1ܝܲܢ ܠܹܐ ܝܬܘܿܢ ܒܝܼܕܲܥܝܵܐ؛ ܐܵܚܘܿܢܘܵܬܝܼ̈؛ ܣܵܒܵܒ ܗܲܡܙܘܼܡܹܐ ܝܘܸܢ ܥܲܡ ܝܲܕܥܵܢܹ̈ܐ ܕܢܵܡܘܿܣܵܐ؛ ܐܝܼܬ ܠܹܗ ܗܘܼܟܡܵܐ ܥܲܠ ܐَܢܵܫܵܐ ܟܡܵܐ ܕܚܵܝܵܐ ܝܠܹܗ؛ 2ܣܵܒܵܒ ܒܲܟܼܬܵܐ ܕܐܝܼܬ ܠܵܗܿ ܓܲܒܼܪܵܐ ܐَܣܝܼܪܬܵܐ ܝَܠܵܗ̇ ܒܓܲܒܼܪܘܼܗܿ ܒܝܲܕ ܢܵܡܘܿܣܵܐ ܟܡܵܐ ܕܚܵܝܵܐ ܝܠܹܗ؛ ܐܝܼܢܵܐ ܐܸܢ ܡܝܼܬܠܹܗ ܓܲܒܼܪܘܼܗܿ؛ ܫܪܝܼܬܵܐ ܝَܠܵܗ̇ ܡ̣ܢ ܢܵܡܘܿܣܵܐ ܕܓܲܒܼܪܘܼܗܿ. 3ܒܲܣ ܐܸܢ ܟܲܕ ܚܵܝܵܐ ܝܠܹܗ ܓܲܒܼܪܘܼܗܿ؛ ܗܵܘܝܵܐ ܬܲܒܲܥ ܠܐَܢܵܫܵܐ ܐَܚܹܪَܢܵܐ؛ ܒܸܬ ܦܵܝܫܵܐ ܩܪܝܼܬܵܐ ܩܲܗܒܵܐ. ܐܝܼܢܵܐ ܐܸܢ ܡܵܝܸܬ ܓܲܒܼܪܘܼܗܿ؛ ܗَܘܹܐܠܵܗ̇ ܐܵܙܵܕ ܡ̣ܢ ܢܵܡܘܿܣܵܐ؛ ܗܲܕܟܼܵܐ ܕܠܹܐ ܗܵܘܝܵܐ ܩܲܗܒܵܐ ܐܸܢ ܗܵܘܝܵܐ ܠܐَܢܵܫܵܐ ܐَܚܹܪَܢܵܐ. 4ܗܲܕܟܼܵܐ؛ ܐܵܚܘܿܢܘܵܬܝܼ̈ ܐܘܼܦ ܐܲܚܬܘܿܢ ܦܸܫܠܵܘܟܼܘܿܢ ܡܘܼܡܝܸܬܹܐ ܠܢܵܡܘܿܣܵܐ ܒܝܲܕ ܦܲܓܼܪܹܗ ܕܡܫܝܼܚܵܐ؛ ܕܗܵܘܝܼܬܘܿܢ ܠܚܲܕَ ܐَܚܹܪَܢܵܐ؛ ܗ̇ܘ ܕܩܸܡܠܹܗ ܡ̣ܢ ܡܝܼܬܹ̈ܐ؛ ܕܝܵܗَܒܼܵܚ ܛܥܘܼܢܵܝܬܹ̈ܐ ܠܐܲܠܵܗܵܐ. 5ܣܵܒܵܒ ܟܲܕ ܒܒܸܣܪܵܐ ܝܘܵܚ ܗَܘܵܘ؛ ܙܵܘܥܹ̈ܐ ܕܚܛܝܼܵܬܹ̈ܐ؛ ܕܝܼܗَܘܵܘ ܒܝܲܕ ܢܵܡܘܼܣܵܐ؛ ܟܹܐ ܚܵܒܿܛܝܼ ܗَܘܵܘ ܒܗܲܕܵܡܲܝ̈ܢ ܠܝܼܵܗَܒܼܵܐ ܛܥܘܼܢܝܵܬܹ̈ܐ ܠܡܵܘܬܵܐ. 6ܐܝܼܢܵܐ ܐܵܕܝܼܵܐ ܦܸܫܠܲܢ ܫܸܪܝܹܐ ܡ̣ܢ ܢܵܡܘܿܣܵܐ؛ ܟܲܕ ܡܝܼܬܠܲܢ ܠܗ̇ܘ ܕܕܒܼܝܼܩܲܢ ܝܼܗَܘܵܐ؛ ܗܲܕܟܼܵܐ ܕܟܹܐ ܥܵܒܼܕܵܚ ܚܸܠܡܲܬ ܒܚܵܕَܬܘܼܬܵܐ ܕܪܘܼܚܵܐ ܘܠܵܐ ܒܥܵܬܝܼܩܘܼܬܵܐ ܕܟܬܵܒܼܵܐ. 7ܒܲܣ ܡܘܼܕܝܼ ܐܵܡܪܵܚ؛ ܢܵܡܘܿܣܵܐ ܚܛܝܼܬܵܐ ܝܠܹܗ؛ ܚܵܣ ܠܲܢ. ܐܸܠܵܐ ܠܚܛܝܼܬܵܐ ܠܵܐ ܝܕܸܥܠܝܼ ܫܒܼܘܿܩ ܡ̣ܢ ܒܝܲܕ ܢܵܡܘܿܣܵܐ؛ ܣܵܒܵܒ ܠܹܐ ܝܲܕܥܸܢ ܗَܘܵܐ ܫܲܗَܘܲܬܬܵܐ. ܘܚܛܝܼܬܵܐ ܡܘܼܫَܟ̰ܸܚܠܵܗ ܗܲܓ̰ܲܬ؛ ܘܒܝܲܕ ܦܘܼܩܕܵܢܵܐ ܡܘܼܥܒܼܸܕܠܵܗ̇ ܒܝܼܝܼ ܟܠ ܫܲܗَܘܲܬܬܵܐ. ܣܵܒܵܒ ܒܠܵܐ ܢܵܡܘܿܣܵܐ ܚܛܝܼܬܵܐ ܡܝܼܬܬܵܐ ܝَܠܵܗ̇. 9ܐܝܼܢܵܐ ܐܵܢܵܐ ܚܵܝܵܐ ܝܘܸܢ ܗَܘܵܐ ܒܠܵܐ ܢܵܡܘܿܣܵܐ؛ ܩܵܕَܡܵܝܬܵܐ. ܐܝܼܢܵܐ ܟܲܕ ܐَܬܹܐܠܹܗ ܦܘܼܩܕܵܢܵܐ؛ ܚܛܝܼܬܵܐ ܚܹܝܠܵܗ؛ ܘܐܵܢܵܐ ܡܸܬܠܝܼ؛ 10ܘܦܘܼܩܕܵܢܵܐ ܕܝܼܗَܘܵܐ ܠܚܲܝܹ̈ܐ؛ ܐܵܗܵܐ ܡܘܼܫَܟ̰ܸܚܠܝܼ ܠܡܵܘܬܵܐ. 11ܣܵܒܵܒ ܚܛܝܼܬܵܐ؛ ܒܗܲܓ̰ܲܬ ܕܡܘܼܫَܟ̰ܸܚܠܵܗ؛ ܒܝܲܕ ܦܘܼܩܕܵܢܵܐ ܩܲܡ ܡܲܚܠܸܛܵܐ ܠܝܼ؛ ܘܒܝܹܗ ܩܲܡ ܩܵܛܠܵܐ ܠܝܼ. 12ܒܲܣ ܢܵܡܘܿܣܵܐ ܩܲܕܝܼܫܵܐ ܝܠܹܗ؛ ܘܦܘܼܩܕܵܢܵܐ ܩܲܕܝܼܫܵܐ ܝܠܹܗ؛ ܘܟܹܐܢܵܐ؛ ܘܛܵܒܼܵܐ. 13ܒܲܣ ܛܵܒܼܬܵܐ ܗَܘܹܐܠܵܗ̇ ܠܡܵܘܬܵܐ ܐܸܠܝܼ؛ ܚܵܣ ܠܝܼ. ܐܸܠܵܐ ܚܛܝܼܬܵܐ؛ ܕܦܵܝܫܵܐ ܚܙܝܼܬܵܐ ܕܚܛܝܼܬܵܐ ܝَܠܵܗ̇؛ ܕܒܛܵܒܼܬܵܐ ܡܘܼܥܒܼܸܕܠܵܗ ܒܝܼܝܼ ܡܵܘܬܵܐ؛ ܕܒܝܲܕ ܦܘܼܩܕܵܢܵܐ ܒܘܼܫ ܙܵܘܕܵܐ ܦܵܝܫܵܐ ܗَܘܵܐ ܓܘܼܢܵܗܟܵܪ ܚܛܝܼܬܵܐ. 14ܣܵܒܵܒ ܒܝܼܕܲܥܝܵܐ ܝܘܵܚ ܕܢܵܡܘܿܣܵܐ ܪܘܼܚܵܢܵܝܵܐ ܝܠܹܗ؛ ܐܝܼܢܵܐ ܐܵܢܵܐ ܒܸܣܪܵܢܵܝܵܐ ܝܘܸܢ؛ ܙܘܼܒܢܵܐ ܬܚܘܿܬ ܚܛܝܼܬܵܐ. 15ܣܵܒܵܒ ܡܸܢܕܝܼ ܕܒܸܦܠܵܚܵܐ ܝܘܸܢ ܠܹܐ ܝܘܸܢ ܒܝܼܕܲܥܝܵܐ؛ ܣܵܒܵܒ ܠܵܐ ܡܸܢܕܝܼ ܕܒܸܒܲܥܝܵܐ ܝܘܸܢ ܒܸܥܒܼܵܕܵܐ ܝܘܸܢ؛ ܐܸܠܵܐ ܡܸܢܕܝܼ ܕܒܸܣܢܵܝܵܐ ܝܘܸܢ؛ ܗ̇ܘ ܒܸܥܒܼܵܕܵܐ ܝܘܸܢ. 16ܘܐܸܢ ܡܸܢܕܝܼ ܕܠܹܐ ܒܲܥܝܸܢ ܒܸܥܒܼܵܕܵܐ ܝܘܸܢ؛ ܒܝܼܵܗَܒܼܵܐ ܝܘܸܢ ܣܵܗܕܘܼܬܵܐ ܥܲܠ ܢܵܡܘܿܣܵܐ؛ ܕܫܵܦܝܼܪܵܐ ܝܠܹܗ. 17ܗܲܕܟܼܵܐ ܐܵܕܝܼܵܐ ܠܹܐ ܝܠܹܗ ܐܵܢܵܐ ܕܒܸܦܠܵܚܵܐ ܝܘܸܢ ܐܵܗܵܐ؛ ܐܸܠܵܐ ܚܛܝܼܬܵܐ ܕܝܼܠܵܗ̇ ܥܡܝܼܪܬܵܐ ܒܝܼܝܼ. 18ܣܵܒܵܒ ܒܝܼܕܲܥܝܵܐ ܝܘܸܢ ܕܠܹܐ ܝَܠܵܗ̇ ܒܸܥܡܵܪܵܐ ܒܝܼܝܼ؛ ܝܲܥܢܹܐ؛ ܒܒܸܣܪܝܼ؛ ܛܵܒܼܬܵܐ. ܣܵܒܵܪ ܠܸܒܲܥܝܵܐ ܩܘܼܪܒܵܐ ܝَܠܵܗ̇ ܠܟܸܣܠܝܼ؛ ܐܝܼܢܵܐ ܕܦܵܠܚܸܢܵܗܿ ܛܵܒܼܬܵܐ؛ ܠܹܐ ܝܘܸܢ ܡܨܵܝܵܐ. 19ܣܵܒܵܒ ܛܵܒܼܬܵܐ ܕܒܸܒܲܥܝܵܐ ܝܘܸܢ ܠܹܐ ܝܘܸܢ ܒܸܥܒܼܵܕܵܐ؛ ܐܸܠܵܐ ܒܝܼܫܵܐ ܕܠܹܐ ܝܘܸܢ ܒܸܒܲܥܝܵܐ؛ ܠܗ̇ܝ ܒܸܥܒܼܵܕܵܐ ܝܘܸܢ. 20ܘܐܸܢ ܡܸܢܕܝܼ ܕܠܹܐ ܝܘܸܢ ܒܸܒܲܥܝܵܐ؛ ܒܸܥܒܼܵܕܵܐ ܝܘܸܢ؛ ܠܹܐ ܝَܠܵܗ̇ ܐَܚܹܪَܢܵܐ ܐܵܢܵܐ ܕܒܸܥܒܼܵܕܵܐ ܝܘܸܢ؛ ܐܸܠܵܐ ܚܛܝܼܬܵܐ ܕܝܼܠܵܗ̇ ܥܡܝܼܪܬܵܐ ܒܝܼܝܼ. 21ܒܲܣ ܡܵܫَܟ̰ܘܿܚܹܐ ܝܘܸܢ ܠܢܵܡܘܿܣܵܐ ܕܟܲܕ ܐܵܢܵܐ ܒܲܥܝܸܢ ܕܥܵܒܼܕܸܢ ܛܵܒܼܬܵܐ؛ ܒܝܼܫܵܐ ܩܘܼܪܒܵܐ ܝَܠܵܗ̇ ܠܟܸܣܠܝܼ. 22ܣܵܒܵܒ ܒܸܚܕܵܝܵܐ ܝܘܸܢ ܒܢܵܡܘܿܣܹܗ ܕܐܲܠܵܗܵܐ؛ ܒܒܲܪܢܵܫܵܐ ܕܠܓܵܘܵܝܝܼ؛ 23ܐܝܼܢܵܐ ܒܸܚܙܵܝܵܐ ܝܘܸܢ ܢܵܡܘܿܣܵܐ ܐَܚܹܪَܢܵܐ ܒܗܲܕܵܡܝܼ̈ ܕܒܸܦܠܵܫܵܐ ܝܠܹܗ ܠܕܲܪܩܘܼܒܼܠ ܕܢܵܡܘܿܣܵܐ ܕܚܝܼܵܠܝܼ؛ ܘܒܸܣܠܵܒܝܼ ܝܠܹܗ ܠܢܵܡܘܿܣܵܐ ܕܚܛܝܼܬܵܐ ܕܐܝܼܬ ܒܗܲܕܵܡܝܼ̈. 24ܐܵܗ؛ ܒܲܪܢܵܫܵܐ ܫܲܩܝܼ ܝܘܸܢ ܡܵܢܝܼ ܒܸܬ ܦܵܨܹܐ ܠܝܼ ܡ̣ܢ ܦܲܓܼܪܵܐ ܕܐܵܗܵܐ ܡܵܘܬܵܐ؛ 25ܫܵܟܘܿܪܹܐ ܝܘܸܢ ܠܐܲܠܵܗܵܐ ܒܝܲܕ ܡܵܪܲܢ ܝܼܫܘܿܥ ܡܫܝܼܚܵܐ. ܒܲܣ ܐܵܕܝܼܵܐ ܐܵܢܵܐ ܒܓܵܢܝܼ ܒܚܝܼܵܠܝܼ ܒܸܦܠܵܚܵܐ ܝܘܸܢ ܠܢܵܡܘܿܣܵܐ ܕܐܲܠܵܗܵܐ؛ ܐܝܼܢܵܐ ܒܒܸܣܪܝܼ ܠܢܵܡܘܿܣܵܐ ܕܚܛܝܼܬܵܐ.