0:00
/
1ܘܟܲܕ ܦܠܸܛܠܹܗ ܗ̇ܘ ܡ̣ܢ ܗܲܝܟܠܵܐ: ܐَܡܝܼܪܹܗ ܐܸܠܹܗ ܚܲܕَ ܡ̣ܢ ܬܲܠܡܝܼܕܘܼ̈ܗܝ: ܡܲܠܦܵܢܵܐ: ܚܙܝܼ: ܕܵܐܟ̣ܝܼ ܟܹܐܦܹ̈ܐ: ܘܕܵܐܟ̣ܝܼ ܒܸܢܝܵܢܹ̈ܐ. 2ܘܝܼܫܘܿܥ ܐَܡܝܼܪܹܗ ܐܸܠܹܗ: ܒܸܚܙܵܝܵܐ ܝܘܸܬ ܐܲܢܹܐ ܒܸܢܝܵܢܹ̈ܐ ܓܘܼܪܹ̈ܐ: ܠܹܐ ܗܵܘܝܵܐ ܫܒ̣ܝܼܩܬܵܐ ܠܲܐܟ̣ܵܐ ܟܹܐܦܵܐ ܥܲܠ ܟܹܐܦܵܐ: ܕܠܹܐ ܦܵܝܫܵܐ ܣܬܝܼܪܬܵܐ. 3ܘܟܲܕ ܝܬܸܒ̣ܠܹܗ ܗ̇ܘ ܒܛܘܼܪܵܐ ܕܙܲܝܬܹ̈ܐ ܠܒܲܪܩܘܼܒ̣ܠ ܕܗܲܝܟܠܵܐ: ܒܘܼܩܸܪܗܘܿܢ ܡܸܢܹܗ ܟܹܐܦܵܐ ܘܝܲܥܩܘܿܒ̣ ܘܝܘܿܚܲܢܵܢ ܘܐܲܢܕܪܹܐܘܿܣ ܒܢܲܦ̮ܫܵܝܗܝ. 4ܘܐَܡܘܿܪ ܐܸܠܲܢ ܐܝܼܡܲܢ ܐܲܢܹܐ ܒܸܬ ܗܵܘܝܼ: ܘܡܘܼܕܝܼ ܝܠܹܗ ܢܝܼܫܲܢܩܵܐ ܐܝܼܡܲܢ ܕܗܕܝܼܪܹܐ ܝܢܵܐ ܐܲܢܹܐ ܟܠܵܝܗܝ ܠܸܦܝܵܫܵܐ ܬܘܼܡܸܡܹܐ. 5ܘܫܘܼܪܹܐܠܹܗ ܝܼܫܘܿܥ ܠܹܐܡܵܪܵܐ ܐܸܠܵܝܗܝ: ܚܙܹܝܡܘܿܢ ܕܠܵܐ ܐ݇ܢܵܫܵܐ ܡܲܚܠܸܛ ܠܵܘܟ̣ܘܿܢ. 6ܪܵܒܵܐ ܒܸܬ ܐܵܬܝܼ ܒܫܸܡܝܼ ܘܐܵܡܪܝܼ: ܐܵܢܵܐ ܝܘܸܢ: ܘܠܪܵܒܵܐ ܒܸܬ ܡܲܚܠܸܛܝܼ. 7ܐܝܼܢܵܐ ܐܝܼܡܲܢ ܕܫܵܡܥܝܼܬܘܿܢ ܦܠܵܫܹ̈ܐ ܘܒܘܼܬܐ ܕܦܠܵܫܹ̈ܐ: ܠܵܐ ܙܵܕܥܝܼܬܘܿܢ: ܘܵܓ̰ܸܒ ܝ݇ܠܵܗ̇ ܕܗܵܘܹܐ: ܐܸܠܵܐ ܗܵܠܵܐ ܠܵܐ ܐَܚܲܪܬܵܐ. 8ܣܵܒܵܒ ܕܒܸܬ ܩܵܝܸܡ ܛܵܝܸܦܵܐ ܥܲܠ ܛܵܝܸܦܵܐ: ܘܡܲܠܟܘܼܬܵܐ ܥܲܠ ܡܲܠܟܘܼܬܵܐ: ܘܒܸܬ ܗܵܘܝܼ ܪܵܘܕܵܢܹܐ ܒܕܘܼܟܵܐ ܕܘܼܟܵܐ: ܘܒܸܬ ܗܵܘܝܼ ܟܸܦܢܹ̈ܐ ܘܫܓ̣ܘܼܫܝܹ̈ܐ. ܐܲܢܹܐ ܝܢܵܐ ܪܹܫܵܐ ܕܚܸܒ̣ܠܹ̈ܐ. 9ܐܝܼܢܵܐ ܚܙܹܝܡܘܿܢ ܐܲܚܬܘܿܢ ܒܓܵܢܵܘܟ̣ܘܿܢ: ܣܵܒܵܒ ܕܒܸܬ ܣܵܦܝܼ ܠܵܘܟ̣ܘܿܢ ܠܟܸܢܫܹ̈ܐ ܕܪܵܐܝܼ: ܘܓܵܘ ܟܢܘܼܫܝܵܬܹ̈ܐ ܒܸܬ ܦܵܝܫܝܼܬܘܿܢ ܓ̰ܘܼܢܓ̰ܸܪܹܐ: ܘܩܵܕَܡ ܡܲܠܟܹ̈ܐ ܘܗܵܟܝܼܡܹ̈ܐ ܒܸܬ ܟܵܠܝܼܬܘܿܢ ܒܚܵܬܸܪ ܕܝܼܝܼ: ܠܣܵܗܕܘܼܬܵܝܗܝ. 10ܐܝܼܢܵܐ ܩܵܕَܡܵܝܬܵܐ ܘܵܓ̰ܸܒ ܝ݇ܠܵܗ̇ ܕܦܵܝܫܵܐ ܡܘܼܟܪܸܙܬܵܐ ܡܲܫܚܲܕܬܵܐ ܒܟܠܵܝܗܝ ܛܵܝܸܦܹ̈ܐ. 11ܘܐܝܼܡܲܢ ܕܡܲܝܬَܝܝܼ ܠܵܘܟ̣ܘܿܢ ܘܣܵܦܝܼ ܠܵܘܟ̣ܘܿܢ: ܠܵܐ ܐܵܟ̣ܠܝܼܬܘܿܢ ܚܲܡ ܡܩܵܕَܡܵܝܬܵܐ ܡܘܼܕܝܼ ܒܸܬ ܗܲܡܙܸܡܝܼܬܘܿܢ: ܐܸܠܵܐ ܗ̇ܘ ܡܸܢܕܝܼ ܕܦܵܐܹܫ ܝܘܼܗَܒ̣ܵܐ ܐܸܠܵܘܟ̣ܘܿܢ ܒܗ̇ܝ ܣܵܥܲܬ: ܗ̇ܘ ܗܲܡܙܸܡܘܿܢ. ܣܵܒܵܒ ܠܹܐ ܝܠܹܗ ܐܲܚܬܘܿܢ ܕܗܲܡܙܘܼܡܹܐ ܝܬܘܿܢ: ܐܸܠܵܐ ܪܘܼܚܵܐ ܕܩܘܼܕܫܵܐ. 12ܘܒܸܬ ܣܵܦܹܐ ܐܵܚܘܿܢܵܐ ܠܐܵܚܘܿܢܹܗ ܠܡܵܘܬܵܐ: ܘܒܵܒܵܐ ܠܒܪܘܿܢܹܗ: ܘܒܸܬ ܩܵܝܡܝܼ ܒܢܘܿܢܹ̈ܐ ܥܲܠ ܐܲܒ̣ܵܗܵܝ̈ܗܝ: ܘܒܸܬ ܡܲܡܝܸܬܝܼ ܠܗ݇ܘܿܢ. 13ܘܒܸܬ ܗܵܘܹܝܬܘܿܢ ܣܸܢܝܹ̈ܐ ܡ̣ܢ ܟܠ ܐ݇ܢܵܫܵܐ ܒܚܵܬܸܪ ܕܫܸܡܝܼ: ܐܝܼܢܵܐ ܡ̇ܢ ܕܚܵܡܸܠ ܗܲܠ ܐَܚܲܪܬܵܐ: ܗ̇ܘ ܒܸܬ ܚܲܝܹܐ. 14ܐܝܼܢܵܐ ܐܝܼܡܲܢ ܕܚܵܙܹܝܬܘܿܢ ܢܝܼܫܲܢܩܵܐ ܛܲܡܵܐܐ ܕܚܵܪܵܒܝܼܘܼܬܵܐ: ܗ̇ܘ ܕܝܼܠܹܗ ܐَܡܝܼܪܵܐ ܒܕܵܢܝܼܐܹܝܠ ܢܒ̣ܝܼܵܐ: ܒܸܟܠܵܝܵܐ ܐܲܝܟܵܐ ܕܠܹܐ ܝ݇ܠܵܗ̇ ܘܵܓ̰ܸܒ: ܗ̇ܘ ܕܩܵܪܹܐ ܦܲܪܡܹܐ: ܗ̇ܝܓܵܗ ܐܵܢܝܼ ܕܝܼܢܵܐ ܓܵܘ ܝܼܗܘܼܕ ܥܵܪܩܝܼ ܠܛܘܼܪ̈ܵܢܹܐ. 15ܘܡ̇ܢ ܕܝܼܠܹܗ ܥܲܠ ܐܓܵܪܹܐ: ܠܵܐ ܨܵܠܹܐ: ܘܠܵܐ ܥܵܒܸܪ ܠܸܫܩܵܠܵܐ ܡܸܢܕܝܼ ܡ̣ܢ ܒܲܝܬܹܗ. 16ܘܡ̇ܢ ܕܝܼܠܹܗ ܓܵܘ ܚܲܩܠܵܐ: ܠܵܐ ܕܵܝܸܪ ܠܒܵܬَܪܹܗ ܕܫܵܩܸܠ ܠܒܸܫܬܹܗ. 17ܐܝܼܢܵܐ ܘܵܝ ܠܐܵܢܝܼ ܕܝܼܢܵܐ ܒܛܝܼܢܹܐ: ܘܠܐܵܢܝܼ ܕܡܲܡܸܨܝܼ: ܒܐܵܢܝܼ ܝܵܘܡܵܢܹ̈ܐ. 18ܘܨܲܠܹܝܡܘܿܢ ܕܠܵܐ ܗܵܘܹܐ ܥܪܵܩܵܘܟ̣ܘܿܢ ܒܣܸܬܘܵܐ. 19ܣܵܒܵܒ ܕܒܸܬ ܗܵܘܹܐ ܐܘܼܠܨܵܢܵܐ ܒܐܵܢܝܼ ܝܵܘܡܵܢܹ̈ܐ: ܕܠܵܐ ܗَܘܹܐܠܹܗ ܐܲܝܟܼ ܕܝܹܗ ܡ̣ܢ ܪܹܫܵܐ ܕܒܪܝܼܬܵܐ ܕܒܪܹܠܹܗ ܐܲܠܵܗܵܐ ܘܗܲܠ ܐܵܕܝܼܵܐ: ܘܠܹܐ ܗܵܘܹܐ. 20ܘܐܸܢ ܡܵܪܝܵܐ ܠܵܐ ܡܲܟܪܹܐ ܗ݇ܘܵܐ ܠܐܵܢܝܼ ܝܵܘܡܵܢܹ̈ܐ: ܠܹܐ ܚܲܝܹܐ ܗ݇ܘܵܐ ܟܠ ܒܸܣܪܵܐ: ܐܸܠܵܐ ܒܚܵܬܸܪ ܕܓܘܼܒ̇ܝܹ̈ܐ 21ܕܓܘܼܒܹܠܹܗ ܡܘܼܟܪܹܠܹܗ ܠܐܵܢܝܼ ܝܵܘܡܵܢܹ̈ܐ. ܐܸܢ ܐ݇ܢܵܫܵܐ ܐܵܡܸܪ ܐܸܠܵܘܟ̣ܘܿܢ: ܗܵܐ: ܠܲܐܟ̣ܵܐ ܝܠܹܗ ܡܫܝܼܚܵܐ: ܝܲܢ ܗܵܐ: ܬܵܡܵܐ: ܠܵܐ ܗܲܡܸܢܝܼܬܘܿܢ. 22ܣܵܒܵܒ ܕܒܸܬ ܩܵܝܡܝܼ ܡܫܝܼܚܹ̈ܐ ܕܲܓܵܠܹ̈ܐ ܘܢܒ̣̈ܝܹܐ ܕܲܓܵܠܹ̈ܐ: ܘܒܸܬ ܝܵܗَܒ̣ܝܼ ܢܝܼܫܲܢܩܹ̈ܐ ܘܥܵܓ̰ܸܒܘܵܬ̈ܵܐ: ܕܡܲܚܠܸܛܝܼ: ܐܸܢ ܡܵܨܝܵܐ: ܐܘܼܦ ܠܓܘܼܒ̇ܝܹ̈ܐ. 23ܐܝܼܢܵܐ ܐܲܚܬܘܿܢ ܗَܘܹܝܡܘܿܢ ܗܸܫܝܵܪ. ܗܵܐ: ܡܩܵܕَܡܵܝܬܵܐ ܐَܡܸܪܝܼ ܐܸܠܵܘܟ̣ܘܿܢ ܟܠ ܡܸܢܕܝܼ. 24ܐܝܼܢܵܐ ܒܐܵܢܝܼ ܝܵܘܡܵܢܹ̈ܐ: ܡܒܵܬَܪ ܕܗ̇ܘ ܐܘܼܠܨܵܢܵܐ: ܫܸܡܫܵܐ ܒܸܬ ܚܵܒܹܐ: ܘܣܲܗܪܵܐ ܠܹܐ ܝܵܗَܒܸܠ ܒܲܗܪܹܗ. 25ܘܟܵܘܟ̣ܒܹ̈ܐ ܒܸܬ ܗܵܘܝܼ ܒܸܢܦܵܠܵܐ ܡ̣ܢ ܫܡܲܝܵܐ: ܘܚܲܝܠܵܘܵܬ̈ܵܐ ܕܫܡܲܝܹ̈ܐ ܒܸܬ ܦܵܝܫܝܼ ܡܘܼܫܥܸܫܹܐ. 26ܘܗ̇ܝܓܵܗ ܒܸܬ ܚܵܙܝܼ ܠܒܪܘܿܢܹܗ ܕܐ݇ܢܵܫܵܐ ܒܹܐܬܵܝܵܐ ܒܥܢܵܢܹ̈ܐ ܥܲܡ ܚܲܝܠܵܐ ܓܘܼܪܵܐ ܘܥܲܡ ܚܸܩܪܵܐ. 27ܘܗ̇ܝܓܵܗ ܒܸܬ ܫܵܕܸܪ ܡܲܠܲܐܟ̣ܘܼ̈ܗܝ ܘܒܸܬ ܓ̰ܲܡܸܥ ܠܓܘܼܒ̇ܝܘܼ̈ܗܝ ܡ̣ܢ ܐܲܪܒܲܥܢܬܵܝ ܦܵܘܚܹ̈ܐ: ܡ̣ܢ ܪܹܫܵܗ̇ ܕܐܲܪܥܵܐ ܘܗܲܠ ܪܹܫܵܗ̇ ܕܫܡܲܝܵܐ. 28ܐܝܼܢܵܐ ܡ̣ܢ ܐܝܼܠܵܢܵܐ ܕܬܹܐܢܵܐ ܝܠܘܿܦܘܿܢ ܡܵܣܵܠܵܐ: ܟܲܕ ܪܵܟܟ̣ܝܼ ܦܲܥܘܵܢܘܼ̈ܗܝ: ܘܒܲܪܛܸܢܝܼ ܛܲܪ̈ܦܘܼܗܝ: ܟܹܐ ܝܵܕܥܝܼܬܘܿܢ ܕܩܘܼܪܒܵܐ ܝܠܹܗ ܩܲܝܛܵܐ. 29ܗܲܕܟ̣ܵܐ ܐܘܼܦ ܐܲܚܬܘܿܢ: ܐܝܼܡܲܢ ܕܚܵܙܹܝܬܘܿܢ: ܐܲܢܹܐ ܒܸܗَܘܵܝܵܐ: ܝܕܸܥܡܘܿܢ ܕܩܘܼܪܒܵܐ ܝ݇ܠܵܗ̇ ܥܲܠ ܬܲܪ̈ܥܵܢܹܐ. 30ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܹܐ ܥܵܒ̣ܪܵܗ̇ ܐܵܗܵܐ ܐܘܼܓ̰ܵܓ̣: ܗܲܠ ܐܲܢܹܐ ܟܠܵܝܗܝ ܗܵܘܝܼ. 31ܫܡܲܝܵܐ ܘܐܲܪܥܵܐ ܒܸܬ ܥܵܒ̣ܪܝܼ: ܐܝܼܢܵܐ ܗܹܡܸܙܡܵܢܝܼ̈ ܠܹܐ ܥܵܒ̣ܪܝܼ. 32ܐܝܼܢܵܐ ܥܲܠ ܕܗ̇ܘ ܝܵܘܡܵܐ ܘܥܲܠ ܕܗ̇ܝ ܣܵܥܲܬ ܐ݇ܢܵܫܵܐ ܠܹܐ ܝܵܕܸܥ: ܐܘܼܦ ܠܵܐ ܡܲܠܲܐܟܹ̈ܐ ܕܫܡܲܝܵܐ: ܘܠܵܐ ܒܪܘܿܢܵܐ: ܐܸܠܵܐ ܒܵܒܵܐ. 33ܚܙܹܝܡܘܿܢ: ܥܒ̣ܘܿܕܘܿܢ ܫܵܗܲܪܬܵܐ ܘܨܲܠܹܝܡܘܿܢ: ܣܵܒܵܒ ܠܹܐ ܝܵܕܥܝܼܬܘܿܢ ܐܝܼܡܲܢ ܝܼܠܹܗ ܙܲܒ̣ܢܵܐ. 34ܐܲܝܟܼ ܐ݇ܢܵܫܵܐ ܝܠܹܗ ܕܪܚܸܫܠܹܗ ܠܪܸܚܩܵܐ: ܘܫܒܸܩܠܹܗ ܒܲܝܬܹܗ: ܘܝܘܼܗَܒܼܸܠܹܗ ܗܘܼܟܡܵܐ ܠܪܹ̈ܓܵܘܵܬܘܼܗܝ: ܘܠܟܠ ܐ݇ܢܵܫܵܐ ܦܘܼܠܚܵܢܹܗ: ܘܠܢܵܛܲܪ ܬܲܪܥܵܐ ܦܩܸܕܠܹܗ ܕܗܵܘܹܐ ܪܥܝܼܫܵܐ. 35ܥܒ̣ܘܿܕܘܿܢ ܫܵܗܲܪܬܵܐ ܗܲܕܟ̣ܵܐ: ܣܵܒܵܒ ܠܹܐ ܝܵܕܥܝܼܬܘܿܢ ܐܝܼܡܲܢ ܐܵܬܹܐ ܡܵܪܵܐ ܕܒܲܝܬܵܐ: ܒܪܲܡܫܵܐ: ܝܲܢ ܒܦܲܠܓܹܗ ܕܠܲܝܠܹܐ: ܝܲܢ ܒܩܪܵܝܵܐ ܕܩܵܪܘܿܝܵܐ: ܝܲܢ ܒܨܲܦܪܵܐ. 36ܠܵܐ ܗَܘܹܐ ܕܐܵܬܹܐ ܡܸܢܫܸܠܬܵܢܹܐ ܘܡܵܫَܟ̰ܸܚ ܠܵܘܟ̣ܘܿܢ ܕܡܝܼܟܹܐ. 37ܐܝܼܢܵܐ ܡܸܢܕܝܼ ܕܐܸܠܵܘܟ̣ܘܿܢ ܒܹܐܡܵܪܵܐ ܝܘܸܢ: ܠܟܠܵܝܗܝ ܒܹܐܡܵܪܵܐ ܝܘܸܢ: ܥܒ̣ܘܿܕܘܿܢ ܫܵܗܲܪܬܵܐ.