0:00
/
1ܒܵܬَܪ ܐܲܢܹܐ ܚܕܸܪܹܗ ܝܼܫܘܿܥ ܓܵܘ ܓܠܝܼܠܵܐ: ܣܵܒܵܒ ܠܹܐ ܒܵܣܡܵܐ ܗ݇ܘܵܐ ܠܹܗ ܠܸܚܕܵܪܵܐ ܓܵܘ ܝܼܗܘܼܕ: ܣܵܒܵܒ ܕܝܗَܘܼܕܵܝܹ̈ܐ ܒܸܛܲܥܝܵܐ ܗ݇ܘܵܘ ܠܸܩܛܵܠܹܗ. 2ܘܩܘܼܪܒܵܐ ܗ݇ܘܵܐ ܥܹܐܕܵܐ ܕܡܛܲܠ̈ܠܹܐ ܕܝܗَܘܼܕܵܝܹ̈ܐ. 3ܘܐَܡܸܪܗܘܿܢ ܐܵܚܘܿܢܘܵܬܘܼ̈ܗܝ ܐܸܠܹܗ: ܫܵܢܝܼ ܠܘܼܟܼ ܡܐܲܟ̣ܵܐ: ܘܙܹܠَܐ ܠܝܼܗܘܼܕ: ܕܚܵܙܝܼ ܐܘܼܦ ܬܲܠܡܝܼܕܘܼ̈ܟ ܦܘܼܠܚܵܢܹ̈ܐ ܕܒܸܥܒ̣ܵܕܵܐ ܝܘܸܬ. 4ܣܵܒܵܒ ܠܲܝܬ ܐ݇ܢܵܫܵܐ ܕܥܵܒܸܕ ܡܸܢܕܝܼ ܒܛܸܫܘܵܐ ܘܒܓܵܢܹܗ ܒܵܥܝܹܐ ܕܗܵܘܹܐ ܒܐܲܫܟܵܪܵܐ. ܐܸܢ ܐܲܢܹܐ ܒܸܥܒ̣ܵܕܵܐ ܝܘܸܬ: ܡܲܚܙܝܼ ܓܵܢܘܼܟ ܠܥܵܠܡܵܐ. 5ܣܵܒܵܒ ܐܘܼܦ ܐܵܚܘܿܢܘܵܬܘܼ̈ܗܝ ܠܹܐ ܗ݇ܘܵܘ ܗܘܼܡܸܢܹܐ ܒܝܹܗ. 6ܐَܡܝܼܪܹܗ ܐܸܠܵܝܗܝ ܝܼܫܘܿܥ: ܙܲܒ̣ܢܵܐ ܕܝܼܝܼ ܗܲܠ ܐܵܕܝܼܵܐ ܠܹܐ ܝܠܹܗ ܡܸܛܝܵܐ: ܐܸܠܵܐ ܙܲܒ̣ܢܵܐ ܕܝܼܵܘܟ̣ܘܿܢ ܒܟܠ ܥܕܵܢܵܐ ܗܘܼܕܪܵܐ ܝܠܹܗ. 7ܠܹܐ ܡܵܨܹܐ ܥܵܠܡܵܐ ܠܸܣܢܵܝܵܘܟ̣ܘܿܢ: ܐܝܼܢܵܐ ܐܸܠܝܼ ܒܸܣܢܵܝܵܐ ܝܠܹܗ: ܣܵܒܵܒ ܕܐܵܢܵܐ ܒܸܣܗܵܕܵܐ ܝܘܸܢ ܥܲܠܘܼܗܝ: ܕܦܘܼܠܚܵܢܘܼ̈ܗܝ ܒܝܼܫܹ̈ܐ ܝܢܵܐ. 8ܐܲܚܬܘܿܢ ܐܣܘܿܩܘܿܢ ܠܥܹܐܕܵܐ. ܐܵܢܵܐ ܐܵܕܝܼܵܐ ܠܹܐ ܐܵܣܩܸܢ ܠܐܵܗܵܐ ܥܹܐܕܵܐ: ܣܵܒܵܒ ܙܲܒ̣ܢܵܐ ܕܝܼܝܼ ܗܵܠܵܐ ܠܹܐ ܝܠܹܗ ܬܘܼܡܸܡܵܐ. 9ܐܲܢܹܐ ܐَܡܝܼܪܹܗ ܘܦܸܫܠܹܗ ܓܵܘ ܓܠܝܼܠܵܐ. 10ܐܝܼܢܵܐ ܟܲܕ ܐܣܸܩܠܗܘܿܢ ܐܵܚܘܿܢܘܵܬܘܼ̈ܗܝ: ܠܥܹܐܕܵܐ: ܗ̇ܝܓܵܗ ܐܘܼܦ ܗ̇ܘ ܐܣܸܩܠܹܗ: ܠܵܐ ܒܐܲܫܟܵܪܵܐ: ܐܸܠܵܐ ܐܲܝܟܼ ܕܒܛܸܫܘܵܐ. 11ܐܝܼܢܵܐ ܝܗَܘܼܕܵܝܹ̈ܐ ܛܵܥܝܼ ܗ݇ܘܵܘ ܐܸܠܹܗ ܒܥܹܐܕܵܐ: ܘܐَܡܸܪܗܘܿܢ: ܐܲܝܟܵܐ ܝܠܹܗ ܗ̇ܘ. 12ܘܛܲܪܛܲܡܬܵܐ ܪܵܒܵܐ ܐܝܼܬ ܗ݇ܘܵܐ ܓܵܘ ܟܸܢܫܹ̈ܐ ܣܵܒܵܒ ܕܝܹܗ: ܣܵܒܵܒ ܐܝܼܬ ܗ݇ܘܵܘ ܕܐܵܡܪܝܼ: ܛܵܒ̣ܵܐ ܝܠܹܗ: ܘܐ݇ܚܹܪ̈݇ܢܹܐ ܐܵܡܪܝܼ ܗ݇ܘܵܘ: ܠܵܐ: ܐܸܠܵܐ ܡܲܚܠܘܿܛܹܐ ܝܠܹܗ ܠܟܸܢܫܵܐ. 13ܐܝܼܢܵܐ ܠܵܐ ܐ݇ܢܵܫܵܐ ܗܲܡܙܸܡ ܗ݇ܘܵܐ ܒܵܗَܣܹܗ ܐܲܫܟܵܪܵܐ: ܡ̣ܢ ܙܕܘܿܥܬܵܐ ܕܝܗَܘܼܕܵܝܹ̈ܐ. 14ܐܝܼܢܵܐ ܐܵܕܝܼܵܐ ܟܲܕ ܗَܘܹܐܠܹܗ ܦܲܠܓܵܐ ܕܝܵܘܡܵܢܹ̈ܐ ܕܥܹܐܕܵܐ: ܐܣܸܩܠܹܗ ܝܼܫܘܿܥ ܠܗܲܝܟܠܵܐ ܘܡܵܠܸܦ ܗ݇ܘܵܐ. 15ܘܥܘܼܓ̰ܸܒܠܗܘܿܢ ܗܲܕܟ̣ܵܐ ܝܗَܘܼܕܵܝܹ̈ܐ: ܒܹܐܡܵܪܵܐ: ܕܵܐܟ̣ܝܼ ܒܝܼܕܵܥܝܵܐ ܝܠܹܗ ܐܵܗܵܐ ܟܬܵܒ̣ܵܐ: ܟܲܕ ܠܹܐ ܝܠܹܗ ܝܠܝܼܦܵܐ. 16ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ: ܝܘܼܠܦܵܢܝܼ ܠܹܐ ܝܠܹܗ ܕܝܼܝܼ: ܐܸܠܵܐ ܕܗ̇ܘ ܕܫܘܼܕܪܸܢܹܗ. 17ܐܸܢ ܐ݇ܢܵܫܵܐ ܒܵܥܝܹܐ ܥܵܒܸܕ ܪܸܙܵܝܹܗ: ܒܸܬ ܝܵܕܸܥ ܝܘܼܠܦܵܢܝܼ: ܐܸܢ ܡ̣ܢ ܐܲܠܵܗܵܐ ܝܠܹܗ: ܝܲܢ ܐܵܢܵܐ ܡ̣ܢ ܓܵܢܝܼ ܗܲܡܙܘܼܡܹܐ ܝܘܸܢ. 18ܡ̇ܢ ܕܡ̣ܢ ܓܵܢܹܗ ܗܲܡܙܸܡ: ܚܸܩܪܵܐ ܠܓܵܢܹܗ ܟܹܐ ܒܵܥܝܹܐ: ܐܝܼܢܵܐ ܗ̇ܘ ܕܒܵܥܝܹܐ ܚܸܩܪܵܐ ܕܗ̇ܘ ܕܫܘܼܕܸܪܹܗ: ܣܲܪܲܣܬ ܝܼܠܹܗ: ܘܥܵܘܠܵܐ ܒܝܹܗ ܠܲܝܬ. 19ܡܘܼܫܹܐ ܠܵܐ ܝܘܼܗَܒܼܸܠܹܗ ܐܸܠܵܘܟ̣ܘܿܢ ܢܵܡܘܿܣܵܐ: ܘܠܵܐ ܐ݇ܢܵܫܵܐ ܡܸܢܵܘܟ̣ܘܿܢ ܒܸܢܛܵܪܵܐ ܝܠܹܗ ܢܵܡܘܿܣܵܐ. ܩܵܡܘܿܕܝܼ ܒܸܛܲܥܝܵܐ ܝܬܘܿܢ ܠܸܩܛܵܠܝܼ. 20ܓ̰ܘܼܘܸܒܠܹܗ ܟܸܢܫܵܐ: ܕܲܝܘܵܐ ܐܝܼܬ ܠܘܼܟܼ: ܡܵܢܝܼ ܒܸܛܲܥܝܵܐ ܝܠܹܗ ܠܸܩܛܵܠܘܼܟܼ. 21ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܵܝܗܝ: ܚܲܕَ ܦܘܼܠܚܵܢܵܐ ܥܒܸܕܠܝܼ: ܘܟܠܵܘܟ̣ܘܿܢ ܥܵܓ̰ܘܿܒܹܐ ܝܬܘܿܢ. 22ܣܵܒܵܒ ܕܐܵܗܵܐ ܡܘܼܫܹܐ ܝܘܼܗَܒܼܸܠܹܗ ܐܸܠܵܘܟ̣ܘܿܢ ܓܙܘܼܪܬܵܐ: ܠܵܐ ܣܵܒܵܒ ܕܡ̣ܢ ܡܘܼܫܹܐ ܝ݇ܠܵܗ̇: ܐܸܠܵܐ ܡ̣ܢ ܐܲܒ̣ܵـ̈ـܗܵܬܵܐ: ܘܒܫܲܒܬܵܐ ܟܹܐ ܓܵܙܪܝܼܬܘܿܢ ܠܒܲܪܢܵܫܵܐ. 23ܘܐܸܢ ܒܲܪܢܵܫܵܐ ܦܵܐܹܫ ܓܙܝܼܪܵܐ ܒܝܵܘܡܵܢܹ̈ܐ ܕܫܲܒܬܵܐ: ܕܠܵܐ ܦܵܐܹܫ ܫܸܪܝܵܐ ܢܵܡܘܿܣܵܐ ܕܡܘܼܫܹܐ: ܥܲܠܝܼ ܒܸܟܪܵܒܵܐ ܝܬܘܿܢ ܕܟܠܹܗ ܐ݇ܢܵܫܵܐ ܒܘܼܣܸܡܠܝܼ ܒܝܵܘܡܵܢܹ̈ܐ ܕܫܲܒܬܵܐ. 24ܠܵܐ ܕܵܝܢܝܼܬܘܿܢ ܒܚܙܵܝܬܵܐ ܕܦܵܬܵܐ: ܐܸܠܵܐ ܕܝܼܘܵܢ ܗܲܩ ܕܘܼܢܘܿܢ. 25ܘܐܵܡܪܝܼ ܗ݇ܘܵܘ ܐ݇ܢܵܫܹ̈ܐ ܡ̣ܢ ܐܘܿܪܸܫܠܸܡ: ܠܹܐ ܝܠܹܗ ܐܵܗܵܐ ܗ̇ܘ ܕܒܸܛܲܥܝܵܐ ܝܢܵܐ ܠܸܩܛܵܠܵܐ. 26ܘܗܵܐ: ܒܐܲܫܟܵܪܵܐ ܗܲܡܙܘܼܡܹܐ ܝܠܹܗ: ܘܡܸܢܕܝܼ ܠܹܐ ܝܢܵܐ ܒܹܐܡܵܪܵܐ ܐܸܠܹܗ: ܝܕܸܥܠܗܘܿܢ ܚܘܵܪ̈ܕܸܩܢܲܢ ܒܫܲܪܝܼܪܘܼܬܵܐ ܕܐܵܗܵܐ ܝܠܹܗ ܡܫܝܼܚܵܐ. 27ܐܸܠܵܐ ܠܐܵܗܵܐ ܟܹܐ ܝܲܕܥܵܚ ܡܐܲܝܟܵܐ ܝܠܹܗ: ܐܝܼܢܵܐ ܡܫܝܼܚܵܐ ܐܝܼܡܲܢ ܕܐܵܬܹܐ: ܐ݇ܢܵܫܵܐ ܠܹܐ ܝܵܕܸܥ ܡܐܲܝܟܵܐ ܝܠܹܗ. 28ܘܡܘܼܪܸܡܠܹܗ ܝܼܫܘܿܥ ܩܵܠܹܗ ܟܲܕ ܡܵܠܘܿܦܹܐ ܓܵܘ ܗܲܝܟܠܵܐ: ܘܐَܡܝܼܪܹܗ: ܘܐܸܠܝܼ ܒܝܼܕܵܥܝܵܐ ܝܬܘܿܢ: ܘܡܐܲܝܟܵܐ ܝܘܸܢ ܒܝܼܕܵܥܝܵܐ ܝܬܘܿܢ: ܘܡ̣ܢ ܓܵܢܝܼ ܠܵܐ ܐَܬܹܐܠܝܼ: ܐܸܠܵܐ ܫܲܪܝܼܪܵܐ ܝܠܹܗ ܗ̇ܘ ܕܫܘܼܕܪܸܢܹܗ: ܗ̇ܘ ܕܐܲܚܬܘܿܢ ܠܹܐ ܝܵܕܥܝܼܬܘܿܢ ܠܹܗ. 29ܐܵܢܵܐ ܟܹܐ ܝܵܕܥܸܢܗ: ܕܡ̣ܢ ܠܟܸܣܠܹܗ ܝܘܸܢ: ܘܗ̇ܘ ܫܘܼܕܪܸܢܹܗ. 30ܘܛܸܥܠܗܘܿܢ ܠܸܕܒ̣ܵܩܹܗ: ܘܠܵܐ ܐ݇ܢܵܫܵܐ ܕܪܹܠܹܗ ܥܲܠܘܼܗܝ ܐܝܼܕܵܬܹ̈ܐ: ܣܵܒܵܒ ܗܵܠܵܐ ܠܹܐ ܗ݇ܘܵܐ ܐܬܝܼܬܵܐ ܣܵܥܲܬܹܗ. 31ܐܝܼܢܵܐ ܪܵܒܵܐ ܡ̣ܢ ܟܸܢܫܵܐ ܗܘܼܡܸܢܗܘܿܢ ܒܝܹܗ ܘܐَܡܸܪܗܘܿܢ: ܡܫܝܼܚܵܐ ܐܝܼܡܲܢ ܕܐܵܬܹܐ: ܒܸܬ ܥܵܒܸܕ ܢܝܼܫܲܢܩܹ̈ܐ ܙܵܘܕܵܐ ܡ̣ܢ ܕܐܲܢܹܐ ܕܥܒ̣ܝܼܕܵܐ ܝܠܹܗ ܐܵܗܵܐ. 32ܘܫܡܸܥܠܗَܘܿܢ ܦܪ̈ܝܼܫܹܐ ܠܟܸܢܫܹ̈ܐ ܕܗܲܡܙܘܼܡܹܐ ܒܵܗَܣܹܗ ܐܲܢܹܐ: ܘܫܘܼܕܸܪܗܘܿܢ ܦܪ̈ܝܼܫܹܐ ܘܓܘܼܪ̈ܵܢܹܐ ܕܟܵܗܢܹ̈ܐ ܦܲܪ̈ܵܫܹܐ ܕܕܵܒ̣ܩܝܼ ܠܹܗ. 33ܘܐَܡܝܼܪܹܗ ܝܼܫܘܿܥ: ܚܲܕَܟ̰ܵܐ ܙܲܒ̣ܢܵܐ ܐ݇ܚܹܪ݇ܢܵܐ ܥܲܡܵܘܟ̣ܘܿܢ ܝܼܘܸܢ: ܘܒܹܐܙܵܠܵܐ ܝܘܸܢ ܠܟܸܣ ܕܗ̇ܘ ܕܫܘܼܕܪܸܢܹܗ. 34ܒܸܬ ܛܵܥܝܼܬܘܿܢ ܐܸܠܝܼ: ܘܠܹܐ ܡܲܫَܟ̰ܚܝܼܬܘܿܢ ܠܝܼ: ܘܐܲܝܟܵܐ ܕܐܵܢܵܐ ܝܘܸܢ: ܐܲܚܬܘܿܢ ܠܹܐ ܡܵܨܹܝܬܘܿܢ ܠܹܐܬܵܝܵܐ. 35ܐَܡܸܪܗܘܿܢ ܗܲܕܟ̣ܵܐ ܝܗَܘܼܕܵܝܹ̈ܐ ܒܓܵܢܵܝܗܝ: ܠܐܲܝܟܵܐ ܗܕܝܼܪܵܐ ܝܠܹܗ ܐܵܗܵܐ ܠܹܐܙܵܠܵܐ ܕܐܲܚܢܲܢ ܠܹܐ ܡܵܫَܟ̰ܚܵܚܠܹܗ: ܠܟܸܣ ܒܘܼܪ̈ܒܸܙܹܐ ܕܓܵܘ ܐܲܪ̈ܡܵܝܹܐ ܗܕܝܼܪܵܐ ܝܠܹܗ ܕܐܵܙܸܠ ܘܡܵܠܸܦ ܠܐܲܪ̈ܡܵܝܹܐ. 36 ܡܘܼܕܝܼ ܝ݇ܠܵܗ̇ ܐܵܗܵܐ ܗܹܡܸܙܡܵܢ ܕܐَܡܝܼܪܹܗ: ܒܸܬ ܛܵܥܝܼܬܘܿܢ ܐܸܠܝܼ: ܘܠܹܐ ܡܲܫَܟ̰ܚܝܼܬܘܿܢ ܠܝܼ: ܘܐܲܝܟܵܐ ܕܐܵܢܵܐ ܝܘܸܢ: ܐܲܚܬܘܿܢ ܠܹܐ ܡܵܨܹܝܬܘܿܢ ܠܹܐܬܵܝܵܐ. 37ܐܝܼܢܵܐ ܒܝܵܘܡܵܐ ܓܘܼܪܵܐ ܕܝܗ݇ܘܵܐ ܐَܚܵܪܵܝܵܐ ܕܥܹܐܕܵܐ: ܟܠܹܐܠܹܗ ܝܼܫܘܿܥ ܘܡܘܼܩܘܸܚܠܹܗ: ܒܹܐܡܵܪܵܐ: ܐܸܢ ܐ݇ܢܵܫܵܐ ܨܸܗَܝܵܐ ܝܠܹܗ: ܐܵܬܹܐ ܠܟܸܣܠܝܼ ܘܫܵܬܹܐ. 38ܟܠ ܡ̇ܢ ܕܗܲܡܸܢ ܒܝܼܝܼ: ܕܵܐܟ̣ܝܼ ܕܐَܡܸܪܗܘܿܢ ܟܬܵܒܹ̈ܐ: ܢܲܗܪ̈ܵܘܵܬܹܐ ܕܡ̈ܝܼܵܐ ܚܵܝܹ̈ܐ ܒܸܬ ܦܵܠܛܝܼ ܡ̣ܢ ܟܹܪَܣܹܗ. 39ܐܝܼܢܵܐ ܐܵܗܵܐ ܐَܡܝܼܪܹܗ ܒܘܼܬ ܪܘܼܚܵܐ: ܕܗܕܝܼܪܹܐ ܗ݇ܘܵܘ ܠܩܵܒ̇ܘܿܠܹܐ ܐܵܢܝܼ ܕܗܲܡܸܢܝܼ ܒܝܹܗ. ܣܵܒܵܒ ܗܵܠܵܐ ܠܹܐ ܗ݇ܘܵܐ ܝܘܼܗَܒܼܸܠܬܵܐ ܪܘܼܚܵܐ: ܣܵܒܵܒ ܗܵܠܵܐ ܠܹܐ ܗ݇ܘܵܐ ܚܩܝܼܪܵܐ ܝܼܫܘܿܥ. 40ܐܝܼܢܵܐ ܚܲܕَܟܡܵܐ ܡ̣ܢ ܟܸܢܫܵܐ ܕܫܡܸܥܠܗَܘܿܢ ܐܲܢܹܐ ܗܹܡܸܙܡܵܢܹ̈ܐ ܐَܡܸܪܗܘܿܢ: ܐܵܗܵܐ ܝܠܹܗ ܒܫܲܪܝܼܪܘܼܬܵܐ ܗ̇ܘ ܢܒ̣ܝܼܵܐ. 41ܐ݇ܚܹܪ̈݇ܢܹܐ ܐَܡܸܪܗܘܿܢ: ܐܵܗܵܐ ܝܠܹܗ ܡܫܝܼܚܵܐ: ܐܝܼܢܵܐ ܐ݇ܚܹܪ̈݇ܢܹܐ ܐَܡܸܪܗܘܿܢ: ܩܵܡܘܿ: ܡ̣ܢ ܓܠܝܼܠܵܐ ܒܸܬ ܐܵܬܹܐ ܡܫܝܼܚܵܐ. 42ܟܬܵܒ̣ܵܐ ܠܵܐ ܐَܡܝܼܪܹܗ: ܕܡ̣ܢ ܙܲܪܥܹܗ ܕܕܵܘܝܼܕ: ܘܡ̣ܢ ܒܹܝܬܠܚܸܡ: ܡܵܬܵܐ ܐܲܝܟܵܐ ܕܝܼܗ݇ܘܵܐ ܕܵܘܝܼܕ: ܒܹܐܬܵܝܵܐ ܝܠܹܗ ܡܫܝܼܚܵܐ. 43ܘܗَܘܹܐ ܠܵܗ̇ ܗܲܕܟ̣ܵܐ ܕܘܼܒܵܪܘܼܬܵܐ ܓܵܘ ܟܸܢܫܵܐ ܣܵܒܵܒ ܕܝܹܗ. 44ܘܐܝܼܬ ܗ݇ܘܵܘ ܐ݇ܢܵܫܹ̈ܐ ܡܸܢܵܝܗܝ ܕܒܥܹܐܠܗܘܿܢ ܕܕܵܒ̣ܩܝܼ ܠܹܗ: ܐܸܠܵܐ ܠܵܐ ܐ݇ܢܵܫܵܐ ܕܪܹܠܹܗ ܥܲܠܘܼܗܝ ܐܝܼܕܵܬܹ̈ܐ. 45ܘܐ݇ܬܹܐܠܗܘܿܢ ܦܲܪ̈ܵܫܹܐ ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ ܘܦܪ̈ܝܼܫܹܐ: ܘܐَܡܸܪܗܘܿܢ ܐܸܠܵܝܗܝ: ܩܵܡܘܿܕܝܼ ܠܵܐ ܡܘܼܬَܝܹܠܵܘܟ̣ܘܿܢ ܐܸܠܹܗ. 46ܓ̰ܘܼܘܸܒܠܗܘܿܢ ܦܲܪ̈ܵܫܹܐ: ܗܲܪ ܠܵܐ ܗܘܼܡܙܸܡܠܹܗ ܒܲܪܢܵܫܵܐ ܗܲܕܟ̣ܵܐ 47ܐܝܟ ܕܐܵܗܵܐ. ܐܵܡܪܝܼ ܐܸܠܵܝܗܝ ܦܪ̈ܝܼܫܹܐ: ܐܘܼܦ ܐܲܚܬܘܿܢ ܚܠܸܛܠܵܘܟ̣ܘܿܢ. 48ܐ݇ܢܵܫܵܐ ܡ̣ܢ ܪܹ̈ܫܵܢܹܐ: ܝܲܢ ܡ̣ܢ ܦܪ̈ܝܼܫܹܐ: ܗܘܼܡܸܢܹܐ ܒܝܹܗ. 49ܐܸܠܵܐ ܐܵܗܵܐ ܛܵܝܸܦܵܐ ܕܠܹܐ ܝܠܹܗ ܒܝܼܕܵܥܝܵܐ ܢܵܡܘܿܣܵܐ: ܠܝܼܛܹ̈ܐ ܝܢܵܐ. 50ܐَܡܝܼܪܹܗ ܐܸܠܵܝܗܝ ܢܝܼܩܵܕܹܡܘܿܣ: ܚܲܕَ ܡܸܢܵܝܗܝ: ܗ̇ܘ ܕܐܬܝܼܵܐ ܗ݇ܘܵܐ ܠܟܸܣܠܹܗ ܡܩܵܕَܡܵܝܬܵܐ. 51ܢܵܡܘܿܣܵܐ ܕܝܲܢ ܟܹܐ ܥܵܒܸܕ ܓܘܼܢܵܗܟܵܪ ܠܚܲܕَ ܐ݇ܢܵܫܵܐ: ܡܵܓܲܪ ܫܵܡܹܥ ܡܸܢܹܗ ܩܵܕَܡܵܝܬܵܐ ܘܝܵܕܸܥ ܡܘܼܕܝܼ ܥܒܸܕܠܹܗ. 52ܓ̰ܘܼܘܸܒܠܗܘܿܢ ܘܐَܡܸܪܗܘܿܢ ܐܸܠܹܗ: ܐܘܼܦ ܐܲܢَܬ ܡ̣ܢ ܓܠܝܼܠܵܐ ܝܘܸܬ: ܨܲܚܨܝܼ؛ ܘܚܙܝܼ ܕܢܒ̣ܝܼܵܐ ܡ̣ܢ ܓܠܝܼܠܵܐ ܠܹܐ ܩܵܝܸܡ. 53 ܘܐَܙܸܠܹܗ ܗܲܕܟ̣ܵܐ ܟܠ ܚܲܕَ ܠܒܲܝܬܹܗ.