1ܣܲܪܲܣܬܘܼܬܵܐ ܒܹܐܡܪܵܐ ܝܘܸܢ ܒܡܫܝܼܚܵܐ؛ ܘܠܹܐ ܝܘܸܢ ܕܵܓܘܼܠܹܐ؛ ܘܐܸܢܝܲܬܝܼ ܒܝܼܵܗَܒܼܵܐ ܝَܠܵܗ̇ ܣܵܗܕܘܼܬܵܐ ܥܲܠܝܼ ܒܪܘܼܚܵܐ ܕܩܘܼܕܫܵܐ؛ 2ܕܦܵܫܲܡܬܵܐ ܓܘܼܪܬܵܐ ܐܝܼܬ ܠܝܼ؛ ܘܕܲܪܕ ܡ̣ܢ ܠܸܒܝܼ ܠܹܐ ܝܠܹܗ ܒܸܫܠܵܝܵܐ. 3ܣܵܒܵܒ ܐܵܢܵܐ ܒܲܥܝܸܢ ܗَܘܵܐ ܕܓܵܢܝܼ ܗܵܘܸܢ ܗَܘܵܐ ܡܘܼܚܪܸܡܵܐ ܡ̣ܢ ܡܫܝܼܚܵܐ؛ ܡ̣ܢ ܓܹܒܵܐ ܕܐܵܚܘܿܢܘܵܬܝܼ̈ ܘܚܸܙܡܝܼ̈ ܒܒܸܣܪܵܐ؛ 4ܕܝܼܢܵܐ ܒܢܲܝ̈ ܝܼܣܪܵܝܹܠ؛ ܕܕܝܼܵܝܗܝ ܝَܠܵܗ̇ ܥܒܼܵܕܬܵܐ ܕܒܢܘܼܢܹ̈ܐ؛ ܘܬܸܫܒܘܿܚܬܵܐ؛ ܘܕܝܵܬܹܩܹ̈ܐ؛ ܘܝܵܗَܒܼܲܠܬܵܐ ܕܢܵܡܘܿܣܵܐ؛ ܘܚܸܠܡܲܬ؛ ܘܩܵܘܠܹ̈ܐ؛ 5ܘܕܝܼܵܝܗܝ ܐܲܒܼܵܗ̈ܵܬܵܐ؛ ܘܡܸܢܵܝܗܝ ܡܫܝܼܚܵܐ ܒܒܸܣܪܵܐ؛ ܕܝܼܠܹܗ ܐܲܠܵܗܵܐ ܥܲܠ ܟܠ؛ ܕܐܸܠܹܗ ܒܘܼܪ̈ܟܵܬܹܐ ܠܥܵܠܲܡ ܥܵܠܡܝܼܢ؛ ܐܵܡܹܝܢ. 6ܐܝܼܢܵܐ ܠܹܐ ܝَܠܵܗ̇ ܐܲܝܟܼ ܕܒܛܸܠܵܐ ܗܹܡܸܙܡܵܢܹܗ ܕܐܲܠܵܗܵܐ. ܣܵܒܵܒ ܠܵܐ ܟܠܵܝܗܝ ܕܡ̣ܢ ܝܼܣܪܵܝܹܠ. ܝܼܣܪܵܝܹܠ ܝܼܢܵܐ؛ 7ܕܙܲܪܥܹܗ ܕܐܲܒܼܪܵܗܵܡ ܝܼܢܵܐ؛ ܟܠܵܝܗܝ ܒܢܘܼܢܹ̈ܐ ܝܢܵܐ؛ ܐܸܠܵܐ ܒܐܝܼܣܚܵܩ ܒܸܬ ܦܵܝܸܫ ܩܸܪܝܵܐ ܐܸܠܘܼܟܼ ܙܲܪܥܵܐ. 8ܝܲܥܢܹܐ؛ ܠܹܐ ܝَܠܵܗ̇ ܕܒܢܘܼܢܹ̈ܐ ܕܒܸܣܪܵܐ؛ ܐܲܢܹܐ ܝܢܵܐ ܒܢܘܼܢܹ̈ܐ ܕܐܲܠܵܗܵܐ؛ ܐܝܼܢܵܐ ܒܢܘܼܢܹ̈ܐ ܕܩܵܘܠܵܐ ܦܝܵܫܵܐ ܝܢܵܐ ܚܘܼܫܒܸܢܹܐ ܠܙܲܪܥܵܐ. 9ܣܵܒܵܒ ܝَܠܵܗ̇ ܐܵܗܵܐ ܗܹܡܸܙܡܵܢ؛ ܒܐܵܗܵܐ ܙܲܒܼܢܵܐ ܒܸܬ ܐܵܬܸܢ؛ ܘܒܸܬ ܗܵܘܹܐ ܒܪܘܼܢܵܐ ܠܣܲܪܵܐ. 10ܘܠܵܐ ܗܲܪ ܐܵܗܵܐ؛ ܐܸܠܵܐ ܐܘܼܦ ܪܲܦܩܵܐ؛ ܟܲܕ ܐܝܼܬ ܗَܘܵܐ ܠܵܗܿ ܫܵܪܝܼܟܘܼܬܵܐ ܥܲܡ ܚܲܕَ؛ ܒܵܒܲܢ ܐܝܼܣܚܵܩ؛ 11ܣܵܒܵܒ ܟܲܕ ܗܸܫ ܠܹܐ ܗَܘܵܘ ܗَܘܝܹܐ ܒܢܘܼܢܘܼ̈ܗܿ؛ ܘܠܵܐ ܦܠܝܼܚܹܐ ܛܵܒܼܬܵܐ ܝܼܢ ܒܝܼܫܬܵܐ؛ ܕܪܸܙܵܝܵܐ ܕܐܲܠܵܗܵܐ ܐܲܝܟܼ ܒܓܵܒܵܝܬܵܐ ܥܲܪܩܸܠ؛ ܠܵܐ ܒܦܘܼܠܚܵܢܹ̈ܐ؛ ܐܸܠܵܐ ܒܝܲܕ ܕܗ̇ܘ ܕܩܪܹܐܠܹܗ؛ 12ܦܸܫܠܹܗ ܐَܡܝܼܪܵܐ ܐܸܠܵܗܿ؛ ܕܓܘܼܪܵܐ ܒܸܬ ܗܵܘܹܐ ܪܸܓܵܐ ܠܙܥܘܿܪܵܐ. 13ܐܲܝܟܼ ܕܝܼܠܹܗ ܟܬܝܼܒܼܵܐ؛ ܠܝܲܥܩܘܿܒܼ ܡܘܼܚܸܒܠܝܼ؛ ܐܝܼܢܵܐ ܠܥܹܣܘܿ ܣܢܹܐܠܝܼ. 14ܒܲܣ ܡܘܼܕܝܼ ܐܵܡܪܵܚ؛ ܢܵܐܗܲܩܘܼܬܵܐ ܐܝܼܬ ܠܟܸܣ ܐܲܠܵܗܵܐ؛ ܚܵܣ ܠܝܼ. 15ܣܵܒܵܒ ܕܠܡܘܼܫܹܐ ܐَܡܝܼܪܹܗ؛ ܒܸܬ ܥܵܒܼܕܸܢ ܪܲܚܡܹܐ ܥܲܠ ܕܗ̇ܘ ܕܥܵܒܼܕܸܢ ܪܲܚܡܹܐ؛ ܘܒܸܬ ܥܵܒܼܕܸܢ ܟܵܪܲܡ ܠܗ̇ܘ ܕܥܵܒܼܕܢ ܟܵܪܲܡ. 16ܒܲܣ ܠܹܐ ܝَܠܵܗ̇ ܒܗ̇ܘ ܕܒܲܥܝܹܐ؛ ܘܠܵܐ ܒܗ̇ܘ ܕܪܵܚܸܛ؛ ܐܸܠܵܐ ܒܐܲܠܵܗܵܐ ܕܟܹܐ ܥܵܒܸܕ ܪܲܚܡܹܐ. 17ܣܵܒܵܒ ܕܐَܡܝܼܪܹܗ ܟܬܵܒܼܵܐ ܠܦܸܪܥܘܿܢ؛ ܗܲܪ ܠܐܵܗܵܐ ܩܲܡ ܡܲܩܸܡܸܢܘܼܟ؛ ܕܡܲܚܙܸܢ ܒܝܼܘܼܟ ܚܲܝܠܝܼ؛ ܘܕܦܵܝܸܫ ܡܘܼܟܪܸܙܵܐ ܫܸܡܝܼ ܒܟܠܵܗܿ ܐܲܪܥܵܐ. 18ܒܲܣ ܥܲܠ ܡ̇ܢ ܕܒܵܣܡܵܐ ܠܹܗ ܗ̇ܘ؛ ܟܹܐ ܥܵܒܸܕ ܪܲܚܡܹܐ؛ ܘܠܗ̇ܘ ܕܒܵܣܡܵܐ ܠܹܗ ܟܹܐ ܡܲܩܫܹܐ. 19ܒܲܣ ܒܸܬ ܐܵܡܪܸܬ ܐܸܠܝܼ؛ ܩܵܡܘܿܕܝܼ ܐܚܸܪَܢܵܐ ܒܸܕܒܼܵܩܵܐ ܝܠܹܗ ܓܢܵܗܵܐ؛ ܣܵܒܵܒ ܡܵܢܝܼ ܟܸܠܝܵܐ ܝܠܹܗ ܕܲܪܩܘܼܒܼܠ ܕܪܸܙܵܝܹܗ؛ 20ܒܲܣ ܐܲܢَܬ ܡܵܢܝܼ ܝܘܸܬ؛ ܝܵܐ ܒܲܪܢܵܫܵܐ؛ ܕܓ̰ܘܼܘܵܒ ܠܐܲܠܵܗܵܐ ܒܝܼܵܗَܒܼܵܐ ܝܘܸܬ؛ ܟܹܐ ܐܵܡܪܵܐ ܓܒܼܝܼܠܬܵܐ ܠܗ̇ܘ ܕܓܒܼܝܼܠܵܠܹܗ؛ ܩܵܡܘܿܕܝܼ ܗܲܕܟܼܵܐ ܓܒܼܝܼܠܲܢܘܼܟܼ؛ 21ܝܲܢ ܠܲܝܬ ܠܹܗ ܗܘܼܟܡܵܐ ܦܲܚܵܪܵܐ ܥܲܠ ܛܝܼܢܹܗ؛ ܕܗܲܪ ܡ̣ܢ ܕܗ̇ܝ ܓܒܼܝܼܠܬܵܐ ܬܵܪܸܨ ܚܲܕَ ܡܵܐܢܵܐ ܠܐܝܼܩܵܪܵܐ؛ ܘܚܲܕَ ܠܒܹܨܘܿܪܘܼܬܵܐ؛ 22ܡܘܼܕܝܼ ܐܸܢ ܐܲܠܵܗܵܐ؛ ܟܲܕ ܒܣܸܡܠܵܐ ܠܹܗ ܕܡܲܚܙܹܐ ܟܲܪܒܹܗ ܘܡܲܕܸܥ ܚܲܝܠܹܗ؛ ܩܘܼܒܸܠܹܗ ܒܒܘܼܫܵܝܝܼ ܕܡܲܪܝܲܟܼܬܵܐ ܕܒܹܢܹܗ ܡܵܐܢܹ̈ܐ ܕܟܲܪܒܵܐ ܕܝܼܢܵܐ ܡܘܼܠܚܸܡܹܐ ܠܬܠܵܩܵܐ؛ 23ܘܕܡܲܕܸܥ ܕܵܘܸܠܬܵܐ ܕܚܸܩܪܹܗ ܥܲܠ ܡܵܐܢܹ̈ܐ ܕܪܲܚܡܹܐ؛ ܕܩܵܕَܡܵܝܬܵܐ ܗܘܼܕܸܪܹܗ ܠܚܸܩܪܵܐ؛ 24ܕܝܼܘܵܚ ܐܲܚܢܲܢ؛ ܕܩܪܹܐܠܹܗ؛ ܠܵܐ ܗܲܪ ܡ̣ܢ ܝܗَܘܼܕܵܝܹ̈ܐ؛ ܐܸܠܵܐ ܐܘܼܦ ܡ̣ܢ ܛܵܝܸܦܹ̈ܐ؛ 25ܕܵܐܟܼܝܼ ܕܐܘܼܦ ܒܗܘܼܫܲܥ ܐَܡܝܼܪܹܗ؛ ܒܸܬ ܩܵܪܹܢ ܠܐܵܢܝܼ ܕܠܹܐ ܗَܘܵܘ ܛܵܝܸܦܝܼ؛ ܛܵܝܸܦܵܐ ܕܝܼܝܼ؛ ܘܠܠܵܐ ܡܘܼܚܸܒܬܵܐ؛ ܡܘܼܚܸܒܬܵܐ. 26ܘܒܸܬ ܗܵܘܝܵܐ؛ ܒܕܘܼܟܬܵܐ ܐܲܝܟܵܐ ܕܦܸܫܠܹܗ ܐَܡܝܼܪܵܐ ܐܸܠܵܝܗܝ؛ ܠܹܐ ܝܬܘܿܢ ܛܵܝܸܦܝܼ؛ ܬܵܡܵܐ ܒܸܬ ܦܵܝܸܫܝܼ ܩܸܪܝܹܐ ܒܢܘܼܢܹ̈ܐ ܕܐܲܠܵܗܵܐ ܚܵܝܵܐ. 27ܐܝܼܢܵܐ ܐܸܫܲܥܝܵܐ ܡܲܩܘܘܼܚܹܐ ܝܠܹܗ ܒܵܗَܣ ܕܒܢܲܝ̈ ܝܼܣܪܵܝܹܠ؛ ܐܸܢ ܗܵܘܹܐ ܡܸܢܝܵܢܵܐ ܕܒܢܲܝ̈ ܝܼܣܪܵܝܹܠ ܐܲܝܟܼ ܣܹܠܵܐ ܕܝܵܡܵܐ؛ ܣܵܡܵܐ ܦܝܼܫܵܐ ܡܸܢܵܝܗܝ ܒܸܬ ܚܲܝܹܐ. 28ܣܵܒܵܒ ܒܸܩܛܲܥܝܵܐ ܘܒܸܦܣܵܩܵܐ ܒܸܬ ܥܵܒܸܕ ܡܵܪܝܵܐ ܚܲܒܿܪܵܐ (ܕܝܹܗ) ܥܲܠ ܐܲܪܥܵܐ. 29ܘܐܲܝܟܼ ܡܸܢܕܝܼ ܕܩܵܕَܡܵܝܬܵܐ ܐَܡܝܼܪܹܗ ܐܸܫܲܥܝܵܐ؛ ܐܸܢ ܡܵܪܝܵܐ ܨܒܼܵܐܘܼܬ ܠܵܐ ܗܵܘܹܐ ܗَܘܵܐ ܫܒܼܝܼܩܵܐ ܐܸܠܲܢ ܙܲܪܥܵܐ؛ ܐܲܝܟܼ ܣܕܘܿܡ ܒܸܬ ܗܵܘܵܚ ܗَܘܵܘ؛ ܘܠܥܵܡܘܿܪܵܐ ܒܸܬ ܦܵܝܫܵܚ ܗَܘܵܘ ܕܘܼܡܝܹܐ. 30ܒܲܣ ܡܘܼܕܝܼ ܐܵܡܪܵܚ؛ ܕܛܵܝܸܦܹ̈ܐ؛ ܕܠܹܐ ܗَܘܵܘ ܒܸܪܚܵܛܵܐ ܒܵܬَܪ ܙܲܕܝܼܩܘܼܬܵܐ؛ ܡܛܹܐܠܘܿܢ ܠܙܲܕܝܼܩܘܼܬܵܐ؛ ܘܙܲܕܝܼܩܘܼܬܵܐ ܗ̇ܝ ܕܡ̣ܢ ܗܲܝܡܵܢܘܼܬܵܐ ܝَܠܵܗ̇؛ 31ܐܝܼܢܵܐ ܝܼܣܪܵܝܹܠ؛ ܕܒܸܪܚܵܛܵܐ ܗَܘܵܐ ܒܵܬَܪ ܢܵܡܘܿܣܵܐ ܕܙܲܕܝܼܩܘܼܬܵܐ؛ ܠܢܵܡܘܿܣܵܐ ܕܙܲܕܝܼܩܘܼܬܵܐ ܠܵܐ ܡܛܹܐܠܹܗ. 32ܩܵܡܘܿܕܝܼ؛ ܣܵܒܵܒ ܠܹܐ ܗَܘܵܐ ܡ̣ܢ ܗܲܝܡܵܢܘܼܬܵܐ؛ ܐܸܠܵܐ ܐܲܝܟܼ ܕܡ̣ܢ ܦܘܼܠܚܵܢܹ̈ܐ. ܣܵܒܵܒ ܬܘܼܪܩܸܠܘܿܢ ܒܟܹܐܦܵܐ ܕܬܲܪܩܲܠܬܵܐ؛ 33ܐܲܝܟܼ ܕܝܼܠܹܗ ܟܬܝܼܒܼܵܐ؛ ܗܵܐ ܡܲܬܘܼܒܹܐ ܝܘܸܢ ܒܸܨܗܝܘܿܢ ܟܹܐܦܵܐ ܕܬܲܪܩܲܠܬܵܐ؛ ܘܐܝܼܨܵܪܵܐ (ܩܵܝܵܐ) ܕܟܦܘܼܪܝܵܐ؛ ܘܗ̇ܘ ܕܗܲܡܸܢ ܒܝܹܗ ܠܹܐ ܢܵܚܸܦ.