1ܣܵܒܵܒ ܢܵܡܘܿܣܵܐ ܛܸܠܵܢܝܼܬܵܐ ܐܝܼܬ ܗ݇ܘܵܐ ܒܝܼܹܗ ܕܛܵܒܼܵܬܹ̈ܐ ܕܝܼܢܵܐ ܗܕܝܼܪܹܐ ܕܗܵܘܝܼ؛ ܘܠܵܐ ܩܢܘܿܡܵܐ ܒܓܵܢܹܗ ܕܐܵܢܝܼ ܡܸܢܕܝܼܵܢܹ̈ܐ؛ ܣܵܒܵܒ ܕܐܵܗܵܐ؛ ܟܲܕ ܗܲܡܵܫܵܐ ܒܟܠ ܫܹܢ݇ܬܵܐ ܗܲܪ ܐܵܢܝܼ ܕܸܒܼܚܹ̈ܐ ܦܵܝܫܝܼ ܗ݇ܘܵܘ ܡܘܼܩܪܸܒܹܐ؛ ܗܸܟ̰ ܡܵܨܝܼ ܗ݇ܘܵܘ ܕܡܲܟܡܸܠܝܼ ܠܐܵܢܝܼ ܕܐܵܬܝܼ ܗ݇ܘܵܘ ܩܘܼܪܒܵܐ. 2ܣܵܒܵܒ ܐܸܢ ܠܵܐ؛ ܠܹܐ ܫܵܠܝܼ ܗ݇ܘܵܘ ܡ̣ܢ ܩܘܼܪ̈ܒܵܢܵܝ؛ ܣܵܒܵܒ ܐَܚܹܪَܢܵܐ ܠܹܐ ܗܵܘܝܵܐ ܗ݇ܘܵܐ ܠܥܵܒܼܕܵܢܹ̈ܐ ܕܚܸܠܡܲܬ ܐܸܢܝܲܬ ܕܚܛܝܼܵܬܹ̈ܐ؛ ܠܐܵܢܝܼ ܕܚܕܵܐ ܓܵܗܵܐ ܦܸܫܠܗَܘܿܢ ܕܘܼܟܼܝܹܐ. 3ܐܸܠܵܐ ܒܐܲܢܹܐ ܟܹܐ ܡܲܕܟܸܪܝܼ ܠܚܛܝܼܵܬܵܝ̈ܗܝ ܒܟܠ ܫܹܢ݇ܬܵܐ. 4ܣܵܒܵܒ ܠܹܐ ܡܵܨܹܐ ܕܸܡܵܐ ܕܬܵܘܪܹ̈ܐ ܘܕܥܸܙܹ̈ܐ ܠܕܵܟܼܘܿܝܹܐ ܚܛܝܼܵܬܹ̈ܐ. 5ܣܵܒܵܒ ܕܐܵܗܵܐ ܟܲܕ ܒܸܥܒܼܵܪܵܐ ܠܥܵܠܡܵܐ؛ ܐَܡܝܼܪܹܗ؛ ܒܕܸܒܼܚܹ̈ܐ ܘܩܘܼܪ̈ܒܵܢܹܐ ܠܵܐ ܒܣܸܡܠܵܐ ܠܘܼܟܼܼ؛ ܐܝܼܢܵܐ ܦܲܓܼܪܵܐ ܗܘܼܕܸܪܘܼܟܼ ܐܸܠܝܼ؛ 6ܝܩܝܼܕܹ̈ܐ ܬܲܡܵܡ ܘ (ܩܘܼܪ̈ܒܵܢܹܐ) ܡܒܵܕܵܠ ܕܚܛܝܼܵܬܹ̈ܐ ܠܵܐ ܛܠܸܒܠܘܼܟܼ. 7ܗ̇ܝܓܵܗ ܐَܡܸܪܝܼ؛ ܗܵܐ؛ ܕܘܼ ܝܘܸܢ ܐܬܹܠܝܼ؛ ܒܟܸܪܟܼܵܐ ܕܟܬܵܒܼܵܐ ܟܬܝܼܒܼܵܐ ܝܠܹܗ ܒܵܗ݇ܣܝܼ؛ ܕܥܵܒܼܕܸܢ ܪܸܙܵܝܘܼܟܼ؛ ܝܵܐ ܐܲܠܵܗܵܐ. 8ܟܲܕ ܒܥܸܠܸܠ ܐَܡܝܼܪܹܗ؛ ܕܸܒܼܚܹ̈ܐ ܘܩܘܼܪ̈ܒܵܢܹܐ ܘܝܩܝܼܕܹ̈ܐ ܬܲܡܵܡ ܘ(ܩܘܼܪ̈ܒܵܢܹܐ) ܡܒܵܕܵܠ ܕܚܛܝܼܵܬܹ̈ܐ ܠܵܐ ܒܸܥܠܘܼܟܼܼ؛ ܘܠܵܐ ܒܣܸܡܠܵܐ ܠܘܼܟܼ ܒܝܼܵܝܗܝ؛ ܐܵܢܝܼ ܕܦܝܵܫܵܐ ܗ݇ܘܵܘ ܡܘܼܩܪܸܒܹܐ ܒܢܵܡܘܿܣܵܐ؛ 9ܒܵܬ݇ܪ ܗܵܕܹܐ ܐَܡܝܼܪܹܗ؛ ܗܵܐ؛ ܐܬܹܠܝܼ ܕܥܵܒܼܕܸܢ ܪܸܙܵܝܘܼܟܼ. ܒܸܫܩܵܠܵܐ ܝܠܹܗ ܠܩܵܕ݇ܡܵܝܬܵܐ ܕܡܲܩܸܡ ܗ݇ܘܵܐ ܠܗ̇ܝ ܕܬܲܪ̈ܬܹܝ. 10ܒܐܵܗܵܐ ܪܸܙܵܝܹܗ ܦܸܫܠܲܢ ܩܘܼܕܫܹܐ؛ ܒܡܲܩܪܲܒܼܬܵܐ ܕܦܲܓܼܪܹܗ ܕܝܼܫܘܿܥ ܡܫܝܼܚܵܐ ܗܲܪ ܚܕܵܐ ܓܵܗܵܐ. 11ܘܟܠ ܓܘܼܪܵܐ ܕܟܵܗܢܹ̈ܐ ܟܹܐ ܟܵܠܹܐ ܘܥܵܒܸܕ ܚܸܠܡܲܬ ܟܠܝܘܿܡ؛ ܗܲܪ ܐܲܢܹܐ ܕܸܒܼܚܹ̈ܐ ܪܵܒܵܐ ܓܵܗܹ̈ܐ ܟܹܐ ܡܲܩܪܸܒܼ؛ ܐܵܢܝܼ ܕܗܲܪ ܠܹܐ ܡܵܨܝܼ ܕܫܵܩܠܝܼ ܚܛܝܼܵܬܹ̈ܐ. 12ܐܝܼܢܵܐ ܐܵܗܵܐ ܚܲܕَ ܕܸܒܼܚܵܐ ܡܘܼܩܪܸܒܼܠܹܐ ܡܒܵܕܵܠ ܕܚܛܝܼܵܬܹ̈ܐ؛ ܘܝܬܸܒܼܠܹܐ ܥܲܠ ܝܲܡܝܼܢܵܐ ܕܐܲܠܵܗܵܐ ܠܥܵܠܲܡ. 13ܘܡܵܐܕܝܼܵܐ ܒܸܣܦܵܪܵܐ ܝܠܹܗ ܗܲܠ ܕܦܵܝܫܝܼ ܡܘܼܬܒܹܐ ܕܫܸܡܸܢܘܼ̈ܗܝ ܟܘܼܒܼܫܵܐ ܬܚܘܿܬ ܐܲܩܠܘܼ̈ܗܝ. 14ܣܵܒܵܒ ܒܚܲܕَ ܩܘܼܪܒܵܢܵܐ ܡܘܼܟܡܸܠܹܐ ܠܥܵܠܲܡ ܠܐܵܢܝܼ ܕܦܝܵܫܵܐ ܝܢܵܐ ܩܘܼܕܫܵܐ. 15ܐܝܼܢܵܐ ܒܝܼܵܗ݇ܒܼܵܐ ܝَܠܵܗ̇ ܣܵܗܕܘܼܬܵܐ ܐܸܠܲܢ ܐܘܼܦ ܪܘܼܚܵܐ ܕܩܘܼܕܫܵܐ؛ ܣܵܒܵܒ ܒܵܬ݇ܪ ܕܐَܡܝܼܪܹܗ؛ 16ܐܵܗܵܐ ܝَܠܵܗ̇ ܕܝܵܬܹܩܹܐ ܕܒܸܬ ܡܲܬܒܸܢ ܐܸܠܵܝܗܝ ܡܒܵܬ݇ܪ ܐܵܢܝܼ ܝܵܘܡܵܢܹ̈ܐ؛ ܒܹܐܡܵܪܵܐ ܝܠܹܗ ܡܵܪܝܵܐ؛ ܒܸܬ ܝܵܗ݇ܒܸܢ ܠܢܵܡܘܿܣܝܼ ܒܠܸܒܵܝ̈ܗܝ؛ ܘܥܲܠ ܚܝܼܵܠܵܝ̈ܗܝ ܒܸܬ ܟܵܬܒܸܢܹܗ؛ 17(ܗ̇ܝܓܵܗ ܐَܡܝܼܪܹܗ؛ ) ܘܥܵܘܠܵܝ ܘܚܛܝܼܵܬܵܝ̈ܗܝ ܠܹܐ ܕܵܟܼܪܸܢ ܐَܚܹܪَܢܵܐ. 18ܐܝܼܢܵܐ ܐܲܝܟܵܐ ܕܐܝܼܬ ܫܒܼܵܩܵܐ ܕܐܲܢܹܐ؛ ܠܲܝܬ ܐَܚܹܪَܢܵܐ ܡܲܩܘܲܒܼܬܵܐ ܡܒܵܕܵܠ ܕܚܛܝܼܵܬܹ̈ܐ. 19ܟܲܕ ܐܝܼܬ ܠܲܢ ܗܲܕܟܼܵܐ؛ ܐܵܚܘܿܢܘܵܬܝܼ̈؛ ܚܘܵܪܦܵܬܘܼܬܵܐ ܒܐܘܵܪܬܵܐ ܕܓܵܘ ܒܹܝܬ ܩܘܼܕܫܵܐ ܒܕܸܡܹܗ ܕܝܼܫܘܿܥ؛ 20ܒܗ̇ܝ ܕܚܘܼܕܸܬܠܹܐ ܐܸܠܲܢ؛ ܐܘܼܪܚܵܐ ܚܲܕܬܵܐ ܘܚܵܝܬܵܐ؛ ܒܝܼܸܕ ܣܸܬܪܵܐ؛ ܕܝܼܠܹܗ ܒܸܣܪܹܗ؛ 21ܘ(ܟܲܕ ܐܝܼܬ ܠܲܢ) ܟܵܗܢܵܐ ܓܘܼܪܵܐ ܥܲܠ ܒܲܝܬܹܗ ܕܐܲܠܵܗܵܐ؛ 22ܐܵܬܵܚ ܩܘܼܪܒܵܐ ܒܠܸܒܵܐ ܫܲܪܝܼܪܵܐ؛ ܘܒܬܲܡܵܡܵܬܘܼܬܵܐ ܕܗܲܝܡܵܢܘܼܬܵܐ؛ ܟܲܕ ܡܘܼܪܝܸܣܹܐ ܝܢܵܐ ܠܸܒܵܘ̈ܬܲܢ ܘܕܘܼܟܼܝܹܐ ܡ̣ܢ ܐܸܢܝܲܬ ܒܝܼܫܬܵܐ؛ ܘܡܘܼܣܚܝܼܵܐ ܦܲܓܼܪܲܢ ܒܡ̈ܝܼܵܐ ܕܸܟܼܝܹ̈ܐ؛ 23ܘܚܵܡܠܵܚ ܒܡܵܘܕܵܝܬܵܐ ܕܗܹܒܼܝܼܲܢ ܘܠܵܐ ܩܵܠܒܵܚ؛ ܣܵܒܵܒ ܕܡܗܘܼܡܢܵܐ ܝܠܹܗ ܗ̇ܘ ܕܩܘܼܘܸܠܹܐ ܐܸܠܲܢ. 24ܘܚܵܪܵܚ ܚܲܕَ ܒܗ̇ܘ ܐَܚܹܪَܢܵܐ ܠܡܲܐܘܲܪܬܵܐ ܒܩܲܝܪܲܬ ܕܚܘܼܒܵܐ ܕܦܘܼܠܚܵܢܹ̈ܐ ܛܵܒܼܹ̈ܐ؛ 25ܘܠܵܐ ܗܵܘܵܚ ܒܸܫܒܼܵܩܵܐ ܓ̰ܡܵܥܝܬܲܢ ܠܟܸܣ ܥܘܼܕܵܠܹܐ؛ ܐܲܝܟܼ ܕܐܝܼܬ ܥܵܕܲܬ ܠܐ݇ܢܵܫܵܐ ܐ݇ܢܵܫܵܐ؛ ܐܸܠܵܐ ܦܲܪܦܸܠܘܿܢ ܚܲܕَ ܒܗ̇ܘ ܐَܚܹܪَܢܵܐ؛ ܘܒܘܼܫ ܙܵܘܕܵܐ ܟܡܵܐ ܕܒܸܚܙܵܝܵܐ ܝܬܘܿܢ ܕܩܲܪܒܘܼܢܹܐ ܝܠܹܗ ܗ̇ܘ ܝܵܘܡܵܐ. 26ܣܵܒܵܒ ܐܸܢ ܒܪܸܙܵܝܵܐ ܐܲܚܢܲܢ ܚܵܛܵܚ ܡܒܵܬ݇ܪ ܕܩܘܼܒܸܠܲܢ ܝܕܹܥܬܵܐ ܕܣܲܪܲܣܬܘܼܬܵܐ؛ ܐَܚܹܪَܢܵܐ ܠܲܝܬ ܕܸܒܼܚܬܵܐ ܦܝܵܫܵܐ ܡܒܵܕܵܠ ܕܚܛܝܼܵܬܹ̈ܐ؛ 27ܐܸܠܵܐ ܚܕܵܐ ܣܦܵܪܬܵܐ ܣܲܗܡܵܢܬܵܐ ܕܕܝܼܘܵܢ؛ ܘܩܲܝܪܲܬ ܕܢܘܼܪܵܐ ܕܒܸܬ ܐܵܟܼܠܵܐ ܠܕܲܪ̈ܩܘܼܒܼܠܵܝܹܐ. 28ܗ̇ܘ ܕܡܘܼܣܠܹܠܹܐ ܠܢܵܡܘܿܣܵܐ ܕܡܘܼܫܹܐ؛ ܥܲܠ ܦܘܼܡܵܐ ܕܬܪܹܝ ܘܬܠܵܬ݇ܐ ܣܵܗܕܹ̈ܐ ܕܠܵܐ ܪ̈ܲܚܡܹܐ ܟܹܐ ܡܵܝܸܬ؛ 29ܟܡܵܐ ܒܸܚܫܵܒܼܵܐ ܝܬܘܿܢ ܙܵܘܕܵܐ ܠܥܲܙܵܒ ܒܸܬ ܦܵܝܸܫ ܡܘܼܚܫܸܚܵܐ ܗ̇ܘ ܕܕܸܫܠܹܐ ܬܚܘܿܬ ܐܲܩܠܵܐ ܠܒܪܘܼܢܹܗ ܕܐܲܠܵܗܵܐ؛ ܘܚܘܼܫܒܢܹܐ ܕܸܡܵܐ ܕܕܝܵܬܹܩܹܐ ܕܝܼܹܗ ܐܲܝܟܼ ܕܟܠ ܐ݇ܢܵܫܵܐ؛ ܗ̇ܘ ܕܒܝܼܹܗ ܦܸܫܠܹܗ ܩܘܼܕܫܵܐ؛ ܘܡܘܼܒܨܪܹܐ ܠܪܘܼܚܵܐ ܕܫܵܦܵܩܲܬ؛ 30ܣܵܒܵܒ ܒܝܼܕܲܥܝܵܐ ܝܘܵܚ ܠܗ̇ܘ ܕܐَܡܝܼܪܹܗ؛ ܕܝܼܝܼ ܝَܠܵܗ̇ ܬܘܼܥܠܵܐ؛ ܐܵܢܵܐ ܒܸܬ ܦܲܪܥܸܢ. ܘܡܸܢَܕܪܸܫَ؛ ܒܸܬ ܕܵܝܸܢ ܡܵܪܝܵܐ ܠܛܵܝܸܦܹܗ. 31ܙܕܘܼܥܬܵܐ ܓܘܼܪܬܵܐ ܝَܠܵܗ̇ ܠܸܢܦܵܠܵܐ ܒܐܝܼܕܵܬܹ̈ܐ ܕܐܲܠܵܗܵܐ ܚܲܝܵܐ. 32ܐܝܼܢܵܐ ܕܟܼܘܿܪܘܿܢ ܠܝܵܘܡܵܢܹ̈ܐ ܩܵܕ݇ܡܵܝܹ̈ܐ؛ ܐܵܢܝܼ ܕܒܝܼܵܝܗܝ ܟܲܕ ܦܸܫܠܵܘܟܼܘܿܢ ܒܘܼܗ݇ܪܸܢܹܐ؛ ܚܡܸܠܵܘܟܼܘܿܢ ܐܵܓܼܘܿܢܵܐ ܓܘܼܪܵܐ ܕܚܲܫܗܹܐ؛ 33ܒܚܲܕَ ܓܹܒܵܐ؛ ܟܲܕ ܗ݇ܘܹܠܵܘܟܼܘܿܢ ܬܵܡܵܫܹ̈ܐ ܒܠܵܘܡܹ̈ܐ ܘܒܐܘܼܠܨܵܢܹ̈ܐ؛ ܘܒܚܲܕَ ܓܹܒܵܐ؛ ܗ݇ܘܹܠܵܘܟܼܘܿܢ ܫܵܪ̈ܝܼܟܹܐ ܒܐ݇ܢܵܫܹ̈ܐ ܕܐܲܢܹܐ ܩܘܼܒܸܠܘܿܢ. 34ܣܵܒܵܒ ܩܘܼܒܸܠܵܘܟܼܘܿܢ ܚܲܫܵܐ ܥܲܡ ܕܐܵܢܝܼ ܕܒܝܼܣܘܼܪܹ̈ܐ؛ ܘܣܠܵܒܬܵܐ ܕܡܸܢܕܝܼܵܘܟܼܘܿܢ ܒܚܲܕܘܼܬܵܐ ܩܘܼܒܸܠܵܘܟܼܘܿܢ؛ ܣܵܒܵܒ ܕܒܝܼܕܲܥܝܵܐ ܝܬܘܿܢ ܕܐܝܼܬ ܠܵܘܟܼܘܿܢ ܡܵܐܠ ܒܫܡܲܝܵܐ ܕܒܘܼܫ ܨܦܵܝܝܼ ܘܠܵܐ ܥܵܒܼܪܵܢܵܐ. 35ܒܲܣ ܠܵܐ ܪܲܦܝܼܬܘܿܢ ܚܘܵܪܦܵܬܘܼܬܵܐ ܕܐܝܼܬ ܠܵܘܟܼܘܿܢ؛ ܕܐܝܼܬ ܠܵܗ̇ ܗܵܩܵܐ ܓܘܼܪܵܐ. 36ܣܵܒܵܒ ܚܡܵܠܬܵܐ ܠܵܙܸܡ ܝܼܠܵܗ̇ ܐܸܠܵܘܟܼܘܿܢ؛ ܕܟܲܕ ܥܵܒܼܕܝܼܬܘܿܢ ܪܸܙܵܝܹܗ ܕܐܲܠܵܗܵܐ؛ ܩܵܒ݁ܠܝܼܬܘܿܢ ܩܵܘܠܵܐ. 37ܣܵܒܵܒ ܡܐܵܕܝܼܵܐ ܚܲܕَܟ̰ܵܐ ܙܲܒܼܢܵܐ ܘܪܵܒܵܐ ܟܸܪܝܵܐ؛ ܕܒܸܬ ܐܵܬܹܐ ܗ̇ܘ ܕܐܵܬܹܐ؛ ܘܠܹܐ ܥܲܪܩܸܠ. 38ܐܝܼܢܵܐ ܙܲܕܝܼܩܵܐ ܕܝܼܝܼ ܡ̣ܢ ܗܲܝܡܵܢܘܼܬܵܐ ܒܸܬ ܚܲܝܹܐ؛ ܘܐܸܢ ܣܵܩܸܕ؛ ܠܹܐ ܒܵܣܡܵܐ ܠܵܗ̇ ܒܝܼܹܗ ܓܵܢܝܼ. 39ܐܝܼܢܵܐ ܐܲܚܢܲܢ ܠܹܐ ܝܘܵܚ ܕܣܸܩܕܵܐ ܠܐܲܒܼܕܵܢܵܐ؛ ܐܸܠܵܐ ܕܗܲܝܡܵܢܘܼܬܵܐ ܠܡܲܩܢܵܝܬܵܐ ܕܓܵܢܵܐ.