1ܐܝܼܢܵܐ ܪܹܫ ܟܠܵܝܗܝ ܡܸܢܕܝܼܵܢܹ̈ܐ ܕܐܡܝܼܪܹܐ ܝܘܵܚ (ܐܵܗܵܐ ܝܼܠܵܗ)؛ ܐܝܼܬ ܠܲܢ ܚܲܕَ ܗܲܕܟܼܵܐ ܓܘܼܪܵܐ ܕܟܵܗܢܹ̈ܐ؛ ܗ̇ܘ ܕܝܬܸܒܼܠܹܐ ܡ̣ܢ ܝܲܡܝܼܢܵܐ ܕܬܪܘܿܢܘܿܣ ܕܓܘܼܪܘܼܬܵܐ ܒܫܡܲܝܵܐ؛ 2ܚܸܠܡܲܬܟܵܪ ܕܒܹܝܬ ܩܘܼܕܫܵܐ؛ ܘܕܡܵܫܸܟܢܵܐ ܫܲܪܝܼܪܵܐ؛ ܗ̇ܘ ܕܢܩܸܫܠܹܐ ܡܵܪܝܵܐ ܘܠܵܐ ܒܲܪܢܵܫܵܐ. 3ܣܵܒܵܒ ܟܠ ܓܘܼܪܵܐ ܕܟܵܗܢܹ̈ܐ ܡܘܼܩܸܡܵܐ ܝܠܹܗ ܕܡܲܩܪܸܒܼ ܩܘܼܪ̈ܒܵܢܹܐ ܘܕܸܒܼܚܹ̈ܐ؛ ܣܵܒܵܒ ܕܐܵܗܵܐ ܠܵܙܸܡ ܝܼܗ݇ܘܵܐ ܐܘܼܦ ܠܐܵܗܵܐ ܕܗܵܘܹܐ ܗ݇ܘܵܐ ܠܹܗ ܡܸܢܕܝܼ ܕܡܲܩܪܸܒܼ. 4ܣܵܒܵܒ ܐܸܢ ܒܐܲܪܥܵܐ ܗ݇ܘܵܐ؛ ܐܘܼܦ ܟܵܗܢܵܐ ܠܹܐ ܗܵܘܹܐ ܗ݇ܘܵܐ ܗ̇ܘ؛ ܟܲܕ ܐܝܼܬ ܟܵܗܢܹ̈ܐ ܕܡܲܩܪܸܒܼܝܼ ܩܘܼܪ̈ܒܵܢܹܐ ܐܲܝܟܼ ܕܒܢܵܡܘܿܣܵܐ؛ 5ܐܵܢܝܼ ܕܥܵܒܼܕܝܼ ܚܸܠܡܲܬ ܠܕܘܼܡܝܵܐ ܘܠܛܸܠܵܢܝܼܬܵܐ ܕܐܵܢܝܼ ܕܒܫܡܲܝܵܐ؛ ܐܲܝܟܼ ܕܦܸܫܠܹܗ ܐَܡܝܼܪܬܵܐ ܠܡܘܼܫܹܐ ܟܲܕ ܗܕܝܼܪܵܐ ܗ݇ܘܵܐ ܠܬܵܪܘܿܨܹܐ ܡܵܫܸܟܢܵܐ؛ ܣܵܒܵܒ ܒܹܐܡܵܪܵܐ ܝܠܹܗ؛ ܚܙܝܼ؛ ܘܥܒܼܘܿܕ ܟܠ ܡܸܢܕܝܼ ܒܗ̇ܝ ܕܡܘܼܬܵܐ ܕܦܸܫܠܵܗ̇ ܡܘܼܚܙܝܼܬܵܐ ܐܸܠܘܼܟܼ ܒܛܘܼܪܵܐ. 6ܐܝܼܢܵܐ ܐܵܕܝܼܵܐ ܚܸܠܡܲܬ ܒܘܼܫ ܪܵܡܬܵܐ ܡ̣ܢ ܕܗ̇ܝ ܩܘܼܒܸܠܹܗ؛ ܕܵܐܟܼܝܼ ܕܐܘܼܦ ܗ̇ܘ ܝܼܠܹܗ ܢܵܘܸܓ̰ܝܼ ܕܕܝܵܬܹܩܹܐ ܕܒܘܼܫ ܨܦܵܝܝܼ؛ ܕܦܸܫܠܵܗ ܝܘܼܗَܒܼܸܠܬܵܐ ܒܩܵܘ̈ܠܹܐ ܕܒܘܼܫ ܨܦܵܝܝܼ. 7ܣܵܒܵܒ ܐܸܢ ܗ̇ܝ ܩܵܕ݇ܡܵܝܬܵܐ ܗܵܘܝܵܐ ܗ݇ܘܵܐ ܕܠܵܐ ܠܵܘܡܵܐ؛ ܠܹܐ ܦܵܝܫܵܐ ܗ݇ܘܵܐ ܒܥܝܼܬܵܐ ܕܘܼܟܬܵܐ ܠܗ̇ܝ ܕܬܲܪ̈ܬܹܝ. 8ܣܵܒܵܒ ܒܸܠܝܵܡܵܝ ܝܠܹܗ؛ ܒܹܐܡܵܪܵܐ؛ ܗܵܐ؛ ܒܹܐܬܵܝܵܐ ܝܢܵܐ ܝܵܘܡܵܢܹ̈ܐ؛ ܒܹܐܡܵܪܵܐ ܝܠܹܗ ܡܵܪܝܵܐ؛ ܒܸܬ ܬܲܡܸܡܸܢ ܥܲܠ ܒܲܝܬܵܐ ܕܒܹܝܬ ܝܼܣܪܵܝܹܠ؛ ܘܥܲܠ ܒܲܝܬܵܐ ܕܒܹܝܬ ܝܼܗܘܼܕܵܐ؛ ܕܝܵܬܹܩܹܐ ܚܲܕܬܵܐ؛ 9ܐܲܝܟܼ ܗ̇ܝ ܕܝܵܬܹܩܹܐ ܕܥܒܸܕܠܝܼ ܥܲܡ ܐܲܒܼܵܗܵܬܵܝ̈؛ ܒܝܵܘܡܵܐ ܕܕܒܸܩܠܝܼ ܒܐܝܼܕܵܝ ܘܦܘܼܠܛܵܝܠܝܼ ܡ̣ܢ ܐܲܪܥܵܐ ܕܡܸܨܪܹܝܢ؛ ܣܵܒܵܒ ܐܵܢܝܼ ܠܵܐ ܥܘܼܪܩܸܠܘܿܢ ܒܕܝܵܬܹܩܹܐ ܕܝܼܝܼ؛ ܐܘܼܦ ܐܵܢܵܐ ܡܘܼܣܠܝܼܵܝܠܝܼ؛ ܒܹܐܡܵܪܵܐ ܝܠܹܗ ܡܵܪܝܵܐ. 10ܣܵܒܵܒ ܐܵܗܵܐ ܝَܠܵܗ̇ ܕܝܵܬܹܩܹܐ ܕܒܸܬ ܝܵܗ݇ܒܸܢ ܠܒܹܝܬ ܝܼܣܪܵܝܹܠ ܒܵܬ݇ܪ ܐܵܢܝܼ ܝܵܘܡܵܢܹ̈ܐ؛ ܒܹܐܡܵܪܵܐ ܝܠܹܗ ܡܵܪܝܵܐ؛ ܒܸܬ ܝܵܗ݇ܒܸܢܹܗ ܢܵܡܘܿܣܝܼ ܒܚܝܼܵܠܵܝ̈؛ ܘܥܲܠ ܠܸܒܵܝܗܝ ܒܸܬ ܟܵܬܒܸܢܹܗ؛ ܗܵܘܸܢ ܐܸܠܵܝܗܝ ܠܐܲܠܵܗܵܐ؛ ܘܐܵܢܝܼ ܒܸܬ ܗܵܘܝܼ ܐܸܠܝܼ ܠܛܵܝܸܦܵܐ. 11ܘܠܹܐ ܡܵܠܦܝܼ ܟܠ ܐ݇ܢܵܫܵܐ ܠܒܲܪ ܡܕܝܼܢ݇ܬܹܗ؛ ܘܟܠ ܐ݇ܢܵܫܵܐ ܠܐܵܚܘܿܢܹܗ؛ ܘܐܵܡܸܪ؛ ܝ݇ܕܥܝܼ ܠܡܵܪܝܵܐ؛ ܣܵܒܵܒ ܟܠܵܝܗܝ ܒܸܬ ܝܲܕܥܝܼ ܠܝܼ؛ ܡ̣ܢ ܙܥܘܿܪܵܝ ܘܗܲܠ ܓܘܼܪܵܝ. 12ܣܵܒܵܒ ܒܸܬ ܦܵܚܠܸܢܘܿܢ ܡ̣ܢ ܥܵܘܠܵܝ؛ ܘܠܚܛܝܼܵܬܵܝ̈ܗܝ ܡܸܢَܕܪܸܫَ ܠܹܐ ܕܵܟܼܪܸܢ ܐܸܠܵܝܗܝ. 13ܒܗ̇ܝ ܕܐَܡܝܼܪܹܗ (ܕܝܵܬܹܩܹܐ) ܚܲܕܬܵܐ؛ ܥܒܼܸܕܠܹܗ ܥܵܬܝܼܩܬܵܐ ܠܗ̇ܝ ܩܵܕ݇ܡܵܝܬܵܐ. ܐܝܼܢܵܐ ܡܸܢܕܝܼ ܕܝܼܠܹܗ ܥܘܼܬܩܸܢܵܐ ܘܣܝܼܒܼܵܐ؛ ܩܘܼܪܒܵܐ ܝܠܹܗ ܠܬܝܵܡܵܐ.