1ܐܲܢ݇ܬ ܗܲܕܟܼܵܐ؛ ܒܪܘܼܢܝܼ؛ ܦܘܼܫ ܚܘܼܠܸܢܵܐ ܒܫܵܦܵܩܲܬ ܕܒܝܼܫܘܿܥ ܡܫܝܼܚܵܐ؛ 2ܘܐܵܢܝܼ ܕܫܡܸܥܠܘܼܟܼ ܡܸܢܝܼ ܒܝܼܸܕ ܪܵܒܵܐ ܣܵܗܕܹ̈ܐ؛ ܐܲܢܹܐ ܣܵܦܝܼ ܠܐ݇ܢܵܫܹ̈ܐ ܡܗܘܼܡܢܹ̈ܐ؛ ܐܵܢܝܼ ܕܡܵܨܝܼ ܐܘܼܦ ܠܐَܚܹܪ̈݇ܢܹܐ ܠܡܵܠܘܿܦܹܐ. 3ܩܵܒܸ݁ܠ ܒܝܼܫܵܬܹ̈ܐ (ܥܲܡܝܼ) ܐܲܝܟܼ ܣܲܪܒܵܙ ܛܵܒܼܵܐ ܕܝܼܫܘܿܥ ܡܫܝܼܚܵܐ. 4ܐ݇ܢܵܫܵܐ ܕܥܵܒܸܕ ܣܲܪܒܵܙܘܼܬܵܐ ܠܹܐ ܦܵܝܸܫ ܐَܣܝܼܪܵܐ ܒܡܸܢܕܝܵܢܹ̈ܐ ܕܐܲܢܹܐ ܚܲܝܹ̈ܐ؛ ܕܫܵܦܸܪ ܠܗ̇ܘ ܕܓܘܼܒܹܠܹܗ ܠܣܲܪܒܵܙܘܼܬܵܐ. 5ܘܐܸܢ ܐ݇ܢܵܫܵܐ ܥܵܒܸܕ ܐܵܓܼܘܿܢܵܐ (ܓܵܘ ܡܲܝܕܵܢ)؛ ܠܹܐ ܦܵܝܸܫ ܒܘܼܢܦܸܪܵܐ؛ ܐܸܢ ܐܲܝܟܼ ܒܢܵܡܘܿܣܵܐ ܠܵܐ ܥܵܒܸܕ ܐܵܓܼܘܿܢܵܐ. 6ܐܲܟܵܪܵܐ ܕܓ̰ܲܗ݇ܝܹܐ؛ ܘܵܓ̰ܸܒ ܝܼܠܵܗ̇ ܕܩܵܕ݇ܡܵܝܬܵܐ ܫܵܪܸܟ ܡ̣ܢ ܡܲܗܨܘܼܠܘܼ̈ܗܝ. 7ܦܲܪܡܝܼ ܡܸܢܕܝܼ ܕܒܹܐܡܵܪܵܐ ܝܘܸܢ ܝܵܗ݇ܒܸܠ ܠܘܼܟܼ ܡܵܪܲܢ ܦܲܪܡܵܝܬܵܐ ܒܟܠ ܡܸܢܕܝܼ. 8ܕܟܼܘܿܪ ܠܝܼܫܘܿܥ ܡܫܝܼܚܵܐ ܕܩܸܡܠܹܗ ܡ̣ܢ ܡܝܼܬܹ̈ܐ؛ ܕܝܼܠܹܗ ܡ̣ܢ ܙܲܪܥܹܗ ܕܕܵܘܝܼܕ؛ ܐܲܝܟܼ ܐܹܘܵܢܓܵܠܝܼܘܿܢ ܕܝܼܝܼ؛ 9ܕܒܝܼܵܗ̇ ܒܸܩܒܵܠܵܐ ܝܘܸܢ ܒܝܼܫܵܬܹ̈ܐ ܗܲܠ ܝܸܣܘܼܪܹ̈ܐ؛ ܐܲܝܟܼ ܥܵܒܼܕܵܢܵܐ ܕܒܝܼܫܵܬܹ̈ܐ؛ ܐܸܠܵܐ ܗܹܡܸܙܡܵܢܹܗ ܕܐܲܠܵܗܵܐ ܠܹܐ ܝَܠܵܗ̇ ܐܣܝܼܪܬܵܐ. 10ܣܵܒܵܒ ܕܐܵܗܵܐ ܟܠ ܡܸܢܕܝܼ ܒܸܚܡܵܠܵܐ ܝܘܸܢ ܒܚܵܬܸܪ ܕܓܘܼܒܝܹ̈ܐ؛ ܕܐܘܼܦ ܐܵܢܝܼ ܩܵܒ݁ܠܝܼ ܠܦܘܼܪܩܵܢܵܐ ܕܒܝܼܫܘܿܥ ܡܫܝܼܚܵܐ ܥܲܡ ܚܸܩܪܵܐ ܕܠܥܵܠܲܡ. 11ܡܗܘܼܡܸܢܬܵܐ ܝَܠܵܗ̇ ܗܹܡܸܙܡܵܢ؛ ܣܵܒܵܒ ܐܸܢ ܡܝܼܬܠܲܢ ܥܲܡܹܗ؛ ܐܘܼܦ ܥܲܡܹܗ ܒܸܬ ܚܲܝܵܚ. 12ܘܐܸܢ ܚܵܡܠܵܚ؛ ܐܘܼܦ ܒܸܬ ܥܵܒܼܕܵܚ ܡܲܠܟܘܼܬܵܐ ܥܲܡܹܗ. ܐܝܼܢܵܐ ܐܸܢ ܟܵܦܪܵܚ ܒܝܼܹܗ؛ ܐܘܼܦ ܗ̇ܘ ܒܸܬ ܟܵܦܸܪ ܒܝܲܢ. 13ܗ̇ܘ ܒܡܗܘܼܡܢܘܼܬܵܐ ܟܹܐ ܥܲܪܩܸܠ؛ ܣܵܒܵܒ ܠܹܐ ܡܵܨܹܐ ܕܟܵܦܸܪ ܒܓܵܢܹܗ. 14ܐܲܢܹܐ ܗܵܘܸܬ ܡܲܕܟܼܘܼܪܵܝ؛ ܘܒܸܣܗܵܕܵܐ ܩܵܕ݇ܡ ܡܵܪܲܢ؛ ܕܠܵܐ ܗܵܘܝܼ ܡܲܩܪܘܼܨܹܐ ܒܗܹܡܸܙܡܵܢܹ̈ܐ ܕܠܵܐ ܦܲܝܕܵܐ؛ ܠܬܠܵܚܬܵܐ ܕܐܵܢܝܼ ܕܫܲܡܥܝܼ ܠܗ݇ܘܿܢ. 15ܐَܟܼܘܿܠ ܚܲܡ ܕܡܲܩܸܡܸܬ ܓܵܢܘܼܟܼ ܡܲܩܒܘܼܠ ܩܵܕ݇ܡ ܐܲܠܵܗܵܐ؛ ܦܵܠܵܚܵܐ ܕܠܵܐ ܢܚܸܦܬܵܐ؛ ܕܡܲܟܪܸܙ ܒܬܪܘܼܨܘܼܬܵܐ ܗܹܡܸܙܡܵܢ ܕܣܲܪܲܣܬܘܼܬܵܐ. 16ܦܨܝܼ ܠܘܼܟܼ ܡ̣ܢ ܗܹܡܸܙܡܵܢܹ̈ܐ ܒܵܛܝܼ̈ܠܹܐ ܘܗܲܪ̈ܙܹܐ؛ ܣܵܒܵܒ ܕܒܸܬ ܐܵܬܝܼ ܠܩܵܕ݇ܡܵܝ ܙܵܘܕܵܐ ܒܟܦܘܼܪܝܵܐ؛ 17ܘܗܹܡܸܙܡܵܢܵܝܗܝ ܐܲܝܟܼ ܚܘܲܪܸܟ ܒܸܬ ܕܵܒܼܩܵܐ ܕܘܼܟܵܐ؛ ܘܡܸܢܵܝܗܝ ܝܠܹܗ ܗܹܘܡܹܢܹܐܘܿܣ ܘܦܝܼܠܹܛܘܿܣ؛ 18ܐܲܢܹܐ ܕܚܠܸܛܠܘܿܢ ܡ̣ܢ ܣܲܪܲܣܬܘܼܬܵܐ ܓܹܒܵܐ؛ ܟܲܕ ܒܹܐܡܵܪܵܐ؛ ܕܩܵܝܡܬܵܐ ܕܡܝܼܬܹ̈ܐ ܥܒܼܝܼܪܬܵܐ ܝَܠܵܗ̇ ܡ̣ܢ ܩܵܕ݇ܡ ܐܵܕܝܼܵܐ؛ ܘܡܲܕܘܼܪܹܐ ܝܢܵܐ ܗܲܝܡܵܢܘܼܬܵܐ ܕܐ݇ܢܵܫܵܐ ܐ݇ܢܵܫܵܐ. 19ܐܝܼܢܵܐ ܒܸܢܝܲܬ ܕܐܲܠܵܗܵܐ ܩܘܼܝܼܬܵܐ ܟܹܐ ܟܵܠܝܵܐ؛ ܘܐܝܼܬ ܠܵܗ̇ ܐܵܗܵܐ ܡܵܘܗܪ؛ ܟܹܐ ܝܲܕܸܥ ܡܵܪܝܵܐ ܠܐܵܢܝܼ ܕܕܝܼܹܗ ܝܢܵܐ؛ ܐܘܼܦ؛ ܦܵܪܸܩ ܡ̣ܢ ܥܵܘܠܵܐ ܟܠ ܕܩܵܪܹܐ ܫܸܡܹܗ ܕܡܫܝܼܚܵܐ. 20ܐܝܼܢܵܐ ܓܵܘ ܚܲܕَ ܒܲܝܬܵܐ ܓܘܼܪܵܐ؛ ܠܵܐ ܗܲܪ ܡܵܐܢܹ̈ܐ ܕܕܲܗܒܼܵܐ ܝܲܢ ܕܣܹܐܡܵܐ ܒܢܲܦ̮ܫܵܝ ܐܝܼܬ؛ ܐܸܠܵܐ ܐܘܼܦ ܕܩܲܝܣܵܐ؛ ܐܘܼܦ ܕܦܲܚܵܪܵܐ؛ ܚܲܕَܟܡܵܐ ܠܐܝܼܩܵܪܵܐ؛ ܘܚܲܕَܟܡܵܐ ܠܒܹܨܘܼܪܘܼܬܵܐ. 21ܐܸܢ ܐ݇ܢܵܫܵܐ ܗܲܕܟܼܵܐ ܕܵܟܹܐ ܠܵܗ̇ ܓܵܢܹܗ ܡܐܲܢܹܐ؛ ܟܹܐ ܗܵܘܹܐ ܡܵܐܢܵܐ ܠܐܝܼܩܵܪܵܐ؛ ܕܘܼܟܼܝܵܐ؛ ܕܚܵܫܸܚ ܠܡܲܦܠܲܚܬܵܐ ܕܡܵܪܹܗ؛ ܘܗܘܼܕܪܵܐ ܠܟܠ ܦܘܼܠܚܵܢܵܐ ܛܵܒܼܵܐ. 22ܡ̣ܢ ܫܲܗَܘܲܬܝܵܬܹ̈ܐ ܕܓ̰ܘܲܢܩܘܼܬܵܐ ܥܪܘܿܩ؛ ܘܪܚܘܿܛ ܒܵܬ݇ܪ ܙܲܕܝܼܩܘܼܬܵܐ؛ ܘܗܲܝܡܵܢܘܼܬܵܐ؛ ܘܚܘܼܒܵܐ؛ ܘܫܠܵܡܵܐ؛ ܥܲܡ ܕܐܵܢܝܼ ܕܩܵܪܝܼ ܠܡܵܪܲܢ ܒܠܸܒܵܐ ܕܸܟܼܝܵܐ. 23ܐܝܼܢܵܐ ܒܵܩܲܪ̈ܝܵܬܹܐ ܐܲܗܡܲܩܹ̈ܐ ܘܒܹܐ ܡܲܪܕܘܼܬܵܐ؛ ܦܨܝܼ ܠܘܼܟܼ ܡܸܢܵܝܗܝ؛ ܣܵܒܵܒ ܟܹܐ ܝܲܕܥܸܬ ܕܦܠܵܫܹ̈ܐ ܟܹܐ ܡܲܗܘܝܼ. 24ܘܪܹܓܹܗ ܕܡܵܪܲܢ ܠܹܐ ܝَܠܵܗ̇ ܘܵܓ̰ܸܒ ܕܦܵܠܸܫ؛ ܐܸܠܵܐ ܕܗܵܘܹܐ ܡܵܟܝܼܟܼܵܐ ܠܟܸܣ ܟܠ ܐ݇ܢܵܫܵܐ؛ ܡܲܠܦܵܢܵܐ؛ ܩܵܒܠܵܢܵܐ ܕܒܝܼܫܵܬܹ̈ܐ؛ 25ܬܥܠܘܼܡܹܐ ܒܡܵܟܝܼܟܼܘܼܬܵܐ ܠܐܵܢܝܼ ܕܡܲܩܪܸܨܝܼ ܠܕܲܪܩܘܼܒܼܠ؛ ܕܡܩܵܘܡܵܐ ܝܵܗ݇ܒܸܠ ܠܗ݇ܘܿܢ ܐܲܠܵܗܵܐ ܬܝܵܒܼܘܼܬܵܐ ܠܝܕܹܥܬܵܐ ܕܣܲܪܣܬܘܼܬܵܐ؛ 26ܘܪܵܥܫܝܼ ܡ̣ܢ ܢܸܫܒܹܗ ܕܐܵܟܼܹܠܩܲܪܨܵܐ؛ ܕܒܝܼܹܗ ܦܸܫܠܗَܘܿܢ ܨܝܼܕܹܐ ܠܪܹܙܵܝܹܗ (ܕܐܲܠܵܗܵܐ).