1ܦܵܘܠܘܿܣ ܪܹܓܵܐ ܕܝܼܫܘܿܥ ܡܫܝܼܚܵܐ؛ ܩܸܪܝܵܐ ܫܠܝܼܚܵܐ؛ ܕܦܸܫܠܹܗ ܦܪܝܼܫܵܐ ܠܐܹܘܵܢܓܵܠܝܼܘܿܢ ܕܐܲܠܵܗܵܐ؛ 2ܕܡ̣ܢ ܩܵܕَܡܵܝܬܵܐ ܩܘܼܘܸܠܹܗ ܒܝܲܕ ܢܒܼܝܼܘܼ̈ܗܝ ܒܟܬܵܒܹ̈ܐ ܩܲܕܝܼܫܹ̈ܐ. 3ܒܵܗَܣ ܕܒܪܘܼܢܹܗ؛ ܗ̇ܘ ܕܦܸܫܠܹܗ ܝܠܝܼܕܵܐ ܡ̣ܢ ܙܲܪܥܹܗ ܕܒܹܝܬ ܕܵܘܝܼܕ ܐܲܝܟܼ ܒܒܸܣܪܵܐ. 4ܘܦܸܫܠܹܗ ܡܘܼܕܥܸܝܵܐ ܒܪܘܼܢܵܐ ܕܐܲܠܵܗܵܐ ܒܚܲܝܠܵܐ؛ ܐܲܝܟܼ ܒܪܘܼܚܵܐ ܕܩܲܕܝܼܫܘܼܬܵܐ؛ ܒܝܲܕ ܩܝܵܡܬܵܐ ܕܡܝܼܬܹ̈ܐ؛ ܝܼܫܘܿܥ ܡܫܝܼܚܵܐ ܡܵܪܲܢ؛ 5ܕܒܝܹܗ ܫܩܸܠܲܢ ܫܵܦܵܩܲܬ ܘܫܠܝܼܚܘܼܬܵܐ؛ ܠܡܲܨܝܲܬܬܵܐ ܕܗܲܝܡܵܢܘܼܬܵܐ ܓܵܘ ܟܠܵܝܗܝ ܡܸܠܲܬܹ̈ܐ؛ ܒܚܵܬܸܪ ܕܫܸܡܹܗ؛ 6ܕܐܘܼܦ ܐܲܚܬܘܿܢ ܡܸܢܵܝܗܝ ܝܬܘܿܢ؛ ܩܸܪ̈ܝܹܐ ܕܝܼܫܘܿܥ ܡܫܝܼܚܵܐ؛ ܠܟܠܵܝܗܝ ܐܵܢܝܼ ܕܝܼܢܵܐ ܓܵܘ ܪܗܘܿܡܹܐ؛ ܡܘܼܚܼܒܹ̈ܐ ܕܐܲܠܵܗܵܐ؛ ܩܸܪ̈ܝܹܐ ܩܲܕܝܼܫܹ̈ܐ؛ 7ܫܠܵܡܵܐ ܘܫܵܦܵܩܲܬ ܥܲܡܵܘܟܼܘܿܢ ܡ̣ܢ ܐܲܠܵܗܵܐ ܒܵܒܼܢ ܘܡܵܪܲܢ ܝܼܫܘܿܥ ܡܫܝܼܚܵܐ. 8ܩܲܕَܡܵܝܬܵܐ ܫܵܟܘܿܪܹܐ ܝܘܸܢ ܠܐܲܠܵܗܝܼ ܒܝܲܕ ܝܼܫܘܿܥ ܡܫܝܼܚܵܐ ܥܲܠ ܟܠܵܘܟܼܘܿܢ؛ ܕܗܲܝܡܵܢܘܼܬܵܟܼܘܿܢ ܦܸܫܠܵܗ̇ ܗܘܼܡܙܸܡܬܵܐ ܓܵܘ ܟܠܵܗܿ ܐܲܪܥܵܐ. 9ܣܵܒܵܒ ܐܲܠܵܗܵܐ ܒܸܣܗܵܕܵܐ ܝܠܹܗ ܐܸܠܝܼ؛ ܕܐܸܠܹܗ ܒܸܥܒܼܵܕܵܐ ܝَܘܸܢ ܚܸܠܡܲܬ ܒܪܘܼܚܝܼ ܒܐܹܘܵܢܓܵܠܝܼܘܿܢ ܕܒܪܘܼܢܹܗ؛ ܕܵܐܟܼܝܼ ܕܠܵܐ ܫܠܵܝܬܵܐ ܒܸܕܟܼܵܪܵܘܟܼܘܿܢ ܝܼܘܸܢ؛ ܘܢܵܘܢܘܿܝܹܐ ܝܘܸܢ ܒܟܠ ܙܲܒܼܢܵܐ ܒܨܠܵܘܵܬܝܼ̈؛ 10ܕܐܸܢ ܩܵܘܡܵܐ ܒܵܬَܪ ܚܕܵܐ ܥܕܵܢܵܐ ܦܵܝܫܵܐ ܡܘܼܢܬܝܼܬܵܐ؛ ܐܸܠܝܼ ܐܘܼܪܚܵܐ؛ ܒܪܸܙܵܝܹܗ ܕܐܲܠܵܗܵܐ؛ ܕܐܵܬܸܢ ܠܟܸܣܠܵܘܟܼܘܿܢ. 11ܣܵܒܵܒ ܪܵܒܵܐ ܫܘܼܗܘܸܬܵܐ ܝܘܸܢ ܕܚܵܙܸܢܵܟܼܘܿܢ؛ ܕܝܵܗܒܸܢܵܘܟܼܘܿܢ ܚܲܠܥܲܬ ܕܪܘܼܚܵܐ؛ ܒܗ̇ܝ ܕܦܵܝܫܝܼܬܘܿܢ ܡܘܼܩܘܝܹܐ؛ 12ܝܲܥܢܹܐ؛ ܡܸܚܕܵܕܹ̈ܐ ܦܵܝܫܵܚ ܝܘܼܗܒܹܐ ܠܸܒܵܐ؛ ܒܗܲܝܡܵܢܘܼܬܵܐ ܕܐܸܚܕܵܕܹ̈ܐ؛ ܕܝܼܵܟܼܘܿܢ ܘܕܝܼܝܼ. 13ܐܝܼܢܵܐ ܒܲܥܝܸܢ ܕܠܵܐ ܗܵܘܝܼܬܘܿܢ ܒܹܐ ܚܲܒܿܪܵܐ؛ ܐܵܚܘܿܢܘܵܬܝܼ̈ ܕܪܵܒܵܐ ܓܵܗܹ̈ܐ ܡܘܼܬܸܒܼܠܝܼ ܒܠܸܒܝܼ ܕܐܵܬܸܢ ܠܟܸܣܠܵܘܟܼܘܿܢ؛ ܘܦܸܫܠܝܼ ܡܘܼܟܼܠܝܼܵܐ ܗܲܠ ܐܵܕܝܼܵܐ ܕܐܘܼܦ ܒܝܼܵܘܟܼܘܿܢ ܗܵܘܝܵܐ ܠܝܼ ܛܥܘܼܢܬܵܐ؛ ܐܲܝܟܼ ܕܓܵܘ ܛܵܝܸܦܹ̈ܐ ܐܚܹܪܢܸ̈ܐ. 14ܠܝܵܘܢܵܝܹ̈ܐ ܘܒܲܪܒܵܪ̈ܝܹܐ؛ ܠܥܵܩܸܠܕܵܕܹ̈ܐ ܘܠܣܲܟܼ̈ܠܹܐ؛ ܕܵܝܢܵܢܵܐ ܝܘܸܢ. 15ܗܲܕܟܼܵܐ؛ ܟܡܵܐ ܕܐܝܼܬ ܠܝܼ ܚܲܝܠܵܐ؛ ܗܲܙܸܪ ܝܼܘܸܢ ܕܐܘܼܦ ܐܸܠܵܘܟܼܘܿܢ ܕܒܪܗܘܿܡܹܐ ܡܲܫܚܸܕܸܢ ܐܸܘܵܢܓܵܠܝܼܘܿܢ. 16ܣܵܒܵܒ ܠܹܐ ܝܘܸܢ ܒܸܢܚܵܦܵܐ ܒܸܐܘܵܢܓܵܠܝܼܘܿܢ؛ ܣܵܒܵܒ ܚܲܝܠܵܐ ܕܐܲܠܵܗܵܐ ܝَܠܵܗ̇؛ ܠܚܲܝܹ̈ܐ ܕܟܠ ܕܗܲܡܸܢ ܒܝܼܵܗܿ؛ ܠܝܗܘܼܕܵܝܵܐ ܩܲܕَܡܵܝܬܵܐ؛ ܘܠܝܘܢܵܝܵܐ. 17ܣܵܒܵܒ ܙܲܕܝܼܩܘܼܬܵܐ ܕܐܲܠܵܗܵܐ ܒܝܼܵܗܿ ܦܝܵܫܵܐ ܝَܠܵܗ̇ ܓܠܝܼܬܵܐ؛ ܡ̣ܢ ܗܲܝܡܵܢܘܼܬܵܐ ܠܗܲܝܡܵܢܘܼܬܵܐ؛ ܐܝܟ ܕܝܼܠܹܗ ܟܬܝܼܒܼܵܐ؛ ܘܙܲܕܝܼܩܵܐ ܡ̣ܢ ܗܲܝܡܵܢܘܼܬܵܐ ܒܸܬ ܚܲܝܹܐ. 18ܣܵܒܵܒ ܕܦܝܵܫܵܐ ܝَܠܵܗ̇ ܓܠܝܼܬܵܐ ܟܲܪܒܹܗ ܕܐܲܠܵܗܵܐ ܡ̣ܢ ܫܡܲܝܵܐ ܥܲܠ ܟܠܹܗ ܟܦܘܼܪܝܵܐ ܘܥܵܘܠܵܐ ܕܒܢܲܝ̈ܢܵܫܵܐ؛ ܐܵܢܝܼ ܕܣܲܪܲܣܬܘܬܵܐ ܒܥܵܘܠܵܐ ܕܒܼܝܩܹܐ ܝܢܵܐ؛ 19ܣܵܒܵܒ ܝܕܹܥܬܹܗ ܕܐܲܠܵܗܵܐ ܓܠܝܼܬܵܐ ܝَܠܵܗ̇ ܒܵܝܼܝ؛ ܣܵܒܵܒ ܕܐܲܠܵܗܵܐ ܓܸܠܝܵܠܹܐ ܐܸܠܵܝܗܝ. 20ܣܵܒܵܒ ܫܘܼܠܹ̈ܐ ܟܸܣܝܹ̈ܐ ܕܝܼܝܹܗ ܡ̣ܢ ܒܪܵܝܬܵܐ ܕܥܵܠܡܵܐ ܦܝܵܫܵܐ ܝܢܵܐ ܚܸܙܝܹܐ؛ ܟܲܕ ܦܝܵܫܵܐ ܝܢܵܐ ܦܘܼܪܡܝܹܐ ܡ̣ܢ ܡܸܢܕܝܵܢܹ̈ܐ ܕܒܸܪܝܹܐ ܝܢܵܐ (ܝܲܥܢܹܐ) ܝܼܚܠܹܗ ܘܐܲܠܵܗܘܼܬܹܗ ܕܠܥܵܠܲܡ؛ ܕܗܵܘܝܼ ܕܠܵܐ ܡܲܕܲܪܵܬܵܐ ܕܓܼܘܼܘܵܒ. 21ܣܵܒܵܒ ܕܟܲܕ ܝܕܥܠܘܿܢ ܠܐܲܠܵܗܵܐ؛ ܠܵܐ ܐܲܝܟܼ ܕܠܲܐܠܵܗܵܐ ܫܘܼܒܸܚܠܘܿܢ ܐܸܠܹܗ ܘܫܘܼܟܸܪܘܿܢ ܐܸܠܹܗ؛ ܐܸܠܵܐ ܗܘܹܐܠܘܿܢ ܒܵܛܝܼ̈ܠܹܐ ܒܚܘܼܫܵܒܼܵܝ̈؛ ܘܚܒܹܠܸܐ ܠܸܒܵܐ ܠܵܐ ܦܲܪܡܝܼܵܢܵܐ. 22ܘܟܲܕ ܒܸܐܡܵܪܵܐ ܝܢܵܐ ܒܓܵܢܵܝܗܝ ܕܥܵܩܸܠܕܵܕܹ̈ܐ ܝܢܵܐ؛ ܗܘܹܐܠܘܿܢ ܐܲܗܡܲܩܹ̈ܐ؛ 23ܘܡܘܼܚܠܸܦܠܘܿܢ ܬܸܫܒܘܿܚܬܸܗ ܕܐܲܠܵܗܵܐ ܠܵܐ ܚܵܪܒܼܵܢܵܐ ܒܕܡܘܼܬܵܐ ܕܨܲܠܡܵܐ ܕܒܲܪܢܵܫܵܐ ܚܵܪܒܼܵܢܵܐ؛ ܘܕܛܲܝܪܹ̈ܐ؛ ܘܕܗܲܝܘܵܢܹ̈ܐ ܕܐܲܪܒܲܥ ܐܲܩܠܹ̈ܐ؛ ܘܕܪܸ̈ܓܼܒܹܐ. 24ܣܵܒܵܒ ܕܐܵܗܵܐ ܣܘܼܦܵܚܠܹܗ ܐܲܠܵܗܵܐ ܠܫܲܗܘܲܬܝܵܬܹ̈ܐ ܕܠܸܒܵܝܗܝ ܠܛܲܢܦܘܼܬܵܐ؛ ܕܥܵܒܼܟܼܝܼ ܒܸܨܘܼܪ ܦܲܓܼܪܵܝ ܒܓܵܘܵܐ ܕܓܵܢܵܝܗܝ. 25ܘܡܘܼܚܠܸܦܠܘܿܢ ܣܲܪܲܣܬܘܼܬܹܗ ܕܐܲܠܵܗܵܐ ܒܕܘܼܓܠܵܐ؛ ܘܣܓܸܕܠܘܿܢ ܘܥܒܼܸܕܠܗَܘܿܢ ܚܸܠܡܲܬ ܠܒܪܝܼܬܵܐ ܙܵܘܕܵܐ ܡ̣ܢ ܕܠܒܵܪܝܵܢܵܐ؛ ܕܝܼܠܹܗ ܒܘܼܪܵܟܼܵܐ ܠܥܵܠܲܡ ܥܵܠܡܝܼܢ؛ ܐܵܡܹܝܢ. 26ܣܵܒܵܒ ܐܵܗܵܐ ܣܘܼܦܝܵܝܠܹܗ ܐܲܠܵܗܵܐ ܠܙܵܘܥܹ̈ܐ ܕܒܹܨܘܼܪܘܿܬܵܐ؛ ܣܵܒܵܒ ܢܸܩܒܼܵܝ̈ܗܝ ܡܘܼܚܠܸܦܠܘܿܢ ܡܲܦܠܲܚܬܵܐ ܐܲܨܠܵܢܵܝܬܵܐ ܠܕܗ̇ܝ ܕܝܼܠܵܗ̇ ܕܲܪܩܘܼܒܼܠ ܕܐܲܨܠܵܐ. 27ܘܗܲܕܟܼܵܐ ܐܘܼܦ ܐܘܼܪ̈ܙܵܝܗܝ؛ ܫܒܸܩܠܘܿܢ ܡܲܦܠܲܚܬܵܐ ܐܲܨܠܵܢܵܝܼܬܵܐ ܕܢܸܩܒܼܹ̈ܐ؛ ܘܫܪܸܚܠܘܿܢ ܒܫܲܗܘܲܬܬܵܐ ܚܲܕَ ܠܗ̇ܘ ܐَܚܹܪَܢܵܐ؛ ܘܐܘܼܪܙܵܐ ܥܲܡ ܐܘܼܪܙܵܐ ܢܚܸܦܬܵܐ ܥܒܼܸܕܠܗَܘܿܢ؛ ܘܦܪܲܥܝܵܐ ܕܘܵܓ̰ܸܒ ܝܼܗܘܵܐ ܠܚܸܠܛܘܼܢܝܘܼܬܵܝܗܝ ܩܘܼܒܸܠܘܿܢ ܒܓܵܢܵܝܗܝ. 28ܘܐܲܝܟܼ ܕܠܵܐ ܒܣܸܡܠܵܐ ܠܗܘܿܢ ܒܓܵܢܵܝܗܝ ܕܝܲܕܥܝܼ ܠܐܲܠܵܗܵܐ؛ ܣܘܼܦܵܚܠܹܗ ܐܲܠܵܗܵܐ ܠܚܝܼܵܠ ܡܘܼܣܠܝܼܵܐ؛ ܕܗܵܘܝܼ ܒܸܥܒܼܵܕܵܐ ܡܸܢܕܝܼܵܢܹ̈ܐ ܠܵܐ ܚܫܝܼܚܹ̈ܐ؛ 29ܟܲܕ ܡܸܠܝܹܐ ܝܢܵܐ ܟܠ ܥܵܘܠܵܐ؛ ܣܸܪܝܘܼܬܵܐ؛ ܒܝܼܫܘܼܬܵܐ؛ ܛܲܡܲܥܟܵܪܘܼܬܵܐ؛ ܒܲܚܸܠܵܢܘܼܬܵܐ ؛ ܩܸܛܠܵܐ؛ ܡܲܩܲܪܵܨܘܼܬܵܐ؛ ܦܸܠܡܵܐ ܚܲܝܼܠܹ̈ܐ ܒܝܼܫܹ̈ܐ؛ 30ܥܵܒܼܕܵܢܹ̈ܐ ܕܩܲܝܒܲܬ؛ ܡܵܚܝܵܢܹ̈ܐ ܕܕܲܪܗܲܩ؛ ܣܵܢܝܵܢܹ̈ܐ ܠܐܲܠܵܗܵܐ؛ ܨܵܥܪ̈ܵܢܹܐ؛ ܚܬܝܼܕܹ̈ܐ؛ ܫܲܒܼܗܪ̈ܵܢܹܐ؛ ܡܵܫَܟ̰ܚܵܢܹ̈ܐ ܕܒܝܼܫܵܬܹ̈ܐ؛ ܟܝܼܡ ܚܝܼܵܠ؛ ܠܐܲܒܼܵܗܵܝ̈ܗܝ ܠܵܐ ܡܲܨܝܸܬܵܢܹ̈ܐ؛ 31ܬܵܒܼܪܵܢܹ̈ܐ ܕܩܵܘܠܵܐ؛ ܕܠܵܐ ܚܘܼܒܵܐ ܐܲܨܠܵܢܵܝܵܐ؛ ܕܠܵܐ ܪܲܚ̈ܡܹܐ؛ 32ܐܵܢܝܼ؛ ܕܟܲܕ ܟܹܐ ܝܲܕܥܝ ܕܝܼܘܵܢܹܗ ܕܐܲܠܵܗܵܐ؛ ܕܐܵܢܝܼ ܕܐܲܝܟܼ ܐܲܢܹܐ ܦܵܠܚܝܼ ܠܡܵܘܬܵܐ ܟܹܐ ܚܵܫܚܝܼ؛ ܠܵܐ ܐܲܚܟܝܼ ܒܸܥܒܼܵܕܵܝܗܝ ܝܢܵܐ؛ ܐܸܠܵܐ ܐܘܼܦ ܟܹܐ ܗܵܘܝܼ ܪܵܙܝܼ ܒܐܵܢܝܼ ܕܥܵܒܼܕܝܼ ܠܗܘܿܢ.