0:00
/
1ܘܥܒܸܪܹܗ ܝܼܫܘܿܥ ܡܸܢَܕܪܸܫَ ܠܟܦܲܪܢܵܚܘܿܡ ܡܒܵܬَܪ ܚܲܕܟܡܵܐ ܝܵܘܡܵܢܹ̈ܐ: ܘܦܸܫܠܵܗ̇ ܫܡܥܝܼܬܵܐ ܕܓܵܘ ܒܲܝܬܵܐ ܗ݇ܘܵܐ. 2ܘܓ̰ܡܸܥܠܗܘܿܢ ܪܵܒܵܐ: ܗܲܕܟ̣ܵܐ ܕܐ݇ܚܹܪ݇ܢܵܐ ܠܹܐ ܡܵܨܹܐ ܗ݇ܘܵܐ ܠܸܕܒ̣ܵܩܵܝܗܝ: ܐܘܼܦ ܠܵܐ ܩܵܕَܡ ܬܲܪܥܵܐ: ܘܗܲܡܙܸܡ ܗ݇ܘܵܐ ܥܲܡܵܝܗܝ ܗܹܡܸܙܡܵܢ. 3ܘܐ݇ܬܹܐܠܗܘܿܢ ܠܟܸܣܠܹܗ: ܘܡܘܼܬَܝܹܠܗܘܿܢ ܚܲܕَ ܫܦܝܠܵܐ ܟܲܕ ܫܩܝܼܠܵܐ ܒܹܝܠ ܐܲܪܒܥܵܐ. 4ܘܟܲܕ ܠܵܐ ܡܨܹܐܠܗܘܿܢ ܠܹܐܬܵܝܵܐ ܩܘܼܪܒܵܐ ܐܸܠܹܗ ܡܣܵܒܵܒ ܕܟܸܢܫܵܐ: ܓܘܼܠܹܐܠܗܘܿܢ ܠܫܟܘܼܪܹ̈ܐ ܐܲܝܟܵܐ ܕܝܼܗ݇ܘܵܐ: ܘܟܲܕ ܣܬܸܪܗܘܿܢ: ܟ̰ܘܼܢܒܸܠܵܐܠܗܘܿܢ ܫܘܝܼܬܵܐ ܕܕܸܪܝܵܐ ܗ݇ܘܵܐ ܒܝܼܘܼܗ̇ ܗ̇ܘ ܫܦܝܼܠܵܐ. 5ܘܟܲܕ ܚܙܹܐܠܹܗ ܝܼܫܘܿܥ ܠܗܲܝܡܵܢܘܼܬܵܝܗܝ: ܐَܡܝܼܪܹܗ ܠܫܦܝܼܠܵܐ: ܒܪܘܿܢܝܼ: ܫܒ̣ܝܼܩܹܐ ܝܢܵܐ ܐܸܠܘܼܟܼ ܚܛܝܼܵܬܘܼ̈ܟ. 6ܐܝܼܢܵܐ ܐܝܼܬ ܗ݇ܘܵܘ ܡ̣ܢ ܣܵܦܪܹ̈ܐ ܕܝܬܝܼܒܹܐ ܗ݇ܘܵܘ ܬܵܡܵܐ: ܘܒܸܚܫܵܒ̣ܵܐ ܒܠܸܒܵܝܗܝ. 7ܩܵܡܘܿܕܝܼ ܐܵܗܵܐ ܗܲܡܙܘܼܡܹܐ ܝܠܹܗ ܗܲܕܟ̣ܵܐ ܓܘܼܕܵܦܵܐ: ܡܵܢܝܼ ܟܹܐ ܡܵܨܹܐ ܠܸܫܒ̣ܵܩܵܐ ܚܛܝܼܵܬܹ̈ܐ ܫܒ̣ܘܿܩ ܡ̣ܢ ܚܲܕَ: ܐܲܠܵܗܵܐ. 8ܘܝܼܫܘܿܥ ܕܲܪܣܵܥܲܬ ܝܕܸܥܠܹܗ ܒܪܘܼܚܹܗ ܕܗܲܕܟ̣ܵܐ ܒܸܚܫܵܒ̣ܵܐ ܗ݇ܘܵܘ ܒܓܵܢܵܝܗܝ: ܘܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ ܒܸܚܫܵܒ̣ܵܐ ܝܬܘܿܢ ܐܲܢܹܐ ܒܠܸܒܵܘܟ̣ܘܿܢ. 9ܐܲܝܢܝܼ ܗܵܣܵܢܵܝܝܼ ܝ݇ܠܵܗ̇ ܠܹܐܡܵܪܵܐ ܠܫܦܝܼܠܵܐ: ܫܒ̣ܝܼܩܹܐ ܝܢܵܐ ܐܸܠܘܼܟܼ ܚܛܝܼܵܬܘܼ̈ܟ: ܝܲܢ ܠܹܐܡܵܪܵܐ: ܩܘܼܡَ: ܫܩܘܿܠ ܫܘܝܼܬܘܼܟ ܘܚܕ̇ܘܿܪ. 10ܐܝܼܢܵܐ ܕܝܵܕܥܝܼܬܘܿܢ ܕܐܝܼܬ ܗܘܼܟܡܵܐ ܠܒܪܘܿܢܹܗ ܕܐ݇ܢܵܫܵܐ ܒܐܲܪܥܵܐ ܠܸܫܒ̣ܵܩܵܐ ܚܛܝܼܵܬܹ̈ܐ: ܐَܡܝܼܪܹܗ ܠܫܦܝܼܠܵܐ. 11ܐܸܠܘܼܟܼ ܒܹܐܡܵܪܵܐ ܝܘܸܢ: ܩܘܼܡَ: ܫܩܘܿܠ ܫܘܝܼܬܘܼܟ: ܘܙܹܠَܐ ܠܒܲܝܬܘܼܟ. 12ܘܗܲܪ ܒܗ̇ܝ ܣܵܥܲܬ ܩܸܡܠܹܗ: ܘܫܩܸܠܹܗ ܫܘܝܼܬܹܗ: ܘܦܠܸܛܠܹܗ ܩܵܕَܡ ܟܠܵܝܗܝ: ܕܵܐܟ̣ܝܼ ܕܥܵܓ̰ܒܝܼ ܗ݇ܘܵܘ ܟܠܵܝܗܝ: ܘܫܵܒܚܝܼ ܗ݇ܘܵܘ ܠܐܲܠܵܗܵܐ: ܟܲܕ ܐܵܡܪܝܼ: ܗܲܪ ܠܵܐ ܚܙܹܐܠܲܢ ܗܲܕܟ̣ܵܐ. 13ܘܦܠܸܛܠܹܗ ܡܸܢَܕܪܸܫَ ܠܟܸܣ ܝܵܡܵܐ: ܘܟܠܹܗ ܟܸܢܫܵܐ ܒܹܐܬܵܝܵܐ ܗ݇ܘܵܘ ܠܟܸܣܠܹܗ: ܘܡܵܠܘܿܦܵܝܗܝ ܗ݇ܘܵܐ. 14ܘܟܲܕ ܒܸܥܒ̣ܵܪܵܐ: ܚܙܹܐܠܹܗ ܠܠܹܘܝܼ ܒܲܪ ܚܲܠܦܲܝ: ܝܬܝܼܒ̣ܵܐ ܒܕܘܼܟܵܐ ܕܕܲܡܓ̣ܵܐ: ܘܐَܡܝܼܪܹܗ ܐܸܠܹܗ: ܬܵܐ ܒܵܬَܪܝܼ: ܘܩܸܡܠܹܗ ܐَܙܸܠܹܗ ܒܵܬَܪܹܗ. 15ܘܗَܘܹܐ ܠܵܗ̇ ܟܲܕ ܝܬܝܼܒ̣ܵܐ ܗ݇ܘܵܐ ܠܨܘܼܦܪܵܐ ܒܒܲܝܬܹܗ: ܪܵܒܵܐ ܕܲܡܓ̣ܵܟ̈ܝܹܐ ܘܚܲܛܵܝܹ̈ܐ ܝܬܝܼܒܹܐ ܗ݇ܘܵܘ ܥܲܡ ܝܼܫܘܿܥ ܘܥܲܡ ܬܲܠܡܝܼܕܘܼ̈ܗܝ: ܣܵܒܵܒ ܕܪܵܒܵܐ ܗ݇ܘܵܘ: ܘܬܹܐܠܗܘܿܢ ܒܵܬَܪܹܗ. 16ܘܣܵܦܪܹ̈ܐ ܘܦܪ̈ܝܼܫܹܐ: ܟܲܕ ܚܙܹܐܠܗܘܿܢ ܐܸܠܹܗ ܒܹܐܟ̣ܵܠܵܐ ܥܲܡ ܕܲܡܓ̣ܵܟ̰ܝܹ̈ܐ ܘܥܲܡ ܚܲܛܵܝܹ̈ܐ: ܐَܡܸܪܗܘܿܢ ܠܬܲܠܡܝܼܕܘܼ̈ܗܝ: ܩܵܡܘܿܕܝܼ ܥܲܡ ܕܲܡܓ̣ܵܟ̰̈ܝܹܐ ܘܚܲܛܵܝܹ̈ܐ ܒܹܐܟ̣ܵܠܵܐ ܝܠܹܗ ܘܒܸܫܬܵܝܵܐ. 17ܘܟܲܕ ܫܡܸܥܠܹܗ ܝܼܫܘܿܥ: ܐَܡܝܼܪܹܗ ܐܸܠܵܝܗܝ: ܠܹܐ ܝܢܵܐ ܣܢܝܼܩܹܐ ܐܵܢܝܼ ܕܝܼܢܵܐ ܨܵܚ ܥܲܠ ܗܲܟܝܼܡ: ܐܸܠܵܐ ܐܵܢܝܼ ܕܡܸܪܥܝܹܐ ܝܢܵܐ. ܠܵܐ ܐَܬܹܐܠܝܼ ܕܩܵܪܸܢ ܠܙܲܕܝܼܩܹ̈ܐ: ܐܸܠܵܐ ܠܚܲܛܵܝܹ̈ܐ. 18ܐܝܼܢܵܐ ܬܲܠܡܝܼܕܹ̈ܐ ܕܝܘܿܚܲܢܵܢ ܘܦܪ̈ܝܼܫܹܐ ܒܸܨܝܵܡܵܐ ܗ݇ܘܵܘ. ܘܐ݇ܬܹܐܠܗܘܿܢ ܘܐܵܡܪܝܼ ܐܸܠܹܗ: ܩܵܡܘܿܕܝܼ ܬܲܠܡܝܼܕܹ̈ܐ ܕܝܘܿܚܲܢܵܢ ܘܕܦܪ̈ܝܼܫܹܐ ܟܹܐ ܨܵܝܡܝܼ: ܘܬܲܠܡܝܼܕܹ̈ܐ ܕܝܼܘܼܟ ܠܹܐ ܨܵܝܡܝܼ. 19ܐَܡܝܼܪܹܗ ܐܸܠܵܝܗܝ ܝܼܫܘܿܥ: ܟܹܐ ܡܵܨܝܼ ܕܓܢܘܿܢܵܐ ܨܵܝܡܝܼ ܟܡܵܐ ܕܚܸܬܢܵܐ ܥܲܡܵܝܗܝ ܝܠܹܗ: ܟܡܵܐ ܕܐܝܼܬ ܚܸܬܢܵܐ ܥܲܡܵܝܗܝ ܠܹܐ ܡܵܨܝܼ ܨܵܝܡܝܼ. 20ܐܝܼܢܵܐ ܒܸܬ ܐܵܬܝܼ ܝܵܘܡܵܢܹ̈ܐ: ܐܝܼܡܲܢ ܕܦܵܐܹܫ ܫܩܝ݇ܠܵܗ̇ ܡܸܢܵܝܗܝ ܚܸܬܢܵܐ: ܗ̇ܝܓܵܗ ܒܸܬ ܨܵܝܡܝܼ ܒܗ̇ܘ ܝܵܘܡܵܐ. 21ܐ݇ܢܵܫܵܐ ܠܹܐ ܕܵܪܹܗ ܥܵܪܵܝܬܵܐ ܚܲܕَܬܵܐ ܘܚܵܝܸܛ ܥܲܠ ܓ̰ܘܼܠܵܐ ܒܸܠܝܵܐ: ܘܐܸܢ ܠܵܐ: ܟܹܐ ܫܵܩܠܵܗ̇ ܡܸܠܝܘܼܬܘܼܗ̇ ܗ̇ܝ ܚܲܕَܬܵܐ ܡ̣ܢ ܒܸܠܝܵܐ: ܘܟܹܐ ܗܵܘܹܐ ܦܸܪܛܵܐ ܙܵܘܕܵܐ. 22ܘܐ݇ܢܵܫܵܐ ܠܹܐ ܕܵܪܹܗ ܚܲܡܪܵܐ ܚܲܕَܬܵܐ ܒܓܘܼܕܹ̈ܐ ܒܸܠܝܹ̈ܐ: ܘܐܸܢ ܠܵܐ: ܒܸܬ ܟ̰ܲܢܟ̰ܸܪ ܚܲܡܪܵܐ ܠܓܘܼܕܹ̈ܐ: ܘܚܲܡܪܵܐ ܒܸܬ ܬܵܠܸܩ: ܐܘܼܦ ܓܘܼܕܹ̈ܐ: ܐܸܠܵܐ ܟܹܐ ܕܵܪܝܼ ܚܲܡܪܵܐ ܚܲܕَܬܵܐ ܒܓܘܼܕܹ̈ܐ ܚܲܕَܬܹ̈ܐ. 23ܘܗَܘܹܐ ܠܵܗ̇ ܕܒܹܐܙܠܵܐ ܗ݇ܘܵܐ ܝܼܫܘܿܥ ܒܫܲܒܬܵܐ ܓܵܘ ܡܲܙܪܲܥܝܵܐ: ܘܬܲܠܡܝܼܕܘܼ̈ܗܝ ܒܸܚܕܵܪܵܐ: ܘܫܘܼܪܹܠܗܘܿܢ ܒܸܫܠܵܓܵܐ ܒܘܼܠܹ̈ܐ. 24ܘܐܵܡܪܝܼ ܐܸܠܹܗ ܦܪ̈ܝܼܫܹܐ: ܚܙܝܼ: ܩܵܡܘܿܕܝܼ ܒܸܥܒ̣ܵܕܵܐ ܝܢܵܐ ܒܫܲܒܬܵܐ ܡܸܢܕܝܼ ܕܠܹܐ ܝܠܹܗ ܒܕܲܣܬܘܼܪ. 25ܐܵܡܸܪ ܐܸܠܵܝܗܝ: ܗܵܐ ܠܵܐ ܩܪܹܐܠܵܘܟ̣ܘܿܢ ܡܘܼܕܝܼ ܥܒܸܕܠܹܗ ܕܵܘܝܼܕ: ܟܲܕ ܣܢܝܼܩܵܐ ܗ݇ܘܵܐ ܘܟܦܸܢܹܗ: ܗ̇ܘ ܘܐܵܢܝܼ ܕܥܲܡܹܗ. 26ܕܵܐܟ̣ܝܼ ܥܒܼܸܪܹܗ ܓܵܘ ܒܲܝܬܹܗ ܕܐܲܠܵܗܵܐ: ܟܲܕ ܐܲܒ̣ܝܼܬܵܪ ܓܘܼܪܵܐ ܕܟܵܗܢܹ̈ܐ ܗ݇ܘܵܐ: ܘܠܲܚܡܵܐ ܕܦܵܬܘܿܪܹܗ ܕܡܵܪܝܵܐ ܐܟܸܠܹܗ: ܗ̇ܘ ܕܠܹܐ ܝܠܹܗ ܒܕܲܣܬܘܼܪ ܠܹܐܟ̣ܵܠܵܐ ܫܒ̣ܘܿܩ ܡ̣ܢ ܠܟܵܗܢܹ̈ܐ: ܘܝܘܼܗَܒܼܸܠܹܗ ܐܘܼܦ ܠܐܵܢܝܼ ܕܥܲܡܹܗ. 27ܘܐَܡܝܼܪܹܗ ܐܸܠܵܝܗܝ: ܫܲܒܬܵܐ ܒܘܼܬ ܒܲܪܢܵܫܵܐ ܦܸܫܠܵܗ̇ ܒܪܝܼܬܵܐ: ܘܠܵܐ ܒܲܪܢܵܫܵܐ ܒܘܼܬ ܫܲܒܬܵܐ. 28ܡܵܪܵܐ ܝܠܹܗ ܗܲܕܟ̣ܵܐ ܐܘܼܦ ܕܫܲܒܬܵܐ ܒܪܘܿܢܹܗ ܕܐ݇ܢܵܫܵܐ.