1ܒܲܣ ܦܲܪܦܘܼܠܹܐ ܝܘܸܢ ܒܝܼܵܘܟܼܘܿܢ؛ ܐܵܚܘܿܢܘܵܬܝܼ̈؛ ܒܪܲܚܡܹܐ ܕܐܲܠܵܗܵܐ؛ ܕܡܲܟܠܝܼܬܘܿܢ ܦܲܓܼܪ̈ܘܿܟܼܘܿܢ ܕܸܒܼܚܬܵܐ ܚܵܝܬܵܐ ܘܩܲܕܝܼܫܬܵܐ ܘܡܲܩܒܘܼܠ ܠܐܲܠܵܗܵܐ؛ ܕܝܼܠܵܗ̇ ܚܸܠܡܲܬܵܘܟܼܘܿܢ ܡܵܪܹܐ ܗܵܘܢܵܐ. 2ܘܠܵܐ ܦܵܝܫܝܼܬܘܿܢ ܡܘܼܕܡܝܹܐ ܠܐܵܗܵܐ ܥܵܠܡܵܐ؛ ܐܸܠܵܐ ܦܘܼܫܘܿܢ ܫܘܼܚܠܸܦܹܐ ܒܚܲܕܲܬܬܵܐ ܕܚܝܼܵܠܵܘ̈ܟܼܘܿܢ؛ ܕܗܵܘܝܼܬܘܿܢ ܒܸܦܪܵܫܵܐ ܡܘܼܕܝܼ ܝܠܹܗ ܪܸܙܵܝܹܗ ܕܐܲܠܵܗܵܐ؛ ܛܵܒܼܵܐ؛ ܘܡܲܩܒܘܼܠ؛ ܘܬܲܡܵܡ. 3ܣܵܒܵܒ ܕܒܹܐܡܵܪܵܐ ܝܘܸܢ؛ ܒܫܵܦܵܩܲܬ ܕܦܸܫܠܵܗ̇ ܝܘܼܗَܒܼܸܠܬܵܐ ܐܸܠܝܼ ܠܟܠ ܐَܢܵܫܵܐ ܕܝܼܠܹܗ ܓܵܘܵܘܟܼܘܿܢ؛ ܠܵܐ ܗܵܘܝܼܬܘܿܢ ܒܸܚܫܵܒܼܵܐ ܙܵܘܕܵܐ ܡ̣ܢ ܕܘܵܓ̰ܸܒ ܝܼܠܹܗ ܕܚܵܫܒܼܝܼܬܘܿܢ؛ ܐܸܠܵܐ ܗܵܘܝܼܬܘܿܢ ܒܸܚܫܵܒܼܵܐ ܒܢܲܟܼܦܘܼܬܵܐ؛ ܟܠ ܐَܢܵܫܵܐ ܐܲܝܟܼ ܕܦܘܼܠܹܠܹܗ ܐܸܠܹܗ ܐܲܠܵܗܵܐ ܟܝܼܘܼܠܵܐ ܕܗܲܝܡܵܢܘܼܬܵܐ. 4ܣܵܒܵܒ ܕܵܐܟܼܝܼ ܕܒܚܲܕَ ܦܲܓܼܪܵܐ ܪܵܒܵܐ ܗܲܕܵܡܹ̈ܐ ܐܝܼܬ ܠܲܢ؛ ܘܟܠܵܝܗܝ ܗܲܕܵܡܹ̈ܐ ܠܲܝܬ ܠܗَܘܿܢ ܗܲܪ ܚܲܕَ ܫܘܼܠܵܐ؛ 5ܗܲܕܟܼܵܐ ܐܘܼܦ ܐܲܚܢܲܢ ܕܪܵܒܵܐ ܝܘܵܚ؛ ܚܲܕَ ܦܲܓܼܪܵܐ ܝܘܵܚ ܒܡܫܝܼܚܵܐ؛ ܘܗܲܕܵܡܹ̈ܐ ܕܚܲܕَ ܕܗܵܘ ܐَܚܹܪَܢܵܐ. 6ܐܸܠܵܐ ܐܝܼܬ ܠܲܢ ܚܲܠܥܲܬܹ̈ܐ ܬܵܗܵܪܹ̈ܐ ܬܵܗܵܪܹ̈ܐ؛ ܐܲܝܟܼ ܫܵܦܵܩܲܬ ܕܦܸܫܠܵܗ̇ ܝܘܼܗَܒܼܸܠܬܵܐ ܐܸܠܲܢ؛ ܐܸܢ ܕܢܒܼܝܼܘܼܬܵܐ؛ (ܢܵܒܵܚ) ܐܲܝܟܼ ܟܝܼܘܼܠܵܐ ܕܗܲܝܡܵܢܘܼܬܲܢ؛ 7ܘܐܸܢ ܕܚܸܠܡܲܬ؛ (ܟܵܠܵܚ) ܒܚܸܠܡܲܬܲܢ؛ ܐܸܢ ܡܲܠܦܵܢܵܐ ܝܠܹܗ؛ ܒܝܘܼܠܦܵܢܹܗ؛ 8ܘܐܸܢ ܝܵܗَܒܼܵܢܵܐ ܕܠܸܒܵܐ ܝܠܹܗ؛ ܒܝܵܗܒܲܠܬܹܗ ܕܠܸܒܵܐ؛ ܗ̇ܘ ܕܝܵܗَܒܸܠ؛ ܒܦܫܝܼܛܘܼܬܵܐ؛ ܗ̇ܘ ܕܬܲܓܒܸܪ؛ ܒܚܵܒܵܛܘܼܬܵܐ؛ ܗ̇ܘ ܕܥܵܒܸܕ ܪܲܚܡܹܐ؛ ܒܦܨܝܼܚܘܼܬܵܐ. 9ܠܵܐ ܗܵܘܹܐ ܠܹܐܒܵܢܵܐ ܚܘܼܒܵܘܟܼܘܿܢ؛ ܐܸܠܵܐ ܗܵܘܝܼܬܘܿܢ ܒܸܣܢܵܝܵܐ ܠܒܝܼܫܬܵܐ ܘܒܸܬܒܲܥܝܵܐ ܠܛܵܒܼܵܬܵܐ. 10ܗܵܘܝܼܬܘܿܢ ܡܲܚܘܼܒܹܐ ܚܲܕَ ܠܗ̇ܘ ܐܚܸܪَܢܵܐ ܒܚܘܼܒܵܐ ܕܐܵܚܘܿܢܘܵܬܹ̈ܐ. ܗܵܘܝܼܬܘܿܢ ܩܵܕَܡܵܝܹ̈ܐ ܒܡܝܵܩܲܪܬܵܐ ܚܲܕَ ܠܗ̇ܘ ܐܚܸܪَܢܵܐ. 11ܗܵܘܝܼܬܘܿܢ ܚܵܒܿܛܵܢܹ̈ܐ؛ ܘܠܵܐ ܡܲܟܣܸܠܵܢܹ̈ܐ؛ ܗܵܘܝܼܬܘܿܢ ܒܸܪܬܵܚܵܐ ܒܪܘܼܚܵܐ؛ ܗܵܘܝܼܬܘܿܢ ܒܸܦܠܵܚܵܐ ܠܡܵܪܝܵܐ. 12ܗܵܘܝܼܬܘܿܢ ܒܸܚܕܵܝܵܐ ܒܗܹܒܼܝܼܵܘܟܼܘܿܢ؛ ܗܵܘܝܼܬܘܿܢ ܒܸܚܡܵܠܵܐ ܝܲܠܨܘܼܘܵܘ̈ܟܼܘܿܢ؛ ܗܵܘܝܼܬܘܿܢ ܕܵܝܸܡ ܒܨܠܘܿܬܵܐ؛ 13ܗܵܘܝܼܬܘܿܢ ܫܲܪܘܼܟܹܐ ܒܣܢܝܼܩܘܼܬܵܐ ܕܩܲܕܝܼܫܹ̈ܐ؛ ܗܵܘܝܼܬܘܿܢ ܡܲܚܘܼܒܹܐ ܠܢܘܼܟܼܪ̈ܵܝܹܐ. 14ܒܵܪܟܼܘܿܢ ܠܛܵܪ̈ܕܵܢܵܘܟܼܘܿܢ؛ ܒܵܪܟܼܘܿܢ؛ ܘܠܵܐ ܠܵܝܛܝܼܬܘܿܢ. 15ܚܕܹܐܡܘܿܢ ܥܲܡ ܕܐܵܢܝܼ ܕܚܵܕܝܼ؛ ܘܒܟܼܹܐܡܘܿܢ ܥܲܡ ܕܐܵܢܝܼ ܕܒܵܟܼܝܼ. 16ܚܫܘܿܒܼܘܿܢ ܗܲܪ ܚܲܕَ ܡܸܢܕܝܼ ܚܲܕَ ܠܟܸܣ ܗ̇ܘ ܐَܚܹܪَܢܵܐ. ܠܵܐ ܚܵܫܒܼܝܼܬܘܿܢ ܚܝܼܵܠ ܪܵܡܵܐ؛ ܐܸܠܵܐ ܬܒܹܥܡܘܿܢ ܠܐܵܢܝܼ ܕܝܼܢܵܐ ܡܲܟܝܼܟܹ̈ܐ؛ ܘܠܵܐ ܗܵܘܝܼܬܘܿܢ ܥܵܩܸܠܕܵܪܹ̈ܐ ܒܚܝܼܵܠ ܕܓܵܢܵܘܟܼܘܿܢ. 17ܠܵܐ ܦܲܪܥܝܼܬܘܿܢ ܠܐَܢܵܫܵܐ ܒܝܼܫܬܵܐ ܡܒܵܕܵܠ ܕܒܝܼܫܬܵܐ؛ ܐܸܠܵܐ ܐܵܟܼܠܝܼܬܘܿܢ ܚܲܡ ܠܫܘܼܠܹ̈ܐ ܫܵܦܝܼܪܹ̈ܐ ܩܵܕَܡ ܟܠܵܝܗܝ ܒܢܲܝ̈ܢܵܫܵܐ. 18ܘܐܸܢ ܡܵܨܝܵܐ؛ ܟܡܵܐ ܕܡ̣ܢ ܠܟܸܣܠܵܘܟܼܘܿܢ ܗܵܘܝܵܐ؛ ܥܲܡ ܟܠ ܐَܢܵܫܵܐ ܒܫܲܝܢܵܐ ܗَܘܹܐܡܘܿܢ. 19ܘܠܵܐ ܗܵܘܝܼܬܘܿܢ ܒܸܫܩܵܠܵܐ ܬܘܼܥܠܵܐ ܕܓܵܢܵܘܟܼܘܿܢ؛ ܡܘܼܚܸܒܝܼ̈؛ ܐܸܠܵܐ ܗܲܒَܠܘܿܢ ܕܘܼܟܵܐ ܠܟܲܪܒܵܐ؛ ܣܵܒܵܒ ܕܟܬܝܼܒܼܵܐ ܝܠܹܗ؛ ܫܩܵܠܬܵܐ ܕܬܘܼܥܠܵܐ ܕܝܼܝܼ ܝَܠܵܗ̇؛ ܘܐܵܢܵܐ ܒܸܬ ܦܲܪܥܸܢ؛ ܒܹܐܡܵܪܵܐ ܝܠܹܗ ܡܵܪܝܵܐ. 20ܐܝܼܢܵܐ ܐܸܢ ܟܵܦܸܢ ܕܸܫܡܸܢܘܼܟ؛ ܡܵܐܟܼܸܠ ܠܹܗ؛ ܘܐܸܢ ܨܲܗَܝܹܐ؛ ܡܲܫܬܝܼ ܠܹܗ؛ ܣܵܒܵܒ ܐܸܢ ܐܲܢܹܐ ܥܵܒܼܕܸܬ ܐܸܠܹܗ؛ ܓܘܼܡܪܹ̈ܐ ܕܢܘܼܪܵܐ ܒܸܬ ܓ̰ܲܡܥܸܬ ܥܲܠ ܩܲܪܩܲܦܬܹܗ. 21ܠܵܐ ܓܼܵܠܒܵܐ ܠܘܼܟܼ ܒܝܼܫܬܵܐ؛ ܐܸܠܵܐ ܓܼܠܘܿܒ ܠܒܝܼܫܬܵܐ ܒܛܵܒܼܬܵܐ.