0:00
/
1ܗ̇ܝܓܵܗ ܝܼܫܘܿܥ ܦܸܫܠܹܗ ܠܘܼܒܠܵܐ ܡ̣ܢ ܪܘܼܚܵܐ ܕܩܘܼܕܫܵܐ ܠܒܲܪܝܼܵܐ: ܕܦܵܐܹܫ ܓ̰ܘܼܪܒܵܐ ܡ̣ܢ ܐܵܟܼܸܠܩܲܪܨܵܐ. 2ܘܨܸܡܠܹܗ ܐܲܪܒܥܝܼ ܝܵܘܡܵܢܹ̈ܐ ܘܐܲܪܒܥܝܼ ܠܲܝܠܵܘܵܬܹ̈ܐ: ܘܒܐَܚܲܪܬܵܐ ܟܦܸܢܹܗ. 3ܘܐَܬܹܐܠܹܗ ܓ̰ܵܪܒܵܢܵܐ: ܘܐَܡܝܼܪܹܗ ܐܸܠܹܗ: ܐܸܢ ܒܪܘܿܢܹܗ ܕܐܲܠܵܗܵܐ ܝܘܸܬ: ܐَܡܘܿܪ ܕܐܲܢܹܐ ܟܹܐܦܹ̈ܐ ܗܵܘܝܼ ܠܲܚܡܵܐ. 4ܐܝܼܢܵܐ ܗ̇ܘ ܓ̰ܘܼܘܸܒܠܹܗ ܘܐَܡܝܼܪܹܗ: ܟܬܝܼܒ̣ܵܐ ܝܠܹܗ: ܠܵܐ ܗܲܪ ܒܠܲܚܡܵܐ ܒܸܬ ܚܲܝܹܐ ܒܲܪܢܵܫܵܐ: ܐܸܠܵܐ ܒܟܠ ܗܹܡܸܙܡܵܢ ܕܦܵܠܛܵܐ ܡ̣ܢ ܦܘܼܡܹܗ ܕܐܲܠܵܗܵܐ. 5ܗ̇ܝܓܵܗ ܠܘܼܒܸܠܹܗ ܐܵܟܼܸܠܩܲܪܨܵܐ ܠܡܕܝܼܢَܬܵܐ ܩܲܕܝܼܫܬܵܐ: ܘܡܘܼܟܠܹܐܠܹܗ ܥܲܠ ܟܸܢܦܵܐ ܕܗܲܝܟܠܵܐ. 6ܘܐَܡܝܼܪܹܗ ܐܸܠܹܗ: ܐܸܢ ܒܪܘܿܢܹܗ ܕܐܲܠܵܗܵܐ ܝܘܸܬ: ܪܲܦܝܼ ܓܵܢܘܼܟ ܠܐܸܠܬܸܚܬ݇: ܣܵܒܵܒ ܕܟܬܝܼܒܹܐ ܝܠܹܗ: ܠܡܲܠܲܐܟ̣ܘܼ̈ܗܝ ܒܸܬ ܦܵܩܸܕ ܥܲܠܘܼܟܼ: ܘܥܲܠ ܐܝܼܕܵܬܵܝ̈ܗܝ ܒܸܬ ܫܵܩܠܝܼܠܘܼܟܼ: ܠܵܐ ܗَܘܹܐ ܕܡܵܚܸܬ ܒܟܹܐܦܵܐ ܐܲܩܠܘܼܟܼ. 7ܘܐَܡܝܼܪܹܗ ܐܸܠܹܗ ܝܼܫܘܿܥ: ܡܸܢَܕܪܸܫَ ܟܬܝܼܒ̣ܵܐ ܝܠܹܗ: ܠܵܐ ܓ̰ܵܪܒܸܬ ܠܡܵܪܝܵܐ ܐܲܠܵܗܘܼܟ. 8ܡܸܢَܕܪܸܫَ ܠܘܼܒܸܠܹܗ ܐܵܟܼܸܠܩܲܪܨܵܐ ܠܛܘܪܵܐ ܪܵܒܵܐ ܪܵܡܵܐ: ܘܡܘܼܚܙܹܐܠܹܗ ܟܠܵܝܗܝ ܡܲܠܟܘܵܬܹ̈ܐ ܕܥܵܠܡܵܐ ܘܚܸܩܪܵܝܗܝ. 9ܘܐَܡܝܼܪܹܗ ܐܸܠܹܗ: ܐܲܢܹܐ ܟܠܵܝܗܝ ܐܸܠܘܼܟܼ ܒܸܬ ܝܵܗَܒܸܢ: ܐܸܢ ܢܵܦܠܸܬ ܣܵܓ̣ܕܸܬ ܠܝܼ. 10ܗ̇ܝܓܵܗ ܐَܡܝܼܪܹܗ ܐܸܠܹܗ ܝܼܫܘܿܥ: ܙܹܠَܐ ܠܘܼܟܼ: ܣܵܛܵܢܵܐ: ܣܵܒܵܒ ܕܟܬܝܼܒ̣ܵܐ ܝܠܹܗ: ܠܡܵܪܝܵܐ ܐܲܠܵܗܘܼܟ ܣܵܓ̣ܕܸܬ: ܘܐܸܠܹܗ ܒܢܲܦ̮ܫܹܗ ܦܵܠܚܸܬ. 11ܗ̇ܝܓܵܗ ܫܒܸܩܠܹܗ ܐܵܟܹܠܩܲܪܨܵܐ: ܘܗܵܐ: ܡܲܠܲܐܟܹ̈ܐ ܐ݇ܬܹܐܠܗܘܿܢ ܘܥܒܸܕܠܗܘܿܢ ܐܸܠܹܗ ܚܸܠܡܲܬ. 12ܘܟܲܕ ܫܡܸܥܠܹܗ ܝܼܫܘܿܥ ܕܝܘܿܚܲܢܵܢ ܦܸܫܠܹܗ ܣܘܼܦܝܵܐ: ܫܘܼܢܹܐܠܹܗ ܠܓܠܝܼܠܵܐ. 13ܘܫܒ̣ܝܼܩܵܠܹܗ ܠܢܵܨܪܲܬ: ܘܐَܬܹܐܠܹܗ ܥܡܸܪܹܗ ܒܟܦܲܪܢܵܚܘܿܡ ܥܲܠ ܣܸܦܬܵܐ ܕܝܵܡܵܐ: ܒܬܸܚܘܼܒ̣ ܕܙܒ̣ܘܿܠܘܿܢ ܘܕܢܲܦ̮ܬܵܠܝܼ: 14ܕܦܵܐܹܫ ܬܘܼܡܸܡܵܐ ܡܸܢܕܝܼ ܕܦܸܫܠܹܗ ܐَܡܝܼܪܵܐ ܒܝܲܕ ܐܹܫܲܥܝܵܐ ܢܒ̣ܝܼܵܐ: ܕܐَܡܝܼܪܹܗ. 15ܐܲܪܥܵܐ ܕܙܒ̣ܘܿܠܘܿܢ: ܐܲܪܥܵܐ ܕܢܲܦ̮ܬܵܠܝܼ: ܐܘܼܪܚܵܐ ܕܝܵܡܵܐ: ܓܹܒܵܐ ܐ݇ܚܹܪ݇ܢܵܐ ܕܝܘܿܪܕܢܵܢ: ܓܠܝܼܠܵܐ ܕܛܵܝܸܦܹ̈ܐ. 16ܛܵܝܸܦܵܐ ܕܝܬܝܼܒ̣ܵܐ ܗ݇ܘܵܐ ܒܚܸܫܟܵܐ ܒܲܗܪܵܐ ܓܘܼܪܵܐ ܚܙܹܐܠܹܗ: ܘܐܵܢܝܼ ܕܝܬܝܼܒܹܐ ܗ݇ܘܵܘ ܒܐܲܬܪܵܐ ܘܒܛܸܠܵܢܝܼܬܵܐ ܕܡܵܘܬܵܐ: ܒܲܗܪܵܐ ܙܪܸܩܠܹܗ ܐܸܠܵܝܗܝ. 17ܡܗ̇ܝܓܵܗ ܫܘܼܪܹܐܠܹܗ ܝܼܫܘܿܥ ܠܡܲܟ̇ܪܘܼܙܹܐ ܘܠܹܐܡܵܪܵܐ: ܬܲܘܸܒܘܿܢ: ܣܵܒܵܒ ܕܩܘܼܪܒܸܢܵܗ̇ ܡܲܠܟܘܼܬܵܐ ܕܫܡܲܝܵܐ. 18ܘܟܲܕ ܒܸܚܕܵܪܵܐ ܗ݇ܘܵܐ ܥܲܠ ܣܸܦܬܵܐ ܕܝܵܡܵܐ ܕܓܠܝܼܠܵܐ: ܚܙܹܐܠܹܗ ܬܪܹܝ ܐܵܚܘܿܢܘܵܬܹ̈ܐ: ܫܸܡܥܘܿܢ ܕܦܸܫܠܹܗ ܩܸܪܝܵܐ ܟܹܐܦܵܐ: ܘܐܲܢܕܪܹܐܘܿܣ ܐܵܚܘܿܢܹܗ: ܒܸܕܪܵܝܵܐ ܓܲܪ̈ܕܹܐ ܒܝܵܡܵܐ: ܣܵܒܵܒ ܨܲܝܵܕܹ̈ܐ ܗ݇ܘܵܘ. 19ܘܐَܡܝܼܪܹܗ ܐܸܠܵܝܗܝ: ܬܹܐܡܘܿܢ ܒܵܬَܪܝܼ ܘܒܸܬ ܥܵܒ̣ܕܸܢܵܘܟ̣ܘܿܢ ܨܲܝܵܕܹ̈ܐ ܕܒܢܲܝ̈ܢܵܫܵܐ. ܘܐܵܢܝܼ ܕܲܪܣܵܥܲܬ ܫܒܸܩܠܗܘܿܢ ܓܲܪ̈ܕܵܝܗܝ: ܘܐَܙܸܠܗܘܿܢ ܒܵܬَܪܹܗ. 21ܘܟܲܕ ܥܒܸܪܹܗ ܡ̣ܢ ܬܵܡܐ ܚܙܹܐܠܹܗ ܬܪܹܝ ܐܵܚܘܿܢܘܵܬܹ̈ܐ ܐ݇ܚܹܪ̈݇ܢܹܐ: ܝܲܥܩܘܿܒ̣ ܒܪܘܿܢܵܐ ܕܙܲܒ̣ܕܲܝ: ܘܝܘܿܚܲܢܵܢ ܐܵܚܘܿܢܹܗ: ܒܓܵܡܝܼ ܥܲܡ ܙܲܒ̣ܕܲܝ ܒܵܒܵܝܗܝ: ܬܵܪܘܿܨܹܐ ܓܲܪ̈ܕܵܝܗܝ: ܘܩܸܪܝܵܝܠܹܗ. 22ܘܐܵܢܝܼ ܕܲܪܣܵܥܲܬ ܫܒܸܩܠܗܘܿܢ ܠܓܵܡܝܼ ܘܠܒܵܒܵܝܗܝ: ܘܐَܙܸܠܗܘܿܢ ܒܵܬَܪܹܗ. 23ܘܒܸܚܕܵܪܵܐ ܗ݇ܘܵܐ ܝܼܫܘܿܥ ܒܟܠܵܗ̇ ܓܠܝܼܠܵܐ: ܡܵܠܘܿܦܹܐ ܒܟܢܘܼܫܝܵܬܵܝ̈ܗܝ: ܘܡܲܟܪܘܼܙܹܐ ܡܲܫܚܲܕܬܵܐ ܕܡܲܠܟܘܼܬܵܐ: ܘܒܵܣܘܿܡܹܐ ܟܠ ܕܲܪܕ ܘܟܠ ܡܲܪܥܵܐ ܒܛܵܝܸܦܵܐ. 24ܘܦܸܠܛܠܵܗ̇ ܒܘܼܬ ܕܝܼܹܗ ܒܟܠܵܗ̇ ܣܘܼܪܝܼܵܐ: ܘܡܘܼܬَܝܹܠܗܘܿܢ ܠܟܸܣܠܹܗ ܟܠܵܝܗܝ ܐܵܢܝܼ ܕܣܸܪܝܵܐ ܕܒ̣ܝܼܩܹܐ ܗ݇ܘܵܘ ܒܡܲܪ̈ܥܹܐ ܬܵܗܵܪܹ̈ܐ ܬܵܗܵܪܹ̈ܐ: ܘܐܵܢܝܼ ܕܡܘܼܠܝܸܨܹܐ ܒܓ̰ܘܼܢܓ̰ܵܪܹ̈ܐ: ܘܕܲܝܘܵܢܹ̈ܐ: ܘܕܒܲܪ ܐܸܓܵܪܹ̈ܐ: ܘܫܦܝܼܠܹܗ: ܘܒܘܼܣܡܵܝܠܹܗ. 25ܘܐَܙܸܠܗܘܿܢ ܒܵܬَܪܹܗ ܟܸܢܫܹ̈ܐ ܪܵܒܵܐ: ܡ̣ܢ ܓܠܝܼܠܵܐ: ܘܡ̣ܢ ܥܸܣܪܲܬ ܡܕܝܼܢܵـ̈ـܬܵܐ: ܘܡ̣ܢ ܐܘܿܪܸܫܠܸܡ: ܘܡܢ ܝܼܗܘܼܕ: ܘܡ̣ܢ ܓܹܒܵܐ ܐ݇ܚܹܪ݇ܢܵܐ ܕܝܘܿܪܕܢܵܢ.