0:00
/
1ܘܟܲܕ ܚܸܪܹܗ: ܚܙܹܐܠܹܗ ܠܕܵܘܠܲܬܡܲܢܕܹ̈ܐ ܒܸܕܪܵܝܵܐ ܓܵܘ ܚܲܙܝܼܢܵܐ ܕܝܼܵܪ̈ܝܼܵܝܗܝ. 2ܘܚܙܹܐܠܹܗ ܐܘܼܦ ܚܕܵܐ ܐܲܪܡܸܠܬܵܐ ܡܸܣܟܹܢܬܵܐ ܕܕܪܹܠܵܗ̇ ܬܵܡܵܐ ܬܪܹܝ ܫܵܡܘܿܢܹ̈ܐ. 3ܘܐَܡܝܼܪܹܗ: ܣܲܪܲܣܬܘܼܬܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܐܵܗܵܐ ܐܲܪܡܸܠܬܵܐ ܡܸܣܟܹܢܬܵܐ ܕܪܹܠܵܗ̇ ܙܵܘܕܵܐ ܡ̣ܢ ܟܠܵܝܗܝ. 4ܣܵܒܵܒ ܐܵܢܝܼ ܟܠܵܝܗܝ ܡ̣ܢ ܡܸܢܕܝܼ ܕܙܵܘܕܵܐ ܗ݇ܘܵܐ ܐܸܠܵܝܗܝ ܕܪܹܠܗܘܿܢ ܠܕܝܼܵܪ̈ܝܹܐ: ܐܝܼܢܵܐ ܗ̇ܝ ܡ̣ܢ ܒܵܨܘܿܪܘܼܬܘܼܗ̇ ܟܠ ܕܐܝܼܬ ܗ݇ܘܵܐ ܠܵܗ̇ ܕܪܹܠܵܗ̇. 5ܘܟܲܕ ܐܵܡܪܝܼ ܗ݇ܘܵܘ ܐ݇ܢܵܫܹ̈ܐ ܒܘܼܬ ܕܗܲܝܟܠܵܐ: ܕܒܟܹܐܦܹ̈ܐ ܫܲܦܝܼܪܹ̈ܐ ܘܒܕܝܼܵܪ̈ܝܹܐ ܣܘܼܩܠܵܐ ܗ݇ܘܵܐ: ܐَܡܝܼܪܹܗ. 6ܐܲܢܹܐ ܕܒܸܚܙܵܝܵܐ ܝܬܘܿܢ: ܒܸܬ ܐܵܬܝܼ ܝܵܘܡܵܢܹ̈ܐ ܕܒܝܼܵܝܗܝ ܠܹܐ ܗܵܘܹܐ ܫܒ̣ܝܼܩܵܐ ܟܹܐܦܵܐ ܥܲܠ ܟܹܐܦܵܐ ܕܠܵܐ ܦܵܐܹܫ ܣܬܝܼܪܵܐ. 7ܘܒܵܩܪܝܼ ܗ݇ܘܵܘ ܠܹܗ ܘܐܵܡܪܝܼ: ܡܲܠܦܵܢܵܐ: ܒܲܣ ܐܝܼܡܲܢ ܐܲܢܹܐ ܒܸܬ ܗܵܘܝܼ: ܘܡܘܼܕܝܼ ܝܠܹܗ ܢܝܼܫܲܢܩܵܐ ܐܝܼܡܲܢ ܕܗܕܝܼܪܹܐ ܝܢܵܐ ܐܲܢܹܐ ܠܸܗَܘܵܝܵܐ. 8ܐܝܼܢܵܐ ܗ̇ܘ ܐَܡܝܼܪܹܗ: ܐܸܠܵܝܗܝ: ܚܙܹܝܡܘܿܢ ܠܵܐ ܗَܘܹܐ ܕܚܵܠܛܝܼܬܘܿܢ: ܣܵܒܵܒ ܕܪܵܒܵܐ ܒܸܬ ܐܵܬܝܼ ܒܫܸܡܝܼ: ܘܒܸܬ ܐܵܡܪܝܼ: ܐܵܢܵܐ ܝܘܸܢ: ܘܙܲܒ̣ܢܵܐ ܩܘܼܪܒܸܢܹܗ: ܐܝܼܢܵܐ ܠܵܐ ܐܵܙܠَܝܼܬܘܿܢ ܒܵܬَܪܵܝܗܝ. 9 ܘܐܝܼܡܲܢ ܕܫܵܡܥܝܼܬܘܿܢ ܦܠܵܫܹ̈ܐ ܘܫܓ̣ܘܼܫܝܹ̈ܐ: ܠܵܐ ܙܵܕܥܝܼܬܘܿܢ: ܣܵܒܵܒ ܘܵܓ̰ܸܒ ܝ݇ܠܵܗ̇ ܕܐܲܢܹܐ ܩܵܕَܡܵܝܬܵܐ ܗܵܘܝܼ: ܐܸܠܵܐ ܗܸܫ ܠܵܐ ܡܛܹܠܵܗ̇ ܐَܚܲܪܬܵܐ. 10ܗ̇ܝܓܵܗ ܐَܡܝܼܪܹܗ ܐܸܠܵܝܗܝ: ܒܸܬ ܩܵܝܸܡ ܛܵܝܸܦܵܐ ܥܲܠ ܛܵܝܸܦܵܐ: ܘܡܲܠܟܘܼܬܵܐ ܥܲܠ ܡܲܠܟܘܼܬܵܐ. 11ܘܪ̈ܵܘܕܵܢܹܐ ܓܘܼܪܹ̈ܐ ܒܸܬ ܗܵܘܝܼ ܒܕܘܼܟܵܐ ܕܘܼܟܵܐ: ܘܟܸܦܢܹ̈ܐ ܘܡܵܘܬܵܢܹ̈ܐ: ܘܨܵܘܹ̈ܐ ܘܢܝܼܫܲܢܩܹ̈ܐ ܓܘܼܪܹ̈ܐ ܡ̣ܢ ܫܡܲܝܵܐ ܒܸܬ ܗܵܘܝܼ. 12ܐܝܼܢܵܐ ܡܩܵܕَܡ ܕܐܲܢܹܐ ܟܠܵܝܗܝ: ܒܸܬ ܕܵܪܝܼ ܥܲܠܵܘܟ̣ܘܿܢ ܐܝܼܕܵܬܵܝ̈ܗܝ: ܘܒܸܬ ܛܵܪܕܝܼܠܵܘܟ̣ܘܿܢ: ܘܣܵܦܝܼ ܠܵܘܟ̣ܘܿܢ ܠܟܢܘܼܫܝܵܬܹ̈ܐ ܘܠܒܹܝܬ ܐܲܣܝܼܪܹ̈ܐ: ܘܡܲܝܬَܝܝܼ ܠܵܘܟ̣ܘܿܢ ܩܵܕَܡ ܡܲܠܟܹ̈ܐ ܘܗܵܟܝܼܡܹ̈ܐ: ܒܚܵܬܸܪ ܕܫܸܡܝܼ. 13ܘܒܸܬ ܗܵܘܝܵܐ ܐܸܠܵܘܟ̣ܘܿܢ ܠܣܵܗܕܘܼܬܵܐ. 14ܡܲܬܒ̣ܘܿܢ ܗܲܕܟ̣ܵܐ ܒܠܸܒܵܘܟ̣ܘܿܢ: ܕܠܵܐ ܗܵܘܹܝܬܘܿܢ ܒܹܐܟ̣ܵܠܵܐ ܚܲܡ ܠܝܼܵܗَܒ̣ܵܐ ܓ̰ܘܼܘܵܒ. 15ܣܵܒܵܒ ܐܵܢܵܐ ܒܸܬ ܝܵܗَܒܸܢܵܘܟ̣ܘܿܢ ܦܘܼܡܵܐ ܘܥܵܩܸܠܕܵܪܘܼܬܵܐ: ܐܲܝܢܝܼ ܕܠܹܐ ܡܵܨܝܼ ܠܡܲܕܘܼܪܹܐ ܓ̰ܘܼܘܵܒ ܘܠܵܐ ܠܸܩܝܵܡܵܐ ܠܕܲܪܩܘܼܒ̣ܠܘܼܗ̇ ܟܠܵܝܗܝ ܕܸܫܡܸܢܵܘ̈ܟ̣ܘܿܢ. 16ܐܝܼܢܵܐ ܣܵܦܝܼ ܠܵܘܟ̣ܘܿܢ ܒܵܒܵܘܵܬܵܘ̈ܟ̣ܘܿܢ: ܘܐܵܚܘܿܢܘܵܬܵܘ̈ܟ̣ܘܿܢ: ܘܚܸܙܡܵܘ̈ܟ̣ܘܿܢ: ܘܕܵܘܣܬܵܘ̈ܟ̣ܘܿܢ: ܘܒܸܬ ܡܲܡܝܸܬܝܼ ܡܸܢܵܘܟ̣ܘܿܢ. 17ܘܒܸܬ ܗܵܘܹܝܬܘܿܢ ܣܸܢܝܹ̈ܐ ܡ̣ܢ ܟܠ ܐ݇ܢܵܫܵܐ ܒܚܵܬܸܪ ܕܫܸܡܝܼ. 18ܘܡܸܙܬܵܐ ܡ̣ܢ ܪܹܫܵܘܟ̣ܘܿܢ ܠܹܐ ܬܵܠܩܵܐ. 19ܒܚܡܵܠܬܵܘܟ̣ܘܿܢ ܒܸܬ ܩܵܢܹܝܬܘܿܢ ܓܵܢܵܘܟ̣ܘܿܢ. 20ܐܝܼܢܵܐ ܐܝܼܡܲܢ ܕܚܵܙܹܝܬܘܿܢ ܠܐܘܿܪܸܫܠܸܡ ܚܘܼܪܕܝܼܬܘܼܗ̇ ܩܵܘܫܘܿܢ: ܗ̇ܝܓܵܗ ܝܕܸܥܡܘܿܢ ܕܩܘܼܪܒܸܢܹܗ ܚܪܵܒ̣ܘܼܗ̇. 21ܗ̇ܝܓܵܗ ܐܵܢܝܼ ܕܝܼܢܵܐ ܒܝܼܗܘܼܕ ܥܵܪܩܝܼ ܠܛܘܼܪܵܐ: ܘܐܵܢܝܼ ܕܝܼܢܵܐ ܓܵܘܵܗ̇ ܥܵܪܩܝܼ: ܘܐܵܢܝܼ ܕܝܼܢܵܐ ܓܵܘ ܡܵܬܘܵܬܹ̈ܐ ܠܵܐ ܥܵܒܼܪܝܼ ܓܵܘܵܗ̇. 22ܣܵܒܵܒ ܐܲܢܹܐ ܝܵܘܡܵܢܹ̈ܐ ܕܬܘܼܥܠܵܐ ܝܢܵܐ: ܕܒܸܬ ܬܲܡܸܡ ܟܠ ܡܸܢܕܝܼ ܕܝܼܠܹܗ ܟܬܝܼܒ̣ܵܐ. 23ܐܝܼܢܵܐ ܘܵܝ ܠܐܵܢܝܼ ܕܝܼܢܵܐ ܒܛܝܼܢܹܐ: ܘܠܐܵܢܝܼ ܕܡܲܡܸܨܝܼ ܒܐܵܢܝܼ ܝܵܘܡܵܢܹ̈ܐ: ܣܵܒܵܒ ܕܒܸܬ ܗܵܘܹܐ ܐܘܼܠܨܵܢܵܐ ܓܘܼܪܵܐ ܒܐܲܪܥܵܐ: ܘܟܲܪܒܵܐ ܥܲܠ ܐܵܗܵܐ ܛܵܝܸܦܵܐ. 24ܘܒܸܬ ܢܵܦܠܝܼ ܒܦܘܼܡܵܐ ܕܣܲܝܦܵܐ: ܘܦܵܝܫܝܼ ܠܘܼܒܠܹܐ ܝܲܚܣܝܼܪ ܠܟܠܵܝܗܝ ܡܸܠܲܬܹ̈ܐ: ܘܐܘܿܪܸܫܠܸܡ ܒܸܬ ܗܵܘܝܵܐ ܕܝܼܫܬܵܐ ܡ̣ܢ ܛܵܝܸܦܹ̈ܐ: ܗܲܠ ܕܬܲܡܸܡܝܼ ܙܲܒ̣ܢܹ̈ܐ ܕܛܵܝܸܦܹ̈ܐ. 25ܘܒܸܬ ܗܵܘܝܼ ܢܝܼܫܲܢܩܹ̈ܐ ܒܫܸܡܫܵܐ ܘܒܣܲܗܪܵܐ ܘܒܟܵܘܟ̣ܒܹ̈ܐ: ܘܒܲܐܪܥܵܐ ܐܘܼܠܨܵܢܵܐ ܕܛܵܝܸܦܹ̈ܐ: ܒܢܹܓܵܪܵܢܘܼܬܵܐ ܟܲܕ ܝܵܡܵܐ ܘܠܲܦܹ̈ܐ ܒܲܪܒܸܥܪܝܼ. 26ܐ݇ܢܵܫܹ̈ܐ ܫܲܡܫܘܼܡܹܐ ܡ̣ܢ ܙܕܘܿܥܬܵܐ ܘܡ̣ܢ ܣܦܵܪܬܵܐ ܕܐܵܢܝܼ ܕܝܼܢܵܐ ܗܕܝܼܪܹܐ ܠܹܐܬܵܝܵܐ ܥܲܠ ܐܲܪܥܵܐ. ܣܵܒܵܒ ܕܒܸܬ ܦܵܝܫܝܼ ܫܥܝܼܫܹܐ ܚܲܝܠܹܗ ܕܫܡܲܝܵܐ. 27ܘܗ̇ܝܓܵܗ ܒܸܬ ܚܵܙܝܼ ܠܒܪܘܿܢܹܗ ܕܐ݇ܢܵܫܵܐ ܒܹܐܬܵܝܵܐ ܒܥܢܵܢܹ̈ܐ ܥܲܡ ܚܲܝܠܵܐ ܘܚܸܩܪܵܐ ܓܘܼܪܵܐ. 28ܐܝܼܢܵܐ ܐܝܼܡܲܢ ܕܫܵܪܝܼ ܐܲܢܹܐ ܕܗܵܘܝܼ: ܗَܘܹܝܡܘܿܢ ܠܸܒܵܢܹ̈ܐ: ܘܡܵܪܡܘܿܢ ܪܹ̈ܫܵܘܟ̣ܘܿܢ: ܣܵܒܵܒ ܕܩܘܼܪܒܸܢܹܗ ܦܘܼܪܩܵܢܵܘܟ̣ܘܿܢ. 29ܘܐَܡܝܼܪܹܗ ܐܸܠܵܝܗܝ ܡܵܣܵܠܵܐ: ܚܙܹܝܡܘܿܢ ܠܐܝܼܠܵܢܵܐ ܕܬܹܐܢܵܐ: ܘܠܟܠܵܝܗܝ ܐܝܼܠܵܢܹ̈ܐ. 30ܐܝܼܡܲܢ ܕܒܲܪܛܸܢܝܼ: ܟܹܐ ܚܵܙܹܝܬܘܿܢ ܘܡ̣ܢ ܓܵܢܵܘܟ̣ܘܿܢ ܦܲܪܡܝܼܬܘܿܢ ܕܐܵܕܝܼܵܐ ܩܘܼܪܒܵܐ ܝܠܹܗ ܩܲܝܛܵܐ. 31ܗܲܕܟ̣ܵܐ ܐܘܼܦ ܐܲܚܬܘܿܢ: ܐܝܼܡܲܢ ܕܚܵܙܹܝܬܘܿܢ ܐܲܢܹܐ ܒܸܗَܘܵܝܵܐ: ܝܕܸܥܡܘܿܢ ܕܩܘܼܪܒܵܐ ܝ݇ܠܵܗ̇ ܡܲܠܟܘܼܬܵܐ ܕܐܲܠܵܗܵܐ. 32ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܹܐ ܥܵܒ̣ܪܵܐ ܐܵܗܵܐ ܐܘܼܓ̰ܵܓ̣: ܗܲܠ ܕܐܲܢܹܐ ܟܠܵܝܗܝ ܗܵܘܝܼ. 33ܫܡܲܝܵܐ ܘܐܲܪܥܵܐ ܒܸܬ ܥܵܒ̣ܪܝܼ: ܐܝܼܢܵܐ ܗܹܡܸܙܡܵܢܝܼ̈ ܠܹܐ ܥܵܒ̣ܪܝܼ. 34ܐܝܼܢܵܐ ܗَܘܹܝܡܘܿܢ ܗܸܫܝܵܪ ܒܓܵܢܵܘܟ̣ܘܿܢ: ܠܵܐ ܗَܘܹܐ ܕܝܲܩܪܸܢܝܼ ܠܸܒܵܘܵܬܵܘ̈ܟ̣ܘܿܢ ܒܒܲܕܢܲܦ̮ܣܘܼܬܵܐ: ܘܒܪܵܘܵܝܘܼܬܵܐ: ܘܒܚܲܡ ܕܥܵܠܡܵܐ: ܘܐܵܬܹܐ ܥܲܠܵܘܟ̣ܘܿܢ ܗ̇ܘ ܝܵܘܡܵܐ ܐܲܝܟܼ ܢܸܫܒ̣ܵܐ. 35ܣܵܒܵܒ ܗܲܕܟ̣ܵܐ ܒܸܬ ܐܵܬܹܐ ܥܲܠ ܟܠܵܝܗܝ ܕܝܬܝܼܒܹܐ ܝܢܵܐ ܥܲܠ ܦܵܬܵܐ ܕܟܠܵܗ̇ ܐܲܪܥܵܐ. 36ܗَܘܹܝܡܘܿܢ ܗܲܕܟ̣ܵܐ ܒܸܥܒ̣ܵܕܵܐ ܫܵܗܲܪܬܵܐ ܒܟܠ ܙܲܒ̣ܢܵܐ: ܘܨܵܠܘܿܝܹܐ: ܕܚܵܫܚܝܼܬܘܿܢ ܠܸܥܪܵܩܵܐ ܡ̣ܢ ܕܐܲܢܹܐ ܕܝܼܢܵܐ ܗܕܝܼܪܹܐ ܠܸܗܘܵܝܵܐ: ܘܕܟܵܠܝܼܬܘܿܢ ܩܵܕَܡ ܒܪܘܿܢܹܗ ܕܐ݇ܢܵܫܵܐ. 37ܘܒܐܝܼܡܵܡܵܐ ܟܹܐ ܡܵܠܸܦ ܗ݇ܘܵܐ ܓܵܘ ܗܲܝܟܠܵܐ: ܘܒܠܲܝܠܹܐ ܟܹܐ ܦܵܠܸܛ ܗ݇ܘܵܐ ܦܵܐܹܫ ܗ݇ܘܵܐ ܓܵܘ ܛܘܼܪܵܐ: ܕܦܵܐܹܫ ܩܸܪܝܵܐ: ܕܙܲܝܬܹ̈ܐ. ܘܟܠܹܗ ܛܵܝܸܦܵܐ ܟܹܐ ܩܵܕܡܝܼ 38ܗ݇ܘܵܘ ܒܩܵܕܲܡܬܵܐ ܠܟܸܣܠܹܗ ܠܗܲܝܟܠܵܐ ܠܸܫܡܲܥܝܹܗ.