵܓ̣ܵܝܹܗ: ܘܐَܡܝܼܪܹܗ ܠܩܵܕَܡܵܝܵܐ: ܟܡܵܐ ܕܵܝܢܵܢܵܐ ܝܘܸܬ ܠܐܵܓ̣ܵܝܝܼ. 6ܘܐَܡܝܼܪܹܗ ܐܸܠܹܗ: ܡܵܐܐ ܟܝܼܘܼܠܹ̈ܐ ܡܸܫܚܵܐ. ܐܵܡܸܪ ܐܸܠܹܗ: ܫܩܘܿܠ ܟܬܵܒ̣ܘܼܟ: ܘܝܬܘܿܒ̣ ܓ̰ܲܠܕܹܐ ܟܬܘܿܒ̣ ܚܲܡܫܝܼ. 7ܗ̇ܝܓܵܗ ܐَܡܝܼܪܹܗ ܠܐ݇ܚܹܪ݇ܢܵܐ: ܘܐܲܢَܬ ܡܘܼܕܝܼ ܕܵܝܢܵܢܵܐ ܝܘܸܬ: ܐܵܡܸܪ ܐܸܠܹܗ: ܡܵܐܐ ܟܘܿܪ̈ܝܼܢ ܚܸܛܹ̈ܐ. ܐܵܡܸܪ ܐܸܠܹܗ: ܫܩܘܿܠ ܟܬܵܒ̣ܘܼܟ: ܘܟܬܘܿܒ̣ ܬܡܵܢܝܼ. 8ܘܚܩܸܪܹܗ ܡܵܪܲܢ ܠܢܵܙܝܼܪ ܢܵܐܗܲܩ: ܕܒܗܵܘܢܵܢܘܼܬܵܐ ܥܒܸܕܠܹܗ. ܣܵܒܵܒ ܒܢܘܿܢܹ̈ܐ ܕܐܵܗܵܐ ܥܵܠܡܵܐ ܒܘܼܫ ܗܵܘܢܵܢܹ̈ܐ ܝܢܵܐ ܡ̣ܢ ܒܢܘܿܢܹ̈ܐ ܕܢܘܼܗܪܵܐ ܒܐܵܗܵܐ ܐܘܼܓ̰ܵܓ̣ܝܼ. 9ܘܐܘܼܦ ܐܵܢܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܥܒ̣ܘܿܕܘܿܢ ܠܵܘܟ̣ܘܿܢ ܕܵܘܣܬܹ̈ܐ ܡ̣ܢ ܡܵܡܘܿܢܵܐ ܕܢܵܐܗܲܩ: ܕܐܝܼܡܲܢ ܕܬܸܡܠܹܐ: ܩܵܒ̇ܠܝܼ ܠܵܘܟ̣ܘܿܢ ܒܡܲܫܪ̈ܝܵܬܹܐ ܕܠܥܵܠܲܡ. 10ܡ̇ܢ ܕܒܚܲܕَܟ̰ܵܐ ܡܗܘܼܡܢܵܐ ܝܠܹܗ ܐܘܼܦ ܒܪܵܒܵܐ ܡܗܘܼܡܢܵܐ ܝܠܹܗ: ܘܡ̇ܢ ܕܒܚܲܕَܟ̰ܵܐ ܢܵܐܗܲܩ ܝܠܹܗ ܘܐܘܼܦ ܒܪܵܒܵܐ ܢܵܐܗܲܩ ܝܼܠܹܗ. 11ܐܸܢ ܗܲܕܟ̣ܵܐ ܒܡܵܡܘܿܢܵܐ ܕܢܵܐܗܲܩ ܡܗܘܼܡܢܹ̈ܐ ܠܵܐ ܗَܘܹܠܵܘܟ̣ܘܿܢ: (ܕܵܘܸܠܬܵܐ) ܣܲܪܲܣܬ ܒܝܼܵܘܟ̣ܘܿܢ ܡܵܢܝܼ ܒܸܬ ܣܵܦܹܐ. 12ܘܐܸܢ ܒܡܸܢܕܝܼ ܕܠܹܐ ܝܠܹܗ ܕܝܼܵܘܟ̣ܘܿܢ ܠܵܐ ܗَܘܹܠܵܘܟ̣ܘܿܢ ܡܗܘܼܡܢܹ̈ܐ: ܕܝܼܵܘܟ̣ܘܿܢ ܡܵܢܝܼ ܒܸܬ ܝܵܗَܒܸܠ ܠܵܘܟ̣ܘܿܢ. 13ܠܲܝܬ ܪܹܓܵܐ ܕܡܵܨܹܐ ܠܸܦܠܵܚܵܐ ܠܬܪܹܝ ܡܵܪ̈ܵܘܵܬܹܐ: ܣܵܒܵܒ ܕܝܲܢ ܠܚܲܕَ ܒܸܬ ܣܵܢܹܐ: ܘܠܗ̇ܘ ܐ݇ܚܹܪ݇ܢܵܐ ܒܸܬ ܡܲܚܸܒ̇: ܝܲܢ ܠܚܲܕَ ܒܸܬ ܡܝܵܩܸܪ: ܘܠܗ̇ܘ ܐ݇ܚܹܪ݇ܢܵܐ ܒܸܬ ܡܲܣܠܹܐ. ܠܹܐ ܡܵܨܹܝܬܘܿܢ ܠܸܦܠܵܚܵܐ ܠܐܲܠܵܗܵܐ ܘܠܡܵܡܘܿܢܵܐ. 14ܘܦܪ̈ܝܼܫܹܐ: ܟܲܕ ܫܡܸܥܠܗَܘܿܢ ܐܲܢܹܐ ܟܠܵܝܗܝ: ܣܵܒܵܒ ܕܟܹܐ ܡܲܚܸܒܝܼ ܗ݇ܘܵܘ ܙܘܼܙܵܐ: ܡܲܣܚܸܪܝܼ ܗ݇ܘܵܘ ܒܝܹܗ. 15ܘܐَܡܝܼܪܹܗ ܐܸܠܵܝܗܝ: ܐܲܚܬܘܿܢ ܝܼܬܘܿܢ ܐܵܢܝܼ ܕܡܲܟܫܸܛܝܼ ܓܵܢܵܝܗܝ ܩܵܕَܡ ܒܢܲܝ̈ܢܵܫܵܐ: ܐܝܼܢܵܐ ܐܲܠܵܗܵܐ ܟܹܐ ܝܵܕܸܥ ܠܸܒܵܘܟ̣ܘܿܢ: ܕܡܸܢܕܝܼ ܕܝܼܠܹܗ ܪܵܡܵܐ ܓܵܘ ܒܢܲܝ̈ܢܵܫܵܐ: ܩܵܕَܡ ܐܲܠܵܗܵܐ ܓܘܼܢܓܸܙܵܐ ܝܠܹܗ. 16ܢܵܡܘܿܣܵܐ ܘܢܒ̣̈ܝܹܐ (ܗَܘܹܐܠܗَܘܿܢ) ܗܲܠ ܝܘܿܚܲܢܵܢ: ܡܗ̇ܝܓܵܗ ܡܲܠܟܘܼܬܵܐ ܕܐܲܠܵܗܵܐ ܟܹܐ ܦܵܝܫܵܐ ܡܘܼܫܚܸܕܬܵܐ: ܘܟܠ ܟܹܐ ܚܵܠܸܨ ܕܥܵܒܼܸܪ ܓܵܘܘܼܗ̇. 17ܐܝܼܢܵܐ ܗܵܣܵܢܵܝܝܼ ܝ݇ܠܵܗ̇ ܕܫܡܲܝܵܐ ܘܐܲܪܥܵܐ ܥܵܒ̣ܪܝܼ: ܙܵܘܕܵܐ ܡ̣ܢ ܕܚܕܵܐ ܐܵܬܘܼܬܵܐ ܡ̣ܢ ܢܵܡܘܿܣܵܐ ܢܵܦܠܵܐ. 18ܟܠ ܡ̇ܢ ܕܪܲܦܹܐ ܒܲܟ̣ܬܹܗ ܘܓܵܒܸܪ ܚܕܵܐ ܐܚܹܪَܬܵܐ: ܟܹܐ ܥܵܒܸܕ ܩܲܗܒܘܼܬܵܐ: ܘܟܠ ܡ̇ܢ ܕܫܵܩܸܠ ܫܒ̣ܝܼܩܬܵܐ ܡ̣ܢ ܓܲܒ̣ܪܵܐ: ܟܹܐ ܥܵܒܸܕ ܩܲܗܒܘܼܬܵܐ. 19ܐܝܼܢܵܐ ܐܝܼܬ ܗ݇ܘܵܐ ܚܲܕَ ܐ݇ܢܵܫܵܐ ܕܵܘܠܲܬܡܲܢܕ: ܘܟܹܐ ܠܵܒܸܫ ܗ݇ܘܵܐ ܟܸܬܵܢ ܘܐܲܪܓܘܵܢܵܐ: ܘܟܠܝܘܿܡ ܟܹܐ ܥܵܒܸܕ ܗ݇ܘܵܐ ܒܘܼܣܵܡܵܐ ܒܚܘܿܫܝܼ. 20ܘܚܲܕَ ܡܸܣܟܹܢܵܐ ܕܫܸܡܹܗ ܠܲܥܵܙܲܪ ܕܸܪܝܵܐ ܗ݇ܘܵܐ ܠܟܸܣ ܬܲܪܥܹܗ: ܡܵܪܹܐ ܕܲܪ̈ܒܵܬܹܐ. 21ܘܫܲܗَܘܘܼܬܹܐ ܗ݇ܘܵܐ ܕܡܵܠܹܐ ܟܹܪَܣܹܗ ܡ̣ܢ ܦܸܪ̈ܬܘܼܚܹܐ ܕܢܵܦܠܝܼ ܗ݇ܘܵܘ ܡ̣ܢ ܨܘܼܦܪܹܗ ܕܗ̇ܘ ܕܵܘܠܬܲܡܲܢܕ: ܐܸܠܵܐ: ܐܘܼܦ ܟܲܠܒܹ̈ܐ ܐܵܬܝܼ ܗ݇ܘܵܘ ܠܵܟܚܝܼ ܗ݇ܘܵܘ ܕܲܪ̈ܒܵܬܘܼܗܝ. 22ܘܗَܘܹܐ ܠܵܗ̇ ܕܡܝܼܬܠܹܗ ܗ̇ܘ ܡܸܣܟܹܢܵܐ: ܘܠܘܼܒܸܠܗܘܿܢ ܐܸܠܹܗ ܡܲܠܲܐܟܹ̈ܐ ܠܓܵܘ ܥܘܼܒܹܗ ܕܐܲܒ̣ܪܵܗܵܡ. ܘܡܝܼܬܠܹܗ ܐܘܼܦ ܗ̇ܘ ܕܵܘܠܲܬܡܲܢܕ ܘܦܸܫܠܹܗ ܩܒ̣ܝܼܪܵܐ. 23ܘܓܵܘ ܫܝܘܿܠ: ܟܲܕ ܦܝܵܫܵܐ ܗ݇ܘܵܐ ܓ̰ܘܼܢܓ̰ܸܪܵܐ: ܡܘܼܪܸܡܠܹܗ ܥܲܝܢܘܼ̈ܗܝ: ܘܚܙܹܐܠܹܗ ܠܐܲܒ̣ܪܵܗܵܡ ܡ̣ܢ ܪܸܚܩܵܐ: ܘܠܠܲܥܵܙܲܪ ܓܵܘ ܥܘܼܒܹܗ. 24ܘܩܪܹܐܠܹܗ ܘܐَܡܝܼܪܹܗ: ܒܵܒܵܐ ܐܲܒ̣ܪܵܗܵܡ: ܪܵܚܸܡ ܥܲܠܝܼ: ܘܫܵܕܸܪ ܠܠܲܥܵܙܲܪ ܕܛܲܡܸܫ ܪܹܫܵܐ ܕܨܒܥܹܗ ܒܡ̈ܝܼܵܐ: ܘܡܲܩܸܫ ܠܹܗ ܠܸܫܵܢܝܼ: ܣܵܒܵܒ ܦܝܵܫܵܐ ܝܘܸܢ ܓ̰ܘܼܢܓ̰ܸܪܵܐ ܒܐܵܗܵܐ ܠܵܗܵܐ. 25ܐܵܡܸܪ ܐܸܠܹܗ ܐܲܒ̣ܪܵܗܵܡ: ܒܪܘܿܢܝܼ: ܕܟ̣ܘܿܪ ܕܩܘܼܒܸܠܘܼܟܼ ܛܵܒ̣ܵܬܘܼ̈ܟ ܒܚܲܝܘܼ̈ܟ: ܐܘܼܦ ܗܲܕܟ̣ܵܐ ܠܲܥܵܙܲܪ ܒܝܼܫܵܬܹ̈ܗ: ܘܐܵܕܝܼܵܐ ܗ̇ܘ ܦܝܵܫܵܐ ܝܠܹܗ ܢܝܼܚܵܐ ܠܲܐܟ̣ܵܐ: ܘܐܲܢَܬ ܦܝܵܫܵܐ ܝܘܸܬ ܓ̰ܘܼܢܓ̰ܸܪܵܐ. 26ܘܥܲܡ ܕܐܲܢܹܐ ܟܠܵܝܗܝ: ܟ̰ܵܠܹܐ ܓܘܼܪܬܵܐ ܡܘܼܬܸܒ̣ܬܵܐ ܝ݇ܠܵܗ̇ ܒܹܝܠܲܢ ܘܒܹܝܠܵܘܟ̣ܘܿܢ: ܕܐܵܢܝܼ ܕܒܵܥܝܼ ܡܐܲܟ̣ܵܐ ܥܵܒ̣ܪܝܼ ܠܟܸܣܠܵܘܟ̣ܘܿܢ ܠܹܐ ܡܵܨܝܼ: ܐܘܼܦ ܠܵܐ ܕܡ̣ܢ ܬܵܡܵܐ ܥܵܒ̣ܪܝܼ ܠܟܸܣܠܲܢ. 27ܐܵܡܸܪ ܐܸܠܹܗ: ܒܲܣ ܢܵܘܢܘܿܝܹܐ ܝܘܸܢ ܒܝܼܘܼܟ: ܒܵܒܝܼ: ܕܫܵܕܪܸܬ ܠܹܗ ܠܒܲܝܬܵܐ ܕܒܵܒܝܼ. 28ܣܵܒܵܒ ܕܚܲܡܫܵܐ ܐܵܚܘܿܢܘܵܬܹ̈ܐ ܐܝܼܬ ܠܝܼ: ܝܵܗَܒܸܠ ܠܗ݇ܘܿܢ ܣܵܗܕܘܼܬܵܐ: ܕܐܘܼܦ ܐܵܢܝܼ ܠܵܐ ܐܵܬܝܼ ܠܐܵܗܵܐ ܕܘܼܟܬܵܐ ܕܓ̰ܘܼܢܓ̰ܵܪܵܐ. 29ܐܝܼܢܵܐ ܐَܡܝܼܪܹܗ ܐܲܒ̣ܪܵܗܵܡ: ܐܝܼܬ ܠܗ݇ܘܿܢ ܡܘܼܫܹܐ ܘܢܒ̣̈ܝܹܐ: ܫܵܡܥܝܼ ܠܗ݇ܘܿܢ. 30ܐܝܼܢܵܐ ܗ̇ܘ ܐَܡܝܼܪܹܗ ܐܸܠܹܗ: ܠܵܐ: ܒܵܒܵܐ ܐܲܒ̣ܪܵܗܵܡ: ܐܸܠܵܐ ܐܸܢ ܐ݇ܢܵܫܵܐ ܡ̣ܢ ܡܝܼܬܹ̈ܐ ܐܵܙܸܠ ܠܟܸܣܠܵܝܗܝ ܒܸܬ ܬܲܘܸܒܝܼ. 31ܐܵܡܸܪ ܐܸܠܹܗ: ܐܸܢ ܠܡܘܼܫܹܐ ܘܠܢܒ̣̈ܝܹܐ ܠܵܐ ܫܵܡܥܝܼ: ܐܘܼܦ ܐܸܢ ܐ݇ܢܵܫܵܐ ܡ̣ܢ ܡܝܼܬܹ̈ܐ ܩܵܝܸܡ: ܠܹܐ ܗܲܡܸܢܝܼ ܐܸܠܹܗ.