0:00
/
1ܘܫܘܼܪܹܐܠܹܗ ܠܗܲܡܙܘܼܡܹܐ ܥܲܡܵܝܗܝ ܒܡܵܣܵܠܹ̈ܐ. ܚܲܕَ ܐ݇ܢܵܫܵܐ ܢܨܸܒ̣ܠܹܗ ܟܲܪܡܵܐ: ܘܥܒܸܕܠܹܗ ܚܵܕܸܪ̈ܘܵܢܹܗ ܣܝܵܓَ̣ܝܵܐ: ܘܚܦܸܪܹܗ ܓܵܘܹܗ ܡܲܥܨܲܪܬܵܐ: ܘܒܢܹܠܹܗ ܒܘܼܪܓ̰ܵܐ: ܘܣܘܼܦܹܠܹܗ ܠܦܵܠܵܚܹ̈ܐ: ܘܐَܙܸܠܹܗ ܠܪܸܚܩܵܐ. 2ܘܒܙܲܒ̣ܢܵܐ ܫܘܼܕܸܪܹܗ ܠܟܸܣ ܦܵܠܵܚܹ̈ܐ ܪܹܓܹܗ ܕܫܵܩܸܠ ܗ݇ܘܵܐ ܡ̣ܢ ܦܵܠܵܚܹ̈ܐ ܛܥܘܿܢܬܵܐ ܕܟܲܪܡܵܐ. 3ܘܐܵܢܝܼ ܕܒܸܩܠܗܘܿܢ ܐܸܠܹܗ ܘܡܚܹܐܠܗܘܿܢ: ܘܫܘܼܕܸܪܗܘܿܢ ܐܸܠܹܗ ܣܦܝܼܩܵܐ. 4ܘܫܘܼܕܸܪܹܗ ܡܸܢَܕܪܸܫَ ܠܟܸܣܠܵܝܗܝ ܚܲܕَ ܪܹܓܵܐ ܐ݇ܚܹܪ݇ܢܵܐ: ܘܐܘܼܦ ܠܗ̇ܘ ܕܘܼܪܒܸܢܗܘܿܢ ܪܹܫܹܗ: ܘܥܒܸܕܠܗܘܿܢ ܒܹܨܘܼܪ. 5ܘܫܘܼܕܸܪܹܗ ܚܲܕَ ܐ݇ܚܹܪ݇ܢܵܐ: ܘܐܘܼܦ ܠܗ̇ܘ ܩܛܸܠܗܘܿܢ. ܘܠܪܵܒܵܐ ܐ݇ܚܹܪ̈̄ܢܹܐ: ܘܡܸܢܵܝܗܝ ܡܚܹܐܠܗܘܿܢ: ܘܡܸܢܵܝܗܝ ܩܛܸܠܗܘܿܢ. 6ܐܝܼܬ ܗ݇ܘܵܐ ܠܹܗ ܚܲܕَ ܒܪܘܿܢܵܐ ܡܘܼܚܸܒܵܐ: ܘܫܘܼܕܸܪܹܗ ܐܸܠܹܗ ܠܟܸܣܠܵܝܗܝ ܒܐَܚܵܪܵܝܬܵܐ: ܟܲܕ ܐܵܡܸܪ: ܒܸܬ ܢܵܟܼܦܝܼ ܡ̣ܢ ܒܪܘܿܢܝܼ. 7ܐܝܼܢܵܐ ܐܵܢܝܼ ܦܵܠܵܚܹ̈ܐ ܐَܡܸܪܗܘܿܢ ܒܓܵܢܵܝܗܝ: ܐܵܗܵܐ ܝܠܹܗ ܡܝܼܪܲܬܓܵܪ. ܬܹܐܡܘܿܢ ܩܵܛܠܵܚܠܹܗ: ܘܒܸܬ ܗܵܘܝܵܐ ܕܝܲܢ ܡܝܼܪܲܬܓܵܪܘܼܬܵܐ. 8ܘܫܩܸܠܗܘܿܢ ܩܛܸܠܗܘܿܢ ܐܸܠܹܗ: ܘܦܘܼܠܸܛܠܗܘܿܢ ܐܸܠܹܗ ܠܒܲܕܲܪ ܡ̣ܢ ܟܲܪܡܵܐ. 9ܒܲܣ ܡܘܼܕܝܼ ܒܸܬ ܥܵܒܸܕ ܡܵܪܵܐ ܕܟܲܪܡܵܐ. ܒܸܬ ܐܵܬܹܐ ܘܬܵܠܸܩ ܠܐܵܢܝܼ ܦܵܠܵܚܹ̈ܐ: ܘܒܸܬ ܝܵܗَܒܸܠ ܠܹܗ ܟܲܪܡܵܐ ܠܐ݇ܚܹܪ݇ܢܵܐ. 10ܘܐܘܼܦ ܐܵܗܵܐ ܟܬܵܒ̣ܵܐ ܠܵܐ ܩܪܹܐܠܵܘܟ̣ܘܿܢ: ܟܹܐܦܵܐ ܕܡܘܼܣܠܹܐܠܗܘܿܢ ܒܲܢܹ̈ܐ: ܗ̇ܘ ܗَܘܹܐܠܹܗ ܠܪܹܫܵܐ ܕܩܸܪܢܝܼܬܵܐ. 11ܡ̣ܢ ܠܟܸܣ ܡܵܪܝܵܐ ܗَܘܹܐ ܠܵܗ̇ ܐܵܗܵܐ: ܘܥܵܓ̰ܸܒܘܼܬܵܐ ܝ݇ܠܵܗ̇ ܒܥܲܝ̈ܢܲܢ. 12ܘܛܵܥܝܼ ܗ݇ܘܵܘ ܠܸܕܒ̣ܵܩܹܗ: ܘܙܕܸܥܠܗܘܿܢ ܡ̣ܢ ܛܵܝܸܦܵܐ: ܣܵܒܵܒ ܕܝܕܸܥܠܗܘܿܢ ܕܥܲܠܵܝܗܝ ܐَܡܝܼܪܹܗ ܐܵܗܵܐ ܡܵܣܵܠܵܐ. ܘܫܒܸܩܠܗܘܿܢ ܐܸܠܹܗ: ܘܐَܙܸܠܗܘܿܢ. 13ܡܫܘܼܕܸܪܗܘܿܢ ܠܟܸܣܠܹܗ ܐ݇ܢܵܫܹ̈ܐ ܡ̣ܢ ܦܪ̈ܝܼܫܹܐ: ܘܡ̣ܢ ܕܒܹܝܬ ܗܹܪܘܿܕܸܣ: ܕܨܵܝܕܝܼ ܗ݇ܘܵܘ ܠܹܗ ܒܗܹܡܸܙܡܵܢ. 14ܘܐܵܢܝܼ ܐ݇ܬܹܐܠܗܘܿܢ ܘܐَܡܸܪܗܘܿܢ ܐܸܠܹܗ: ܡܲܠܦܵܢܵܐ: ܒܝܼܕܵܥܝܵܐ ܝܘܵܚ ܕܫܲܪܝܼܪܵܐ ܝܘܸܬ: ܘܠܲܝܬ ܠܘܼܟܼ ܚܲܡ ܠܐ݇ܢܵܫܵܐ: ܣܵܒܵܒ ܠܹܐ ܚܵܝܪܸܬ ܠܦܵܬܵܐ ܕܐ݇ܢܵܫܵܐ: ܐܸܠܵܐ ܒܫܲܪܝܼܪܘܼܬܵܐ ܐܘܼܪܚܵܐ ܕܐܲܠܵܗܵܐ ܡܵܠܘܿܦܹܐ ܝܘܸܬ: ܒܕܲܣܬܘܼܪ ܝ݇ܠܵܗ̇ ܠܝܼܵܗَܒ̣ܵܐ ܚܲܪܓ̰ ܕܪܹܫܵܐ ܠܩܹܣܲܪ: ܝܲܢ ܠܵܐ: ܝܵܗَܒ̣ܵܚ: ܝܲܢ ܠܵܐ ܝܵܗَܒ̣ܵܚ: 15ܐܝܼܢܵܐ ܗ̇ܘ ܝܕܸܥܠܹܗ ܦܸܠܡܵܝ: ܘܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ ܓ̰ܵܪܘܿܒܝܼ ܝܬܘܿܢ: ܡܲܝܬَܡܘܿܢ ܠܝܼ ܕܝܼܢܵܪܵܐ ܕܚܵܙܸܢ. 16ܘܡܘܼܬَܝܹܠܗܘܿܢ ܐܸܠܹܗ. ܐܵܡܸܪ ܐܸܠܵܝܗܝ: ܕܡܵܢܝܼ ܝܠܹܗ ܐܵܗܵܐ ܫܸܟܠܵܐ ܘܣܸܟܵܐ: ܘܐܵܢܝܼ ܐَܡܸܪܗܘܿܢ: ܕܩܹܣܲܪ. 17ܘܝܼܫܘܿܥ ܐَܡܝܼܪܹܗ ܐܸܠܵܝܗܝ: ܕܩܹܣܲܪ ܗܲܒܠܘܿܢ ܠܩܹܣܲܪ: ܘܕܲܐܠܵܗܵܐ ܠܐܲܠܵܗܵܐ. ܘܥܘܼܓ̰ܸܒܠܗܘܿܢ ܒܝܹܗ. 18ܘܐ݇ܬܹܐܠܗܘܿܢ ܙܲܕܘܼܩܵܝܹ̈ܐ ܠܟܸܣܠܹܗ: ܐܵܢܝܼ ܕܟܹܐ ܐܵܡܪܝܼ ܕܠܲܝܬ ܩܝܵܡܬܵܐ: ܘܒܘܼܩܸܪܗܘܿܢ ܡܸܢܹܗ: ܘܐܵܡܪܝܼ. 19ܡܲܠܦܵܢܵܐ: ܡܘܼܫܹܐ ܟܬܸܒ̣ܠܹܗ ܐܸܠܲܢ: ܕܐܸܢ ܡܵܝܸܬ ܐܵܚܘܿܢܹܗ ܕܐ݇ܢܵܫܵܐ: ܘܫܵܒܸܩ ܒܲܟ̣ܬܵܐ: ܘܒܢܘܿܢܹ̈ܐ ܠܵܐ ܫܵܒܸܩ: ܓܵܒܸܪ ܐܵܚܘܿܢܹܗ ܒܲܟ̣ܬܹܗ: ܘܡܲܩܸܡ ܙܲܪܥܵܐ ܠܐܵܚܘܿܢܹܗ. 20ܫܲܒ̣ܥܵܐ ܐܵܚܘܿܢܘܵܬܹ̈ܐ ܐܝܼܬ ܗ݇ܘܵܘ. ܩܵܕَܡܵܝܵܐ ܓܒܸܪܹܗ ܒܲܟ̣ܬܵܐ: ܘܡܝܼܬܠܹܗ ܘܠܵܐ ܫܒܸܩܠܹܗ ܙܲܪܥܵܐ. 21ܘܗ̇ܘ ܕܬܪܹܝ ܫܩܝܼܠܵܠܹܗ: ܘܡܝܼܬܠܹܗ: ܟܲܕ ܐܘܼܦ ܗ̇ܘ ܠܵܐ ܫܒܸܩܠܹܗ ܙܲܪܥܵܐ. ܘܕܬܠܵܬَܐ ܗܲܕܟ̣ܵܐ. 22ܘܫܲܒ̣ܥܲܢܬܵܝ ܫܩܝܼܠܵܠܗܘܿܢ: ܘܠܵܐ ܫܒܸܩܠܗܘܿܢ ܙܲܪܥܵܐ. ܒܐَܚܲܪܬܵܐ ܕܟܠܵܝܗܝ ܐܘܼܦ ܗ̇ܝ ܒܲܟ̣ܬܵܐ ܡܝܼܬܠܵܗ̇. 23ܒܩܝܵܡܬܵܐ، ܕܐܲܝܢܝܼ ܡܸܢܵܝܗܝ ܒܸܬ ܗܵܘܝܵܐ ܒܲܟ̣ܬܵܐ: ܣܵܒܵܒ ܕܫܲܒ̣ܥܲܢܬܵܝ ܫܩܝܼܠܵܠܗܘܿܢ. 24ܘܐَܡܝܼܪܹܗ ܐܸܠܵܝܗܝ ܝܼܫܘܿܥ: ܠܹܐ ܝ݇ܠܵܗ̇ ܣܵܒܵܒ ܕܐܵܗܵܐ ܒܸܚܠܵܛܵܐ ܝܬܘܿܢ: ܕܠܹܐ ܝܬܘܿܢ ܒܝܼܕܵܥܝܵܐ ܟܬܵܒܹ̈ܐ: ܘܠܵܐ ܚܲܝܠܹܗ ܕܐܲܠܵܗܵܐ. 25ܣܵܒܵܒ ܐܝܼܡܲܢ ܕܩܵܝܡܝܼ ܡ̣ܢ ܡܝܼܬܹ̈ܐ: ܠܹܐ ܓܵܒ̣ܪܝܼ: ܐܘܼܦ ܠܹܐ ܦܵܝܫܝܼ ܝܘܼܗَܒܼܹܗ ܠܓܲܒ̣ܪܹ̈ܐ: ܐܸܠܵܐ ܐܲܝܟܼ ܡܲܠܲܐܟܹ̈ܐ ܕܒܫܡܲܝܵܐ ܝܢܵܐ. 26ܐܝܼܢܵܐ ܥܲܠ ܡܝܼܬܹ̈ܐ: ܕܩܵܝܡܝܼ: ܠܵܐ ܩܪܹܐܠܵܘܟ̣ܘܿܢ ܒܟܬܵܒ̣ܵܐ ܕܡܘܼܫܹܐ: ܕܵܐܟ̣ܝܼ ܡ̣ܢ ܣܲܢܝܵܐ ܗܘܼܡܙܸܡܠܹܗ ܥܲܡܹܗ ܐܲܠܵܗܵܐ: ܘܐَܡܝܼܪܹܗ: ܐܵܢܵܐ ܝܘܸܢ ܐܲܠܵܗܹܗ ܕܐܲܒ̣ܪܵܗܵܡ: ܘܐܲܠܵܗܹܗ ܕܐܝܼܣܚܵܩ: ܘܐܲܠܵܗܹܗ ܕܝܲܥܩܘܿܒ̣. 27ܠܹܐ ܝܠܹܗ ܐܲܠܵܗܵܐ ܕܡܝܼܬܹ̈ܐ: ܐܸܠܵܐ ܕܚܵܝܹ̈ܐ: ܪܵܒܵܐ ܒܸܚܠܵܛܵܐ ܝܬܘܿܢ. 28ܘܐَܬܹܐܠܹܗ ܚܲܕَ ܡ̣ܢ ܣܵܦܪܹ̈ܐ ܘܫܸܡܥܝܵܝܠܹܗ ܕܒܸܕܪܵܫܵܐ: ܘܚܙܹܐܠܹܗ ܕܨܦܵܝܝܼ ܓ̰ܘܼܘܵܒ ܡܘܼܕܸܪܹܗ ܐܸܠܵܝܗܝ: ܘܒܘܼܩܸܪܹܗ: ܐܲܝܢܝܼ ܦܘܼܩܕܵܢܵܐ ܩܵܕَܡܵܝܵܐ ܝܠܹܗ ܕܟܠܵܝܗܝ. 29ܓ̰ܘܼܘܸܒܠܹܗ ܝܼܫܘܿܥ: ܩܵܕَܡܵܝܵܐ ܡ̣ܢ ܟܠܵܝܗܝ ܦܘܼܩܕܵܢܹ̈ܐ: ܫܡܥܝܼ: ܝܼܣܪܵܝܹܠ: ܡܵܪܝܵܐ ܐܲܠܵܗܲܢ ܚܲܕَ ܡܵܪܝܵܐ ܝܠܹܗ. 30ܘܡܲܚܸܒܸܬ ܠܡܵܪܝܵܐ ܐܲܠܵܗܘܼܟ ܡ̣ܢ ܟܠܹܗ ܠܸܒܘܼܟ: ܘܡ̣ܢ ܟܠܹܗ ܓܵܢܘܼܟ: ܘܡ̣ܢ ܟܠܹܗ ܚܝܼܵܠܘܼܟܼ: ܘܡ̣ܢ ܟܠܹܗ ܚܲܝܠܘܼܟܼ: ܐܵܗܵܐ ܝܠܹܗ ܦܘܼܩܕܵܢܵܐ ܩܵܕَܡܵܝܵܐ. 31ܕܬܪܹܝ ܟܹܐ ܕܵܡܹܐ ܐܸܠܹܗ: ܡܲܚܸܒܸܬ ܠܫܒ̣ܵܒ̣ܘܼܟ ܐܲܝܟܼ ܓܵܢܘܼܟ. ܦܘܼܩܕܵܢܵܐ ܐ݇ܚܹܪ݇ܢܵܐ ܕܓܘܼܪܵܐ ܡ̣ܢ ܕܐܲܢܹܐ ܠܲܝܬ. 32ܐܵܡܸܪ ܐܸܠܹܗ ܗ̇ܘ ܣܵܦܪܵܐ: ܨܦܵܝܝܼ: ܪܵܒܝܼ: ܒܫܲܪܝܼܪܘܼܬܵܐ ܐܡܸܪܘܼܟ: ܕܚܲܕَ ܝܼܠܹܗ: ܘܠܲܝܬ ܐ݇ܚܹܪ݇ܢܵܐ 33ܫܒ̣ܘܿܩ ܡܸܢܹܗ. ܘܕܡܲܚܸܒ ܠܹܗ ܐ݇ܢܵܫܵܐ ܡ̣ܢ ܟܠܹܗ ܠܸܒܵܐ: ܘܡ̣ܢ ܟܠܹܗ ܚܝܼܵܠ: ܘܡ̣ܢ ܟܠܵܗ̇ ܓܵܢܵܐ: ܘܡ̣ܢ ܟܠܹܗ ܚܲܝܠܵܐ: ܘܕܡܲܚܸܒ ܠܫܒ̣ܵܒܹܗ ܐܲܝܟܼ ܓܵܢܹܗ: ܙܵܘܕܵܐ ܝ݇ܠܵܗ̇ ܡ̣ܢ ܟܠܵܝܗܝ ܝܲܩܝܼܪܹ̈ܐ ܬܲܡܵܡ ܘܕܸܒ̣ܚܹ̈ܐ. 34ܘܝܼܫܘܿܥ ܚܙܹܐܠܹܗ ܕܒܗܵܘܢܵܢܘܼܬܵܐ ܡܲܕܘܼܪܹܐ ܗ݇ܘܵܐ ܓ̰ܘܼܘܵܒ: ܘܐَܡܝܼܪܹܗ ܐܸܠܹܗ: ܠܹܐ ܝܘܸܬ ܪܸܚܩܵܐ ܡ̣ܢ ܡܲܠܟܘܼܬܵܐ ܕܐܲܠܵܗܵܐ. ܘܡܸܢَܕܪܸܫَ ܐ݇ܢܵܫܵܐ ܠܵܐ ܩܘܼܫܕܸܪܹܐ ܠܒܵܩܘܿܪܹܗ. 35ܘܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ: ܟܲܕ ܡܵܠܘܿܦܹܐ ܒܗܲܝܟܠܵܐ: ܕܵܐܟ̣ܝܼ ܒܹܐܡܵܪܵܐ ܝܢܵܐ ܣܵܦܪܹ̈ܐ ܕܡܫܝܼܚܵܐ ܒܪܘܿܢܹܗ ܕܕܵܘܝܼܕ ܝܼܠܹܗ. 36ܣܵܒܵܒ ܕܕܵܘܝܼܕ ܒܓܵܢܹܗ ܐَܡܝܼܪܹܗ ܒܪܘܼܚܵܐ ܕܩܘܼܕܫܵܐ: ܐَܡܝܼܪܹܗ ܡܵܪܝܵܐ ܠܡܵܪܝܼ: ܝܬܘܿܒ̣ ܠܘܼܟܼ ܡ̣ܢ ܝܲܡܝܼܢܝܼ: ܗܲܠ ܕܡܲܬܒܸܢ ܕܸܫܡܸܢܘܼ̈ܟ ܟܘܼܒ̣ܫܵܐ ܬܚܘܿܬ ܐܲܩܠܘܼ̈ܟ. 37ܕܵܘܝܼܕ ܒܓܵܢܹܗ ܒܸܩܪܵܝܹܗ ܝܠܹܗ ܡܵܪܝܵܐ: ܘܕܵܐܟ̣ܝܼ ܒܪܘܿܢܹܗ ܝܠܹܗ: ܘܪܵܒܵܐ ܟܸܢܫܵܐ ܫܵܡܹܥ ܗ݇ܘܵܐ ܠܹܗ ܒܚܲܕܘܼܬܵܐ. 38ܘܒܝܘܼܠܦܵܢܹܗ ܐَܡܝܼܪܹܗ ܐܸܠܵܝܗܝ: ܗَܘܹܝܡܘܿܢ ܗܸܫܝܵܪ ܡ̣ܢ ܣܵܦܪܹ̈ܐ ܕܒܵܥܝܼ ܒܠܒܸܫܝܵܬܹ̈ܐ ܝܵܪ̈ܝܼܟܹܐ ܚܵܕܪܝܼ: ܘܫܠܵܡܹ̈ܐ ܒܥܵܠܘܿܠܹ̈ܐ (ܗܵܘܝܼ ܠܗ݇ܘܿܢ). 39ܘܪܹܫܵܐ ܕܡܵܘܬܒܹ̈ܐ ܓܵܘ ܟܢܘܼܫܝܵܬܹ̈ܐ: ܘܪܹܫܵܐ ܕܝَܬܝܵܒܹ̈ܐ ܒܡܸܫܬܘܼܝܵܬܹ̈ܐ. 40ܐܵܢܝܼ ܕܟܹܐ ܐܵܟ̣ܠܝܼ ܒܵܬܹ̈ܐ ܕܐܲܪ̈ܡܸܠܝܵܬܹܐ: ܘܒܡܵܗܵܢܵܐ ܟܹܐ ܡܲܪܝܸܟ̣ܝܼ ܨܠܵܘܵܬܵܝ̈ܗܝ. ܐܵܢܝܼ ܒܸܬ ܩܵܒ̇ܠܝܼ ܕܝܼܘܵܢ ܙܵܘܕܵܐ. 41ܘܟܲܕ ܝܬܸܒ̣ܠܹܗ ܝܼܫܘܿܥ ܠܒܲܪܩܘܼܒ̣ܠ ܕܒܹܝܬ ܚܲܙܝܼܢܵܐ: ܒܸܚܝܵܪܵܐ ܗ݇ܘܵܐ ܕܵܐܟ̣ܝܼ ܟܸܢܫܵܐ ܒܸܕܪܵܝܵܐ ܗ݇ܘܵܘ ܙܘܼܙܵܐ ܓܵܘ ܚܲܙܝܼܢܵܐ: ܘܪܵܒܵܐ ܕܵܘܠܲܬܡܲܢܕܹ̈ܐ ܒܸܕܪܵܝܵܐ ܗ݇ܘܵܘ ܪܵܒܵܐ. 42ܘܐَܬܹܐܠܵܗ̇ ܚܕܵܐ ܐܲܪܡܸܠܬܵܐ ܡܸܣܟܸܢܬܵܐ: ܕܪܹܐܠܵܗ̇ ܬܪܹܝ ܫܵܡܘܿܢܹ̈ܐ ܕܝܼܢܵܐ ܫܵܗ̈ܝܼܹܐ. 43ܘܩܪܹܐܠܹܗ ܠܬܲܠܡܝܼܕܘܼ̈ܗܝ: ܘܐَܡܝܼܪܹܗ ܐܸܠܵܝܗܝ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܐܵܗܵܐ ܐܲܪܡܸܠܬܵܐ ܡܸܣܟܸܢܬܵܐ ܙܵܘܕܵܐ ܡ̣ܢ ܟܠܵܝܗܝ ܐ݇ܢܵܫܹ̈ܐ ܕܒܸܕܪܵܝܵܐ ܝܢܵܐ ܕܪܹܠܵܗ̇ ܓܵܘ ܚܲܙܝܼܢܵܐ. 44ܣܵܒܵܒ ܟܠܵܝܗܝ ܡ̣ܢ ܡܸܢܕܝܼ ܕܝܼܠܹܗ ܙܵܘܕܵܐ ܐܸܠܵܝܗܝ ܕܪܹܐܠܗܘܿܢ: ܐܝܼܢܵܐ ܐܵܗܵܐ ܡ̣ܢ ܒܵܨܘܿܪܘܼܬܵܗ̇ ܟܠ ܕܐܝܼܬ ܗ݇ܘܵܐ ܠܵܗ̇ ܕܪܹܠܵܗ̇ ܐܸܠܹܗ: ܟܠܵܝܗܝ ܚܲܝܘܼ̈ܗ̇.