1ܐܵܚܘܿܢܘܵܬܝܼ؛ ܪܸܙܵܝܵܐ ܕܠܸܒܝܼ ܘܦܲܪܦܲܠܬܝܼ ܕܠܟܸܣ ܐܲܠܵܗܵܐ ܡ̣ܢ ܓܸܒܵܝܗܝ ܝܼܠܵܗ̇؛ ܕܚܲܝܝܼ. 2ܣܵܒܵܒ ܒܸܣܗܵܕܵܐ ܝܘܸܢ ܥܲܠܵܝܗܝ ܕܩܲܝܪܲܬ ܕܐܲܠܵܗܵܐ ܐܝܼܬ ܒܝܼܵܝܗܝ؛ ܐܸܠܵܐ ܠܵܐ ܒܝܼܕܹܥܬܵܐ. 3ܣܵܒܵܒ ܟܲܕ ܠܵܐ ܒܝܼܕܲܥܝܵܐ ܙܲܕܝܼܩܘܼܬܹܗ ܕܐܲܠܵܗܵܐ؛ ܘܒܸܒܲܥܝܵܐ ܕܡܲܩܸܡܝܼ ܙܲܕܝܼܩܘܼܬܵܐ ܕܓܵܢܵܝܗܝ؛ ܠܙܲܕܝܼܩܘܼܬܹܗ ܕܐܲܠܵܗܵܐ ܠܵܐ ܗَܘܹܐܠܘܿܢ ܙܲܒܛ. 4ܣܵܒܵܒ ܕܩܲܝܵܣܹܗ ܕܢܵܡܘܿܣܵܐ ܡܫܝܼܚܵܐ ܝܠܹܗ؛ ܠܙܲܕܝܼܩܘܼܬܵܐ ܠܟܠ ܕܗܲܡܸܢ. 5ܣܵܒܵܒ ܡܘܼܫܹܐ ܟܬܸܒܼܠܹܗ ܒܵܗَܣ ܕܙܲܕܝܼܩܘܼܬܵܐ ܕܒܢܵܡܘܿܣܵܐ؛ ܕܗ̇ܘ ܐَܢܵܫܵܐ ܕܥܵܒܸܕ ܐܲܢܹܐ؛ ܒܸܬ ܚܲܝܹܐ ܒܝܼܵܝܗܝ. 6ܐܝܼܢܵܐ ܙܲܕܝܼܩܘܼܬܵܐ ܕܒܗܲܝܡܵܢܘܼܬܵܐ ܗܲܕܟܼܵܐ ܒܹܐܡܵܪܵܐ ܝَܠܵܗ̇؛ ܠܵܐ ܐܵܡܪܸܬ ܒܠܸܒܘܼܟ؛ ܡܵܢܝܼ ܒܸܬ ܐܵܣܸܩ ܠܫܡܲܝܵܐ؛ ܝܲܥܢܹܐ؛ ܕܡܲܨܠܹܐ ܠܡܫܝܼܚܵܐ؛ 7ܝܲܢ ܡܵܢܝܼ ܒܸܬ ܨܵܠܹܐ ܠܥܘܼܡܩܵܐ؛ ܝܲܥܢܹܐ؛ ܕܡܵܐܣܸܩ ܠܡܫܝܼܚܵܐ ܡ̣ܢ ܡܝܼܬܹ̈ܐ؛ 8ܐܸܠܵܐ ܡܘܼܕܝܼ ܐَܡܝܼܪܹܗ؛ ܩܘܼܪܒܵܐ ܝَܠܵܗ̇ ܐܸܠܘܼܟܼ ܗܹܡܸܙܡܵܢ؛ ܓܵܘ ܦܘܼܡܘܼܟ؛ ܘܓܵܘ ܠܸܒܘܼܟ؛ ܝܲܥܢܹܐ؛ ܗܹܡܸܙܡܵܢ ܕܗܲܝܡܵܢܘܼܬܵܐ ܕܡܲܟܪܘܼܙܹܐ ܝܘܵܚ؛ 9ܣܵܒܵܒ ܐܸܢ ܡܵܘܕܸܬ ܒܦܘܼܡܘܼܟ ܒܡܵܪܲܢ ܝܼܫܘܿܥ؛ ܘܗܲܡܸܢܹܬ ܒܠܸܒܘܼܟ ܕܐܲܠܵܗܵܐ ܡܘܼܩܸܡܠܹܗ ܡ̣ܢ ܡܝܼܬܹ̈ܐ؛ ܒܸܬ ܚܲܝܸܬ. 10ܣܵܒܵܒ ܒܠܸܒܵܐ ܟܹܐ ܡܵܘܕܹܐ ܠܦܘܼܪܩܵܢܵܐ. 11ܣܵܒܵܒ ܕܐَܡܝܼܪܹܗ ܟܬܵܒܼܵܐ؛ ܟܠ ܕܗܲܡܸܢ ܒܝܹܗ ܠܹܐ ܢܵܚܸܦ. 12ܣܵܒܵܒ ܠܲܝܬ ܦܘܼܪܫܘܼܢܝܵܐ ܒܹܝܠ ܝܗَܘܼܕܵܝܵܐ ܘܝܵܘܢܵܝܵܐ؛ ܣܵܒܵܒ ܚܲܕَ ܝܼܠܹܗ ܡܵܪܝܵܐ ܕܟܠܵܝܗܝ؛ ܕܕܵܘܠܲܬܡܲܢܕ ܝܼܠܹܗ ܠܟܠ ܕܩܵܪܹܐ ܠܹܗ. 13ܣܵܒܵܒ ܟܠ ܕܩܵܪܹܐ ܒܫܸܡܹܗ ܕܡܵܪܝܵܐ ܒܸܬ ܚܲܝܹ̈ܐ. 14ܒܲܣ ܕܵܐܟܼܝܼ ܒܸܬ ܩܵܪܝܼ ܠܗ̇ܘ ܕܠܵܐ ܗܘܼܡܸܢܘܿܢ ܒܝܹܗ ܝܲܢ ܕܵܐܟܼܝܼ ܒܸܬ ܗܲܡܸܢܝܼ ܒܗ̇ܘ ܕܠܵܐ ܫܡܝܼܥܠܘܿܢ ܒܵܗَܣܹܗ؛ ܝܲܢ ܕܵܐܟܼܝܼ ܒܸܬ ܫܲܡܥܝܼ ܕܠܵܐ ܡܲܟܪܸܙܵܢܵܐ؛ 15ܝܲܢ ܕܵܐܟܼܝܼ ܒܸܬ ܡܲܟܪܸܙܝܼ؛ ܐܸܢ ܠܵܐ ܦܵܝܫܝܼ ܫܘܼܕܪܹܐ؛ ܐܲܝܟܼ ܕܝܼܠܹܗ ܟܬܝܼܒܼܵܐ؛ ܟܡܵܐ ܫܵܦܝܼܪܹ̈ܐ ܝܢܵܐ ܐܲܩܠܵܬܹ̈ܐ ܕܡܲܫܚܸܕܵܢܹ̈ܐ ܕܫܠܵܡܵܐ ܘܕܡܲܫܚܸܕܵܢܹ̈ܐ ܕܛܵܒܼܵܬܹ̈ܐ. 16ܐܸܠܵܐ ܟܠܵܝܗܝ ܠܵܐ ܡܘܼܨܝܸܬܠܘܿܢ ܠܐܹܘܵܢܓܵܠܝܼܘܿܢ. ܣܵܒܵܒ ܕܐܹܫܲܥܝܵܐ ܐَܡܝܼܪܹܗ؛ ܡܵܢܝܼ ܗܘܼܡܸܢܹܗ ܠܡܲܫܡܵܥܝܬܲܢ؛ 17ܒܲܣ ܗܲܝܡܵܢܘܼܬܵܐ ܡ̣ܢ ܫܡܵܥܝܵܬܐ ܝَܠܵܗ̇؛ ܘܫܡܵܥܝܵܬܐ ܡ̣ܢ ܗܹܡܸܙܡܵܢ ܕܐܲܠܵܗܵܐ. 18ܐܸܠܵܐ ܒܸܐܡܵܪܵܐ ܝܘܸܢ ܠܵܐ ܫܡܸܥܠܗَܘܿܢ؛ ܗܹܐ؛ ܕܒܪܝܼܬܵܐ ܗܹܡܸܙܡܵܢܵܝ̈ܗܝ. 19ܐܸܠܵܐ ܒܹܐܡܵܪܵܐ ܝܘܸܢ؛ ܠܵܐ ܝܕܸܥܠܹܗ ܝܼܣܪܵܝܸܠ؛ ܩܲܕَܡܵܝܵܐ ܡܘܼܫܹܐ ܐَܡܝܼܪܹܗ؛ ܒܸܬ ܡܲܥܒܼܸܪܸܢܵܟܼܘܿܢ ܒܩܝܼܪܲܬ ܒܛܵܝܸܦܵܐ ܕܠܹܐ ܝܠܹܗ ܛܵܝܸܦܵܐ؛ ܒܛܵܝܸܦܵܐ ܕܠܵܐ ܦܲܪܡܵܝܬܵܐ ܒܸܬ ܡܲܟܪܸܒܸܿܢܘܿܟܼܘܿܢ. 20ܐܝܼܢܵܐ ܐܹܫܲܥܝܵܐ ܩܘܼܫܕܸܪܹܗ ܘܐَܡܝܼܪܹܗ؛ ܦܸܫܠܝܼ ܡܘܼܫَܟܼܚܵܐ ܠܐܵܢܝܼ ܕܠܵܐ ܛܹܥܠܘܿܢ ܐܸܠܝܼ؛ ܘܦܸܫܠܝܼ ܚܸܙܝܵܐ ܠܐܵܢܝܼ ܕܠܵܐ ܒܘܼܩܸܪܘܿܢ ܥܲܠܝܼ. 21ܐܝܼܢܵܐ ܠܝܼܣܪܵܝܹܐ ܐَܡܝܼܪܹܗ؛ ܟܠܹܗ ܝܵܘܡܵܐ ܦܘܼܫܸܛܠܝܼ ܐܝܼܕܵܬܝܼ̈ ܠܟܸܣ ܛܵܝܸܦܵܐ ܡܲܩܪܸܨܵܢܵܐ ܘܠܵܐ ܡܲܨܝܸܬܵܢܵܐ.