1ܒܲܣ ܒܹܐܡܵܪܵܐ ܝܘܸܢ؛ ܟ̰ܘܼܡܟ̰ܸܡܠܹܗ ܐܲܠܵܗܵܐ ܠܛܵܝܸܦܹܗ؛ ܚܵܣ ܠܝܼ. ܣܵܒܵܒ ܐܘܼܦ ܐܵܢܵܐ ܡ̣ܢ ܝܼܣܪܵܝܹܠ ܝܼܘܸܢ؛ ܡ̣ܢ ܙܲܪܥܹܗ ܕܐܲܒܼܪܵܗܵܡ؛ ܡ̣ܢ ܐܘܼܓ̰ܵܓܼ ܕܒܸܢܝܵܡܝܼܢ. 2ܠܵܐ ܟ̰ܘܼܡܟ̰ܸܡܠܹܗ ܐܲܠܵܗܵܐ ܠܛܵܝܸܦܹܗ؛ ܗ̇ܘ ܕܡ̣ܢ ܩܵܕَܡܵܝܬܵܐ ܝܕܸܥܝܵܐ ܗَܘܵܐ ܐܸܠܹܗ. ܝܲܢ ܠܹܐ ܝܬܘܿܢ ܒܝܼܕܲܥܝܵܐ ܒܐܹܠܝܼܵܐ؛ ܟܬܵܒܼܵܐ ܡܘܼܕܝܼ ܐَܡܝܼܪܹܗ؛ ܟܲܕ ܒܸܩܒܼܵܠܵܐ ܗَܘܵܐ ܠܐܲܠܵܗܵܐ ܥܲܠ ܝܼܣܪܵܝܹܠ؛ ܘܒܹܐܡܵܪܵܐ؛ 3ܡܵܪܝܼ؛ ܠܢܒܼܝܼܘܼ̈ܟ ܩܛܸܠܘܿܢ؛ ܘܠܡܲܕܒܚܘܼ̈ܟ ܬܠܸܚܠܘܿܢ؛ ܘܐܵܢܵܐ ܒܢܲܦ̮ܫܝܼ ܦܸܫܠܝܼ ܫܒܼܝܼܩܵܐ؛ ܘܒܸܛܲܥܝܵܐ ܝܢܵܐ ܠܓܵܢܝܼ. 4ܐܸܠܵܐ ܡܘܼܕܝܼ ܐَܡܝܼܪܹܗ ܐܸܠܹܗ ܓܸܠܝܵܢܵܐ؛ ܫܒܼܸܩܠܝܼ ܠܓܵܢܝܼ ܫܲܒܼܥܵܐ ܐܲܠܦܹ̈ܐ ܐَܢܵܫܹ̈ܐ؛ ܐܵܢܝܼ ܕܠܵܐ ܒܪܸܟܠܘܿܢ ܒܘܼܪܟܵܐ ܠܒܲܥܠܵܐ. 5ܗܲܕܟܼܵܐ ܐܘܼܦ ܒܐܵܗܵܐ ܙܲܒܼܢܵܐ؛ ܣܵܡܵܐ ܦܝܼܫܵܐ ܐܝܼܬ ܒܓܵܒܵܝܬܵܐ ܕܫܵܦܵܩܲܬ. 6ܐܝܼܢܵܐ ܐܸܢ ܒܫܵܦܵܩܲܬ؛ ܠܹܐ ܝَܠܵܗ̇ ܐَܚܹܪَܢܵܐ ܡ̣ܢ ܦܘܼܠܚܵܢܹ̈ܐ؛ ܘܐܸܢ ܠܵܐ؛ ܫܵܦܵܩܲܬ ܠܹܐ ܝَܠܵܗ̇ ܫܵܦܵܩܲܬ. ܐܝܼܢܵܐ ܐܸܢ ܒܦܘܼܠܚܵܢܹ̈ܐ؛ ܠܹܐ ܝَܠܵܗ̇ ܐَܚܹܪَܢܵܐ ܫܵܦܵܩܲܬ؛ ܘܐܸܢ ܠܵܐ؛ ܦܘܼܠܚܵܢܵܐ ܠܹܐ ܝܠܹܗ ܦܘܼܠܚܵܢܵܐ. 7ܒܲܣ ܡܘܼܕܝܼ؛ ܗ̇ܝ ܕܛܸܥܠܹܐ ܐܸܠܵܗܿ ܝܼܣܪܵܝܹܠ ܠܵܐ ܡܘܼܫَܟ̰ܸܚܠܹܗ؛ ܐܝܼܢܵܐ ܓܵܒܵܝܬܵܐ ܡܘܼܫَܟ̰ܸܚܠܵܗ؛ ܘܐܵܢܝܼ ܐَܚܹܪَ̈ܢܹܐ ܦܸܫܠܗَܘܿܢ ܡܘܼܩܫܝܹܐ؛ 8ܕܵܐܟܼܝܼ ܕܝܼܠܵܗ̇ ܟܬܝܼܒܼܵܐ؛ ܕܝܘܼܗَܒܼܸܠܹܗ ܐܸܠܵܝܗܝ ܐܲܠܵܗܵܐ ܪܘܼܚܵܐ ܕܫܸܢܬܵܐ ܝܵܩܘܿܪܬܵܐ؛ ܥܲܝܢܹ̈ܐ ܕܠܵܐ ܚܵܙܝܼ؛ ܘܢܵܬܝܵܬܹ̈ܐ ܕܠܵܐ ܫܲܡܥܝܼ؛ ܗܲܠ ܝܵܘܡܵܐ ܕܐܸܕܝܘܿܡ. 9ܘܕܵܘܝܼܕ ܐَܡܝܼܪܹܗ؛ ܗܵܘܹܐ ܨܘܼܦܪܵܝܗܝ ܠܟ̰ܘܼܪܸܬܡܵܐ ܘܠܢܸܫܒܼܵܐ؛ ܘܠܬܘܼܪܩܵܠܵܐ؛ ܘܠܦܘܼܪܥܵܢܵܐ ܐܸܠܵܝܗܝ؛ 10ܚܵܒܼܝܼ ܥܲܝܢܵܝ̈ܗܝ ܕܠܵܐ ܚܵܙܝܼ؛ ܘܠܚܵܨܵܝܗܝ ܒܟܠ ܙܲܒܼܢܵܐ ܡܟܸܦ. 11ܐܝܼܢܵܐ ܒܹܐܡܵܪܵܐ ܝܘܸܢ ܬܘܼܪܩܸܠܘܿܢ ܕܢܵܦܠܝܼ؛ ܚܵܣ ܠܝܼ. ܐܸܠܵܐ ܒܬܲܪܩܲܠܬܵܐ ܕܝܼܵܝܗܝ ܗَܘܹܠܘܢ ܚܲܝܹ̈ܐ ܠܛܵܝܸܦܹ̈ܐ؛ ܠܡܲܥܒܼܘܼܪܵܝܗܝ ܒܩܲܝܪܲܬ. 12ܘܐܸܢ ܬܲܪܩܲܠܬܵܝܗܝ ܗَܘܹܐܠܵܗ̇ ܕܵܘܸܠܬܵܐ ܠܥܵܠܡܵܐ؛ ܘܚܘܼܣܪܵܢܵܝܗܝ ܕܵܘܸܠܬܵܐ ܠܛܵܝܸܦܹ̈ܐ؛ ܒܲܣ ܟܡܵܐ ܙܵܘܕܵܐ ܬܲܡܵܡܵܬܘܼܬܵܝܗܝ؛ 13ܐܝܼܢܵܐ ܐܸܠܵܘܟܼܘܿܢ ܒܹܐܡܵܪܵܐ ܝܘܸܢ؛ ܠܛܵܝܸܦܹ̈ܐ. ܣܵܒܵܒ ܕܫܠܝܼܚܵܐ ܝܘܸܢ ܛܵܝܸܦܹ̈ܐ؛ ܠܚܸܠܡܲܬܝܼ ܒܸܚܩܵܪܵܐ ܝܘܸܢ؛ 14ܕܩܵܘܵܡܵܐ ܡܲܥܒܼܸܪܸܢ ܒܩܲܝܪܲܬ (ܠܒܢܲܝ̈) ܒܸܣܪܝܼ؛ ܘܦܵܪܩܸܢ ܐَܢܵܫܹ̈ܐ ܡܸܢܵܝܗܝ. 15ܣܵܒܵܒ ܐܸܢ ܡܲܣܠܵܝܬܵܝܗܝ ܗَܘܹܐܠܵܗ̇ ܣܲܙܓܲܪܬܵܐ ܕܥܵܠܡܵܐ؛ ܡܘܕܝܼ ܩܵܒܲܠܬܵܝܗܝ؛ ܐܸܢ ܠܵܐ ܚܲܝܹ̈ܐ ܕܡ̣ܢ ܡܝܼܬܹ̈ܐ؛ 16ܐܝܼܢܵܐ ܐܸܢ ܢܘܼܒܲܪܠܸܓܼ (ܛܥܘܼܢܬܵܐ ܩܲܕَܡܵܝܬܵܐ) ܕܟܼܝܼܬܵܐ ܝَܠܵܗ̇؛ ܐܘܼܦ ܓܒܼܝܼܠܬܵܐ؛ ܘܐܸܢ ܥܸܩܪܵܐ ܕܸܟܼܝܵܐ ܝܠܹܗ؛ ܐܘܼܦ ܦܲܥܘܵܢܹ̈ܐ. 17ܘܐܸܢ ܡ̣ܢ ܦܲܥܘܵܢܹ̈ܐ ܦܸܫܠܗَܘܿܢ ܟ̰ܠܝܼܦܹܐ؛ ܘܐܲܢَܬ؛ ܕܝܼܘܹܬ ܙܲܝܬܵܐ ܕܒܲܪܝܼܵܐ؛ ܦܸܫܠܘܼܟܼ ܥܒܼܝܼܕܵܐ ܦܲܝܒܼܲܢܕ ܓܵܘܵܝܗܝ؛ ܘܗَܘܹܠܘܼܟܼ ܫܲܪܝܼܟܵܐ ܠܥܸܩܪܵܐ ܘܛܪܝܼܨܘܼܬܵܐ ܕܙܲܝܬܵܐ؛ 18ܠܵܐ ܚܵܬܪܸܬ ܥܲܠ ܦܲܥܘܵܢܹ̈ܐ؛ ܐܝܼܢܵܐ ܐܸܢ ܚܵܬܪܸܬ؛ ܐܲܢَܬ ܠܹܐ ܝܘܸܬ ܛܥܝܼܢܵܐ ܠܥܸܩܪܵܐ؛ ܐܸܠܵܐ ܥܸܩܪܵܐ ܐܸܠܘܼܟܼ. 19ܒܲܣ ܒܸܬ ܐܵܡܪܸܬ؛ ܦܲܥܘܵܢܹ̈ܐ ܦܸܫܠܘܼܢ ܟ̰ܠܝܼܦܹܐ؛ ܕܐܵܢܵܐ ܦܵܝܫܸܢ ܥܒܼܝܼܕܵܐ ܦܲܝܒܼܲܢܕ. 20ܨܦܵܝܝ؛ ܐܲܢܹܐ ܣܵܒܵܒ ܕܠܵܐ ܗܘܼܡܸܢܘܿܢ ܦܸܫܠܗَܘܿܢ ܬܒܼܝܼܪܹܐ؛ ܘܐܲܢَܬ ܒܗܲܝܡܵܢܘܼܬܵܐ ܟܸܠܝܵܐ ܝܘܸܬ. ܠܵܐ ܪܵܝܡܸܬ ܒܚܝܼܵܠܘܼܟܼ؛ ܐܸܠܵܐ ܙܕܸܥܝܼ. 21ܣܵܒܵܒ ܐܸܢ ܐܠܵܗܵܐ ܦܲܥܘܵܢܹ̈ܐ ܕܡ̣ܢ ܐܲܨܠܵܝܗܝ ܠܵܐ ܐَܬܹܐܠܵܗ ܠܹܗ ܡܘܼܚܲܒܢܵܝܗܝ؛ ܩܵܘܡܵܐ ܐܘܼܦ ܥܲܠܘܼܟܼ ܠܵܐ ܐܵܬܝܵܐ ܠܹܗ ܡܘܼܚܲܒܢܘܼܟ. 22ܚܙܝܼ ܗܲܕܟܼܵܐ ܒܵܣܝܼܡܘܼܬܹܗ ܘܩܸܫܝܘܼܬܹܗ ܕܐܲܠܵܗܵܐ؛ ܥܲܠ ܕܐܵܢܝܼ ܕܢܦܸܠܘܿܢ؛ ܩܸܫܝܘܼܬܵܐ؛ ܐܝܼܢܵܐ ܥܲܠܘܿܟ؛ ܒܵܣܝܼܡܘܼܬܵܐ؛ ܐܸܢ ܥܲܪܩܸܠܸܬ ܗܲܪ ܒܗ̇ܝ ܒܵܣܝܼܡܘܼܬܵܐ؛ ܘܐܸܢ ܠܵܐ؛ ܐܘܼܦ ܐܲܢَܬ ܒܸܬ ܦܵܝܫܸܬ ܟ̰ܠܝܼܦܵܐ. 23ܘܐܵܢܝܼ ܐܸܢ ܠܵܐ ܥܲܪܩܸܠܝܼ ܒܠܵܐ ܗܲܝܡܵܢܘܼܬܵܝܗܝ؛ ܐܘܼܦ ܐܵܢܝܼ ܒܸܬ ܦܵܝܫܝܼ ܥܒܼܝܼܕܹܐ ܦܲܝܒܲܢܕ؛ ܣܵܒܵܒ ܕܟܹܐ ܡܵܨܹܐ ܐܲܠܵܗܵܐ ܕܡܸܢَܕܪܸܫَ ܥܵܒܸܕ ܠܗَܘܿܢ ܦܲܝܒܲܢܕ. 24ܣܵܒܵܒ ܐܸܢ ܐܲܢَܬ ܦܸܫܠܘܿܟܼ ܦܪܝܼܡܵܐ ܡ̣ܢ ܙܲܝܬܵܐ ܕܒܐܲܨܠܘܼܗܿ ܕܒܲܪܝܼܵܐ ܝَܠܵܗ̇؛ ܘܕܲܪܩܘܼܒܼܠ ܕܐܲܨܠܵܐ ܦܸܫܠܘܼܟܼ ܥܒܼܝܼܕܵܐ ܦܲܝܒܲܢܕ ܒܙܲܝܬܵܐ ܨܦܵܝܝ؛ ܒܲܣ ܟܡܵܐ ܙܵܘܕܵܐ ܐܵܢܝܼ ܕܒܐܲܨܠܵܐ ܝܢܵܐ ܒܸܬ ܦܵܝܫܝܼ ܥܒܼܝܼܕܹܐ ܦܲܝܒܲܢܕ ܒܙܲܝܬܵܐ ܕܐܲܨܠܵܝ؛ 25ܣܵܒܵܒ ܒܸܒܲܥܝܵܐ ܝܘܸܢ ܕܝܲܕܥܝܼܬܘܿܢ؛ ܐܵܚܘܿܢܘܵܬܝܼ̈؛ ܐܵܗܵܐ ܣܸܪ؛ ܕܠܵܐ ܗܵܘܝܼܬܘܿܢ ܥܵܩܸܠܕܵܕܹ̈ܐ ܒܚܝܼܵܠ ܕܓܵܢܘܟܼܘܿܢ؛ ܕܩܫܵܝܬܵܐ ܒܚܲܕَ ܣܵܡܵܐ ܗَܘܹܐܠܵܗ̇ ܠܝܼܣܪܵܝܹܠ؛ ܗܲܠ ܕܥܵܒܼܪܵܐ ܬܲܡܵܡܵܬܘܼܬܵܐ ܕܛܵܝܸܦܹ̈ܐ؛ 26ܘܗܲܕܟܼܵܐ ܟܠܹܗ ܝܼܣܪܵܝܹܠ ܒܸܬ ܚܲܝܹܐ؛ ܕܵܐܟܼܝܼ ܕܝܼܠܹܗ ܟܬܝܼܒܼܵܐ؛ ܕܒܸܬ ܐܵܬܹܐ ܡ̣ܢ ܨܸܗܝܘܿܢ ܦܵܪܘܿܩܵܐ؛ ܘܒܸܬ ܡܲܕܸܪ ܥܵܘܠܵܐ ܡ̣ܢ ܝܲܥܩܘܿܒܼ؛ 27ܘܐܵܗܵܐ ܝܠܹܗ ܩܵܘܠܵܐ ܕܡ̣ܢ ܠܟܸܣܠܝܼ ܐܸܠܵܝܗܝ؛ ܐܝܼܡܲܢ ܕܡܲܚܠܸܥܢ ܚܛܵܗܵܝ̈ܗܝ. 28ܡ̣ܢ ܐܹܘܵܢܓܵܠܝܼܘܿܢ ܓܹܒܵܐ ܕܸܫܡܸܢܹ̈ܐ ܝܢܵܐ ܒܚܵܬܸܪ ܕܝܼܵܘܟܼܘܿܢ؛ ܐܝܼܢܵܐ ܡ̣ܢ ܓܵܒܵܝܬܵܐ؛ ܡܘܼܚܸܒܹ̈ܐ ܝܢܵܐ ܒܚܵܬܸܪ ܕܐܲܒܼܵܗܵܬܵܐ. 29ܣܵܒܵܒ ܐܲܠܵܗܵܐ ܠܹܐ ܕܵܝܸܪ ܒܚܲܠܥܲܬܹܗ ܘܒܩܪܵܝܬܹܗ. 30ܣܵܒܵܒ ܕܵܐܟܼܝܼ ܕܐܘܼܦ ܐܲܚܬܘܿܢ ܠܹܐ ܡܲܨܝܸܬܝܼܬܘܿܢ ܗَܘܵܘ ܠܐܲܠܵܗܵܐ ܩܵܕَܡܵܝܬܵܐ؛ ܘܐܵܕܝܼܵܐ ܦܸܫܠܵܘܟܼܘܿܢ ܟܘܼܪܡܸܢܹܗ ܒܠܵܐ ܡܲܨܝܲܬܬܵܐ ܕܐܵܢܝܼ؛ 31ܗܲܕܟܼܵܐ ܐܘܼܦ ܐܵܢܝܼ ܐܵܕܝܼܵܐ ܠܵܐ ܡܘܼܨܝܸܬܠܘܿܢ؛ ܕܒܪܲܚܡܹܐ ܕܥܲܠܵܘܟܼܘܿܢ ܐܘܼܦ ܥܲܠܵܝܗܝ ܗܵܘܝܼ ܪܲܚܡܹܐ. 32ܣܵܒܵܒ ܕܚܒܸܫܠܹܗ ܐܲܠܵܗܵܐ ܠܟܠ ܐَܢܵܫܵܐ ܒܠܵܐ ܡܲܨܝܲܬܝܵܐ؛ ܕܥܲܠ ܟܠ ܐَܢܵܫܵܐ ܥܵܒܸܕ ܪܲܚܡܹܐ. 33ܝܵܐ ܥܘܼܡܩܵܐ ܕܕܵܘܸܠܬܵܐ ܘܥܵܩܸܠܕܵܪܘܼܬܵܐ ܘܝܕܸܥܬܵܐ ܕܐܲܠܵܗܵܐ. ܠܲܝܬ ܬܲܦ̮ܬܲܫܬܵܐ ܕܝܼܘܵܢܘܼ̈ܗܝ؛ ܘܐܘܼܪ̈ܚܵܬܹܗ ܠܹܐ ܐܵܬܝܼ ܠܨܲܚܨܘܼܝܹܐ. 34ܣܵܒܵܒ ܡܵܢܝܼ ܝܕܸܥܝܵܐ ܝܠܹܗ ܚܝܼܵܠܹܗ ܕܡܵܪܝܵܐ؛ ܝܲܢ ܡܵܢܝܼ ܗَܘܹܐ ܠܹܗ ܐܸܠܹܗ ܥܵܒܼܕܵܢܵܐ ܕܪܵܐܝܝܼ؛ 35ܝܲܢ ܡܵܢܝܼ ܩܵܕَܡܵܝܬܵܐ ܝܘܼܗَܒܼܸܠܹܗ ܐܸܠܹܗ؛ ܘܡܸܢَܕܪܸܫَ ܒܸܬ ܦܵܝܸܫ ܦܸܪܥܝܵܐ ܐܸܠܹܗ؛ 36ܣܵܒܵܒ ܕܟܠ ܡܸܢܹܗ ܝܠܹܗ؛ ܘܟܠ ܒܝܹܗ؛ ܘܟܠ ܐܸܠܹܗ ܬܸܫܒܘܿܚܬܵܐ ܠܥܵܠܲܡ ܥܵܠܡܝܼܢ؛ ܐܵܡܹܝܢ.