0:00
/
1ܣܵܒܵܒ ܟܹܐ ܕܵܡܝܵܐ ܡܲܠܟܘܼܬܵܐ ܕܫܡܲܝܵܐ ܠܐ݇ܢܵܫܵܐ ܡܵܪܹܐ ܒܲܝܬܵܐ: ܕܦܠܸܛܠܹܗ ܒܨܲܦܪܵܐ ܕܕܵܒܸܩ ܦܵܥܠܹ̈ܐ ܠܟܲܪܡܹܗ. 2ܘܩܛܸܥܠܹܗ ܥܲܡ ܦܵܥ̈ܠܹܐ ܡ̣ܢ ܕܝܼܢܵܪܵܐ ܒܝܵܘܡܵܢܹ̈ܐ: ܘܫܘܼܕܪܵܝܠܹܗ ܠܟܲܪܡܹܗ. 3ܘܦܠܸܛܠܹܗ ܒܣܵܥܲܬ ܕܬܠܵܬَ: ܘܚܙܹܐܠܹܗ ܐ݇ܚܹܪ̈݇ܢܹܐ ܟܸܠܝܹܐ ܒܫܘܼܩܵܐ ܒܵܛܝܼܠܹܐ. 4ܘܐَܡܝܼܪܹܗ ܐܸܠܵܝܗܝ: ܙܹܠَܡܘܿܢ ܐܘܼܦ ܐܲܚܬܘܿܢ ܠܟܲܪܡܵܐ: ܘܡܸܢܕܝܼ ܕܝܼܠܹܗ ܗܲܩ ܒܸܬ ܝܵܗَܒܸܢܵܘܟ̣ܘܿܢ. ܘܐܵܢܝܼ ܐَܙܸܠܗܘܿܢ: 5ܘܦܠܸܛܠܹܗ ܡܸܢَܕܪܸܫَ ܒܣܵܥܲܬ ܕܐܸܫܸܬ ܘܕܸܐܬܫܲܥ ܘܥܒܸܕܠܹܗ ܗܲܕܟ̣ܵܐ. 6ܘܐܲܝܟܼ ܒܣܵܥܲܬ ܕܚܲܕܸܥܣܲܪ ܦܠܸܛܠܹܗ ܘܡܘܼܫَܟ̰ܸܚܠܹܗ ܐ݇ܚܹܪ̈݇ܢܹܐ ܟܸܠܝܹ̈ܐ ܒܵܛܝܼܠܹ̈ܐ: ܘܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ ܟܸܠܝܹ̈ܐ ܝܬܘܿܢ ܠܲܐܟ̣ܵܐ ܟܠܹܗ ܝܵܘܡܵܐ ܒܵܛܝܼܠܹ̈ܐ. 7ܐܵܡܪܝܼ ܐܸܠܹܗ: ܕܐ݇ܢܵܫܵܐ ܠܵܐ ܕܒܸܩܠܹܗ ܐܸܠܲܢ. ܐَܡܝܼܪܹܗ ܐܸܠܵܝܗܝ: ܙܹܠَܡܘܿܢ ܐܘܼܦ ܐܲܚܬܘܿܢ ܠܟܲܪܡܵܐ. 8ܐܝܼܢܵܐ ܟܲܕ ܗَܘܹܐܠܹܗ ܪܲܡܫܵܐ: ܐَܡܝܼܪܹܗ ܡܵܪܵܐ ܕܟܲܪܡܵܐ ܠܢܵܙܝܼܪܹܗ: ܩܪܝܼ ܠܦܵܥ̈ܠܹܐ: ܘܗܲܒَܠ ܗܵܩܵܝܗܝ: ܘܫܵܪܝܼ ܡ̣ܢ ܐَܚܵܪ̈ܵܝܹܐ ܘܗܲܠ ܩܵܕَܡܵܝܹ̈ܐ. 9ܘܐ݇ܬܹܐܠܗܘܿܢ ܐܵܢܝܼ ܕܐܲܝܟܼ ܒܣܵܥܲܬ ܕܚܲܕܸܥܣܲܪ: ܫܩܸܠܗܘܿܢ ܚܲܕ݇ ܕܝܢܵܪܵܐ. 10ܘܟܲܕ ܐ݇ܬܹܐܠܗܘܿܢ ܩܵܕَܡܵܝܹ̈ܐ: ܚܫܸܒ̣ܠܗܘܿܢ ܕܙܵܘܕܵܐ ܒܸܬ ܫܵܩܠܝܼ ܗ݇ܘܵܘ: ܘܫܩܸܠܗܘܿܢ ܚܲܕ݇ ܕܝܢܵܪܵܐ ܐܘܼܦ ܐܵܢܝܼ. 11ܘܟܲܕ ܫܩܸܠܗܘܿܢ: ܛܘܼܪܛܸܡܠܗܘܿܢ ܥܲܠ ܡܵܪܹܐ ܒܲܝܬܵܐ. 12ܒܹܐܡܵܪܵܐ: ܐܲܢܹܐ ܐَܚܵܪ̈ܵܝܹܐ ܚܕܵܐ ܣܵܥܲܬ ܦܠܸܚܠܗܘܿܢ: ܘܥܒ̣ܝܼܕܵܝܠܘܼܟܼ ܒܵܪܵܒܵܪ ܥܲܡܲܢ ܕܛܥܸܢܲܢ ܝܘܼܩܪܹܗ ܕܝܵܘܡܵܐ ܘܚܸܡܹܗ. 13ܐܝܼܢܵܐ ܗ̇ܘ ܓ̰ܘܼܘܸܒܠܹܗ ܘܐَܡܝܼܪܹܗ ܠܚܲܕَ ܡܸܢܵܝܗܝ: ܚܲܒ̣ܪܝܼ: ܢܵܐܗܲܩ ܠܹܐ ܝܘܸܢ ܒܸܥܒ̣ܵܕܵܐ ܒܝܼܘܼܟ. ܠܹܐ ܗ݇ܘܵܐ ܒܕܝܢܵܪܵܐ ܩܛܸܥܠܘܼܟܼ ܥܲܡܝܼ. 14ܫܩܘܿܠ ܕܝܼܘܼܟ ܘܙܹܠَܐ. ܒܸܒܥܵܝܵܐ ܝܘܸܢ ܕܠܵܐܗܵܐ ܐَܚܵܪܵܝܵܐ ܝܵܗَܒܸܢ ܐܲܝܟܼ ܕܐܘܼܦ ܐܸܠܘܼܟܼ. 15ܝܲܢ ܠܹܐ ܝ݇ܠܵܗ̇ ܒܕܲܣܬܘܼܪ ܐܸܠܝܼ: ܕܡܸܢܕܝܼ ܕܒܵܣܡܵܐ ܠܝܼ ܥܵܒ̣ܕܸܢ ܒܕܝܼܝܼ: ܝܲܢ ܥܲܝܢܘܼܟ ܒܝܼܫܬܵܐ ܝ݇ܠܵܗ̇ ܣܵܒܵܒ ܕܐܵܢܵܐ ܛܵܒ̣ܵܐ ܝܘܸܢ. 16ܗܲܕܟ̣ܵܐ ܒܸܬ ܗܵܘܝܼ ܐَܚܵܪ̈ܵܝܹܐ ܩܵܕَܡܵܝܹ̈ܐ: ܘܩܵܕَܡܵܝܹ̈ܐ ܐَܚܵܪ̈ܵܝܹܐ. 17ܘܟܲܕ ܝܼܫܘܿܥ ܒܹܐܣܵܩܵܐ ܗ݇ܘܵܐ ܠܐܘܿܪܸܫܠܸܡ: ܠܘܼܒܸܠܹܗ ܠܬܪܸܥܣܲܪ ܬܲܠܡܝܼܕܘܼ̈ܗܝ ܒܹܝܠܹܗ ܘܐܸܠܵܝܗܝ: ܘܒܐܘܼܪܚܵܐ ܐَܡܝܼܪܹܗ ܐܸܠܵܝܗܝ. 18ܗܵܐ: ܒܹܐܣܵܩܵܐ ܝܘܵܚ ܠܐܘܿܪܸܫܠܸܡ: ܘܒܪܘܿܢܹܗ ܕܐ݇ܢܵܫܵܐ ܒܸܬ ܦܵܐܹܫ ܣܘܼܦܝܵܐ ܠܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ: ܘܒܸܬ ܥܵܒ̣ܕܝܼ ܠܹܗ ܓܘܼܢܵܗܟܵܪ ܠܡܵܘܬܵܐ. 19ܘܒܸܬ ܣܵܦܝܼ ܠܹܗ ܠܛܵܝܸܦܹ̈ܐ ܕܡܲܣܚܸܪܝܼ ܒܝܹܗ: ܘܓ̰ܲܢܓ̰ܸܪܝܼ ܠܹܗ: ܘܡܵܚܝܼܠܹܗ ܠܙܩܝܼܦܵܐ: ܘܒܝܵܘܡܵܢܹ̈ܐ ܕܬܠܬَܐ ܒܸܬ ܩܵܝܸܡ. 20ܗ̇ܝܓܵܗ ܐَܬܹܐܠܵܗ̇ ܠܟܸܣܠܹܗ ܝܸܡܵܐ ܕܒܢܘܿܢܹ̈ܐ ܕܙܲܒ̣ܕܲܝ ܥܲܡ ܒܢܘܿܢܘܼ̈ܗ̇: ܘܣܓܸܕܠܵܗ̇ ܐܸܠܹܗ ܘܛܵܠܒܵܐ ܗ݇ܘܵܐ ܡܸܢܹܗ ܡܸܢܕܝܼ. 21ܘܗ̇ܘ ܐَܡܝܼܪܹܗ ܐܸܠܵܗ̇: ܡܘܼܕܝܼ ܒܵܥܝܲܬܝ: ܐܵܡܪܵܗ̇ ܐܸܠܹܗ: ܐَܡܘܿܪ ܕܝܵܬܒ̣ܝܼ ܐܲܢܹܐ ܬܪܹܝ ܒܢܘܿܢܝܼ̈: ܚܲܕَ ܡ̣ܢ ܝܲܡܝܼܢܘܼܟ ܘܚܲܕَ ܡ̣ܢ ܣܸܡܵܠܘܼܟܼ ܒܡܲܠܟܘܼܬܘܼܟ. 22ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ: ܠܹܐ ܝܬܘܿܢ ܒܝܼܕܵܥܝܵܐ ܡܘܼܕܝܼ ܒܸܛܠܵܒܵܐ ܝܬܘܿܢ. ܡܵܨܹܝܬܘܿܢ ܠܸܫܬܵܝܵܐ ܟܵܣܵܐ ܕܐܵܢܵܐ ܗܕܝܼܪܵܐ ܝܘܸܢ ܠܸܫܬܵܝܵܐ: ܐܵܡܪܝܼ ܐܸܠܹܗ: ܟܹܐ ܡܵܨܵܚ. 23ܐܵܡܸܪ ܐܸܠܵܝܗܝ: ܟܵܣܝܼ ܗܲܪ ܒܸܬ ܫܵܬܹܝܬܘܿܢ: ܘܡܲܥܡܘܿܕܝܼܬܵܐ ܕܐܵܢܵܐ ܥܵܡܕܸܢ ܒܸܬ ܥܵܡܕܝܼܬܘܿܢ؛ ܐܝܼܢܵܐ ܠܸܬܝܵܒ̣ܵܐ ܡ̣ܢ ܝܲܡܝܼܢܝܼ ܘܡ̣ܢ ܣܸܡܵܠܝܼ: ܠܹܐ ܝ݇ܠܵܗ̇ ܕܝܼܝܼ ܕܝܵܗَܒܸܢ: ܐܸܠܵܐ ܠܐܵܢܝܼ ܕܦܸܫܠܵܗ̇ ܗܘܼܕܸܪܬܵܐ ܐܸܠܵܝܗܝ ܡ̣ܢ ܒܵܒܝܼ. 24ܐܝܼܢܵܐ ܟܲܕ ܫܡܸܥܠܗَܘܿܢ ܥܸܣܪܵܐ: ܟܪܸܒܠܗܘܿܢ ܥܲܠ ܕܐܵܢܝܼ ܬܪܹܝ ܐܵܚܘܿܢܘܵܬܹ̈ܐ. 25ܘܩܪܹܐܠܹܗ ܠܐܲܢܹܐ ܝܼܫܘܿܥ ܘܐَܡܝܼܪܹܗ ܐܸܠܵܝܗܝ: ܒܝܼܕܵܥܝܵܐ ܝܬܘܿܢ ܕܪܹ̈ܫܵܢܹܐ ܕܛܵܝܸܦܹ̈ܐ ܡܵܪ̈ܵܘܵܬܵܝܗܝ ܝܢܵܐ: ܘܓܘܼܪ̈ܵܢܵܝܗܝ ܟܹܐ ܥܵܒ̣ܕܝܼ ܗܘܼܟܡܵܐ ܥܲܠܵܝܗܝ. 26ܐܝܼܢܵܐ ܠܵܐ ܗܲܕܟ̣ܵܐ ܗܵܘܹܐ ܓܵܘܵܘܟ̣ܘܿܢ: ܐܸܠܵܐ ܡ̇ܢ ܕܒܵܥܝܹܐ ܗܵܘܹܐ ܓܵܘܵܘܟ̣ܘܿܢ ܓܘܼܪܵܐ: ܗܵܘܹܐ ܚܸܠܡܲܬܟܵܪܵܘܟ̣ܘܿܢ. 27ܘܡ̇ܢ ܕܒܵܥܝܹܐ ܗܵܘܹܐ ܩܵܕَܡܵܝܵܐ ܓܵܘܵܘܟ̣ܘܿܢ: ܒܸܬ ܗܵܘܹܐ ܪܹܓܵܘܟ̣ܘܿܢ. 28ܕܵܐܟ̣ܝܼ ܕܒܪܘܿܢܹܗ ܕܐ݇ܢܵܫܵܐ ܠܵܐ ܐَܬܹܐܠܹܗ ܕܦܵܐܹܫ ܥܒ̣ܝܼܕܵܐ ܚܸܠܡܲܬ: ܐܸܠܵܐ ܕܥܵܒܸܕ ܚܸܠܡܲܬ: ܘܕܝܵܗَܒܸܠ ܓܵܢܹܗ ܦܘܼܪܩܵܢܵܐ ܡܒܵܕܵܠ ܕܪܵܒܵܐ. 29ܘܟܲܕ ܦܠܸܛܠܹܗ ܝܼܫܘܿܥ ܡ̣ܢ ܐܝܼܪܝܼܚܘܿ: ܐَܬܹܐܠܹܗ ܒܵܬَܪܹܗ ܟܸܢܫܵܐ ܪܵܒܵܐ. 30ܘܗܵܐ: ܬܪܹܝ ܣܸܡܝܹ̈ܐ ܝَܬܝܼܒܼܹܐ ܝܗَܘܵܘ ܥܲܠ ܡܲܪܙܵܐ ܕܐܘܼܪܚܵܐ: ܘܟܲܕ ܫܡܸܥܠܗَܘܿܢ ܕܝܼܫܘܿܥ ܒܸܥܒ̣ܵܪܵܐ ܗ݇ܘܵܐ: ܝܸܗܒܸܠܗܘܿܢ ܩܵܠܵܐ ܒܹܐܡܵܪܵܐ: ܪܵܚܸܡ ܥܲܠܲܢ: ܡܵܪܝܵܐ: ܒܪܘܿܢܹܗ ܕܕܵܘܝܼܕ. 31ܐܝܼܢܵܐ ܟܸܢܫܵܐ ܢܓ̰ܘܼܠܹܗ ܒܝܼܵܝܗܝ ܕܫܵܬܩܝܼ. ܘܐܵܢܝܼ ܒܘܼܫ ܙܵܘܕܵܐ ܡܘܼܪܸܡܠܗܘܿܢ ܩܵܠܵܝܗܝ ܒܹܐܡܵܪܵܐ: ܪܵܚܸܡ ܥܲܠܲܢ: ܡܵܪܝܵܐ: ܒܪܘܿܢܹܗ ܕܕܵܘܝܼܕ. 32ܘܟܠܹܐܠܹܗ ܝܼܫܘܿܥ ܘܩܸܪܝܵܝܠܹܗ: ܘܐَܡܝܼܪܹܗ: ܡܘܼܕܝܼ ܒܵܥܹܝܬܘܿܢ ܕܥܵܒ̣ܕܸܢܵܘܟ̣ܘܿܢ. 33ܐܵܡܪܝܼ ܐܸܠܹܗ: ܐܵܓ̣ܵܝܲܢ: ܕܦܵܝܫܝܼ ܦܬܝܼܚܹܐ ܥܲܝ̈ܢܲܢ. 34ܘܪܘܼܚܸܡܠܹܗ ܥܲܠܵܝܗܝ ܝܼܫܘܿܥ: ܘܕܩܸܪܹܗ ܒܥܲܝܢܵܝ̈ܗܝ. ܘܕܲܪܣܵܥܲܬ ܚܙܹܐܠܗܘܿܢ: ܘܐَܙܸܠܗܘܿܢ ܒܵܬَܪܹܗ.