0:00
/
1ܐܝܼܢܵܐ ܩܘܼܪܒܸܢܵܐ ܗ݇ܘܵܐ ܥܹܐܕܵܐ ܕܦܲܛܝܼܪܹ̈ܐ: ܕܦܝܵܫܵܐ ܝܠܹܗ 2ܩܸܪܝܵܐ: ܦܸܨܚܵܐ. ܘܛܵܥܝܼ ܗ݇ܘܵܘ ܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ ܕܵܐܟ̣ܝܼ ܩܵܛܠܝܼ ܠܹܗ: ܣܵܒܵܒ ܕܒܸܙܕܵܥܝܵܐ ܗ݇ܘܵܘ ܡ̣ܢ ܛܵܝܸܦܵܐ. 3ܐܝܼܢܵܐ ܥܒܼܝܼܪܵܐ ܗ݇ܘܵܐ ܣܵܛܵܢܵܐ ܒܝܼܗܘܼܕܵܐ: ܕܦܝܵܫܵܐ ܝܠܹܗ ܩܸܪܝܵܐ ܣܟܲܪܝܘܿܛܵܐ: ܕܝܼܗ݇ܘܵܐ ܡ̣ܢ ܡܸܢܝܵܢܵܐ ܕܬܪܸܥܣܲܪ. 4ܘܐَܙܸܠܹܗ ܗܘܼܡܙܸܡܠܹܗ ܥܲܡ ܓܘܼܪ̈ܵܢܹܐ ܕܟܵܗܢܹ̈ܐ ܘܪܹ̈ܫܵܢܹܐ ܕܣܵܦܹܐ ܗ݇ܘܵܐ ܠܹܗ ܐܸܠܵܝܗܝ. 5ܘܚܕܹܐܠܗܘܿܢ: ܘܩܘܼܘܸܚܠܗܘܿܢ ܕܝܵܗَܒ̣ܝܼ ܠܹܗ ܙܘܼܙܹ̈ܐ. 6ܘܝܘܼܗَܒܼܸܠܹܗ ܘܲܥܕܵܐ ܐܸܠܵܝܗܝ: ܘܛܵܥܹܐ ܗ݇ܘܵܐ ܠܦܸܪܣܲܬ ܕܣܵܦܹܐ ܗ݇ܘܵܐ ܠܹܗ ܐܸܠܵܝܗܝ ܒܹܐ ܚܲܒ̇ܪܵܐ ܡ̣ܢ ܟܸܢܫܵܐ. 7ܘܡܛܹܠܹܗ ܝܵܘܡܵܐ ܕܦܲܛܝܼܪܹ̈ܐ: ܕܒܝܹܗ ܘܵܓ̰ܸܒ ܝܼܗ݇ܘܵܐ ܕܦܵܐܹܫ ܗ݇ܘܵܐ ܦܪܝܼܡܵܐ ܦܸܨܚܵܐ. 8ܘܫܘܼܕܸܪܹܗ ܠܟܹܐܦܵܐ ܘܠܝܘܿܚܲܢܵܢ: ܘܐَܡܝܼܪܹܗ ܐܸܠܵܝܗܝ: ܙܹܠَܡܘܿܢ ܗܲܕܪܘܿܢ ܠܲܢ ܦܸܨܚܵܐ ܕܐܵܟ̣ܠܵܚ. 9ܘܐَܡܸܪܗܘܿܢ ܐܸܠܹܗ: ܐܲܝܟܵܐ ܒܵܣܡܵܐ ܠܘܼܟܼ ܕܗܵܕܪܵܚ. 10ܐَܡܝܼܪܹܗ ܐܸܠܵܝܗܝ: ܗܵܐ: ܐܝܼܡܲܢ ܕܥܵܒܼܪܝܼܬܘܿܢ ܠܡܕܝܼܢَܬܵܐ: ܒܸܬ ܬܵܦܸܩ ܒܝܼܵܘܟ̣ܘܿܢ: ܐ݇ܢܵܫܵܐ ܫܩܝܼܠܵܐ ܬܲܠܡܵܐ ܕܡ̈ܝܼܵܐ: ܙܹܠَܡܘܿܢ ܒܵܬَܪܹܗ ܓܵܘ ܒܲܝܬܵܐ ܐܲܝܟܵܐ ܕܥܵܒܼܸܪ. 11ܘܐَܡܘܿܪܘܼܢ ܠܡܵܪܵܐ ܕܒܲܝܬܵܐ: ܪܵܒܝܲܢ ܒܹܐܡܵܪܵܐ ܝܠܹܗ: ܐܲܝܟܵܐ ܝܠܹܗ ܒܹܝܬ ܡܲܫܪܝܵܐ: ܐܲܝܟܵܐ ܕܐܵܟ̣ܠܸܢ ܦܸܨܚܵܐ ܥܲܡ ܬܲܠܡܝܼܕܝܼ̈. 12ܘܗ̇ܘ ܒܸܬ ܡܲܚܙܹܐ ܠܵܘܟ̣ܘܿܢ ܚܕܵܐ ܒܵܠܵܚܵܢܵܐ ܓܘܼܪܬܵܐ ܫܘܼܘܝܼܬܵܐ: ܬܵܡܵܐ ܗܲܕܪܘܿܢ. 13 ܘܐَܙܸܠܗܘܿܢ: ܡܘܼܫَܟ̰ܸܚܠܗܘܿܢ ܐܲܝܟܼ ܕܐَܡܝܼܪܹܗ ܐܸܠܵܝܗܝ: ܘܗܘܼܕܸܪܗܘܿܢ ܦܸܨܚܵܐ. 14ܘܟܲܕ ܗَܘܹܐ ܠܵܗ̇ ܣܵܥܲܬ: ܝܬܸܒ̣ܠܹܗ: ܘܫܠܝܼܚܹ̈ܐ ܥܲܡܹܗ. 15ܘܐَܡܝܼܪܹܗ ܐܸܠܵܝܗܝ: ܫܲܗَܘܲܬܬܵܐ ܫܘܼܗَܘܸܬܠܝܼ ܕܐܵܗܵܐ ܦܸܨܚܵܐ ܐܵܟ̣ܠܸܢܹܗ ܥܲܡܵܘܟ̣ܘܿܢ ܡܩܵܕَܡ ܕܩܵܒ̇ܠܸܢ ܚܲܫܵܐ. 16ܣܵܒܵܒ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܠܹܐ ܐܲܟ̣ܠܸܢܹܗ: ܗܲܠ ܕܬܲܡܸܡ ܒܡܲܠܟܘܼܬܹܗ ܕܐܲܠܵܗܵܐ. 17ܘܫܩܸܠܹܗ ܟܵܣܵܐ: ܘܫܘܼܟܸܪܹܗ: ܘܐَܡܝܼܪܹܗ: ܫܩܘܿܠܘܿܢ ܐܵܗܵܐ ܘܦܲܠܹܡܘܿܢ ܓܵܘܵܘܟ̣ܘܿܢ. 18ܣܵܒܵܒ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܡܵܐܕܝܼܵܐ ܠܹܐ ܫܵܬܸܢ ܡ̣ܢ ܡܲܗܨܘܼܠ ܕܓܸܦܬܵܐ: ܗܲܠ ܕܐܵܬܝܵܐ ܡܲܠܟܘܼܬܵܐ ܕܐܲܠܵܗܵܐ. 19ܘܫܩܸܠܹܗ ܠܲܚܡܵܐ: ܘܫܘܼܟܸܪܹܗ: ܘܩܨܹܠܹܗ: ܘܝܘܼܗَܒܼܸܠܹܗ ܐܸܠܵܝܗܝ: ܘܐَܡܝܼܪܹܗ: ܐܵܗܵܐ ܝܠܹܗ ܦܲܓ̣ܪܝܼ ܕܒܚܵܬܸܪܵܘܟ̣ܘܿܢ ܦܝܵܫܵܐ ܝܠܹܗ ܝܘܼܗَܒ̣ܵܐ: ܐܵܗܵܐ ܥܒ̣ܘܿܕܘܿܢ ܠܕܵܟ̣ܵܪܝܼ. 20ܘܗܲܕܟ̣ܵܐ ܐܘܼܦ ܥܲܠ ܟܵܣܵܐ: ܡ̣ܢ ܒܵܬَܪ ܕܐَܟܼܸܠܗܘܿܢ ܐَܟܼܵܠَܪܲܡܫܵܐ: ܐَܡܝܼܪܹܗ: ܐܵܗܵܐ ܟܵܣܵܐ ܕܝܵܬܹܩܹܐ ܚܲܕܬܵܐ ܝܠܹܗ ܒܕܸܡܝܼ: ܕܡܒܵܕܵܠܵܘܟ̣ܘܿܢ ܦܝܵܫܵܐ ܝܠܹܗ ܫܘܼܦܟ̣ܵܐ. 21ܐܝܼܢܵܐ ܗܵܐ: ܐܝܼܕܹܗ ܕܣܵܦܝܵܢܝܼ ܥܲܡܝܼ ܥܲܠ ܨܘܼܦܪܵܐ. 22ܣܵܒܵܒ ܒܪܘܿܢܹܗ ܕܐ݇ܢܵܫܵܐ ܒܹܐܙܵܠܵܐ ܝܠܹܗ ܕܵܐܟ̣ܝܼ ܕܦܸܫܠܹܗ ܦܪܝܼܫܵܐ: ܐܝܼܢܵܐ ܘܵܝ ܠܗ̇ܘ ܐ݇ܢܵܫܵܐ ܕܒܐܝܼܕܹܗ ܦܝܵܫܵܐ ܝܠܹܗ ܣܘܼܦܝܵܐ. 23ܘܫܘܼܪܹܠܗܘܿܢ ܕܨܲܚܨܝܼ ܓܵܘܵܝܗܝ: ܝܵܐ ܪܲܒ: ܡܵܢܝܼ ܝܠܹܗ ܡܸܢܵܝܗܝ ܗ̇ܘ ܕܐܵܗܵܐ ܗܕܝܼܪܵܐ ܗ݇ܘܵܐ ܠܸܦܠܵܚܵܐ: 24ܘܗَܘܹܐ ܠܵܗ̇ ܐܘܼܦ ܡܲܩܲܪܵܨܘܼܬܵܐ ܓܵܘܵܝܗܝ: ܕܡܵܢܝܼ ܡܸܢܵܝܗܝ ܦܵܐܹܫ ܚܫܝܼܒ̣ܵܐ ܓܘܼܪܵܐ. 25ܐܝܼܢܵܐ ܗ̇ܘ ܐَܡܝܼܪܹܗ ܐܸܠܵܝܗܝ: ܡܲܠܟܹ̈ܐ ܕܛܵܝܸܦܹ̈ܐ ܡܵܪ̈ܵܘܵܬܵܝܗܝ ܝܢܵܐ: ܘܐܵܢܝܼ ܕܟܹܐ ܥܵܒ̣ܕܝܼ ܗܘܼܟܡܵܐ ܥܲܠܵܝܗܝ ܟܹܐ ܦܵܝܫܝܼ ܩܸܪܝܹܐ: ܥܵܒ̣ܕܵܢܹ̈ܐ ܕܛܵܒ̣ܵܬܹ̈ܐ. 26ܐܝܼܢܵܐ ܐܲܚܬܘܿܢ ܠܵܐ ܗܲܕܟ̣ܵܐ: ܐܸܠܵܐ ܐܲܝܢܝܼ ܕܝܼܠܹܗ ܓܘܼܪܵܐ ܓܵܘܵܘܟ̣ܘܿܢ: ܗܵܘܹܐ ܐܲܝܟܼ ܙܥܘܿܪܵܐ: ܘܐܲܝܢܝܼ ܕܝܼܠܹܗ ܪܹܫܵܐ: ܐܲܝܟܼ ܚܸܠܡܲܬܟܵܪ. 27ܣܵܒܵܒ ܐܲܝܢܝܼ ܓܘܼܪܵܐ ܝܠܹܗ: ܗ̇ܘ ܕܝܼܠܹܗ ܝܬܝܼܒ̣ܵܐ ܠܨܘܼܦܪܵܐ: ܗ̇ܘ ܕܥܵܒܸܕ ܚܸܠܡܲܬ: ܠܹܐ ܝܠܹܗ ܗ̇ܘ ܕܝܼܠܹܗ ܝܬܝܼܒ̣ܵܐ ܠܨܘܼܦܪܵܐ: ܐܝܼܢܵܐ ܐܵܢܵܐ ܓܵܘܵܘܟ̣ܘܿܢ ܝܼܘܸܢ ܐܲܝܟܼ ܕܗ̇ܘ ܕܥܵܒܸܕ ܚܸܠܡܲܬ. 28ܐܲܚܬܘܿܢ ܝܼܬܘܿܢ ܕܥܘܼܪܩܸܠܵܘܟ̣ܘܿܢ ܠܟܸܣܠܝܼ ܒܓ̰ܘܼܪ̈ܵܒܝܼ. 29ܘܐܵܢܵܐ ܩܲܘܘܼܠܹܐ ܝܘܸܢ ܐܸܠܵܘܟ̣ܘܿܢ ܐܲܝܟܼ ܕܩܘܼܘܸܠܹܗ ܐܸܠܝܼ ܒܵܒܝܼ: ܡܲܠܟܘܼܬܵܐ. 30ܕܐܵܟ̣ܠܝܼܬܘܿܢ ܘܫܵܬܹܝܬܘܿܢ ܥܲܠ ܨܘܼܦܪܝܼ ܒܡܲܠܟܘܼܬܝܼ: ܘܝܵܬܒ̣ܝܼܬܘܿܢ ܥܲܠ ܟܘܼܪ̈ܣܝܵܘܵܬܵܐ: ܘܕܵܝܢܝܼܬܘܿܢ ܠܬܪܸܥܣܲܪ ܫܲܒ̣ܛܹ̈ܐ ܕܝܼܣܪܵܝܹܠ. 31ܘܐَܡܝܼܪܹܗ ܡܵܪܲܢ: ܫܸܡܥܘܿܢ: ܗܵܐ: ܣܵܛܵܢܵܐ ܒܸܥܠܹܗ ܕܣܵܪܸܕܠܵܘܟ̣ܘܿܢ ܐܲܝܟܼ ܕܠܚܸܛܹ̈ܐ. 32ܘܐܵܢܵܐ ܛܠܸܒܠܝܼ ܒܘܼܬ ܕܝܼܘܼܟ ܕܠܵܐ ܚܵܣܪܵܐ ܗܲܝܡܵܢܘܼܬܘܼܟ: ܘܐܘܼܦ ܐܲܢَܬ ܐܝܼܡܲܢ ܕܕܸܪܘܼܟ: ܡܲܩܘܝܼ ܠܐܵܚܘܿܢܘܵܬܘܼ̈ܟ. 33ܐܝܼܢܵܐ ܐَܡܝܼܪܹܗ ܐܸܠܹܗ: ܡܵܪܝܼ: ܥܲܡܘܼܟ ܗܕܝܼܪܵܐ ܝܘܸܢ ܠܹܐܙܵܠܵܐ ܠܒܹܝܬ ܐܲܣܝܼܪܹ̈ܐ ܘܠܡܵܘܬܵܐ. 34ܐܵܡܸܪ ܐܸܠܹܗ: ܒܹܐܡܵܪܵܐ ܝܘܸܢ ܐܸܠܘܼܟܼ: ܟܹܐܦܵܐ: ܕܠܹܐ ܩܵܪܹܐ ܩܵܪܘܿܝܵܐ ܐܸܕܝܘܿܡَ: ܗܲܠ ܕܬܠܵܬَܐ ܓܵܗܹ̈ܐ ܣܵܪܒܸܬ ܕܠܹܐ ܝܵܕܥܸܬ ܠܝܼ. 35ܘܐَܡܝܼܪܹܗ ܐܸܠܵܝܗܝ: ܟܲܕ ܩܲܡ ܫܵܕܪܸܢܵܘܟ̣ܘܿܢ ܕܠܵܐ ܟܸܣܝܵܬܹ̈ܐ ܘܕܠܵܐ ܓ̰ܲܢܝܵܬܹ̈ܐ ܘܨܵܘܠܹ̈ܐ: ܚܣܸܪܹܐ ܐܸܠܵܘܟ̣ܘܿܢ ܡܸܢܕܝܼ: ܐَܡܸܪܗܘܿܢ ܐܸܠܹܗ: ܠܵܐ ܡܸܢܕܝܼ. 36ܐَܡܝܼܪܹܗ ܐܸܠܵܝܗܝ: ܡ̣ܢ ܐܵܕܝܼܵܐ ܡ̇ܢ ܕܐܝܼܬ ܠܹܗ ܟܸܣܬܵܐ: ܫܵܩܸܠ: ܘܗܲܕܟ̣ܵܐ ܐܘܼܦ ܓ̰ܲܢܬܵܐ: ܘܡ̇ܢ ܕܠܲܝܬ ܠܹܗ: ܙܵܒܸ̇ܢ ܓ̰ܘܼܠܘܼ̈ܗܝ: ܘܙܵܒܸܢ ܣܲܝܦܵܐ. 37ܣܵܒܵܒ ܕܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܐܘܼܦ ܐܵܗܵܐ ܕܝܼܠܵܗ̇ ܟܬܝܼܒ̣ܬܵܐ ܘܵܓ̰ܸܒ ܝ݇ܠܵܗ̇ ܕܦܵܝܫܵܐ ܬܘܼܡܸܡܬܵܐ ܒܝܼܝܼ: ܘܥܲܡ ܢܵܐܗܲܩܹ̈ܐ ܦܸܫܠܹܗ ܡܸܢܝܵܐ: ܣܵܒܵܒ ܟܠ ܒܘܼܬ ܕܝܼܝܼ ܐܝܼܬ ܠܹܗ ܬܝܵܡܵܐ. 38ܘܐܵܢܝܼ ܐܵܡܪܝܼ ܐܸܠܹܗ: ܡܵܪܲܢ: ܗܵܐ: ܠܲܐܟ̣ܵܐ ܐܝܼܬ ܬܪܹܝ ܣܲܝܦܹ̈ܐ. ܐܵܡܸܪ ܐܸܠܵܝܗܝ: ܟܹܐ ܡܵܠܝܼ. 39ܘܦܠܸܛܠܹܗ ܘܐَܙܸܠܹܗ: ܐܲܝܟܼ ܕܐܝܼܬ ܗ݇ܘܵܐ ܠܹܗ ܥܵܕܲܬ: ܠܛܘܼܪܵܐ ܕܙܲܝܬܹ̈ܐ: ܘܐَܙܸܠܗܘܿܢ ܒܵܬَܪܹܗ ܐܘܼܦ ܬܲܠܡܝܼܕܘܼ̈ܗܝ. 40ܘܟܲܕ ܡܛܹܠܹܗ ܠܚܕܵܐ ܕܘܼܟܬܵܐ: ܐَܡܝܼܪܹܗ ܐܸܠܵܝܗܝ: ܨܵܠܹܝܡܘܿܢ ܕܠܵܐ ܥܵܒܼܪܝܼܬܘܿܢ ܠܓ̰ܘܼܪܵܒܵܐ. 41ܘܗ̇ܘ ܪܚܸܩܠܹܗ ܡܸܢܵܝܗܝ ܐܲܝܟܼ ܪܲܦܵܝܬܵܐ ܕܟܹܐܦܵܐ: ܘܒܪܸܟ̇ܠܹܗ: ܘܨܘܼܠܹܠܹܗ. 42ܘܐܵܡܸܪ: ܝܵܐ ܒܵܒܵܐ: ܐܸܢ ܒܵܣܡܵܐ ܠܘܼܟܼ ܡܲܥܒܸܪ ܡܸܢܝܼ ܐܵܗܵܐ ܟܵܣܵܐ: ܐܝܼܢܵܐ ܠܵܐ ܪܸܙܵܝܵܐ ܕܝܼܝܼ: ܐܸܠܵܐ ܕܝܼܘܼܟ ܗܵܘܹܐ. 43ܘܦܸܫܠܹܗ ܚܸܙܝܵܐ ܐܸܠܹܗ ܡܲܠܲܐܟ̣ܸܵܐ ܡ̣ܢ ܫܡܲܝܵܐ ܕܚܲܠܸܢ ܗ݇ܘܵܐ ܠܹܗ. 44ܘܟܲܕ ܗَܘܹܐܠܹܗ ܒܐܵܓ̣ܘܿܢܵܐ: ܒܚܲܝ݇ܠܵܗ̇ ܕܠܸܒܵܐ ܨܘܼܠܹܠܹܗ: ܘܗَܘܹܐ ܠܵܗ̇ ܕܲܥܬܹܗ ܐܲܝܟܼ ܢܵܛܘܿܦܝܵܬܹ̈ܐ ܕܕܸܡܵܐ ܒܸܢܦܵܠܵܐ ܥܲܠ ܐܲܪܥܵܐ. 45ܘܩܸܡܠܹܗ ܡ̣ܢ ܨܠܘܿܬܹܗ ܘܐَܬܹܐܠܹܗ ܠܟܸܣ ܬܲܠܡܝܼܕܘܼ̈ܗܝ: ܘܡܘܼܫَܟ̰ܚܵܝܠܹܗ ܕܡܝܼܟܹܐ ܡ̣ܢ ܦܫܵܡܬܵܐ. 46ܘܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ ܕܡܝܼܟܹܐ ܝܬܘܿܢ: ܩܘܼܡܘܿܢ ܘܨܲܠܹܝܡܘܿܢ: ܕܠܵܐ ܥܵܒܼܪܝܼܬܘܿܢ ܠܓ̰ܘܼܪܵܒܵܐ. 47ܘܗܵܠܵܐ ܗ̇ܘ ܗܲܡܙܘܼܡܹܐ: ܗܵܐ: ܟܸܢܫܵܐ: ܘܗ̇ܘ ܕܦܝܵܫܵܐ ܝܠܹܗ ܩܸܪܝܵܐ ܝܼܗܘܼܕܵܐ: ܚܲܕَ ܡ̣ܢ ܬܪܸܥܣܲܪ: ܒܹܐܬܵܝܵܐ ܩܵܕَܡܵܝܗܝ: ܘܩܘܼܪܒܸܢܹܗ ܠܟܸܣ ܝܼܫܘܿܥ ܠܸܢܫܵܩܹܗ. 48 ܐܝܼܢܵܐ ܐَܡܝܼܪܹܗ ܐܸܠܹܗ ܝܼܫܘܿܥ: ܝܼܗܘܼܕܵܐ: ܒܢܫܘܼܩܬܵܐ ܣܵܦܘܿܝܹܐ ܝܘܸܬ ܠܒܪܘܿܢܹܗ ܕܐ݇ܢܵܫܵܐ. 49ܘܟܲܕ ܚܙܹܐܠܗܘܿܢ ܐܵܢܝܼ ܕܥܲܡܹܗ ܡܸܢܕܝܼ ܕܒܸܬ ܗܵܘܹܐ ܗ݇ܘܵܐ: ܐَܡܸܪܗܘܿܢ ܐܸܠܹܗ: ܡܵܪܲܢ: ܡܵܚܵܚ ܠܗ݇ܘܿܢ ܒܣܲܝܦܹ̈ܐ. 50ܘܡܚܹܠܹܗ ܚܲܕَ ܡܸܢܵܝܗܝ ܠܪܹܓܹܗ ܕܓܘܼܪܵܐ ܕܟܵܗܢܹ̈ܐ: ܘܦܪܝܼܡܵܠܹܗ ܢܵܬܹܗ ܕܝܲܡܝܼܢܵܐ. 51ܐܝܼܢܵܐ ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ: ܫܒ̣ܘܿܩܘܿܢ ܗܲܠ ܐܵܗܵܐ. 52ܘܕܩܸܪܹܗ ܒܢܵܬܹܗ: ܘܒܘܼܣܡܵܠܹܗ. ܘܐَܡܝܼܪܹܗ ܝܼܫܘܿܥ ܠܐܵܢܝܼ ܕܐ݇ܬܹܐܠܗܘܿܢ ܥܲܠܘܼܗܝ: ܓܘܼܪ̈ܵܢܹܐ ܕܟܵܗܢܹ̈ܐ ܘܚܘܵܪ̈ܕܸܩܢܹܐ ܘܪܹ̈ܫܵܢܹܐ ܕܗܲܝܟܠܵܐ: ܐܲܝܟܼ ܕܥܲܠ ܓ̰ܵܠܵܠܝܼ ܦܠܸܛܠܵܘܟ̣ܘܿܢ ܥܲܠܝܼ ܒܣܲܝܦܹ̈ܐ ܘܒܚܘܼܛܪܹ̈ܐ. 53ܟܠ ܝܘܿܡ ܥܲܡܵܘܟ̣ܘܿܢ ܝܼܘܸܢ ܗ݇ܘܵܐ ܒܗܲܝܟܠܵܐ: ܘܠܵܐ ܦܘܼܫܸܛܠܵܘܟ̣ܘܿܢ ܥܲܠܝܼ ܐܝܼܕܵܬܹ̈ܐ ܐܸܠܵܐ ܐܵܗܵܐ ܝ݇ܠܵܗ̇ ܣܵܥܲܬܵܘܟ̣ܘܿܢ ܘܗܘܼܟܡܵܐ ܕܚܸܫܟܵܐ. 54ܘܕܒܸܩܠܗܘܿܢ ܐܸܠܹܗ ܘܡܘܼܬَܝܹܠܗܘܿܢ: ܘܡܘܼܥܒܼܸܪܗܘܿܢ ܐܸܠܹܗ ܠܒܲܝܬܹܗ ܕܓܘܼܪܵܐ ܕܟܵܗܢܹ̈ܐ. ܘܟܹܐܦܵܐ ܒܹܐܬܵܝܵܐ ܗ݇ܘܵܐ ܒܵܬَܪܹܗ ܡ̣ܢ ܪܸܚܩܵܐ. 55ܐܝܼܢܵܐ ܬܘܼܦܹܠܗܘܿܢ ܢܘܼܪܵܐ ܒܒܹܝܦܲܠܓܵܐ ܕܕܵܪܬܵܐ: ܘܝܬܝܒܹܐ ܗ݇ܘܵܘ ܚܵܕܸܪ̈ܘܵܢܹܗ: ܘܝܬܝܼܒܼܵܐ ܗ݇ܘܵܐ ܐܘܼܦ ܟܹܐܦܵܐ ܓܵܘܵܝܗܝ. 56ܘܚܙܹܠܵܗ̇ ܐܸܠܹܗ ܚܕܵܐ ܚܵܡܬܵܐ ܝܬܝܼܒ̣ܵܐ ܠܟܸܣ ܢܘܼܪܵܐ: ܘܚܸܪܵܗ̇ ܒܝܹܗ ܘܐ݇ܡܸܪܹܵܗ̇: ܐܘܼܦ ܐܵܗܵܐ ܥܲܡܹܗ ܗ݇ܘܵܐ. 57ܐܝܼܢܵܐ ܗ̇ܘ ܣܪܸܒ̣ܠܹܗ: ܒܹܐܡܵܪܵܐ: ܒܲܟ̣ܬܵܐ: ܠܹܐ ܝܵܕܥܸܢܗ. 58ܘܒܵܬَܪ ܚܲܕَܟ̰ܵܐ ܚܙܹܐܠܹܗ ܚܲܕَ ܐ݇ܚܹܪ݇ܢܵܐ: ܘܐَܡܝܼܪܹܗ ܐܸܠܹܗ: ܐܘܼܦ ܐܲܢَܬ ܡܸܢܵܝܗܝ ܝܘܸܬ. 59ܐܝܼܢܵܐ ܟܹܐܦܵܐ ܐَܡܝܼܪܹܗ: ܐ݇ܢܵܫܵܐ: ܠܹܐ ܝܘܸܢ. ܘܒܵܬَܪ ܐܲܝܟܼ ܚܕܵܐ ܣܵܥܲܬ ܚܲܕَ ܐ݇ܚܹܪ݇ܢܵܐ ܩܘܼܝܵܐ ܗܘܼܡܙܸܡܠܹܗ ܘܐَܡܝܼܪܹܗ: ܒܫܲܪܝܼܪܘܼܬܵܐ ܐܘܼܦ ܐܵܗܵܐ ܥܲܡܹܗ ܗ݇ܘܵܐ: ܣܵܒܵܒ ܕܐܘܼܦ ܓܠܝܼܠܵܝܵܐ ܝܠܹܗ. 60ܘܐܵܡܸܪ ܟܹܐܦܵܐ: ܐ݇ܢܵܫܵܐ: ܠܹܐ ܝܘܸܢ ܒܝܼܕܵܥܝܵܐ ܡܘܼܕܝܼ ܒܹܐܡܵܪܵܐ ܝܘܸܬ. 61ܘܕܲܪܣܵܥܲܬ: ܟܲܕ ܗ̇ܘ ܗܲܡܙܘܼܡܹܐ: ܩܪܹܐܠܹܗ ܩܵܪܘܿܝܵܐ. ܘܕܸܪܹܗ ܡܵܪܲܢ: ܘܚܸܪܹܗ ܒܟܹܐܦܵܐ: ܘܕܟܸܪܹܗ ܟܹܐܦܵܐ ܗܹܡܸܙܡܵܢ ܕܡܵܪܲܢ: ܕܐَܡܝܼܪܵܐ ܗ݇ܘܵܐ ܐܸܠܹܗ: ܕܡܩܵܕَܡ ܕܩܵܪܹܐ ܩܵܪܘܿܝܵܐ ܐܸܕܝܘܿܡَ: ܒܸܬ ܣܵܪܒܸܬ ܠܝܼ ܬܠܵܬَ ܓܵܗܹ̈ܐ. 62ܘܦܠܸܛܠܹܗ ܠܒܲܕܲܪ ܟܹܐܦܵܐ: ܒܟܼܹܠܹܗ ܒܡܲܪܝܼܪܘܼܬܵܐ. 63ܘܐ݇ܢܵܫܹ̈ܐ ܕܕܒ̣ܝܼܩܹܐ ܗ݇ܘܵܘ ܠܝܼܫܘܿܥ: ܡܲܣܚܸܪܝܼ ܗ݇ܘܵܘ ܘܡܵܚܝܼ ܗ݇ܘܵܘ ܠܹܗ. 64ܘܟܵܣܝܼ ܗ݇ܘܵܘ ܠܹܗ: ܘܒܵܩܪܝܼ: ܒܹܐܡܵܪܵܐ: ܢܵܒܝܼ: ܡܵܢܝܼ ܩܲܡ ܡܵܚܹܐ ܠܘܼܟܼ. 65ܘܪܵܒܵܐ ܡܸܢܕܝܵܢܹ̈ܐ ܐ݇ܚܹܪ̈݇ܢܹܐ ܓܵܕܦܝܼ ܗ݇ܘܵܘ: ܘܐܵܡܪܝܼ ܥܲܠܘܼܗܝ. 66ܘܟܲܕ ܗَܘܹܐܠܹܗ ܝܵܘܡܵܐ: ܓ̰ܡܸܥܠܗܘܿܢ ܚܘܵܪ̈ܕܸܩܢܹܐ ܕܛܵܝܸܦܵܐ ܘܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ: ܘܡܘܼܣܸܩܠܗܘܿܢ ܐܸܠܹܗ ܓܵܘ ܟܢܘܼܫܬܵܝܗܝ. 67ܘܐܵܡܪܝܼ ܐܸܠܹܗ: ܐܸܢ ܐܲܢَܬ ܝܼܘܸܬ ܡܫܝܼܚܵܐ: ܐَܡܘܿܪ ܐܸܠܲܢ. ܐَܡܝܼܪܹܗ ܐܸܠܵܝܗܝ: ܐܸܢ ܐܵܡܪܸܢܵܘܟ̣ܘܿܢ: ܠܹܐ ܗܲܡܸܢܝܼܬܘܿܢ ܐܸܠܝܼ. 68ܘܐܸܢ ܒܵܩܪܸܢܵܘܟ̣ܘܿܢ: ܠܹܐ ܡܲܕܸܪܝܼܬܘܿܢ ܓ̰ܘܼܘܵܒ. 69ܡ̣ܢ ܐܵܕܝܼܵܐ ܒܸܬ ܗܵܘܹܐ ܒܪܘܿܢܹܗ ܕܐ݇ܢܵܫܵܐ ܝܬܝܼܒ̣ܵܐ ܡ̣ܢ ܝܲܡܝܼܢܵܐ ܕܚܲܝܠܵܐ ܕܐܲܠܵܗܵܐ. 70ܘܐܵܡܪܝܼ ܟܠܵܝܗܝ: ܒܲܣ ܐܲܢَܬ ܝܼܘܸܬ ܒܪܘܿܢܹܗ ܕܐܲܠܵܗܵܐ: ܐܵܡܸܪ ܐܸܠܵܝܗܝ: ܐܲܚܬܘܿܢ ܒܹܐܡܵܪܵܐ ܝܬܘܿܢ ܕܐܵܢܵܐ ܝܘܸܢ. 71ܐܵܡܪܝܼ ܡܘܼܕܝܼ ܐ݇ܚܹܪ݇ܢܵܐ ܠܵܙܸܡ ܝ݇ܠܵܗ̇ ܐܸܠܲܢ ܣܵܗܕܘܼܬܵܐ: ܣܵܒܵܒ ܐܲܚܢܲܢ ܫܡܸܥܠܲܢ ܡ̣ܢ ܦܘܼܡܹܗ.