0:00
/
1ܒܗ̇ܘ ܙܲܒ̣ܢܵܐ ܫܡܸܥܠܹܗ ܗܹܪܘܿܕܸܣ ܛܸܛܪܲܪܟܵܐ ܒܘܼܬ ܕܝܼܫܘܿܥ. 2ܘܐَܡܝܼܪܹܗ ܠܪܹ̈ܓܵܘܵܬܘܼܗܝ: ܐܵܗܵܐ ܝܘܿܚܲܢܵܢ ܡܲܥܡܕܵܢܵܐ ܝܠܹܗ: ܗ̇ܘ ܩܝܼܡܵܐ ܝܠܹܗ ܡ̣ܢ ܡܝܼܬܹ̈ܐ: ܣܵܒܵܒ ܕܐܵܗܵܐ ܚܲܝܠܹ̈ܐ ܦܝܵܫܵܐ ܝܢܵܐ ܦܠܝܼܚܹܐ ܒܝܹܗ. 3ܣܵܒܵܒ ܕܗܹܪܘܿܕܸܣ ܕܒ̣ܝܼܩܵܐ ܗ݇ܘܵܐ ܠܝܘܿܚܲܢܵܢ: ܘܐܣܸܪܹܗ ܘܕܪܹܐܠܹܗ ܓܵܘ ܒܹܝܬ ܐܲܣܝܼܪܹ̈ܐ ܒܘܼܬ ܗܹܪܘܿܕܝܼܵܐ: ܒܲܟ̣ܬܹܗ ܕܦܝܼܠܝܼܦܘܿܣ ܐܵܚܘܿܢܹܗ. 4ܣܵܒܵܒ ܕܐܵܡܸܪ ܗ݇ܘܵܐ ܠܹܗ ܝܘܿܚܲܢܵܢ: ܠܹܐ ܝ݇ܠܵܗ̇ ܒܕܲܣܬܘܼܪ ܕܗܵܘܝܵܐ ܐܸܠܘܼܟܼ ܠܒܲܟ̣ܬܵܐ. 5ܘܟܲܕ ܒܵܥܝܹܐ ܗ݇ܘܵܐ ܠܸܩܛܵܠܹܗ: ܙܕܸܥܠܹܗ ܡ̣ܢ ܛܵܝܸܦܵܐ: ܣܵܒܵܒ ܐܲܝܟܼ ܕܠܢܒ̣ܝܼܵܐ ܕܒ̣ܝܼܩܘܼܗܝ ܗ݇ܘܵܘ. 6ܐܝܼܢܵܐ ܟܲܕ ܗَܘܹܐܠܹܗ ܒܹܝܬ ܝܲܠܕܹܗ ܕܗܹܪܘܿܕܸܣ: ܪܩܸܕܠܵܗ̇ ܒܪܵܬܵܗ̇ ܕܗܹܪܘܿܕܝܼܵܐ ܩܵܕَܡܵܝܗܝ: ܘܫܦܸܪܵܐ ܠܗܹܪܘܿܕܸܣ. 7ܣܵܒܵܒ ܕܐܵܗܵܐ ܒܡܵܘܡܵܬܹ̈ܐ ܩܘܼܘܸܠܹܗ: ܕܝܵܗَܒܸܠ ܗ݇ܘܵܐ ܠܵܗ̇ ܟܠ ܡܸܢܕܝܼ ܕܛܵܠܒܵܐ ܗ݇ܘܵܐ. 8ܐܝܼܢܵܐ ܗ̇ܝ: ܣܵܒܵܒ ܕܡܘܼܠܸܦܬܵܐ ܗ݇ܘܵܐ ܡ̣ܢ ܝܸܡܵܗ̇: ܐَܡܝܼܪܵܗ̇: ܗܲܒَܠ ܠܝܼ ܠܲܐܟ̣ܵܐ ܒܛܲܫܬ ܪܹܫܹܗ ܕܝܘܿܚܲܢܵܢ ܡܲܥ̄ܡܕܵܢܵܐ. 9ܘܦܫܸܡܠܹܗ ܡܲܠܟܵܐ: ܐܝܼܢܵܐ ܣܵܒܵܒ ܕܡܵܘܡܵܬܹ̈ܐ ܘܐܵܢܝܼ ܕܝܬܝܼܒܹ̈ܐ ܗ݇ܘܵܘ ܠܨܘܼܦܪܵܐ ܥܲܡܹܗ: ܦܩܸܕܠܹܗ ܕܦܵܐܹܫ ܝܘܼܗَܒ̣ܵܐ ܐܸܠܘܼܗ̇. 10ܘܫܘܼܕܸܪܹܗ ܡܘܼܦܪܸܡܠܹܗ ܪܹܫܹܗ ܕܝܘܿܚܲܢܵܢ ܓܵܘ ܒܹܝܬ ܐܲܣܝܼܪܹ̈ܐ. 11ܘܦܸܫܠܹܗ ܡܘܼܬَܝܵܐ ܪܹܫܹܗ ܒܛܲܫܬ: ܘܦܸܫܠܹܗ ܝܘܼܗَܒ̣ܵܐ ܠܒܪܵܬܵܐ: ܘܡܘܼܬَܝ݇ܠܵܗ̇ ܐܸܠܹܗ ܠܝܸܡܵܗ̇. 12ܘܐ݇ܬܹܐܠܗܘܿܢ ܬܲܠܡܝܼܕܘܼ̈ܗܝ ܘܫܩܸܠܗܘܿܢ ܫܠܲܕܹܗ: ܘܩܒܸܪܗܘܿܢ ܐܸܠܹܗ: ܘܐ݇ܬܹܐܠܗܘܿܢ ܗܘܼܩܹܠܗܘܿܢ ܠܝܼܫܘܿܥ. 13ܐܝܼܢܵܐ ܝܼܫܘܿܥ ܟܲܕ ܫܡܸܥܠܹܗ: ܫܘܼܢܠܹܗ ܡ̣ܢ ܬܵܡܵܐ ܒܓܵܡܝܼ ܠܕܘܼܟܵܐ ܚܵܪܵܒܵܐ ܒܢܲܦ̮ܫܹܗ. ܘܟܲܕ ܫܡܸܥܠܗَܘܿܢ ܟܸܢܫܹ̈ܐ: ܐَܙܸܠܗܘܿܢ ܒܵܬَܪܹܗ ܒܒܸܪܙܵܐ ܡ̣ܢ ܡܕܝܼܢܵܬܹ̈ܐ. 14ܘܦܠܸܛܠܹܗ ܚܙܹܐܠܹܗ ܟܸܢܫܹ̈ܐ ܪܵܒܵܐ: ܘܪܘܼܚܸܡܠܹܗ ܥܲܠܵܝܗܝ: ܘܒܘܼܣܸܡܠܹܗ ܡܸܪ̈ܥܝܵܝܗܝ. 15ܘܟܲܕ ܗَܘܹܐܠܹܗ ܪܲܡܫܵܐ: ܐ݇ܬܹܐܠܗܘܿܢ ܠܟܸܣܠܹܗ ܬܲܠܡܝܼܕܘܼ̈ܗܝ: ܘܐَܡܸܪܗܘܿܢ ܐܸܠܹܗ: ܕܘܼܟܵܐ ܚܵܪܵܒܵܐ ܝ݇ܠܵܗ̇: ܘܥܕܵܢܵܐ ܥܒ̣ܝܼܪܬܵܐ ܝ݇ܠܵܗ̇: ܫܵܕܸܪ ܠܟܸܢܫܹ̈ܐ ܕܐܵܙܠَܝܼ ܠܡܵܬܘܵܬܹ̈ܐ: ܘܙܵܒ̣ܢܝܼ ܠܗ݇ܘܿܢ ܡܹܐܟ̣ܘܼܠܬܵܐ. 16ܐܝܼܢܵܐ ܝܼܫܘܿܥ ܐَܡܝܼܪܹܗ ܐܸܠܵܝܗܝ: ܠܹܐ ܝ݇ܠܵܗ̇ ܠܵܙܸܡ ܐܸܠܵܝܗܝ ܠܹܐܙܵܠܵܐ: ܗܲܒَܠܗܘܿܢ ܠܗ݇ܘܿܢ ܐܲܚܬܘܿܢ ܠܹܐܟ̣ܵܠܵܐ. 17ܐܝܼܢܵܐ ܐܵܢܝܼ ܐَܡܸܪܗܘܿܢ ܐܸܠܹܗ: ܠܲܝܬ ܠܲܢ ܠܲܐܟ̣ܵܐ: ܫܒ̣ܘܿܩ ܡ̣ܢ ܚܲܡܫܵܐ ܠܲܚܡܹ̈ܐ ܘܬܲܪ̈ܬܹܝ ܢܘܼܢܹ̈ܐ. 18ܘܗ̇ܘ ܐَܡܝܼܪܹܗ: ܡܲܝܬَܡܘܿܢ ܠܗ݇ܘܿܢ ܠܟܸܣܠܝܼ ܠܲܐܟ̣ܵܐ. 19ܘܦܩܸܕܠܹܗ ܠܟܸܢܫܹ̈ܐ ܠܸܬܝܵܒ̣ܵܐ ܥܲܠ ܓܸܠܵܐ: ܘܫܩܸܠܹܗ ܐܵܢܝܼ ܚܸܡܫܵܐ ܠܲܚܡܹ̈ܐ ܘܬܲܪ̈ܬܹܝ ܢܘܼܢܹ̈ܐ: ܘܚܸܪܹܗ ܒܫܡܲܝܵܐ ܘܒܘܼܪܸܟ̣ܠܹܗ: ܘܩܨܹܠܹܗ: ܘܝܘܼܗَܒܼܸܠܹܗ ܠܲܚܡܹ̈ܐ ܠܬܲܠܡܝܼܕܘܼ̈ܗܝ: ܘܬܲܠܡܝܼܕܹ̈ܐ ܠܟܸܢܫܹ̈ܐ. 20ܘܐَܟܼܸܠܗܘܿܢ ܟܠܵܝܗܝ ܘܣܒܸܥܠܗܘܿܢ: ܘܫܩܸܠܗܘܿܢ ܙܝܼܘܼܕܹ̈ܐ ܕܩܸܛܥܵܛܹ̈ܐ ܬܪܸܥܣܲܪ ܩܘܼܦܹ̈ܐ ܡܸܠܝܹ̈ܐ. 21ܐܝܼܢܵܐ ܐܵܢܝܼ ܐ݇ܢܵܫܹ̈ܐ ܕܐَܟܼܸܠܗܘܿܢ ܐܲܝܟܼ ܚܲܡܫܵܐ ܐܲܠܦܹ̈ܐ ܗ݇ܘܵܘ: ܫܒ̣ܘܿܩ ܡ̣ܢ ܒܲܟ̣ܬܵܬܹ̈ܐ ܘܝܲܠܘܼܕܹ̈ܐ. 22ܘܕܲܪܣܵܥܲܬ ܡܘܼܠܝܸܨܠܹܗ ܠܬܲܠܡܝܼܕܘܼ̈ܗܝ ܕܐܵܣܩܝܼ ܠܓܵܡܝܼ: ܘܐܵܙܠَܝܼ ܩܵܕَܡܘܼܗܝ ܠܗ̇ܘ ܓܹܒܵܐ ܐ݇ܚܹܪ݇ܢܵܐ: ܗܲܠ ܕܫܵܕܸܪ ܗ݇ܘܵܐ ܠܟܸܢܫܹ̈ܐ. 23ܘܟܲܕ ܫܘܼܕܪܵܝܠܹܗ ܟܸܢܫܹ̈ܐ: ܐ݇ܣܸܩܠܹܗ ܠܛܘܼܪܵܐ ܒܢܲܦ̮ܫܹܗ ܠܨܵܠܘܿܝܹܐ. ܘܟܲܕ ܗَܘܹܐܠܹܗ ܪܲܡܫܵܐ ܬܵܡܵܐ ܗ݇ܘܵܐ ܒܢܲܦ̮ܫܹܗ. 24ܘܓܵܡܝܼ ܪܸܚܩܵܐ ܗ݇ܘܵܐ ܡ̣ܢ ܐܲܪܥܵܐ ܐܸܣܛ̈ܕܵܘܵܬܵܐ ܪܵܒܵܐ: ܟܲܕ ܫܓ̣ܝܼܫܬܵܐ ܪܵܒܵܐ ܡ̣ܢ ܠܲܦܹ̈ܐ: ܣܵܒܵܒ ܦܵܘܚܵܐ ܠܒܲܪܩܘܒ̣ܠܘܼܗ̇ ܗ݇ܘܵܐ. 25ܘܒܒܲܕܠܵܐ ܕܐܲܪܒܲܥ ܕܠܲܝܠܹܐ ܐَܬܹܐܠܹܗ ܠܟܸܣܠܵܝܗܝ ܝܼܫܘܼܥ: ܒܸܚܕܵܪܵܐ ܥܲܠ ܝܵܡܵܐ. 26ܘܚܙܹܐܠܗܘܿܢ ܐܸܠܹܗ ܬܲܠܡܝܼܕܘܼ̈ܗܝ ܒܸܚܕܵܪܵܐ ܥܲܠ ܝܵܡܵܐ ܘܫܓܸܫܠܗܘܿܢ: ܒܹܐܡܵܪܵܐ: ܕܚܸܙܘܵܐ ܕܵܓܵܠܵܐ ܝܠܹܗ. ܘܡ̣ܢ ܙܕܘܼܥܬܵܝܗܝ ܡܘܼܩܘܸܚܠܗܘܿܢ. 27ܐܝܼܢܵܐ ܝܼܫܘܿܥ ܕܲܪܣܵܥܲܬ ܗܘܼܡܙܸܡܠܹܗ ܥܲܡܵܝܗܝ ܘܐَܡܝܼܪܹܗ: ܦܘܼܫܘܿܢ ܠܸܒܵܢܹ̈ܐ: ܐܵܢܵܐ ܝܘܸܢ: ܠܵܐ ܙܵܕܥܝܼܬܘܿܢ. 28ܘܓ̰ܘܼܘܸܒܠܹܗ ܟܹܐܦܵܐ ܘܐَܡܝܼܪܹܗ ܐܸܠܹܗ: ܡܵܪܝܼ: ܐܸܢ ܐܲܢَܬ ܝܼܘܸܬ: ܦܩܘܿܕ ܠܝܼ ܐܵܬܸܢ ܠܟܸܣܠܘܼܟܼ ܥܲܠ ܡ̈ܝܼܵܐ. 29ܘܗ̇ܘ ܐَܡܝܼܪܹܗ ܐܸܠܹܗ: ܬܵܐ. ܘܨܠܹܐܠܹܗ ܟܹܐܦܵܐ ܡ̣ܢ ܓܵܡܝܼ: ܘܚܕܸܪܹܗ ܥܲܠ ܡ̈ܝܼܵܐ ܕܐܵܬܹܐ ܗ݇ܘܵܐ ܠܟܸܣ ܝܼܫܘܿܥ. 30ܘܟܲܕ ܚܙܹܐܠܹܗ ܦܵܘܚܵܐ ܩܸܫܝܵܐ: ܙܕܸܥܠܹܗ: ܘܫܘܼܪܹܐܠܹܗ ܠܸܛܒܲܥܝܵܐ: ܘܡܘܼܪܸܡܠܹܗ ܩܵܠܹܗ ܘܐَܡܝܼܪܹܗ: ܡܵܪܝܼ: ܦܵܪܸܩ ܠܝܼ. 31ܘܕܲܪܣܵܥܲܬ ܦܘܼܫܛܵܠܹܗ ܐܝܼܕܹܗ ܝܼܫܘܿܥ ܘܕܒܸܩܠܹܗ: ܘܐَܡܝܼܪܹܗ ܐܸܠܹܗ: ܝܵܐ ܟܝܼܡ ܗܲܝܡܵܢܘܼܬܵܐ: ܩܵܡܘܿܕܝܼ ܦܸܫܠܘܿܟ ܕܘܼܒܵܪ. 32ܘܟܲܕ ܐܣܸܩܠܗܘܿܢ ܠܓܵܡܝܼ: ܫܠܹܐܠܹܗ ܦܵܘܚܵܐ. 33ܐܵܢܝܼ ܕܝܼܗ݇ܘܵܘ ܒܓܵܡܝܼ ܣܓܸܕܠܗܘܿܢ ܐܸܠܹܗ: ܘܐَܡܸܪܗܘܿܢ: ܒܬܪܘܿܨܬܵܐ ܒܪܘܿܢܹܗ ܕܐܲܠܵܗܵܐ ܝܘܸܬ. 34ܘܟܲܕ ܥܒܸܪܗܘܿܢ ܐ݇ܬܹܐܠܗܘܿܢ ܠܐܲܪܥܵܐ ܕܓܹܢܹܣܲܪ. 35ܘܝܕܸܥܠܗܘܿܢ ܐܸܠܹܗ ܐ݇ܢܵܫܹ̈ܐ ܕܗ̇ܝ ܕܘܼܟܵܐ: ܘܫܘܼܕܸܪܗܘܿܢ ܠܟܠܵܝܗܝ ܡܵܬܘܵܬܹ̈ܐ ܕܚܵܕܸܪ̈ܘܵܢܵܝܗܝ: ܘܡܘܼܬَܝܹܠܗܘܿܢ ܠܟܸܣܠܹܗ ܟܠܵܝܗܝ ܐܵܢܝܼ ܕܡܸܪ̈ܥܝܹܐ ܗ݇ܘܵܘ. 36ܘܦܘܼܪܦܸܠܗܘܿܢ ܒܝܹܗ ܕܕܵܩܪܝܼ ܗ݇ܘܵܘ ܗܲܪ ܒܫܸܦܘܼܠܵܐ ܕܠܒܸܫܬܹܗ: ܘܐܵܢܝܼ ܕܕܩܸܪܗܘܿܢ ܒܣܸܡܠܗܘܿܢ.