1ܐܝܼܢܵܐ ܗܲܝܡܵܢܘܬܵܐ ܚܵܬܸܪܓ̰ܲܡܥܘܼܬܵܐ ܝَܠܵܗ̇ ܥܲܠ ܡܸܢܕܝܼܵܢܹ̈ܐ ܕܝܼܢܵܐ ܒܗܹܒܼܝܼ؛ ܘܨܵܒܸܬܘܼܬܵܐ ܕܐܵܢܝܼ ܕܠܹܐ ܦܵܝܫܝܼ ܚܸܙܝܹܐ. 2ܣܵܒܵܒ ܒܐܵܗܵܐ ܗَܘܹܐܠܵܗ̇ ܣܵܗܕܘܼܬܵܐ ܥܲܠ ܐ݇ܢܵܫܹ̈ܐ ܩܵܕܝܼܡܝܼ. 3ܣܵܒܵܒ ܒܗܲܝܡܵܢܘܼܬܵܐ ܦܲܪܡܘܼܝܹܐ ܝܘܵܚ ܕܦܸܫܠܗَܘܿܢ ܬܘܼܪܨܹܐ ܥܵܠܡܹ̈ܐ ܒܗܹܡܸܙܡܵܢ ܕܐܲܠܵܗܵܐ؛ ܒܗ̇ܝ ܕܐܲܢܹܐ ܕܦܵܝܫܝܼ ܚܸܙܝܹܐ ܠܵܐ ܗ݇ܘܹܐܠܘܿܢ ܡ̣ܢ ܕܐܵܢܝܼ ܕܦܝܵܫܵܐ ܝܢܵܐ ܚܸܙܝܹܐ. 4ܒܗܲܝܡܵܢܘܼܬܵܐ ܗܵܒܹܝܠ ܡܘܼܩܪܸܒܼܠܹܐ ܕܸܒܼܚܬܵܐ ܕܪܵܒܵܐ ܒܘܼܫ ܥܸܠܸܠ ܡ̣ܢ ܕܩܵܐܹܝܢ ܠܐܲܠܵܗܵܐ؛ ܕܒܐܵܗܵܐ ܗَܘܹܐܠܵܗ̇ ܒܵܗ݇ܣܹܗ ܣܵܗܕܘܼܬܵܐ ܕܙܲܕܝܼܩܵܐ ܗ݇ܘܵܐ؛ ܘܣܗܸܕܠܹܗ ܥܲܠ ܩܘܼܪܒܵܢܹܗ ܐܲܠܵܗܵܐ؛ ܘܒܝܼܵܗ̇ ܐܘܼܦ ܟܲܕ ܡܝܼܬܵܐ ܗܲܡܙܘܼܡܹܐ ܝܠܹܗ. 5ܒܗܲܝܡܵܢܘܼܬܵܐ ܦܸܫܠܹܗ ܫܘܼܢܝܵܐ ܚܢܘܿܟܼ ܕܡܵܘܬܵܐ ܠܵܐ ܚܵܙܹܐ؛ ܘܠܵܐ ܦܸܫܠܹܗ ܡܘܼܫَܟ̰ܚܵܐ؛ ܣܵܒܵܒ ܐܲܠܵܗܵܐ ܫܘܼܢܸܠܹܗ. ܣܵܒܵܒ ܡܩܵܕ݇ܡ ܕܫܵܢܹܐ ܗ݇ܘܵܐ ܠܹܗ؛ ܗَܘܹܐܠܵܗ̇ ܒܵܗ݇ܣܹܗ ܣܵܗܕܘܼܬܵܐ ܕܫܦܸܪܹܐ ܠܐܲܠܵܗܵܐ. 6ܐܝܼܢܵܐ ܕܠܵܐ ܗܲܝܡܵܢܘܼܬܵܐ ܠܹܐ ܡܵܨܹܐ ܐ݇ܢܵܫܵܐ ܕܫܵܦܸܪ (ܠܐܲܠܵܗܵܐ)؛ ܣܵܒܵܒ ܘܵܓ̰ܸܒ ܝܼܠܵܗ̇ ܕܗ̇ܘ ܕܩܲܪܒܸܢ ܠܟܸܣ ܐܲܠܵܗܵܐ ܗܲܡܸܢ ܕܝܼܠܹܗ؛ ܘܕܠܛܵܥܝܵܢܹ̈ܐ ܐܸܠܹܗ ܟܹܐ ܗܵܘܹܐ ܦܲܪܥܵܢܵܐ. 7ܒܗܲܝܡܵܢܘܼܬܵܐ ܢܘܿܚ؛ ܟܲܕ ܦܸܫܠܹܗ ܡܘܼܪܥܸܫܵܐ ܥܲܠ ܕܐܵܢܝܼ ܕܗܹܫ ܠܹܐ ܗ݇ܘܵܘ ܦܝܵܫܵܐ ܚܸܙܝܹܐ؛ ܙܕܸܥܠܹܐ؛ ܘܬܘܼܪܸܨܠܹܐ ܩܹܒܼܘܼܬܵܐ ܠܚܲܝܹ̈ܐ ܕܒܢܘܼܢܹ̈ܐ ܕܒܲܝܬܹܗ؛ ܕܒܝܼܵܗ̇ ܥܒܼܸܕܠܹܗ ܓܘܼܢܵܗܟܵܪ ܠܥܵܠܡܵܐ؛ ܘܗ݇ܘܹܐܠܹܗ ܝܵܪܘܿܬܵܐ ܕܙܲܕܝܼܩܘܼܬܵܐ ܕܒܗܲܝܡܵܢܘܼܬܵܐ. 8ܒܗܲܝܡܵܢܘܼܬܵܐ ܐܲܒܼܪܵܗܵܡ؛ ܟܲܕ ܦܸܫܠܹܐ ܩܸܪܝܵܐ؛ ܡܘܼܨܝܸܬܠܹܐ ܠܸܦܠܵܛܵܐ ܠܗ̇ܝ ܕܘܼܟܵܐ ܕܗܕܝܼܪܵܐ ܗ݇ܘܵܐ ܠܸܫܩܵܠܵܐ ܝܵܪܬܘܼܬܵܐ؛ ܘܦܠܸܛܠܹܗ ܟܲܕ ܠܹܐ ܗ݇ܘܵܐ ܒܝܼܕܲܥܝܵܐ ܠܐܲܝܟܵܐ ܒܹܐܙܵܠܵܐ ܗ݇ܘܵܐ. 9ܒܗܲܝܡܵܢܘܼܬܵܐ ܗ݇ܘܹܐܠܹܗ ܡܵܫܵܚܲܛ ܠܐܲܪܥܵܐ ܕܩܵܘܠܵܐ؛ ܐܲܝܟܼ (ܕܒܲܐܪܥܵܐ) ܢܘܼܟܼܪܵܝܬܵܐ؛ ܘܒܡܲܫܟܢܹ̈ܐ ܥܡܸܪܹܐ ܥܲܡ ܐܝܼܣܚܵܩ ܘܝܲܥܩܘܒܼ؛ ܝܵܪ̈ܘܿܬܹܐ ܥܲܡܹܗ ܗܲܪ ܕܗ̇ܘ ܩܵܘܠܵܐ. 10ܣܵܒܵܒ ܕܒܸܣܦܵܪܵܐ ܗ݇ܘܵܐ ܠܡܕܝܼܢ݇ܬܵܐ ܕܒܸܢܝܲܬ ܐܝܼܬ ܠܵܗ̇؛ ܕܐܘܼܡܵܢܘܼܗ̇ ܘܥܵܒܼܘܿܕܘܼܗ̇ ܐܲܠܵܗܵܐ ܝܠܹܗ. 11ܒܗܲܝܡܵܢܘܼܬܵܐ ܐܘܼܦ ܣܲܪܵܐ ܫܩܸܠܵܐ ܚܲܝܠܵܐ ܕܩܵܒ݁ܠܵܐ ܙܲܪܥܵܐ؛ ܘܠܵܐ ܒܙܲܒܼܢܵܐ ܕܫܸܢܘܼ̈ܗ̇ ܝܠܸܕܠܵܐ؛ ܣܵܒܵܒ ܚܫܸܒܼܠܵܐ ܕܡܗܘܼܡܢܵܐ ܗ݇ܘܵܐ ܗ̇ܘ ܕܩܘܼܘܸܠܹܐ ܐܸܠܵܗ̇. 12ܣܵܒܵܒ ܕܐܵܗܵܐ ܡ̣ܢ ܚܲܕَ؛ ܐܘܼܦ ܗ̇ܘ ܐܲܝܟܼ ܡܝܼܬܵܐ؛ ܗ݇ܘܹܠܘܿܢ ܪܵܒܵܐ ܐܲܝܟܼ ܟܵܘܟܼܒܹ̈ܐ ܕܒܫܡܲܝܵܐ ܒܒܘܼܫܵܝܘܼܬܵܐ؛ ܘܐܲܝܟܼ ܣܹܠܵܐ ܕܥܲܠ ܣܸܦܬܵܐ ܕܝܵܡܵܐ؛ ܕܡܸܢܝܵܢܵܐ ܠܲܝܬ ܠܹܗ. 13ܒܗܲܝܡܵܢܘܼܬܵܐ ܡܸܬܠܘܿܢ ܐܲܢܹܐ ܟܠܵܝܗܝ؛ ܘܠܵܐ ܫܩܸܠܘܿܢ ܩܵܘܠܹ̈ܐ؛ ܐܸܠܵܐ ܚܸܙܝܵܝܠܘܿܢ ܡ̣ܢ ܪܸܚܩܵܐ ܘܚܦܝܼܩܵܝܠܘܿܢ؛ ܘܡܘܼܕܹܠܘܿܢ ܕܢܘܼܟܼܪ̈ܵܝܹܐ ܗ݇ܘܵܘ ܘܡܵܫܵܚܲܛܹ̈ܐ ܒܐܲܪܥܵܐ. 14ܣܵܒܵܒ ܐܵܢܝܼ ܕܐܲܢܹܐ ܐܵܡܪܝܼ؛ ܒܸܥܒܼܵܕܵܐ ܝܢܵܐ ܡܲܥܠܘܼܡ ܕܠܘܵܬܵܢ ܕܓܵܢܵܝܗܝ ܒܸܛܲܥܝܵܐ ܝܢܵܐ. 15ܘܐܸܢ ܠܗ̇ܝ ܕܦܠܸܛܠܘܿܢ ܡܸܢܵܗ̇ ܒܸܕܟܼܵܪܵܐ ܗ݇ܘܵܘ؛ ܐܝܼܬ ܗ݇ܘܵܐ ܠܗ݇ܘܿܢ ܙܲܒܼܢܵܐ ܕܡܸܢَܕܪܸܫَ ܕܵܝܪܝܼ ܗ݇ܘܵܘ. 16ܐܝܼܢܵܐ ܐܵܕܝܼܵܐ ܫܲܗ݇ܘܘܼܬܹܐ ܝܢܵܐ ܠܗ̇ܝ ܕܒܘܼܫ ܨܦܵܝܝܼ ܡܸܢܵܗ̇؛ ܕܝܼܠܵܗ̇ ܫܡܲܝܵܢܵܝܬܵܐ. ܣܵܒܵܒ ܕܐܵܗܵܐ ܠܵܐ ܢܚܸܦܠܹܐ ܐܲܠܵܗܵܐ ܕܦܵܝܸܫ ܩܸܪܝܵܐ ܐܲܠܵܗܵܝ؛ ܣܵܒܵܒ ܕܗܘܼܕܸܪܹܐ ܐܸܠܵܝܗܝ ܡܕܝܼܢ݇ܬܵܐ. 17ܒܗܲܝܡܵܢܘܼܬܵܐ ܡܘܼܩܪܸܒܼܠܹܐ ܐܲܒܼܪܵܗܵܡ ܠܐܝܼܣܚܵܩ ܟܲܕ ܦܝܵܫܵܐ ܓ̰ܘܼܪܒܵܐ؛ ܘܠܝܼܚܕܵܝܹܗ ܡܘܼܣܸܩܠܹܗ ܠܡܲܕܒܚܵܐ ܗ̇ܘ ܕܩܘܼܒܠܵܐ ܗ݇ܘܵܐ ܩܵܘ̈ܠܹܐ؛ 18ܕܐܸܠܹܗ ܦܝܼܫܵܐ ܗ݇ܘܵܐ ܐَܡܝܼܪܵܐ؛ ܒܐܝܼܣܚܵܩ ܒܸܬ ܦܵܝܸܫ ܩܸܪܝܵܐ ܐܸܠܘܼܟܼ ܙܲܪܥܵܐ؛ 19ܟܲܕ ܚܫܝܼܒܼܵܐ ܗ݇ܘܵܐ ܒܓܵܢܹܗ؛ ܕܡܵܨܹܐ ܐܲܠܵܗܵܐ ܐܘܼܦ ܡ̣ܢ ܡܝܼܬܹ̈ܐ ܠܡܲܩܘܼܡܹܐ؛ ܕܐܘܼܦ ܡ̣ܢ ܬܵܡܵܐ ܒܡܲܬܠܵܐ ܩܘܼܒܸܠܗ. 20ܒܗܲܝܡܵܢܘܼܬܵܐ؛ ܥܲܠ ܡܸܢܕܝܼܵܢܹ̈ܐ ܕܗܕܝܼܪܹܐ ܗ݇ܘܵܘ ܕܗܵܘܝܼ؛ ܒܘܼܪܸܟܼܠܹܐ ܐܝܼܣܚܵܩ ܠܝܲܥܩܘܿܒܼ ܘܠܥܹܣܘܿ. 21ܒܗܲܝܡܵܢܘܼܬܵܐ ܝܲܥܩܘܿܒܼ؛ ܟܲܕ ܒܸܡܝܵܬܵܐ ܗ݇ܘܵܐ؛ ܒܘܼܪܸܟܼܠܹܐ ܠܟܠ ܚܲܕَ ܡ̣ܢ ܒܢܘܼܢܹ̈ܐ ܕܝܵܘܣܸܦ؛ ܘܣܓܸܕܠܹܐ ܥܲܠ ܪܹܫ ܚܘܼܛܪܹܗ. 22ܒܗܲܝܡܵܢܘܼܬܵܐ ܝܵܘܣܸܦ ܟܲܕ ܒܸܡܝܵܬܵܐ ܗ݇ܘܵܐ؛ ܡܘܼܕܟܸܪܹܐ ܠܦܠܵܛܬܵܐ ܕܒܢܲܝ̈ ܝܼܣܪܵܝܹܠ؛ ܘܦܩܸܕܠܹܗ ܥܲܠ ܓܲܪ̈ܡܘܼܗܝ. 23ܒܗܲܝܡܵܢܘܼܬܵܐ ܐܲܒܼܵܗܹ̈ܐ ܕܡܘܼܫܹܐ؛ ܟܲܕ ܦܸܫܠܹܗ ܠܝܼܕܵܐ؛ ܩܲܡ ܛܵܫܝܼ ܠܹܐ ܬܠܵܬ݇ܐ ܝܲܪ̈ܚܹܐ؛ ܕܚܙܹܐܠܗَܘܿܢ ܕܫܵܦܝܼܪܵܐ ܗ݇ܘܵܐ ܝܵܠܵܕَܐ؛ ܘܠܵܐ ܙܕܸܥܠܘܿܢ ܡ̣ܢ ܦܘܼܩܕܵܢܹܗ ܕܡܲܠܟܵܐ. 24ܒܗܲܝܡܵܢܘܼܬܵܐ ܡܘܼܫܹܐ؛ ܟܲܕ ܗ݇ܘܹܐܠܹܗ ܓܘܼܪܵܐ؛ ܪܵܙܝܼ ܠܵܐ ܗ݇ܘܹܐܠܹܗ ܕܦܵܝܸܫ ܗ݇ܘܵܐ ܩܸܪܝܵܐ ܒܪܘܼܢܵܐ ܠܒܪܵܬܵܐ ܕܦܸܪܥܘܿܢ؛ 25ܘܓܘܼܒܹܠܹܗ ܠܓܵܢܘܼܗܝ ܕܒܐܘܼܠܨܵܢܵܐ ܥܲܡ ܛܵܝܸܦܵܐ ܕܐܲܠܵܗܵܐ ܗܵܘܹܐ ܗ݇ܘܵܐ؛ ܘܠܵܐ ܕܙܲܒܼܢܵܐ ܙܥܘܿܪܵܐ ܥܵܒܸܕ ܗ݇ܘܵܐ ܒܘܼܣܵܡܵܐ ܒܚܛܝܼܬܵܐ؛ 26ܒܸܚܫܵܒܼܵܐ ܕܓܘܼܪܬܵܐ ܗ݇ܘܵܐ ܕܵܘܸܠܬܵܐ ܕܠܵܘܡܹܗ ܕܡܫܝܼܚܵܐ ܡ̣ܢ ܚܲܙܝܵܢܹ̈ܐ ܕܡܸܨܪܹܝܢ؛ ܣܵܒܵܒ ܒܸܚܝܵܪܵܐ ܗ݇ܘܵܐ ܒܦܘܼܪܥܵܢܵܐ ܕܗܵܩܵܐ. 27ܒܗܲܝܡܵܢܘܼܬܵܐ ܫܒܼܝܼܩܵܠܹܐ ܡܸܨܪܹܝܢ؛ ܘܠܵܐ ܙܕܸܥܠܹܐ ܡ̣ܢ ܚܸܡܬܹܗ ܕܡܲܠܟܵܐ؛ ܘܚܡܸܠܹܐ؛ ܐܲܝܟܼ ܒܸܚܙܵܝܵܐ ܠܗ̇ܘ ܕܠܹܐ ܦܵܝܸܫ ܚܸܙܝܵܐ. 28ܒܗܲܝܡܵܢܘܼܬܵܐ ܥܒܼܸܕܠܹܗ ܦܸܨܚܵܐ ܘܡܲܪܝܲܣܬܵܐ ܕܕܸܡܵܐ؛ ܕܠܵܐ ܕܵܩܸܪ ܗ݇ܘܵܐ ܒܝܼܵܝܗܝ ܗ̇ܘ ܕܡܲܚܪܘܼܒܹܐ ܗ݇ܘܵܐ ܠܒܘܼܟܼܪܹ̈ܐ. 29ܒܗܲܝܡܵܢܘܼܬܵܐ ܥܒܼܸܪܘܿܢ ܝܵܡܵܐ ܕܣܘܿܦ ܐܲܝܟܼ ܕܥܲܠ ܐܲܪܥܵܐ ܒܵܪܘܿܙܬܵܐ؛ ܕܒܝܼܵܗ̇ ܓ̰ܘܼܪܸܒܠܘܿܢ ܡܸܨܪ̈ܵܝܹܐ ܘܦܸܫܠܗَܘܿܢ ܒܸܠܥܝܹܐ. 30ܒܗܲܝܡܵܢܘܼܬܵܐ ܫܘܼܪܹ̈ܐ ܕܐܝܼܪܝܼܚܘܿ ܢܦܸܠܘܿܢ؛ ܡ̣ܢ ܕܦܸܫܠܗَܘܿܢ ܚܕܝܼܪܹܐ ܫܲܒܼܥܵܐ ܝܵܘܡܵܢܹ̈ܐ. 31ܒܗܲܝܡܵܢܘܼܬܵܐ ܪܵܚܵܒܼ ܙܵܢܝܼܬܵܐ ܠܵܐ ܬܠܸܩܠܵܐ ܥܲܡ ܕܐܵܢܝܼ ܕܠܵܐ ܡܘܼܨܝܸܬܠܘܿܢ؛ ܕܩܘܼܒܸܠܵܐ ܠܓ̰ܵܣܘܿܣܹ̈ܐ ܒܫܠܵܡܵܐ. 32ܡܘܼܕܝܼ ܐَܚܹܪَܢܵܐ ܐܵܡܪܸܢ؛ ܣܵܒܵܒ ܟܸܪܝܵܐ ܝܠܹܗ ܙܲܒܼܢܵܐ ܕܗܵܩܸܢ ܥܲܠ ܓܸܕܥܘܿܢ؛ ܘܒܵܪܵܩ؛ ܘܫܸܡܫܘܿܢ؛ ܘܢܲܦ̮ܬܲܚ؛ ܘܕܵܘܝܼܕ؛ ܘܫܡܘܼܐܹܝܠ؛ ܘܢܒܼ̈ܝܼܹܐ؛ 33ܕܒܝܼܸܕ ܗܲܝܡܵܢܘܼܬܵܐ ܓܼܠܸܒܠܘܿܢ ܠܡܲܠܟܘܵܬܹ̈ܐ؛ ܘܦܠܸܚܠܘܿܢ ܟܹܐܢܘܼܬܵܐ؛ ܘܡܛܹܠܘܿܢ ܠܩܵܘ̈ܠܹܐ؛ ܘܥܟ̰ܸܡܠܘܿܢ ܦܘܼܡܵܐ ܕܐܲܪ̈ܝܹܐ؛ 34ܘܡܘܼܟ̰ܡܹܠܘܿܢ ܚܲܝ̈ܠܹܐ ܕܢܘܼܪܵܐ؛ ܘܦܸܫܠܗَܘܿܢ ܦܘܼܨܝܹܐ ܡ̣ܢ ܦܘܼܡܵܐ ܕܣܲܝܦܵܐ؛ ܘܦܸܫܠܗَܘܿܢ ܚܘܼܠܸܢܹܐ ܡ̣ܢ ܙܲܒܘܼܢܘܼܝܵܬܹ̈ܐ؛ ܘܗ݇ܘܹܠܘܿܢ ܚܲܝܠܵܢܹ̈ܐ ܒܦܠܵܫܵܐ؛ ܘܡܘܼܥܪܸܩܠܘܿܢ ܐܘܼܪ̈ܕܘܼܝܹܐ ܕܢܘܼܟܼܪ̈ܵܝܹܐ؛ 35ܘܒܲܟܼܬܵܬܹ̈ܐ ܩܘܼܒܸܠܘܿܢ ܡܝܼܬܵܝ̈ܗܝ ܒܝܼܸܕ ܩܝܵܡܬܵܐ. ܘܐَܚܹܪ̈݇ܢܹܐ ܒܓ̰ܘܼܢܓ̰ܵܪܹ̈ܐ ܡܸܬܠܘܿܢ؛ ܘܠܵܐ ܣܦܸܪܘܿܢ ܠܸܦܝܵܫܵܐ ܦܘܼܨܝܹܐ؛ ܕܡܵܛܝܼ ܠܩܝܵܡܬܵܐ ܕܒܘܼܫ ܚܩܝܼܪܬܵܐ. 36ܘܐَܚܹܪ̈݇ܢܹܐ ܩܘܼܒܸܠܘܿܢ ܓ̰ܘܼܪܵܒܵܐ ܕܡܲܣܚܲܪ̈ܝܵܬܹܐ ܘܡܚܵܝܵܬܹ̈ܐ؛ ܘܐܘܼܦ ܕܝܸܣܘܼܪܹ̈ܐ ܘܕܚܒܼܘܼܫܝܹ̈ܐ. 37ܦܸܫܠܗَܘܿܢ ܪܓ̰ܝܼܡܹܐ؛ ܦܸܫܠܗَܘܿܢ ܢܣܝܼܪܹܐ؛ ܦܸܫܠܗَܘܿܢ ܓ̰ܘܼܪܒܹܐ؛ ܒܦܘܼܡܵܐ ܕܣܲܝܦܵܐ ܡܸܬܠܘܿܢ؛ ܚܕܸܪܘܿܢ ܟܲܕ ܠܒܼܝܼܫܹܐ ܓܸܠܕܹ̈ܐ ܕܦܹܪܹ̈ܐ ܘܕܥܸܙܹ̈ܐ؛ ܘܣܢܝܼܩܹ̈ܐ؛ ܘܡܘܼܠܝܸܨܹ̈ܐ؛ ܘܓ̰ܘܼܢܓ̰ܵܪܹ̈ܐ؛ 38ܐܵܢܝܼ ܕܠܹܐ ܚܵܫܸܚ ܗ݇ܘܵܐ ܐܸܠܵܝܗܝ ܥܵܠܡܵܐ؛ ܚܠܝܼܛܹ̈ܐ ܒܒܲܪܝܼܵܐ ܘܒܛܘܼܪܹ̈ܐ ܘܒܓܸܦܝܼܵܬܹ̈ܐ ܘܒܟ̰ܸܠܦܵܦܹ̈ܐ ܕܐܲܪܥܵܐ. 39ܘܐܲܢܹܐ ܟܠܵܝܗܝ؛ ܕܗَܘܹܐܠܵܗ̇ ܥܲܠܵܝܗܝ ܣܵܗܕܘܼܬܵܐ ܒܝܼܸܕ ܗܲܝܡܵܢܘܼܬܵܝ؛ ܠܵܐ ܩܘܼܒܸܠܘܿܢ ܩܵܘܠܵܐ؛ 40ܣܵܒܵܒ ܐܲܠܵܗܵܐ ܩܵܕ݇ܡܵܝܬܵܐ ܚܸܪܹܐ ܒܚܵܝܪ ܕܝܼܲܢ؛ ܕܒܹܐ ܕܝܼܲܢ ܐܵܢܝܼ ܠܵܐ ܦܵܝܫܝܼ ܡܘܼܟܡܸܠܹܐ.